| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၉. အာဃာတဝတ္ထုသုတ္တံ
9. Āghātavatthusuttaṃ
၇၉. 1 ‘‘ဒသယိမာနိ, ဘိက္ခဝေ, အာဃာတဝတ္ထူနိ။ ကတမာနိ ဒသ? ‘အနတ္ထံ မေ အစရီ’တိ အာဃာတံ ဗန္ဓတိ; ‘အနတ္ထံ မေ စရတီ’တိ အာဃာတံ ဗန္ဓတိ; ‘အနတ္ထံ မေ စရိသ္သတီ’တိ အာဃာတံ ဗန္ဓတိ; ‘ပိယသ္သ မေ မနာပသ္သ အနတ္ထံ အစရီ’တိ။ပေ.။ ‘အနတ္ထံ စရတီ’တိ။ပေ.။ ‘အနတ္ထံ စရိသ္သတီ’တိ အာဃာတံ ဗန္ဓတိ, ‘အပ္ပိယသ္သ မေ အမနာပသ္သ အတ္ထံ အစရီ’တိ။ပေ.။ ‘အတ္ထံ စရတီ’တိ။ပေ.။ ‘အတ္ထံ စရိသ္သတီ’တိ အာဃာတံ ဗန္ဓတိ; အဋ္ဌာနေ စ ကုပ္ပတိ – ဣမာနိ ခော, ဘိက္ခဝေ, ဒသ အာဃာတဝတ္ထူနီ’’တိ။ နဝမံ။
79.2 ‘‘Dasayimāni, bhikkhave, āghātavatthūni. Katamāni dasa? ‘Anatthaṃ me acarī’ti āghātaṃ bandhati; ‘anatthaṃ me caratī’ti āghātaṃ bandhati; ‘anatthaṃ me carissatī’ti āghātaṃ bandhati; ‘piyassa me manāpassa anatthaṃ acarī’ti…pe… ‘anatthaṃ caratī’ti…pe… ‘anatthaṃ carissatī’ti āghātaṃ bandhati, ‘appiyassa me amanāpassa atthaṃ acarī’ti…pe… ‘atthaṃ caratī’ti…pe… ‘atthaṃ carissatī’ti āghātaṃ bandhati; aṭṭhāne ca kuppati – imāni kho, bhikkhave, dasa āghātavatthūnī’’ti. Navamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၉. အာဃာတဝတ္ထုသုတ္တဝဏ္ဏနာ • 9. Āghātavatthusuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၁၀. မိဂသာလာသုတ္တာဒိဝဏ္ဏနာ • 5-10. Migasālāsuttādivaṇṇanā
