| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐-๑๑. อาฆาตปฎิวินยสุตฺตาทิวณฺณนา
10-11. Āghātapaṭivinayasuttādivaṇṇanā
๓๐-๓๑. ทสเม อาฆาตปฎิวินยาติ อาฆาตสฺส ปฎิวินยการณานิฯ ตํ กุเตตฺถ ลพฺภาติ ‘‘ตํ อนตฺถจรณํ มา อโหสี’’ติ เอตสฺมิํ ปุคฺคเล กุโต ลพฺภา, เกน การเณน สกฺกา ลทฺธุํ, ‘‘ปโร นาม ปรสฺส อตฺตโน จิตฺตรุจิยา อนตฺถํ กโรตี’’ติ เอวํ จิเนฺตตฺวา อาฆาตํ ปฎิวิเนติฯ อถ วา สจาหํ โกปํ กเรยฺยํ, ตํ โกปกรณํ เอตฺถ ปุคฺคเล กุโต ลพฺภา, เกน การเณน ลทฺธพฺพนฺติ อโตฺถฯ กุโต ลาภาติปิ ปาโฐฯ สจาหํ เอตฺถ โกปํ กเรยฺยํ, ตสฺมิํ เม โกปกรเณ กุโต ลาภา ลาภา, นาม เก สิยุนฺติ อโตฺถฯ อิมสฺมิญฺจ อเตฺถ ตนฺติ นิปาตมตฺตเมว โหติฯ เอกาทสเม อนุปุพฺพนิโรธาติ อนุปฎิปาฎินิโรธาฯ เสสํ สพฺพตฺถ อุตฺตานตฺถเมวาติฯ
30-31. Dasame āghātapaṭivinayāti āghātassa paṭivinayakāraṇāni. Taṃkutettha labbhāti ‘‘taṃ anatthacaraṇaṃ mā ahosī’’ti etasmiṃ puggale kuto labbhā, kena kāraṇena sakkā laddhuṃ, ‘‘paro nāma parassa attano cittaruciyā anatthaṃ karotī’’ti evaṃ cintetvā āghātaṃ paṭivineti. Atha vā sacāhaṃ kopaṃ kareyyaṃ, taṃ kopakaraṇaṃ ettha puggale kuto labbhā, kena kāraṇena laddhabbanti attho. Kuto lābhātipi pāṭho. Sacāhaṃ ettha kopaṃ kareyyaṃ, tasmiṃ me kopakaraṇe kuto lābhā lābhā, nāma ke siyunti attho. Imasmiñca atthe tanti nipātamattameva hoti. Ekādasame anupubbanirodhāti anupaṭipāṭinirodhā. Sesaṃ sabbattha uttānatthamevāti.
สตฺตาวาสวโคฺค ตติโยฯ
Sattāvāsavaggo tatiyo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๑๐. อาฆาตปฎิวินยสุตฺตํ • 10. Āghātapaṭivinayasuttaṃ
๑๑. อนุปุพฺพนิโรธสุตฺตํ • 11. Anupubbanirodhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā)
๑๐. อาฆาตปฎิวินยสุตฺตวณฺณนา • 10. Āghātapaṭivinayasuttavaṇṇanā
๑๑. อนุปุพฺพนิโรธสุตฺตวณฺณนา • 11. Anupubbanirodhasuttavaṇṇanā
