| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
4. аг̇г̇исуд̇д̇аван̣н̣анаа
4. Aggisuttavaṇṇanā
93. жад̇уд̇т̇з ануд̣̇аханадтзна аг̇г̇и, рааг̇о зва аг̇г̇и рааг̇аг̇г̇и. рааг̇о хи уббаж̇ж̇амаано сад̇д̇з ануд̣̇ахад̇и жхаабзд̇и, д̇асмаа ‘‘аг̇г̇ий’’д̇и вужжад̇и. ид̇арзсуби д̣̇вийсу зсзва наяо. д̇ад̇т̇а яат̇аа аг̇г̇и яад̣̇зва инд̇ханам̣ ниссааяа уббаж̇ж̇ад̇и, д̇ам̣ нид̣̇ахад̇и, махаабарил̣аахо жа ход̇и, звамимзби рааг̇аад̣̇аяо яасмим̣ санд̇аанз саяам̣ уббаннаа, д̇ам̣ нид̣̇аханд̇и, махаабарил̣аахаа жа хонд̇и д̣̇унниб̣б̣аабаяаа. д̇зсу рааг̇абарил̣аахзна санд̇ад̇д̇ахад̣̇аяаанам̣ ижчид̇аалаабхад̣̇угкзна маран̣аббад̇д̇аанам̣ сад̇д̇аанам̣ бамаан̣ам̣ над̇т̇и. аяам̣ д̇аава рааг̇асса ануд̣̇аханад̇аа. д̣̇осасса бана ануд̣̇аханад̇ааяа висзсад̇о манобад̣̇осигаа д̣̇зваа, мохасса ануд̣̇аханад̇ааяа кид̣д̣аабад̣̇осигаа д̣̇зваа жа нид̣̇ассанам̣. мохавасзна хи д̇зсам̣ сад̇исаммосо ход̇и, д̇асмаа кид̣д̣аавасзна аахааравзлам̣ ад̇ивад̇д̇знд̇аа гаалам̣ гаронд̇и. аяам̣ д̇аава рааг̇аад̣̇ийнам̣ д̣̇идтад̇хаммиго ануд̣̇аханабхааво. самбарааяиго бана нираяаад̣̇ийсу ниб̣б̣ад̇д̇аабанавасзна гхорад̇аро д̣̇урад̇хиваасо жа. аяан̃жа ад̇т̇о аад̣̇ид̇д̇абарияааязна вибхаавзд̇аб̣б̣о.
93. Catutthe anudahanaṭṭhena aggi, rāgo eva aggi rāgaggi. Rāgo hi uppajjamāno satte anudahati jhāpeti, tasmā ‘‘aggī’’ti vuccati. Itaresupi dvīsu eseva nayo. Tattha yathā aggi yadeva indhanaṃ nissāya uppajjati, taṃ nidahati, mahāpariḷāho ca hoti, evamimepi rāgādayo yasmiṃ santāne sayaṃ uppannā, taṃ nidahanti, mahāpariḷāhā ca honti dunnibbāpayā. Tesu rāgapariḷāhena santattahadayānaṃ icchitālābhadukkhena maraṇappattānaṃ sattānaṃ pamāṇaṃ natthi. Ayaṃ tāva rāgassa anudahanatā. Dosassa pana anudahanatāya visesato manopadosikā devā, mohassa anudahanatāya khiḍḍāpadosikā devā ca nidassanaṃ. Mohavasena hi tesaṃ satisammoso hoti, tasmā khiḍḍāvasena āhāravelaṃ ativattentā kālaṃ karonti. Ayaṃ tāva rāgādīnaṃ diṭṭhadhammiko anudahanabhāvo. Samparāyiko pana nirayādīsu nibbattāpanavasena ghorataro duradhivāso ca. Ayañca attho ādittapariyāyena vibhāvetabbo.
