| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. аг̇г̇исуд̇д̇ам̣
3. Aggisuttaṃ
234. ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇ияам̣ бин̣д̣ааяа бависим̣су . (барияааяасуд̇д̇асад̣̇исам̣).
234. Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiyaṃ piṇḍāya pavisiṃsu . (Pariyāyasuttasadisaṃ).
‘‘звам̣ваад̣̇ино, бхигкавз, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘яасмим̣, аавусо, самаяз лийнам̣ жид̇д̇ам̣ ход̇и, гад̇амзсам̣ д̇асмим̣ самаяз б̣ож̇жхан̇г̇аанам̣ агаало бхааванааяа, гад̇амзсам̣ д̇асмим̣ самаяз б̣ож̇жхан̇г̇аанам̣ гаало бхааванааяа? яасмим̣ банаавусо, самаяз уд̣̇д̇хад̇ам̣ жид̇д̇ам̣ ход̇и, гад̇амзсам̣ д̇асмим̣ самаяз б̣ож̇жхан̇г̇аанам̣ агаало бхааванааяа, гад̇амзсам̣ д̇асмим̣ самаяз б̣ож̇жхан̇г̇аанам̣ гаало бхааванааяаа’д̇и? звам̣ будтаа , бхигкавз, ан̃н̃ад̇ид̇т̇ияаа бариб̣б̣ааж̇агаа на жзва самбааяиссанд̇и, уд̇д̇арин̃жа вигхаад̇ам̣ аабаж̇ж̇иссанд̇и. д̇ам̣ гисса хзд̇у? яат̇аа д̇ам̣, бхигкавз, ависаяасмим̣.
‘‘Evaṃvādino, bhikkhave, aññatitthiyā paribbājakā evamassu vacanīyā – ‘yasmiṃ, āvuso, samaye līnaṃ cittaṃ hoti, katamesaṃ tasmiṃ samaye bojjhaṅgānaṃ akālo bhāvanāya, katamesaṃ tasmiṃ samaye bojjhaṅgānaṃ kālo bhāvanāya? Yasmiṃ panāvuso, samaye uddhataṃ cittaṃ hoti, katamesaṃ tasmiṃ samaye bojjhaṅgānaṃ akālo bhāvanāya, katamesaṃ tasmiṃ samaye bojjhaṅgānaṃ kālo bhāvanāyā’ti? Evaṃ puṭṭhā , bhikkhave, aññatitthiyā paribbājakā na ceva sampāyissanti, uttariñca vighātaṃ āpajjissanti. Taṃ kissa hetu? Yathā taṃ, bhikkhave, avisayasmiṃ.
‘‘наахам̣ д̇ам̣, бхигкавз, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яо имзсам̣ бан̃хаанам̣ взяяаагаран̣зна жид̇д̇ам̣ аараад̇хзяяа, ан̃н̃ад̇ра д̇ат̇ааг̇ад̇зна ваа д̇ат̇ааг̇ад̇асаавагзна ваа ид̇о ваа бана суд̇ваа.
‘‘Nāhaṃ taṃ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo imesaṃ pañhānaṃ veyyākaraṇena cittaṃ ārādheyya, aññatra tathāgatena vā tathāgatasāvakena vā ito vā pana sutvā.
‘‘яасмим̣, бхигкавз, самаяз лийнам̣ жид̇д̇ам̣ ход̇и, агаало д̇асмим̣ самаяз бассад̣̇д̇хисамб̣ож̇жхан̇г̇асса бхааванааяа, агаало самаад̇хисамб̣ож̇жхан̇г̇асса бхааванааяа, агаало убзгкаасамб̣ож̇жхан̇г̇асса бхааванааяа. д̇ам̣ гисса хзд̇у? лийнам̣, бхигкавз, жид̇д̇ам̣ д̇ам̣ зд̇зхи д̇хаммзхи д̣̇уссамудтаабаяам̣ ход̇и.
‘‘Yasmiṃ, bhikkhave, samaye līnaṃ cittaṃ hoti, akālo tasmiṃ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya. Taṃ kissa hetu? Līnaṃ, bhikkhave, cittaṃ taṃ etehi dhammehi dussamuṭṭhāpayaṃ hoti.
