6. саагажчаваг̇г̇о

1. аахаарасуд̇д̇аван̣н̣анаа

232. чадтаваг̇г̇асса батамз аяамаахааро ануббаннасса ваа сад̇исамб̣ож̇жхан̇г̇асса уббаад̣̇ааяаад̇иаад̣̇ийсу аяам̣ буриманаяад̇о висзсо. на гзвалан̃хи сад̇исамб̣ож̇жхан̇г̇аад̣̇ийнам̣ зд̇з вуд̇д̇аббагаараава уббаад̣̇ааяа, уббаннаанам̣ ваа бхааванааяа баарибуурияаа бажжаяаа хонд̇и, ан̃н̃зби бана звам̣ взд̣̇ид̇аб̣б̣аа. абарзби хи жад̇д̇ааро д̇хаммаа сад̇исамб̣ож̇жхан̇г̇асса уббаад̣̇ааяа сам̣вад̇д̇анд̇и сад̇исамбаж̇ан̃н̃ам̣ мудтассад̇ибуг̇г̇алабариваж̇ж̇анад̇аа убадтид̇ассад̇ибуг̇г̇аласзванад̇аа д̇ад̣̇ад̇химуд̇д̇ад̇аад̇и. абхигганд̇аад̣̇ийсу хи сад̇д̇асу таанзсу сад̇исамбаж̇ан̃н̃зна, бхад̇д̇анигкид̇д̇агаагасад̣̇исз мудтассад̇ибуг̇г̇алз бариваж̇ж̇анзна, д̇иссад̣̇ад̇д̇ад̇т̇зраабхаяад̇т̇зраад̣̇исад̣̇исз убадтид̇ассад̇ибуг̇г̇алз сзванзна, таананисаж̇ж̇аад̣̇ийсу сад̇исамудтаабанад̇т̇ам̣ ниннабон̣абаб̣бхааражид̇д̇ад̇ааяа жа сад̇исамб̣ож̇жхан̇г̇о уббаж̇ж̇ад̇и. звам̣ жад̇уухи гааран̣зхи уббаннасса банасса арахад̇д̇амаг̇г̇зна бхааванаабаарибуурий ход̇и.

сад̇д̇а д̇хаммаа д̇хаммавижаяасамб̣ож̇жхан̇г̇асса уббаад̣̇ааяа сам̣вад̇д̇анд̇и – барибужчагад̇аа вад̇т̇увисад̣̇агирияаа инд̣̇рияасамад̇д̇абадибаад̣̇анаа д̣̇уббан̃н̃абуг̇г̇алабариваж̇ж̇анаа бан̃н̃аванд̇абуг̇г̇аласзванаа г̇амбхийран̃аан̣ажарияабажжавзгкан̣аа д̇ад̣̇ад̇химуд̇д̇ад̇аад̇и. д̇ад̇т̇а барибужчагад̇аад̇и канд̇хад̇хаад̇уааяад̇анаинд̣̇рияаб̣алаб̣ож̇жхан̇г̇амаг̇г̇ан̇г̇ажхаанан̇г̇асамат̇авибассанаанам̣ ад̇т̇асанниссид̇абарибужчааб̣ахулад̇аа.

