| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. ආඝාතපටිවිනයසුත්‌තං
10. Āghātapaṭivinayasuttaṃ
80. ‘‘දසයිමෙ , භික්‌ඛවෙ, ආඝාතපටිවිනයා. කතමෙ දස? ‘අනත්‌ථං මෙ අචරි, තං කුතෙත්‌ථ ලබ්‌භා’ති ආඝාතං පටිවිනෙති , ‘අනත්‌ථං මෙ චරති, තං කුතෙත්‌ථ ලබ්‌භා’ති ආඝාතං පටිවිනෙති, ‘අනත්‌ථං මෙ චරිස්‌සති, තං කුතෙත්‌ථ ලබ්‌භා’ති ආඝාතං පටිවිනෙති, පියස්‌ස මෙ මනාපස්‌ස අනත්‌ථං අචරි…පෙ.… චරති…පෙ.… චරිස්‌සති, තං කුතෙත්‌ථ ලබ්‌භාති ආඝාතං පටිවිනෙති , අප්‌පියස්‌ස මෙ අමනාපස්‌ස අත්‌ථං අචරි…පෙ.… අත්‌ථං චරති…පෙ.… අත්‌ථං චරිස්‌සති, තං කුතෙත්‌ථ ලබ්‌භාති ආඝාතං පටිවිනෙති, අට්‌ඨානෙ ච න කුප්‌පති – ඉමෙ ඛො, භික්‌ඛවෙ, දස ආඝාතපටිවිනයා’’ති. දසමං.
80. ‘‘Dasayime , bhikkhave, āghātapaṭivinayā. Katame dasa? ‘Anatthaṃ me acari, taṃ kutettha labbhā’ti āghātaṃ paṭivineti , ‘anatthaṃ me carati, taṃ kutettha labbhā’ti āghātaṃ paṭivineti, ‘anatthaṃ me carissati, taṃ kutettha labbhā’ti āghātaṃ paṭivineti, piyassa me manāpassa anatthaṃ acari…pe… carati…pe… carissati, taṃ kutettha labbhāti āghātaṃ paṭivineti , appiyassa me amanāpassa atthaṃ acari…pe… atthaṃ carati…pe… atthaṃ carissati, taṃ kutettha labbhāti āghātaṃ paṭivineti, aṭṭhāne ca na kuppati – ime kho, bhikkhave, dasa āghātapaṭivinayā’’ti. Dasamaṃ.
ආකඞ්‌ඛවග්‌ගො තතියො.
Ākaṅkhavaggo tatiyo.
තස්‌සුද්‌දානං –
Tassuddānaṃ –
ආකඞ්‌ඛො කණ්‌ටකො ඉට්‌ඨා, වඩ්‌ඪි ච මිගසාලාය;
Ākaṅkho kaṇṭako iṭṭhā, vaḍḍhi ca migasālāya;
තයො ධම්‌මා ච කාකො ච, නිගණ්‌ඨා ද්‌වෙ ච ආඝාතාති.
Tayo dhammā ca kāko ca, nigaṇṭhā dve ca āghātāti.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-10. මිගසාලාසුත්‌තාදිවණ්‌ණනා • 5-10. Migasālāsuttādivaṇṇanā