г̇аат̇аасу гаамзсу мужчид̇зд̇и вад̇т̇угаамзсу баад̇аб̣яад̇аавасзна мужчам̣ б̣ааляам̣ бамаад̣̇ам̣ мижчаажаарам̣ аабаннз. б̣яаабаннзд̇и б̣яаабаннажид̇д̇з д̣̇ахад̇ийд̇и самб̣анд̇хо. нарз баан̣аад̇ибаад̇инод̇и ид̣̇ам̣ д̣̇осаг̇г̇исса. арияад̇хаммз аговид̣̇зд̇и яз канд̇хааяад̇анаад̣̇ийсу саб̣б̣зна саб̣б̣ам̣ уг̇г̇ахабарибужчааяа манасигаарарахид̇аа арияад̇хаммасса агусалаа, д̇з саммохзна абхибхууд̇аа висзсзна саммуул̣хаа наамаад̇и вуд̇д̇аа. зд̇з аг̇г̇ий аж̇аананд̇аад̇и ‘‘зд̇з рааг̇аг̇г̇иаад̣̇аяо ид̇ха жзва самбарааяз жа ануд̣̇аханд̇ий’’д̇и аж̇аананд̇д̇аааа барин̃н̃аабхисамаяавасзна бахаанаабхисамаяавасзна жа аббадивиж̇жханд̇аа. саггааяаабхирад̇аад̇и саггааяз убаад̣̇аанагканд̇хабан̃жагз д̇ан̣хаад̣̇идтимаанананд̣̇анаабхирад̇аа. вад̣дхаяанд̇ийд̇и бунаббунам̣ уббаж̇ж̇анзна вад̣дхаяанд̇и аажинанд̇и. нираяанд̇и адтавид̇хам̣ махаанираяам̣, сол̣асавид̇хам̣ уссад̣̇анираяанд̇и саб̣б̣амби нираяам̣. д̇иражчаанан̃жа яонияод̇и д̇иражчаанаяонияо жа. асуранд̇и асурагааяам̣ бзд̇д̇ивисаяан̃жа вад̣дхаяанд̇ийд̇и самб̣анд̇хо.
Gāthāsu kāmesu mucchiteti vatthukāmesu pātabyatāvasena mucchaṃ bālyaṃ pamādaṃ micchācāraṃ āpanne. Byāpanneti byāpannacitte dahatīti sambandho. Nare pāṇātipātinoti idaṃ dosaggissa. Ariyadhamme akovideti ye khandhāyatanādīsu sabbena sabbaṃ uggahaparipucchāya manasikārarahitā ariyadhammassa akusalā, te sammohena abhibhūtā visesena sammūḷhā nāmāti vuttā. Ete aggī ajānantāti ‘‘ete rāgaggiādayo idha ceva samparāye ca anudahantī’’ti ajānanttāā pariññābhisamayavasena pahānābhisamayavasena ca appaṭivijjhantā. Sakkāyābhiratāti sakkāye upādānakkhandhapañcake taṇhādiṭṭhimānanandanābhiratā. Vaḍḍhayantīti punappunaṃ uppajjanena vaḍḍhayanti ācinanti. Nirayanti aṭṭhavidhaṃ mahānirayaṃ, soḷasavidhaṃ ussadanirayanti sabbampi nirayaṃ. Tiracchānañca yoniyoti tiracchānayoniyo ca. Asuranti asurakāyaṃ pettivisayañca vaḍḍhayantīti sambandho.