вад̇т̇увисад̣̇агирияаад̇и аж̇жхад̇д̇игаб̣аахираанам̣ вад̇т̇уунам̣ висад̣̇абхаавагаран̣ам̣. яад̣̇аа хисса гзсанакаломаани д̣̇ийгхаани хонд̇и, сарийрам̣ ваа уссаннад̣̇осан̃жзва сзд̣̇амаламагкид̇ан̃жа, д̇ад̣̇аа аж̇жхад̇д̇игавад̇т̇у ависад̣̇ам̣ ход̇и абарисуд̣̇д̇хам̣. яад̣̇аа бана жийварам̣ ж̇ин̣н̣ам̣ гилидтам̣ д̣̇уг̇г̇анд̇хам̣ ход̇и, сзнаасанам̣ ваа углаабам̣, д̇ад̣̇аа б̣аахиравад̇т̇у ависад̣̇ам̣ ход̇и абарисуд̣̇д̇хам̣. д̇асмаа гзсаад̣̇ичзд̣̇анзна уд̣̇д̇хам̣вирзжанаад̇ховирзжанаад̣̇ийхи сарийрасаллахугабхаавагаран̣зна ужчаад̣̇ананахаабанзна жа аж̇жхад̇д̇игавад̇т̇у висад̣̇ам̣ гаад̇аб̣б̣ам̣. суужигаммад̇хованараж̇анабарибхан̣д̣агаран̣аад̣̇ийхи б̣аахиравад̇т̇у висад̣̇ам̣ гаад̇аб̣б̣ам̣. зд̇асмин̃хи аж̇жхад̇д̇игаб̣аахирз вад̇т̇умхи ависад̣̇з уббаннзсу жид̇д̇ажзд̇асигзсу н̃аан̣амби ависад̣̇ам̣ абарисуд̣̇д̇хам̣ ход̇и абарисуд̣̇д̇хаани д̣̇ийбагабаллагаваддид̇злаани ниссааяа уббаннад̣̇ийбасикааяа обхаасо вияа. висад̣̇з бана аж̇жхад̇д̇игаб̣аахирз вад̇т̇умхи уббаннзсу жид̇д̇ажзд̇асигзсу н̃аан̣амби висад̣̇ам̣ ход̇и барисуд̣̇д̇хаани д̣̇ийбагабаллагаваддид̇злаани ниссааяа уббаннад̣̇ийбасикааяа обхаасо вияа. д̇зна вуд̇д̇ам̣ – ‘‘вад̇т̇увисад̣̇агирияаа д̇хаммавижаяасамб̣ож̇жхан̇г̇асса уббаад̣̇ааяа сам̣вад̇д̇ад̇ий’’д̇и.

инд̣̇рияасамад̇д̇абадибаад̣̇анаа наама сад̣̇д̇хаад̣̇ийнам̣ инд̣̇рияаанам̣ самабхаавагаран̣ам̣. сажз хисса сад̣̇д̇хинд̣̇рияам̣ б̣алавам̣ ход̇и, ид̇араани манд̣̇аани, д̇ад̇о вийрияинд̣̇рияам̣ баг̇г̇ахагижжам̣, сад̇инд̣̇рияам̣ убадтаанагижжам̣, самаад̇хинд̣̇рияам̣ авигкзбагижжам̣, бан̃н̃инд̣̇рияам̣ д̣̇ассанагижжам̣ гаад̇ум̣ на саггод̇и . д̇асмаа д̇ам̣ д̇хаммасабхаавабажжавзгкан̣зна ваа, яат̇аа ваа манасигарод̇о б̣алавам̣ ж̇аад̇ам̣, д̇ат̇аа аманасигаран̣зна хаабзд̇аб̣б̣ам̣. ваггалид̇т̇зравад̇т̇у жзд̇т̇а нид̣̇ассанам̣. сажз бана вийрияинд̣̇рияам̣ б̣алавам̣ ход̇и, ат̇а нзва сад̣̇д̇хинд̣̇рияам̣ ад̇химогкагижжам̣ гаад̇ум̣ саггод̇и, на ид̇араани ид̇арагижжабхзд̣̇ам̣. д̇асмаа д̇ам̣ бассад̣̇д̇хаад̣̇ибхааванааяа хаабзд̇аб̣б̣ам̣. д̇ад̇т̇ааби сон̣ад̇т̇зрасса вад̇т̇у д̣̇ассзд̇аб̣б̣ам̣. звам̣ сзсзсуби згасса б̣алавабхаавз сад̇и ид̇арзсам̣ ад̇д̇ано гижжзсу асамад̇т̇ад̇аа взд̣̇ид̇аб̣б̣аа.

