| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
১৫. আহারপচ্চযনিদ্দেসৰণ্ণনা
15. Āhārapaccayaniddesavaṇṇanā
১৫. কেৰলায ওজায অজ্ঝোহরণস্স অভাৰা ‘‘অসিতপীতাদিৰত্থূহি সহ অজ্ঝোহরিতোৰা’’তি ৰুত্তং। খাদনীযভোজনীযপ্পভেদে অসিতে তাৰ কবল়ীকারতা হোতু, পাতব্বাদিকে পন কথন্তি আহ ‘‘পাতব্ব…পে॰… হোন্তী’’তি। যেভুয্যৰসেন ৰা এৰং ৰুত্তন্তি ৰেদিতব্বং।
15. Kevalāya ojāya ajjhoharaṇassa abhāvā ‘‘asitapītādivatthūhi saha ajjhoharitovā’’ti vuttaṃ. Khādanīyabhojanīyappabhede asite tāva kabaḷīkāratā hotu, pātabbādike pana kathanti āha ‘‘pātabba…pe… hontī’’ti. Yebhuyyavasena vā evaṃ vuttanti veditabbaṃ.
অনুপালকোতি উপত্থম্ভকো। চিত্তসমুট্ঠানস্স কাযস্স আহারপচ্চযভাৰো কবল়ীকারাহারস্স ৰিচারেত্ৰা গহেতব্বো। কস্মাতি চে? এত্থ কারণমাহ ‘‘ন হী’’তিআদিনা। সতি হি পচ্চযভাৰে ‘‘চিত্তসমুট্ঠানো কবল়ীকারাহারো চিত্তসমুট্ঠানস্স কাযস্স আহারপচ্চযেন পচ্চযো’’তিআদি ৰত্তব্বং সিযা, ন পন ৰুত্তং, নোচিত্তসমুট্ঠানস্স পন ৰুত্তং। তেনাহ ‘‘তিৰিধোপি…পে॰… ৰুত্তো’’তি।
Anupālakoti upatthambhako. Cittasamuṭṭhānassa kāyassa āhārapaccayabhāvo kabaḷīkārāhārassa vicāretvā gahetabbo. Kasmāti ce? Ettha kāraṇamāha ‘‘na hī’’tiādinā. Sati hi paccayabhāve ‘‘cittasamuṭṭhāno kabaḷīkārāhāro cittasamuṭṭhānassa kāyassa āhārapaccayena paccayo’’tiādi vattabbaṃ siyā, na pana vuttaṃ, nocittasamuṭṭhānassa pana vuttaṃ. Tenāha ‘‘tividhopi…pe… vutto’’ti.
আহারপচ্চযনিদ্দেসৰণ্ণনা নিট্ঠিতা।
Āhārapaccayaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পট্ঠানপাল়ি • Paṭṭhānapāḷi / (২) পচ্চযনিদ্দেসো • (2) Paccayaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১৫. আহারপচ্চযনিদ্দেসৰণ্ণনা • 15. Āhārapaccayaniddesavaṇṇanā