зд̇д̇аавад̇аа рааг̇аг̇г̇иаад̣̇ийнам̣ ид̇ха жзва самбарааяз жа ануд̣̇аханабхаавад̣̇ассанамукзна ваддам̣ д̣̇ассзд̇ваа ид̣̇аани нзсам̣ ниб̣б̣аабанзна виваддам̣ д̣̇ассзд̇ум̣ ‘‘яз жа рад̇д̇инд̣̇иваа’’д̇иаад̣̇и вуд̇д̇ам̣. д̇ад̇т̇а яуд̇д̇аад̇и бхааванаануяог̇авасзна яуд̇д̇аа. гад̇т̇а? саммаасамб̣уд̣̇д̇хасаасанз. д̇зна ан̃н̃асаасанз рааг̇аг̇г̇иаад̣̇ийнам̣ ниб̣б̣аабанаабхаавам̣ д̣̇ассзд̇и. д̇ат̇аа хи анан̃н̃асаад̇хааран̣ам̣ д̇зсам̣ ниб̣б̣аабанавид̇хим̣ асубхагаммадтаанам̣ сан̇кзбзнзва д̣̇ассзнд̇о –
Ettāvatā rāgaggiādīnaṃ idha ceva samparāye ca anudahanabhāvadassanamukhena vaṭṭaṃ dassetvā idāni nesaṃ nibbāpanena vivaṭṭaṃ dassetuṃ ‘‘ye ca rattindivā’’tiādi vuttaṃ. Tattha yuttāti bhāvanānuyogavasena yuttā. Kattha? Sammāsambuddhasāsane. Tena aññasāsane rāgaggiādīnaṃ nibbāpanābhāvaṃ dasseti. Tathā hi anaññasādhāraṇaṃ tesaṃ nibbāpanavidhiṃ asubhakammaṭṭhānaṃ saṅkhepeneva dassento –
‘‘д̇з ниб̣б̣аабзнд̇и рааг̇аг̇г̇им̣, нижжам̣ асубхасан̃н̃ино;
‘‘Te nibbāpenti rāgaggiṃ, niccaṃ asubhasaññino;
д̣̇осаг̇г̇им̣ бана мзд̇д̇ааяа, ниб̣б̣аабзнд̇и наруд̇д̇амаа;
Dosaggiṃ pana mettāya, nibbāpenti naruttamā;
мохаг̇г̇им̣ бана бан̃н̃ааяа, яааяам̣ ниб̣б̣зд̇хаг̇ааминий’’д̇и. –
Mohaggiṃ pana paññāya, yāyaṃ nibbedhagāminī’’ti. –
ааха . д̇ад̇т̇а асубхасан̃н̃инод̇и д̣̇вад̇д̇им̣саагааравасзна жзва уд̣̇д̇хумаад̇агаад̣̇ивасзна жа асубхабхааванаануяог̇зна асубхасан̃н̃ино. мзд̇д̇ааяаад̇и ‘‘со мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇ий’’д̇и (а. ни. 3.64, 66) вуд̇д̇ааяа мзд̇д̇аабхааванааяа. зд̇т̇а жа асубхаж̇жхаанан̃жа баад̣̇агам̣ гад̇ваа ниб̣б̣ад̇д̇ид̇аанааг̇аамимаг̇г̇зна рааг̇аг̇г̇ид̣̇осаг̇г̇ийнам̣ ниб̣б̣аабанам̣ взд̣̇ид̇аб̣б̣ам̣. бан̃н̃ааяаад̇и вибассанаабан̃н̃аасахид̇ааяа маг̇г̇абан̃н̃ааяа. д̇знзвааха ‘‘яааяам̣ ниб̣б̣зд̇хаг̇ааминий’’д̇и. саа хи гилзсагканд̇хам̣ винивиж̇жханд̇ий г̇ажчад̇и бавад̇д̇ад̇ийд̇и ниб̣б̣зд̇хаг̇ааминийд̇и вужжад̇и. асзсам̣ бариниб̣б̣анд̇ийд̇и арахад̇д̇амаг̇г̇зна асзсам̣ рааг̇аг̇г̇иаад̣̇им̣ ниб̣б̣аабзд̇ваа саубаад̣̇исзсааяа ниб̣б̣аанад̇хаад̇уяаа тид̇аа бан̃н̃аавзбуллаббад̇д̇ияаа нибагаа буб̣б̣зва саммаббад̇хаанзна саб̣б̣асо госаж̇ж̇асса суббахийнад̇д̇аа паласамаабад̇д̇исамаабаж̇ж̇анзна агилаасубхаавзна жа рад̇д̇инд̣̇ивамад̇анд̣̇ид̇аа жаримагажид̇д̇анирод̇хзна анубаад̣̇исзсааяа ниб̣б̣аанад̇хаад̇уяаа асзсам̣ бариниб̣б̣анд̇и. д̇ад̇о жа асзсам̣ ниссзсам̣ ваддад̣̇угкам̣ ажжаг̇ум̣ ад̇иггамам̣су.
