| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
१५. आहारपच्चयनिद्देसवण्णना
15. Āhārapaccayaniddesavaṇṇanā
१५. केवलाय ओजाय अज्झोहरणस्स अभावा ‘‘असितपीतादिवत्थूहि सह अज्झोहरितोवा’’ति वुत्तं। खादनीयभोजनीयप्पभेदे असिते ताव कबळीकारता होतु, पातब्बादिके पन कथन्ति आह ‘‘पातब्ब…पे॰… होन्ती’’ति। येभुय्यवसेन वा एवं वुत्तन्ति वेदितब्बं।
15. Kevalāya ojāya ajjhoharaṇassa abhāvā ‘‘asitapītādivatthūhi saha ajjhoharitovā’’ti vuttaṃ. Khādanīyabhojanīyappabhede asite tāva kabaḷīkāratā hotu, pātabbādike pana kathanti āha ‘‘pātabba…pe… hontī’’ti. Yebhuyyavasena vā evaṃ vuttanti veditabbaṃ.
अनुपालकोति उपत्थम्भको। चित्तसमुट्ठानस्स कायस्स आहारपच्चयभावो कबळीकाराहारस्स विचारेत्वा गहेतब्बो। कस्माति चे? एत्थ कारणमाह ‘‘न ही’’तिआदिना। सति हि पच्चयभावे ‘‘चित्तसमुट्ठानो कबळीकाराहारो चित्तसमुट्ठानस्स कायस्स आहारपच्चयेन पच्चयो’’तिआदि वत्तब्बं सिया, न पन वुत्तं, नोचित्तसमुट्ठानस्स पन वुत्तं। तेनाह ‘‘तिविधोपि…पे॰… वुत्तो’’ति।
Anupālakoti upatthambhako. Cittasamuṭṭhānassa kāyassa āhārapaccayabhāvo kabaḷīkārāhārassa vicāretvā gahetabbo. Kasmāti ce? Ettha kāraṇamāha ‘‘na hī’’tiādinā. Sati hi paccayabhāve ‘‘cittasamuṭṭhāno kabaḷīkārāhāro cittasamuṭṭhānassa kāyassa āhārapaccayena paccayo’’tiādi vattabbaṃ siyā, na pana vuttaṃ, nocittasamuṭṭhānassa pana vuttaṃ. Tenāha ‘‘tividhopi…pe… vutto’’ti.
आहारपच्चयनिद्देसवण्णना निट्ठिता।
Āhārapaccayaniddesavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / पट्ठानपाळि • Paṭṭhānapāḷi / (२) पच्चयनिद्देसो • (2) Paccayaniddeso
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / १५. आहारपच्चयनिद्देसवण्णना • 15. Āhārapaccayaniddesavaṇṇanā
