| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. អាឃាតបដិវិនយសុត្តំ
10. Āghātapaṭivinayasuttaṃ
៨០. ‘‘ទសយិមេ , ភិក្ខវេ, អាឃាតបដិវិនយា។ កតមេ ទស? ‘អនត្ថំ មេ អចរិ, តំ កុតេត្ថ លព្ភា’តិ អាឃាតំ បដិវិនេតិ , ‘អនត្ថំ មេ ចរតិ, តំ កុតេត្ថ លព្ភា’តិ អាឃាតំ បដិវិនេតិ, ‘អនត្ថំ មេ ចរិស្សតិ, តំ កុតេត្ថ លព្ភា’តិ អាឃាតំ បដិវិនេតិ, បិយស្ស មេ មនាបស្ស អនត្ថំ អចរិ…បេ.… ចរតិ…បេ.… ចរិស្សតិ, តំ កុតេត្ថ លព្ភាតិ អាឃាតំ បដិវិនេតិ , អប្បិយស្ស មេ អមនាបស្ស អត្ថំ អចរិ…បេ.… អត្ថំ ចរតិ…បេ.… អត្ថំ ចរិស្សតិ, តំ កុតេត្ថ លព្ភាតិ អាឃាតំ បដិវិនេតិ, អដ្ឋានេ ច ន កុប្បតិ – ឥមេ ខោ, ភិក្ខវេ, ទស អាឃាតបដិវិនយា’’តិ។ ទសមំ។
80. ‘‘Dasayime , bhikkhave, āghātapaṭivinayā. Katame dasa? ‘Anatthaṃ me acari, taṃ kutettha labbhā’ti āghātaṃ paṭivineti , ‘anatthaṃ me carati, taṃ kutettha labbhā’ti āghātaṃ paṭivineti, ‘anatthaṃ me carissati, taṃ kutettha labbhā’ti āghātaṃ paṭivineti, piyassa me manāpassa anatthaṃ acari…pe… carati…pe… carissati, taṃ kutettha labbhāti āghātaṃ paṭivineti , appiyassa me amanāpassa atthaṃ acari…pe… atthaṃ carati…pe… atthaṃ carissati, taṃ kutettha labbhāti āghātaṃ paṭivineti, aṭṭhāne ca na kuppati – ime kho, bhikkhave, dasa āghātapaṭivinayā’’ti. Dasamaṃ.
អាកង្ខវគ្គោ តតិយោ។
Ākaṅkhavaggo tatiyo.
តស្សុទ្ទានំ –
Tassuddānaṃ –
អាកង្ខោ កណ្ដកោ ឥដ្ឋា, វឌ្ឍិ ច មិគសាលាយ;
Ākaṅkho kaṇṭako iṭṭhā, vaḍḍhi ca migasālāya;
តយោ ធម្មា ច កាកោ ច, និគណ្ឋា ទ្វេ ច អាឃាតាតិ។
Tayo dhammā ca kāko ca, nigaṇṭhā dve ca āghātāti.
Related texts:
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៥-១០. មិគសាលាសុត្តាទិវណ្ណនា • 5-10. Migasālāsuttādivaṇṇanā
