| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൧൦. ആഘാതപടിവിനയസുത്തവണ്ണനാ
10. Āghātapaṭivinayasuttavaṇṇanā
൩൦. ദസമേ തം കുതേത്ഥ ലബ്ഭാതി ഏത്ഥ തന്തി കിരിയാപരാമസനം. പദജ്ഝാഹാരേന ച അത്ഥോ വേദിതബ്ബോതി ‘‘തം അനത്ഥചരണം മാ അഹോസീ’’തിആദിമാഹ. കേന കാരണേന ലദ്ധബ്ബം നിരത്ഥകഭാവതോ. കമ്മസ്സകാ ഹി സത്താ. തേ കസ്സ രുചിയാ ദുക്ഖിതാ സുഖിതാ വാ ഭവന്തി, തസ്മാ കേവലം തസ്മിം മയ്ഹം അനത്ഥചരണം, തം കുതേത്ഥ ലബ്ഭാതി അധിപ്പായോ. അഥ വാ തം കോപകാരണം ഏത്ഥ പുഗ്ഗലേ കുതോ ലബ്ഭാ പരമത്ഥതോ കുജ്ഝിതബ്ബസ്സ കുജ്ഝനകസ്സ ച അഭാവതോ. സങ്ഖാരമത്തഞ്ഹേതം, യദിദം ഖന്ധപഞ്ചകം യം ‘‘സത്തോ’’തി വുച്ചതി, തേ സങ്ഖാരാ ഇത്തരഖണികാ, കസ്സ കോ കുജ്ഝതീതി അത്ഥോ. ലാഭാ നാമ കേ സിയും അഞ്ഞത്ര അനത്ഥുപ്പത്തിതോ.
30. Dasame taṃ kutettha labbhāti ettha tanti kiriyāparāmasanaṃ. Padajjhāhārena ca attho veditabboti ‘‘taṃ anatthacaraṇaṃ mā ahosī’’tiādimāha. Kena kāraṇena laddhabbaṃ niratthakabhāvato. Kammassakā hi sattā. Te kassa ruciyā dukkhitā sukhitā vā bhavanti, tasmā kevalaṃ tasmiṃ mayhaṃ anatthacaraṇaṃ, taṃ kutettha labbhāti adhippāyo. Atha vā taṃ kopakāraṇaṃ ettha puggale kuto labbhā paramatthato kujjhitabbassa kujjhanakassa ca abhāvato. Saṅkhāramattañhetaṃ, yadidaṃ khandhapañcakaṃ yaṃ ‘‘satto’’ti vuccati, te saṅkhārā ittarakhaṇikā, kassa ko kujjhatīti attho. Lābhā nāma ke siyuṃ aññatra anatthuppattito.
ആഘാതപടിവിനയസുത്തവണ്ണനാ നിട്ഠിതാ.
Āghātapaṭivinayasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. ആഘാതപടിവിനയസുത്തം • 10. Āghātapaṭivinayasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൦-൧൧. ആഘാതപടിവിനയസുത്താദിവണ്ണനാ • 10-11. Āghātapaṭivinayasuttādivaṇṇanā