Āha . Tattha asubhasaññinoti dvattiṃsākāravasena ceva uddhumātakādivasena ca asubhabhāvanānuyogena asubhasaññino. Mettāyāti ‘‘so mettāsahagatena cetasā ekaṃ disaṃ pharitvā viharatī’’ti (a. ni. 3.64, 66) vuttāya mettābhāvanāya. Ettha ca asubhajjhānañca pādakaṃ katvā nibbattitaanāgāmimaggena rāgaggidosaggīnaṃ nibbāpanaṃ veditabbaṃ. Paññāyāti vipassanāpaññāsahitāya maggapaññāya. Tenevāha ‘‘yāyaṃ nibbedhagāminī’’ti. Sā hi kilesakkhandhaṃ vinivijjhantī gacchati pavattatīti nibbedhagāminīti vuccati. Asesaṃ parinibbantīti arahattamaggena asesaṃ rāgaggiādiṃ nibbāpetvā saupādisesāya nibbānadhātuyā ṭhitā paññāvepullappattiyā nipakā pubbeva sammappadhānena sabbaso kosajjassa suppahīnattā phalasamāpattisamāpajjanena akilāsubhāvena ca rattindivamatanditā carimakacittanirodhena anupādisesāya nibbānadhātuyā asesaṃ parinibbanti. Tato ca asesaṃ nissesaṃ vaṭṭadukkhaṃ accaguṃ atikkamaṃsu.
звам̣ яз рааг̇аг̇г̇иаад̣̇игз ниб̣б̣аабзнд̇и, д̇зсам̣ анубаад̣̇исзсаниб̣б̣аанзна ниб̣б̣уд̇им̣ д̣̇ассзд̇ваа ид̣̇аани бадивид̣̇д̇хаг̇ун̣зхи т̇омзнд̇о осаанаг̇аат̇амааха. д̇ад̇т̇а арияад̣̇д̣̇асаад̇и ариязхи б̣уд̣̇д̇хаад̣̇ийхи бассид̇аб̣б̣ам̣ гилзсзхи ваа аарагад̇д̇аа арияам̣ ниб̣б̣аанам̣, арияам̣ жад̇усажжамзва ваа д̣̇идтаванд̇од̇и арияад̣̇д̣̇асаа. взд̣̇асса маг̇г̇ан̃аан̣асса, д̇зна ваа взд̣̇зна сам̣саарасса барияосаанам̣ г̇ад̇аад̇и взд̣̇аг̇уно. саммад̣̇ан̃н̃ааяаад̇и саммад̣̇зва саб̣б̣ам̣ ааж̇аанид̇аб̣б̣ам̣ гусалаад̣̇им̣ канд̇хаад̣̇ин̃жа ж̇аанид̇ваа. сзсам̣ вуд̇д̇анаяамзва.
Evaṃ ye rāgaggiādike nibbāpenti, tesaṃ anupādisesanibbānena nibbutiṃ dassetvā idāni paṭividdhaguṇehi thomento osānagāthamāha. Tattha ariyaddasāti ariyehi buddhādīhi passitabbaṃ kilesehi vā ārakattā ariyaṃ nibbānaṃ, ariyaṃ catusaccameva vā diṭṭhavantoti ariyaddasā. Vedassa maggañāṇassa, tena vā vedena saṃsārassa pariyosānaṃ gatāti vedaguno. Sammadaññāyāti sammadeva sabbaṃ ājānitabbaṃ kusalādiṃ khandhādiñca jānitvā. Sesaṃ vuttanayameva.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 4. аг̇г̇исуд̇д̇ам̣ • 4. Aggisuttaṃ
