| Library / Tipiṭaka / తిపిటక • Tipiṭaka / అఙ్గుత్తరనికాయ (టీకా) • Aṅguttaranikāya (ṭīkā) |
౧౦. ఆఘాతపటివినయసుత్తవణ్ణనా
10. Āghātapaṭivinayasuttavaṇṇanā
౩౦. దసమే తం కుతేత్థ లబ్భాతి ఏత్థ తన్తి కిరియాపరామసనం. పదజ్ఝాహారేన చ అత్థో వేదితబ్బోతి ‘‘తం అనత్థచరణం మా అహోసీ’’తిఆదిమాహ. కేన కారణేన లద్ధబ్బం నిరత్థకభావతో. కమ్మస్సకా హి సత్తా. తే కస్స రుచియా దుక్ఖితా సుఖితా వా భవన్తి, తస్మా కేవలం తస్మిం మయ్హం అనత్థచరణం, తం కుతేత్థ లబ్భాతి అధిప్పాయో. అథ వా తం కోపకారణం ఏత్థ పుగ్గలే కుతో లబ్భా పరమత్థతో కుజ్ఝితబ్బస్స కుజ్ఝనకస్స చ అభావతో. సఙ్ఖారమత్తఞ్హేతం, యదిదం ఖన్ధపఞ్చకం యం ‘‘సత్తో’’తి వుచ్చతి, తే సఙ్ఖారా ఇత్తరఖణికా, కస్స కో కుజ్ఝతీతి అత్థో. లాభా నామ కే సియుం అఞ్ఞత్ర అనత్థుప్పత్తితో.
30. Dasame taṃ kutettha labbhāti ettha tanti kiriyāparāmasanaṃ. Padajjhāhārena ca attho veditabboti ‘‘taṃ anatthacaraṇaṃ mā ahosī’’tiādimāha. Kena kāraṇena laddhabbaṃ niratthakabhāvato. Kammassakā hi sattā. Te kassa ruciyā dukkhitā sukhitā vā bhavanti, tasmā kevalaṃ tasmiṃ mayhaṃ anatthacaraṇaṃ, taṃ kutettha labbhāti adhippāyo. Atha vā taṃ kopakāraṇaṃ ettha puggale kuto labbhā paramatthato kujjhitabbassa kujjhanakassa ca abhāvato. Saṅkhāramattañhetaṃ, yadidaṃ khandhapañcakaṃ yaṃ ‘‘satto’’ti vuccati, te saṅkhārā ittarakhaṇikā, kassa ko kujjhatīti attho. Lābhā nāma ke siyuṃ aññatra anatthuppattito.
ఆఘాతపటివినయసుత్తవణ్ణనా నిట్ఠితా.
Āghātapaṭivinayasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧౦. ఆఘాతపటివినయసుత్తం • 10. Āghātapaṭivinayasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧౦-౧౧. ఆఘాతపటివినయసుత్తాదివణ్ణనా • 10-11. Āghātapaṭivinayasuttādivaṇṇanā