‘‘сзяяат̇ааби, бхигкавз, бурисо барид̇д̇ам̣ аг̇г̇им̣ уж̇ж̇аалзд̇угаамо асса. со д̇ад̇т̇а аллаани жзва д̇ин̣аани багкибзяяа, аллаани жа г̇омаяаани багкибзяяа, аллаани жа гадтаани багкибзяяа , уд̣̇агаваад̇ан̃жа д̣̇ад̣̇зяяа, бам̣сугзна жа огирзяяа; бхаб̣б̣о ну ко со бурисо барид̇д̇ам̣ аг̇г̇им̣ уж̇ж̇аалид̇у’’нд̇и? ‘‘но хзд̇ам̣, бханд̇з’’.
‘‘Seyyathāpi, bhikkhave, puriso parittaṃ aggiṃ ujjāletukāmo assa. So tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya , udakavātañca dadeyya, paṃsukena ca okireyya; bhabbo nu kho so puriso parittaṃ aggiṃ ujjālitu’’nti? ‘‘No hetaṃ, bhante’’.
‘‘звамзва ко, бхигкавз, яасмим̣ самаяз лийнам̣ жид̇д̇ам̣ ход̇и, агаало д̇асмим̣ самаяз бассад̣̇д̇хисамб̣ож̇жхан̇г̇асса бхааванааяа, агаало самаад̇хисамб̣ож̇жхан̇г̇асса бхааванааяа, агаало убзгкаасамб̣ож̇жхан̇г̇асса бхааванааяа. д̇ам̣ гисса хзд̇у? лийнам̣, бхигкавз, жид̇д̇ам̣ д̇ам̣ зд̇зхи д̇хаммзхи д̣̇уссамудтаабаяам̣ ход̇и.
‘‘Evameva kho, bhikkhave, yasmiṃ samaye līnaṃ cittaṃ hoti, akālo tasmiṃ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya. Taṃ kissa hetu? Līnaṃ, bhikkhave, cittaṃ taṃ etehi dhammehi dussamuṭṭhāpayaṃ hoti.
‘‘яасмин̃жа ко, бхигкавз, самаяз лийнам̣ жид̇д̇ам̣ ход̇и, гаало д̇асмим̣ самаяз д̇хаммавижаяасамб̣ож̇жхан̇г̇асса бхааванааяа, гаало вийрияасамб̣ож̇жхан̇г̇асса бхааванааяа, гаало бийд̇исамб̣ож̇жхан̇г̇асса бхааванааяа. д̇ам̣ гисса хзд̇у? лийнам̣, бхигкавз, жид̇д̇ам̣ д̇ам̣ зд̇зхи д̇хаммзхи сусамудтаабаяам̣ ход̇и.
‘‘Yasmiñca kho, bhikkhave, samaye līnaṃ cittaṃ hoti, kālo tasmiṃ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya. Taṃ kissa hetu? Līnaṃ, bhikkhave, cittaṃ taṃ etehi dhammehi susamuṭṭhāpayaṃ hoti.
‘‘сзяяат̇ааби, бхигкавз, бурисо барид̇д̇ам̣ аг̇г̇им̣ уж̇ж̇аалзд̇угаамо асса. со д̇ад̇т̇а сугкаани жзва д̇ин̣аани багкибзяяа, сугкаани г̇омаяаани багкибзяяа, сугкаани гадтаани багкибзяяа, мукаваад̇ан̃жа д̣̇ад̣̇зяяа, на жа бам̣сугзна огирзяяа; бхаб̣б̣о ну ко со бурисо барид̇д̇ам̣ аг̇г̇им̣ уж̇ж̇аалид̇у’’нд̇и? ‘‘звам̣, бханд̇з’’.
