| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠-༡༡. ཨཱགྷཱཏཔཊིཝིནཡསུཏྟཱདིཝཎྞནཱ
10-11. Āghātapaṭivinayasuttādivaṇṇanā
༣༠-༣༡. དསམེ ཨཱགྷཱཏཔཊིཝིནཡཱཏི ཨཱགྷཱཏསྶ པཊིཝིནཡཀཱརཎཱནི། ཏཾ ཀུཏེཏྠ ལབྦྷཱཏི ‘‘ཏཾ ཨནཏྠཙརཎཾ མཱ ཨཧོསཱི’’ཏི ཨེཏསྨིཾ པུགྒལེ ཀུཏོ ལབྦྷཱ, ཀེན ཀཱརཎེན སཀྐཱ ལདྡྷུཾ, ‘‘པརོ ནཱམ པརསྶ ཨཏྟནོ ཙིཏྟརུཙིཡཱ ཨནཏྠཾ ཀརོཏཱི’’ཏི ཨེཝཾ ཙིནྟེཏྭཱ ཨཱགྷཱཏཾ པཊིཝིནེཏི། ཨཐ ཝཱ སཙཱཧཾ ཀོཔཾ ཀརེཡྻཾ, ཏཾ ཀོཔཀརཎཾ ཨེཏྠ པུགྒལེ ཀུཏོ ལབྦྷཱ, ཀེན ཀཱརཎེན ལདྡྷབྦནྟི ཨཏྠོ། ཀུཏོ ལཱབྷཱཏིཔི པཱཋོ། སཙཱཧཾ ཨེཏྠ ཀོཔཾ ཀརེཡྻཾ, ཏསྨིཾ མེ ཀོཔཀརཎེ ཀུཏོ ལཱབྷཱ ལཱབྷཱ, ནཱམ ཀེ སིཡུནྟི ཨཏྠོ། ཨིམསྨིཉྩ ཨཏྠེ ཏནྟི ནིཔཱཏམཏྟམེཝ ཧོཏི། ཨེཀཱདསམེ ཨནུཔུབྦནིརོདྷཱཏི ཨནུཔཊིཔཱཊིནིརོདྷཱ། སེསཾ སབྦཏྠ ཨུཏྟཱནཏྠམེཝཱཏི།
30-31. Dasame āghātapaṭivinayāti āghātassa paṭivinayakāraṇāni. Taṃkutettha labbhāti ‘‘taṃ anatthacaraṇaṃ mā ahosī’’ti etasmiṃ puggale kuto labbhā, kena kāraṇena sakkā laddhuṃ, ‘‘paro nāma parassa attano cittaruciyā anatthaṃ karotī’’ti evaṃ cintetvā āghātaṃ paṭivineti. Atha vā sacāhaṃ kopaṃ kareyyaṃ, taṃ kopakaraṇaṃ ettha puggale kuto labbhā, kena kāraṇena laddhabbanti attho. Kuto lābhātipi pāṭho. Sacāhaṃ ettha kopaṃ kareyyaṃ, tasmiṃ me kopakaraṇe kuto lābhā lābhā, nāma ke siyunti attho. Imasmiñca atthe tanti nipātamattameva hoti. Ekādasame anupubbanirodhāti anupaṭipāṭinirodhā. Sesaṃ sabbattha uttānatthamevāti.
སཏྟཱཝཱསཝགྒོ ཏཏིཡོ།
Sattāvāsavaggo tatiyo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༡༠. ཨཱགྷཱཏཔཊིཝིནཡསུཏྟཾ • 10. Āghātapaṭivinayasuttaṃ
༡༡. ཨནུཔུབྦནིརོདྷསུཏྟཾ • 11. Anupubbanirodhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā)
༡༠. ཨཱགྷཱཏཔཊིཝིནཡསུཏྟཝཎྞནཱ • 10. Āghātapaṭivinayasuttavaṇṇanā
༡༡. ཨནུཔུབྦནིརོདྷསུཏྟཝཎྞནཱ • 11. Anupubbanirodhasuttavaṇṇanā
