| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. ཨཱགྷཱཏཔཊིཝིནཡསུཏྟཾ
10. Āghātapaṭivinayasuttaṃ
༨༠. ‘‘དསཡིམེ , བྷིཀྑཝེ, ཨཱགྷཱཏཔཊིཝིནཡཱ། ཀཏམེ དས? ‘ཨནཏྠཾ མེ ཨཙརི, ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི , ‘ཨནཏྠཾ མེ ཙརཏི, ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི, ‘ཨནཏྠཾ མེ ཙརིསྶཏི, ཏཾ ཀུཏེཏྠ ལབྦྷཱ’ཏི ཨཱགྷཱཏཾ པཊིཝིནེཏི, པིཡསྶ མེ མནཱཔསྶ ཨནཏྠཾ ཨཙརི…པེ॰… ཙརཏི…པེ॰… ཙརིསྶཏི, ཏཾ ཀུཏེཏྠ ལབྦྷཱཏི ཨཱགྷཱཏཾ པཊིཝིནེཏི , ཨཔྤིཡསྶ མེ ཨམནཱཔསྶ ཨཏྠཾ ཨཙརི…པེ॰… ཨཏྠཾ ཙརཏི…པེ॰… ཨཏྠཾ ཙརིསྶཏི, ཏཾ ཀུཏེཏྠ ལབྦྷཱཏི ཨཱགྷཱཏཾ པཊིཝིནེཏི, ཨཊྛཱནེ ཙ ན ཀུཔྤཏི – ཨིམེ ཁོ, བྷིཀྑཝེ, དས ཨཱགྷཱཏཔཊིཝིནཡཱ’’ཏི། དསམཾ།
80. ‘‘Dasayime , bhikkhave, āghātapaṭivinayā. Katame dasa? ‘Anatthaṃ me acari, taṃ kutettha labbhā’ti āghātaṃ paṭivineti , ‘anatthaṃ me carati, taṃ kutettha labbhā’ti āghātaṃ paṭivineti, ‘anatthaṃ me carissati, taṃ kutettha labbhā’ti āghātaṃ paṭivineti, piyassa me manāpassa anatthaṃ acari…pe… carati…pe… carissati, taṃ kutettha labbhāti āghātaṃ paṭivineti , appiyassa me amanāpassa atthaṃ acari…pe… atthaṃ carati…pe… atthaṃ carissati, taṃ kutettha labbhāti āghātaṃ paṭivineti, aṭṭhāne ca na kuppati – ime kho, bhikkhave, dasa āghātapaṭivinayā’’ti. Dasamaṃ.
ཨཱཀངྑཝགྒོ ཏཏིཡོ།
Ākaṅkhavaggo tatiyo.
ཏསྶུདྡཱནཾ –
Tassuddānaṃ –
ཨཱཀངྑོ ཀཎྚཀོ ཨིཊྛཱ, ཝཌྜྷི ཙ མིགསཱལཱཡ།
Ākaṅkho kaṇṭako iṭṭhā, vaḍḍhi ca migasālāya;
ཏཡོ དྷམྨཱ ཙ ཀཱཀོ ཙ, ནིགཎྛཱ དྭེ ཙ ཨཱགྷཱཏཱཏི༎
Tayo dhammā ca kāko ca, nigaṇṭhā dve ca āghātāti.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༡༠. མིགསཱལཱསུཏྟཱདིཝཎྞནཱ • 5-10. Migasālāsuttādivaṇṇanā