‘‘Seyyathāpi, bhikkhave, puriso parittaṃ aggiṃ ujjāletukāmo assa. So tattha sukkhāni ceva tiṇāni pakkhipeyya, sukkhāni gomayāni pakkhipeyya, sukkhāni kaṭṭhāni pakkhipeyya, mukhavātañca dadeyya, na ca paṃsukena okireyya; bhabbo nu kho so puriso parittaṃ aggiṃ ujjālitu’’nti? ‘‘Evaṃ, bhante’’.
‘‘звамзва ко, бхигкавз, яасмим̣ самаяз лийнам̣ жид̇д̇ам̣ ход̇и, гаало д̇асмим̣ самаяз д̇хаммавижаяасамб̣ож̇жхан̇г̇асса бхааванааяа, гаало вийрияасамб̣ож̇жхан̇г̇асса бхааванааяа, гаало бийд̇исамб̣ож̇жхан̇г̇асса бхааванааяа. д̇ам̣ гисса хзд̇у? лийнам̣, бхигкавз, жид̇д̇ам̣ д̇ам̣ зд̇зхи д̇хаммзхи сусамудтаабаяам̣ ход̇и.
‘‘Evameva kho, bhikkhave, yasmiṃ samaye līnaṃ cittaṃ hoti, kālo tasmiṃ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya. Taṃ kissa hetu? Līnaṃ, bhikkhave, cittaṃ taṃ etehi dhammehi susamuṭṭhāpayaṃ hoti.
‘‘яасмим̣ , бхигкавз, самаяз уд̣̇д̇хад̇д̇ам̣ жид̇д̇ам̣ ход̇и, агаало д̇асмим̣ самаяз д̇хаммавижаяасамб̣ож̇жхан̇г̇асса бхааванааяа, агаало вийрияасамб̣ож̇жхан̇г̇асса бхааванааяа, агаало бийд̇исамб̣ож̇жхан̇г̇асса бхааванааяа. д̇ам̣ гисса хзд̇у? уд̣̇д̇хад̇ам̣, бхигкавз, жид̇д̇ам̣ д̇ам̣ зд̇зхи д̇хаммзхи д̣̇увуубасамаяам̣ ход̇и.
‘‘Yasmiṃ , bhikkhave, samaye uddhattaṃ cittaṃ hoti, akālo tasmiṃ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya. Taṃ kissa hetu? Uddhataṃ, bhikkhave, cittaṃ taṃ etehi dhammehi duvūpasamayaṃ hoti.
‘‘сзяяат̇ааби , бхигкавз, бурисо маханд̇ам̣ аг̇г̇игканд̇хам̣ ниб̣б̣аабзд̇угаамо асса. со д̇ад̇т̇а сугкаани жзва д̇ин̣аани багкибзяяа, сугкаани жа г̇омаяаани багкибзяяа, сугкаани жа гадтаани багкибзяяа, мукаваад̇ан̃жа д̣̇ад̣̇зяяа, на жа бам̣сугзна огирзяяа; бхаб̣б̣о ну ко со бурисо маханд̇ам̣ аг̇г̇игканд̇хам̣ ниб̣б̣аабзд̇у’’нд̇и? ‘‘но хзд̇ам̣, бханд̇з’’.
‘‘Seyyathāpi , bhikkhave, puriso mahantaṃ aggikkhandhaṃ nibbāpetukāmo assa. So tattha sukkhāni ceva tiṇāni pakkhipeyya, sukkhāni ca gomayāni pakkhipeyya, sukkhāni ca kaṭṭhāni pakkhipeyya, mukhavātañca dadeyya, na ca paṃsukena okireyya; bhabbo nu kho so puriso mahantaṃ aggikkhandhaṃ nibbāpetu’’nti? ‘‘No hetaṃ, bhante’’.
‘‘звамзва ко, бхигкавз, яасмим̣ самаяз уд̣̇д̇хад̇ам̣ жид̇д̇ам̣ ход̇и, агаало д̇асмим̣ самаяз д̇хаммавижаяасамб̣ож̇жхан̇г̇асса бхааванааяа, агаало вийрияасамб̣ож̇жхан̇г̇асса бхааванааяа, агаало бийд̇исамб̣ож̇жхан̇г̇асса бхааванааяа. д̇ам̣ гисса хзд̇у? уд̣̇д̇хад̇ам̣, бхигкавз, жид̇д̇ам̣ д̇ам̣ зд̇зхи д̇хаммзхи д̣̇увуубасамаяам̣ ход̇и.
