| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀-၁၁. အာဃာတပဋိဝိနယသုတ္တာဒိဝဏ္ဏနာ
10-11. Āghātapaṭivinayasuttādivaṇṇanā
၃၀-၃၁. ဒသမေ အာဃာတပဋိဝိနယာတိ အာဃာတသ္သ ပဋိဝိနယကာရဏာနိ။ တံ ကုတေတ္ထ လဗ္ဘာတိ ‘‘တံ အနတ္ထစရဏံ မာ အဟောသီ’’တိ ဧတသ္မိံ ပုဂ္ဂလေ ကုတော လဗ္ဘာ, ကေန ကာရဏေန သက္ကာ လဒ္ဓုံ, ‘‘ပရော နာမ ပရသ္သ အတ္တနော စိတ္တရုစိယာ အနတ္ထံ ကရောတီ’’တိ ဧဝံ စိန္တေတ္ဝာ အာဃာတံ ပဋိဝိနေတိ။ အထ ဝာ သစာဟံ ကောပံ ကရေယ္ယံ, တံ ကောပကရဏံ ဧတ္ထ ပုဂ္ဂလေ ကုတော လဗ္ဘာ, ကေန ကာရဏေန လဒ္ဓဗ္ဗန္တိ အတ္ထော။ ကုတော လာဘာတိပိ ပာဌော။ သစာဟံ ဧတ္ထ ကောပံ ကရေယ္ယံ, တသ္မိံ မေ ကောပကရဏေ ကုတော လာဘာ လာဘာ, နာမ ကေ သိယုန္တိ အတ္ထော။ ဣမသ္မိဉ္စ အတ္ထေ တန္တိ နိပာတမတ္တမေဝ ဟောတိ။ ဧကာဒသမေ အနုပုဗ္ဗနိရောဓာတိ အနုပဋိပာဋိနိရောဓာ။ သေသံ သဗ္ဗတ္ထ ဥတ္တာနတ္ထမေဝာတိ။
30-31. Dasame āghātapaṭivinayāti āghātassa paṭivinayakāraṇāni. Taṃkutettha labbhāti ‘‘taṃ anatthacaraṇaṃ mā ahosī’’ti etasmiṃ puggale kuto labbhā, kena kāraṇena sakkā laddhuṃ, ‘‘paro nāma parassa attano cittaruciyā anatthaṃ karotī’’ti evaṃ cintetvā āghātaṃ paṭivineti. Atha vā sacāhaṃ kopaṃ kareyyaṃ, taṃ kopakaraṇaṃ ettha puggale kuto labbhā, kena kāraṇena laddhabbanti attho. Kuto lābhātipi pāṭho. Sacāhaṃ ettha kopaṃ kareyyaṃ, tasmiṃ me kopakaraṇe kuto lābhā lābhā, nāma ke siyunti attho. Imasmiñca atthe tanti nipātamattameva hoti. Ekādasame anupubbanirodhāti anupaṭipāṭinirodhā. Sesaṃ sabbattha uttānatthamevāti.
သတ္တာဝာသဝဂ္ဂော တတိယော။
Sattāvāsavaggo tatiyo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁၀. အာဃာတပဋိဝိနယသုတ္တံ • 10. Āghātapaṭivinayasuttaṃ
၁၁. အနုပုဗ္ဗနိရောဓသုတ္တံ • 11. Anupubbanirodhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā)
၁၀. အာဃာတပဋိဝိနယသုတ္တဝဏ္ဏနာ • 10. Āghātapaṭivinayasuttavaṇṇanā
၁၁. အနုပုဗ္ဗနိရောဓသုတ္တဝဏ္ဏနာ • 11. Anupubbanirodhasuttavaṇṇanā