висзсад̇о банзд̇т̇а сад̣̇д̇хаабан̃н̃аанам̣ самаад̇хивийрияаанан̃жа самад̇ам̣ басам̣санд̇и. б̣алавасад̣̇д̇хо хи манд̣̇абан̃н̃о муд̇хаббасанно ход̇и, авад̇т̇усмим̣ басийд̣̇ад̇и. б̣алавабан̃н̃о бана манд̣̇асад̣̇д̇хо гзраадигабагкам̣ бхаж̇ад̇и, бхзсаж̇ж̇асамудтид̇о вияа рог̇о ад̇згижчо ход̇и. жид̇д̇уббаад̣̇амад̇д̇знзва гусалам̣ ход̇ийд̇и ад̇ид̇хаавид̇ваа д̣̇аанаад̣̇ийни агаронд̇о нираяз уббаж̇ж̇ад̇и. убхиннам̣ самад̇ааяа вад̇т̇усмим̣язва басийд̣̇ад̇и. б̣алавасамаад̇хим̣ бана манд̣̇авийрияам̣ самаад̇хисса госаж̇ж̇абагкад̇д̇аа госаж̇ж̇ам̣ абхибхавад̇и. б̣алававийрияам̣ манд̣̇асамаад̇хим̣ вийрияасса уд̣̇д̇хажжабагкад̇д̇аа уд̣̇д̇хажжам̣ абхибхавад̇и. самаад̇хи бана вийриязна сам̣яож̇ид̇о госаж̇ж̇з бад̇ид̇ум̣ на лабхад̇и, вийрияам̣ самаад̇хинаа сам̣яож̇ид̇ам̣ уд̣̇д̇хажжз бад̇ид̇ум̣ на лабхад̇и. д̇асмаа д̇ад̣̇убхаяам̣ самам̣ гаад̇аб̣б̣ам̣. убхаяасамад̇ааяа хи аббанаа ход̇и.

аби жа самаад̇хигаммигасса б̣алавад̇ийби сад̣̇д̇хаа ваддад̇и. звам̣ сад̣̇д̣̇аханд̇о огаббзнд̇о аббанам̣ баабун̣иссад̇и. самаад̇хибан̃н̃аасу бана самаад̇хигаммигасса згаг̇г̇ад̇аа б̣алавад̇ий ваддад̇и. зван̃хи со аббанам̣ баабун̣аад̇и. вибассанаагаммигасса бан̃н̃аа б̣алавад̇ий ваддад̇и. зван̃хи со лагкан̣абадивзд̇хам̣ баабун̣аад̇и. убхиннам̣ бана самад̇ааяаби аббанаа ход̇иязва. сад̇и бана саб̣б̣ад̇т̇а б̣алавад̇ий ваддад̇и. сад̇и хи жид̇д̇ам̣ уд̣̇д̇хажжабагкигаанам̣ сад̣̇д̇хаавийрияабан̃н̃аанам̣ васзна уд̣̇д̇хажжабаад̇ад̇о , госаж̇ж̇абагкигзна жа самаад̇хинаа госаж̇ж̇абаад̇ад̇о рагкад̇и. д̇асмаа саа лон̣ад̇хуубанам̣ вияа саб̣б̣аб̣яан̃ж̇анзсу, саб̣б̣агаммигаамажжо вияа жа саб̣б̣арааж̇агижжзсу саб̣б̣ад̇т̇а ижчид̇аб̣б̣аа. д̇знааха ‘‘сад̇и жа бана саб̣б̣ад̇т̇игаа вуд̇д̇аа бхаг̇авад̇аа. гим̣ гааран̣аа? жид̇д̇ан̃хи сад̇ибадисаран̣ам̣, аарагкабажжубадтаанаа жа сад̇и, на винаа сад̇ияаа жид̇д̇асса баг̇г̇аханиг̇г̇ахо ход̇ий’’д̇и.

д̣̇уббан̃н̃абуг̇г̇алабариваж̇ж̇анаа наама канд̇хаад̣̇ибхзд̣̇з аног̇аал̣хабан̃н̃аанам̣ д̣̇уммзд̇хабуг̇г̇алаанам̣ аарагаа бариваж̇ж̇анам̣. бан̃н̃аванд̇абуг̇г̇аласзванаа наама самабан̃н̃аасалагкан̣абариг̇г̇аахигааяа уд̣̇аяаб̣б̣аяабан̃н̃ааяа саманнааг̇ад̇абуг̇г̇аласзванаа. г̇амбхийран̃аан̣ажарияабажжавзгкан̣аа наама г̇амбхийрзсу канд̇хаад̣̇ийсу бавад̇д̇ааяа г̇амбхийрабан̃н̃ааяа бабхзд̣̇абажжавзгкан̣аа. д̇ад̣̇ад̇химуд̇д̇ад̇аа наама таананисаж̇ж̇аад̣̇ийсу д̇хаммавижаяасамб̣ож̇жхан̇г̇асамудтаабанад̇т̇ам̣ ниннабон̣абаб̣бхааражид̇д̇ад̇аа. звам̣ уббаннасса банасса арахад̇д̇амаг̇г̇зна бхааванаабаарибуурий ход̇и.

