| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. ஆகா⁴தபடிவினயஸுத்தவண்ணனா
10. Āghātapaṭivinayasuttavaṇṇanā
30. த³ஸமே தங் குதெத்த² லப்³பா⁴தி எத்த² தந்தி கிரியாபராமஸனங். பத³ஜ்ஜா²ஹாரேன ச அத்தோ² வேதி³தப்³போ³தி ‘‘தங் அனத்த²சரணங் மா அஹோஸீ’’திஆதி³மாஹ. கேன காரணேன லத்³த⁴ப்³ப³ங் நிரத்த²கபா⁴வதோ. கம்மஸ்ஸகா ஹி ஸத்தா. தே கஸ்ஸ ருசியா து³க்கி²தா ஸுகி²தா வா ப⁴வந்தி, தஸ்மா கேவலங் தஸ்மிங் மய்ஹங் அனத்த²சரணங், தங் குதெத்த² லப்³பா⁴தி அதி⁴ப்பாயோ. அத² வா தங் கோபகாரணங் எத்த² புக்³க³லே குதோ லப்³பா⁴ பரமத்த²தோ குஜ்ஜி²தப்³ப³ஸ்ஸ குஜ்ஜ²னகஸ்ஸ ச அபா⁴வதோ. ஸங்கா²ரமத்தஞ்ஹேதங், யதி³த³ங் க²ந்த⁴பஞ்சகங் யங் ‘‘ஸத்தோ’’தி வுச்சதி, தே ஸங்கா²ரா இத்தரக²ணிகா, கஸ்ஸ கோ குஜ்ஜ²தீதி அத்தோ². லாபா⁴ நாம கே ஸியுங் அஞ்ஞத்ர அனத்து²ப்பத்திதோ.
30. Dasame taṃ kutettha labbhāti ettha tanti kiriyāparāmasanaṃ. Padajjhāhārena ca attho veditabboti ‘‘taṃ anatthacaraṇaṃ mā ahosī’’tiādimāha. Kena kāraṇena laddhabbaṃ niratthakabhāvato. Kammassakā hi sattā. Te kassa ruciyā dukkhitā sukhitā vā bhavanti, tasmā kevalaṃ tasmiṃ mayhaṃ anatthacaraṇaṃ, taṃ kutettha labbhāti adhippāyo. Atha vā taṃ kopakāraṇaṃ ettha puggale kuto labbhā paramatthato kujjhitabbassa kujjhanakassa ca abhāvato. Saṅkhāramattañhetaṃ, yadidaṃ khandhapañcakaṃ yaṃ ‘‘satto’’ti vuccati, te saṅkhārā ittarakhaṇikā, kassa ko kujjhatīti attho. Lābhā nāma ke siyuṃ aññatra anatthuppattito.
ஆகா⁴தபடிவினயஸுத்தவண்ணனா நிட்டி²தா.
Āghātapaṭivinayasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ஆகா⁴தபடிவினயஸுத்தங் • 10. Āghātapaṭivinayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10-11. ஆகா⁴தபடிவினயஸுத்தாதி³வண்ணனா • 10-11. Āghātapaṭivinayasuttādivaṇṇanā
