| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਆਘਾਤਪਟਿવਿਨਯਸੁਤ੍ਤਂ
10. Āghātapaṭivinayasuttaṃ
੮੦. ‘‘ਦਸਯਿਮੇ , ਭਿਕ੍ਖવੇ, ਆਘਾਤਪਟਿવਿਨਯਾ। ਕਤਮੇ ਦਸ? ‘ਅਨਤ੍ਥਂ ਮੇ ਅਚਰਿ, ਤਂ ਕੁਤੇਤ੍ਥ ਲਬ੍ਭਾ’ਤਿ ਆਘਾਤਂ ਪਟਿવਿਨੇਤਿ , ‘ਅਨਤ੍ਥਂ ਮੇ ਚਰਤਿ, ਤਂ ਕੁਤੇਤ੍ਥ ਲਬ੍ਭਾ’ਤਿ ਆਘਾਤਂ ਪਟਿવਿਨੇਤਿ, ‘ਅਨਤ੍ਥਂ ਮੇ ਚਰਿਸ੍ਸਤਿ, ਤਂ ਕੁਤੇਤ੍ਥ ਲਬ੍ਭਾ’ਤਿ ਆਘਾਤਂ ਪਟਿવਿਨੇਤਿ, ਪਿਯਸ੍ਸ ਮੇ ਮਨਾਪਸ੍ਸ ਅਨਤ੍ਥਂ ਅਚਰਿ…ਪੇ॰… ਚਰਤਿ…ਪੇ॰… ਚਰਿਸ੍ਸਤਿ, ਤਂ ਕੁਤੇਤ੍ਥ ਲਬ੍ਭਾਤਿ ਆਘਾਤਂ ਪਟਿવਿਨੇਤਿ , ਅਪ੍ਪਿਯਸ੍ਸ ਮੇ ਅਮਨਾਪਸ੍ਸ ਅਤ੍ਥਂ ਅਚਰਿ…ਪੇ॰… ਅਤ੍ਥਂ ਚਰਤਿ…ਪੇ॰… ਅਤ੍ਥਂ ਚਰਿਸ੍ਸਤਿ, ਤਂ ਕੁਤੇਤ੍ਥ ਲਬ੍ਭਾਤਿ ਆਘਾਤਂ ਪਟਿવਿਨੇਤਿ, ਅਟ੍ਠਾਨੇ ਚ ਨ ਕੁਪ੍ਪਤਿ – ਇਮੇ ਖੋ, ਭਿਕ੍ਖવੇ, ਦਸ ਆਘਾਤਪਟਿવਿਨਯਾ’’ਤਿ। ਦਸਮਂ।
80. ‘‘Dasayime , bhikkhave, āghātapaṭivinayā. Katame dasa? ‘Anatthaṃ me acari, taṃ kutettha labbhā’ti āghātaṃ paṭivineti , ‘anatthaṃ me carati, taṃ kutettha labbhā’ti āghātaṃ paṭivineti, ‘anatthaṃ me carissati, taṃ kutettha labbhā’ti āghātaṃ paṭivineti, piyassa me manāpassa anatthaṃ acari…pe… carati…pe… carissati, taṃ kutettha labbhāti āghātaṃ paṭivineti , appiyassa me amanāpassa atthaṃ acari…pe… atthaṃ carati…pe… atthaṃ carissati, taṃ kutettha labbhāti āghātaṃ paṭivineti, aṭṭhāne ca na kuppati – ime kho, bhikkhave, dasa āghātapaṭivinayā’’ti. Dasamaṃ.
ਆਕਙ੍ਖવਗ੍ਗੋ ਤਤਿਯੋ।
Ākaṅkhavaggo tatiyo.
ਤਸ੍ਸੁਦ੍ਦਾਨਂ –
Tassuddānaṃ –
ਆਕਙ੍ਖੋ ਕਣ੍ਟਕੋ ਇਟ੍ਠਾ, વਡ੍ਢਿ ਚ ਮਿਗਸਾਲਾਯ।
Ākaṅkho kaṇṭako iṭṭhā, vaḍḍhi ca migasālāya;
ਤਯੋ ਧਮ੍ਮਾ ਚ ਕਾਕੋ ਚ, ਨਿਗਣ੍ਠਾ ਦ੍વੇ ਚ ਆਘਾਤਾਤਿ॥
Tayo dhammā ca kāko ca, nigaṇṭhā dve ca āghātāti.
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੧੦. ਮਿਗਸਾਲਾਸੁਤ੍ਤਾਦਿવਣ੍ਣਨਾ • 5-10. Migasālāsuttādivaṇṇanā
