| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൩. അഗ്ഗിസുത്തവണ്ണനാ
3. Aggisuttavaṇṇanā
൨൩൪. തതിയേ സതിഞ്ച ഖ്വാഹം, ഭിക്ഖവേ, സബ്ബത്ഥികം വദാമീതി ലോണധൂപനം വിയ സബ്ബകമ്മികാമച്ചം വിയ ച സബ്ബത്ഥ ഇച്ഛിതബ്ബം വദാമീതി അത്ഥോ. യഥാ ഹി ലോണധൂപനം സബ്ബബ്യഞ്ജനേസുപി നിവിസതി, യഥാ ച സബ്ബകമ്മികോ അമച്ചോ യോധകമ്മമ്പി കരോതി മന്തകമ്മമ്പി പടിഹാരകമ്മമ്പീതി സബ്ബകിച്ചാനി സാധേതി, ഏവം ഉദ്ധതസ്സ ചിത്തസ്സ നിഗ്ഗണ്ഹനം, ലീനസ്സ പഗ്ഗണ്ഹനന്തി സബ്ബമേതം സതിയാ ഇജ്ഝതി, ന സക്കാ വിനാ സതിയാ ഏതം സമ്പാദേതും, തസ്മാ ഏവമാഹ. ഇമസ്മിം സുത്തേ പുബ്ബഭാഗവിപസ്സനാ ബോജ്ഝങ്ഗാവ കഥിതാ.
234. Tatiye satiñca khvāhaṃ, bhikkhave, sabbatthikaṃ vadāmīti loṇadhūpanaṃ viya sabbakammikāmaccaṃ viya ca sabbattha icchitabbaṃ vadāmīti attho. Yathā hi loṇadhūpanaṃ sabbabyañjanesupi nivisati, yathā ca sabbakammiko amacco yodhakammampi karoti mantakammampi paṭihārakammampīti sabbakiccāni sādheti, evaṃ uddhatassa cittassa niggaṇhanaṃ, līnassa paggaṇhananti sabbametaṃ satiyā ijjhati, na sakkā vinā satiyā etaṃ sampādetuṃ, tasmā evamāha. Imasmiṃ sutte pubbabhāgavipassanā bojjhaṅgāva kathitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൩. അഗ്ഗിസുത്തം • 3. Aggisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൩. അഗ്ഗിസുത്തവണ്ണനാ • 3. Aggisuttavaṇṇanā
