| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
१०-११. आघातपटिविनयसुत्तादिवण्णना
10-11. Āghātapaṭivinayasuttādivaṇṇanā
३०-३१. दसमे आघातपटिविनयाति आघातस्स पटिविनयकारणानि। तं कुतेत्थ लब्भाति ‘‘तं अनत्थचरणं मा अहोसी’’ति एतस्मिं पुग्गले कुतो लब्भा, केन कारणेन सक्का लद्धुं, ‘‘परो नाम परस्स अत्तनो चित्तरुचिया अनत्थं करोती’’ति एवं चिन्तेत्वा आघातं पटिविनेति। अथ वा सचाहं कोपं करेय्यं, तं कोपकरणं एत्थ पुग्गले कुतो लब्भा, केन कारणेन लद्धब्बन्ति अत्थो। कुतो लाभातिपि पाठो। सचाहं एत्थ कोपं करेय्यं, तस्मिं मे कोपकरणे कुतो लाभा लाभा, नाम के सियुन्ति अत्थो। इमस्मिञ्च अत्थे तन्ति निपातमत्तमेव होति। एकादसमे अनुपुब्बनिरोधाति अनुपटिपाटिनिरोधा। सेसं सब्बत्थ उत्तानत्थमेवाति।
30-31. Dasame āghātapaṭivinayāti āghātassa paṭivinayakāraṇāni. Taṃkutettha labbhāti ‘‘taṃ anatthacaraṇaṃ mā ahosī’’ti etasmiṃ puggale kuto labbhā, kena kāraṇena sakkā laddhuṃ, ‘‘paro nāma parassa attano cittaruciyā anatthaṃ karotī’’ti evaṃ cintetvā āghātaṃ paṭivineti. Atha vā sacāhaṃ kopaṃ kareyyaṃ, taṃ kopakaraṇaṃ ettha puggale kuto labbhā, kena kāraṇena laddhabbanti attho. Kuto lābhātipi pāṭho. Sacāhaṃ ettha kopaṃ kareyyaṃ, tasmiṃ me kopakaraṇe kuto lābhā lābhā, nāma ke siyunti attho. Imasmiñca atthe tanti nipātamattameva hoti. Ekādasame anupubbanirodhāti anupaṭipāṭinirodhā. Sesaṃ sabbattha uttānatthamevāti.
सत्तावासवग्गो ततियो।
Sattāvāsavaggo tatiyo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१०. आघातपटिविनयसुत्तं • 10. Āghātapaṭivinayasuttaṃ
११. अनुपुब्बनिरोधसुत्तं • 11. Anupubbanirodhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā)
१०. आघातपटिविनयसुत्तवण्णना • 10. Āghātapaṭivinayasuttavaṇṇanā
११. अनुपुब्बनिरोधसुत्तवण्णना • 11. Anupubbanirodhasuttavaṇṇanā
