| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៣. អគ្គិសុត្តវណ្ណនា
3. Aggisuttavaṇṇanā
២៣៤. តតិយេ សតិញ្ច ខ្វាហំ, ភិក្ខវេ, សព្ពត្ថិកំ វទាមីតិ លោណធូបនំ វិយ សព្ពកម្មិកាមច្ចំ វិយ ច សព្ពត្ថ ឥច្ឆិតព្ពំ វទាមីតិ អត្ថោ។ យថា ហិ លោណធូបនំ សព្ពព្យញ្ជនេសុបិ និវិសតិ, យថា ច សព្ពកម្មិកោ អមច្ចោ យោធកម្មម្បិ ករោតិ មន្តកម្មម្បិ បដិហារកម្មម្បីតិ សព្ពកិច្ចានិ សាធេតិ, ឯវំ ឧទ្ធតស្ស ចិត្តស្ស និគ្គណ្ហនំ, លីនស្ស បគ្គណ្ហនន្តិ សព្ពមេតំ សតិយា ឥជ្ឈតិ, ន សក្កា វិនា សតិយា ឯតំ សម្បាទេតុំ, តស្មា ឯវមាហ។ ឥមស្មិំ សុត្តេ បុព្ពភាគវិបស្សនា ពោជ្ឈង្គាវ កថិតា។
234. Tatiye satiñca khvāhaṃ, bhikkhave, sabbatthikaṃ vadāmīti loṇadhūpanaṃ viya sabbakammikāmaccaṃ viya ca sabbattha icchitabbaṃ vadāmīti attho. Yathā hi loṇadhūpanaṃ sabbabyañjanesupi nivisati, yathā ca sabbakammiko amacco yodhakammampi karoti mantakammampi paṭihārakammampīti sabbakiccāni sādheti, evaṃ uddhatassa cittassa niggaṇhanaṃ, līnassa paggaṇhananti sabbametaṃ satiyā ijjhati, na sakkā vinā satiyā etaṃ sampādetuṃ, tasmā evamāha. Imasmiṃ sutte pubbabhāgavipassanā bojjhaṅgāva kathitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. អគ្គិសុត្តំ • 3. Aggisuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣. អគ្គិសុត្តវណ្ណនា • 3. Aggisuttavaṇṇanā