‘‘Evameva kho, bhikkhave, yasmiṃ samaye uddhataṃ cittaṃ hoti, akālo tasmiṃ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya. Taṃ kissa hetu? Uddhataṃ, bhikkhave, cittaṃ taṃ etehi dhammehi duvūpasamayaṃ hoti.
‘‘яасмин̃жа ко, бхигкавз, самаяз уд̣̇д̇хад̇ам̣ жид̇д̇ам̣ ход̇и, гаало д̇асмим̣ самаяз бассад̣̇д̇хисамб̣ож̇жхан̇г̇асса бхааванааяа, гаало самаад̇хисамб̣ож̇жхан̇г̇асса бхааванааяа, гаало убзгкаасамб̣ож̇жхан̇г̇асса бхааванааяа. д̇ам̣ гисса хзд̇у? уд̣̇д̇хад̇ам̣, бхигкавз, жид̇д̇ам̣ д̇ам̣ зд̇зхи д̇хаммзхи сувуубасамаяам̣ ход̇и.
‘‘Yasmiñca kho, bhikkhave, samaye uddhataṃ cittaṃ hoti, kālo tasmiṃ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya. Taṃ kissa hetu? Uddhataṃ, bhikkhave, cittaṃ taṃ etehi dhammehi suvūpasamayaṃ hoti.
‘‘сзяяат̇ааби, бхигкавз, бурисо маханд̇ам̣ аг̇г̇игканд̇хам̣ ниб̣б̣аабзд̇угаамо асса. со д̇ад̇т̇а аллаани жзва д̇ин̣аани багкибзяяа, аллаани жа г̇омаяаани багкибзяяа, аллаани жа гадтаани багкибзяяа, уд̣̇агаваад̇ан̃жа д̣̇ад̣̇зяяа, бам̣сугзна жа огирзяяа; бхаб̣б̣о ну ко со бурисо маханд̇ам̣ аг̇г̇игканд̇хам̣ ниб̣б̣аабзд̇у’’нд̇и? ‘‘звам̣, бханд̇з’’.
‘‘Seyyathāpi, bhikkhave, puriso mahantaṃ aggikkhandhaṃ nibbāpetukāmo assa. So tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya, udakavātañca dadeyya, paṃsukena ca okireyya; bhabbo nu kho so puriso mahantaṃ aggikkhandhaṃ nibbāpetu’’nti? ‘‘Evaṃ, bhante’’.
‘‘звамзва ко, бхигкавз, яасмим̣ самаяз уд̣̇д̇хад̇ам̣ жид̇д̇ам̣ ход̇и, гаало д̇асмим̣ самаяз бассад̣̇д̇хисамб̣ож̇жхан̇г̇асса бхааванааяа, гаало самаад̇хисамб̣ож̇жхан̇г̇асса бхааванааяа, гаало убзгкаасамб̣ож̇жхан̇г̇асса бхааванааяа. д̇ам̣ гисса хзд̇у? уд̣̇д̇хад̇ам̣, бхигкавз, жид̇д̇ам̣ д̇ам̣ зд̇зхи д̇хаммзхи сувуубасамаяам̣ ход̇и. сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и. д̇ад̇ияам̣.
‘‘Evameva kho, bhikkhave, yasmiṃ samaye uddhataṃ cittaṃ hoti, kālo tasmiṃ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya. Taṃ kissa hetu? Uddhataṃ, bhikkhave, cittaṃ taṃ etehi dhammehi suvūpasamayaṃ hoti. Satiñca khvāhaṃ, bhikkhave, sabbatthikaṃ vadāmī’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. аг̇г̇исуд̇д̇аван̣н̣анаа • 3. Aggisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. аг̇г̇исуд̇д̇аван̣н̣анаа • 3. Aggisuttavaṇṇanā
