| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൮. അഗ്ഗിക്ഖന്ധോപമസുത്തവണ്ണനാ
8. Aggikkhandhopamasuttavaṇṇanā
൭൨. അട്ഠമം അത്ഥുപ്പത്തിയം കഥിതം. അത്ഥുപ്പത്തി പനസ്സ ഹേട്ഠാ ചൂളച്ഛരാസങ്ഘാതസുത്തവണ്ണനായ (അ॰ നി॰ അട്ഠ॰ ൧.൧.൫൧ ആദയോ) വിത്ഥാരിതാ ഏവ. പസ്സഥ നോതി പസ്സഥ നു. ആലിങ്ഗിത്വാതി ഉപഗൂഹിത്വാ. ഉപനിസീദേയ്യാതി സമീപേ നിസ്സായ നിസീദേയ്യ. ഉപനിപജ്ജേയ്യാതി ഉപഗന്ത്വാ നിപജ്ജേയ്യ. ആരോചയാമീതി ആചിക്ഖാമി. പടിവേദയാമീതി പടിവേദേത്വാ ജാനാപേത്വാ കഥേമി. വാലരജ്ജുയാതി അസ്സവാലഗോവാലേഹി വട്ടിതരജ്ജുയാ. പച്ചോരസ്മിന്തി ഉരമജ്ഝേ. ഫേണുദ്ദേഹകന്തി ഫേണം ഉദ്ദേഹിത്വാ, ഉസ്സാദേത്വാതി അത്ഥോ. അത്തത്ഥന്തി അത്തനോ ദിട്ഠധമ്മികസമ്പരായികലോകിയലോകുത്തരം അത്ഥം. പരത്ഥോഭയത്ഥേസുപി ഏസേവ നയോ. സേസമേത്ഥ യം വത്തബ്ബം സിയാ, തം സബ്ബം ചൂളച്ഛരാസങ്ഘാതസുത്തസ്സ (അ॰ നി॰ ൧.൫൧ ആദയോ) അത്ഥുപ്പത്തിയം കഥിതമേവ. ഇദഞ്ച പന സുത്തം കഥേത്വാ സത്ഥാ ചൂളച്ഛരാസങ്ഘാതസുത്തം കഥേസി. നവമം ഉത്താനത്ഥമേവ.
72. Aṭṭhamaṃ atthuppattiyaṃ kathitaṃ. Atthuppatti panassa heṭṭhā cūḷaccharāsaṅghātasuttavaṇṇanāya (a. ni. aṭṭha. 1.1.51 ādayo) vitthāritā eva. Passatha noti passatha nu. Āliṅgitvāti upagūhitvā. Upanisīdeyyāti samīpe nissāya nisīdeyya. Upanipajjeyyāti upagantvā nipajjeyya. Ārocayāmīti ācikkhāmi. Paṭivedayāmīti paṭivedetvā jānāpetvā kathemi. Vālarajjuyāti assavālagovālehi vaṭṭitarajjuyā. Paccorasminti uramajjhe. Pheṇuddehakanti pheṇaṃ uddehitvā, ussādetvāti attho. Attatthanti attano diṭṭhadhammikasamparāyikalokiyalokuttaraṃ atthaṃ. Paratthobhayatthesupi eseva nayo. Sesamettha yaṃ vattabbaṃ siyā, taṃ sabbaṃ cūḷaccharāsaṅghātasuttassa (a. ni. 1.51 ādayo) atthuppattiyaṃ kathitameva. Idañca pana suttaṃ kathetvā satthā cūḷaccharāsaṅghātasuttaṃ kathesi. Navamaṃ uttānatthameva.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൮. അഗ്ഗിക്ഖന്ധോപമസുത്തം • 8. Aggikkhandhopamasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൮-൯. അഗ്ഗിക്ഖന്ധോപമസുത്താദിവണ്ണനാ • 8-9. Aggikkhandhopamasuttādivaṇṇanā