згаад̣̇аса д̇хаммаа вийрияасамб̣ож̇жхан̇г̇асса уббаад̣̇ааяа сам̣вад̇д̇анд̇и – абааяабхаяабажжавзгкан̣ад̇аа, аанисам̣сад̣̇ассаавид̇аа, г̇аманавийт̇ибажжавзгкан̣ад̇аа, бин̣д̣абаад̇аабажааяанад̇аа, д̣̇ааяаж̇ж̇амахад̇д̇абажжавзгкан̣ад̇аа, сад̇т̇умахад̇д̇абажжавзгкан̣ад̇аа, ж̇аад̇имахад̇д̇абажжавзгкан̣ад̇аа, саб̣рахмажааримахад̇д̇абажжавзгкан̣ад̇аа, гусийд̇абуг̇г̇алабариваж̇ж̇анад̇аа, аарад̣̇д̇хавийрияабуг̇г̇аласзванад̇аа, д̇ад̣̇ад̇химуд̇д̇ад̇аад̇и.

д̇ад̇т̇а ‘‘нираязсу бан̃жавид̇хаб̣анд̇ханагаммагааран̣ад̇о бадтааяа махаад̣̇угкам̣ анубхаванагаалзби, д̇иражчаанаяонияам̣ ж̇аалакибанагумийнаад̣̇ийхи г̇ахид̇агаалзби, бааж̇анаган̣дагаад̣̇иббахаарад̇уннасса бана сагадаваханаад̣̇игаалзби, бзд̇д̇ивисаяз анзгааниби вассасахассаани згам̣ б̣уд̣̇д̇ханд̇арамби куббибаасаахи аад̇урийбхууд̇агаалзби, гаалаган̃жигаасурзсу садтихад̇т̇аасийд̇ихад̇т̇аббамаан̣зна адтижаммамад̇д̇знзва ад̇д̇абхаавзна ваад̇аад̇абаад̣̇ид̣̇угкаанубхаванагаалзби на саггаа вийрияасамб̣ож̇жхан̇г̇ам̣ уббаад̣̇зд̇ум̣. аяамзва д̇з бхигку гаало’’д̇и звам̣ абааяабхаяам̣ бажжавзгканд̇ассааби вийрияасамб̣ож̇жхан̇г̇о уббаж̇ж̇ад̇и.

‘‘на саггаа гусийд̇зна навалогуд̇д̇арад̇хаммам̣ лад̣̇д̇хум̣, аарад̣̇д̇хавийриязнзва саггаа аяамаанисам̣со вийрияассаа’’д̇и звам̣ аанисам̣сад̣̇ассаавиноби уббаж̇ж̇ад̇и. ‘‘саб̣б̣аб̣уд̣̇д̇ха-бажжзгаб̣уд̣̇д̇ха-махаасаавагзхзва г̇ад̇амаг̇г̇о д̇з г̇анд̇аб̣б̣о. со жа на саггаа гусийд̇зна г̇анд̇у’’нд̇и звам̣ г̇аманавийт̇им̣ бажжавзгканд̇ассааби уббаж̇ж̇ад̇и.

‘‘яз д̇ам̣ бин̣д̣абаад̇аад̣̇ийхи убадтаханд̇и, имз д̇з мануссаа нзва н̃аад̇агаа, на д̣̇аасагаммагараа, нааби ‘д̇ам̣ ниссааяа ж̇ийвиссаамаа’д̇и д̇з бан̣ийд̇аани бин̣д̣абаад̇аад̣̇ийни д̣̇знд̇и. ат̇а ко ад̇д̇ано гаараанам̣ махабпалад̇ам̣ бажжаасийсамаанаа д̣̇знд̇и. сад̇т̇аарааби ‘‘аяам̣ имз бажжаяз барибхун̃ж̇ид̇ваа гааяад̣̇ал̣хиб̣ахуло сукам̣ вихариссад̇ий’’д̇и на звам̣ самбассад̇аа д̇уяхам̣ бажжаяаа анун̃н̃аад̇аа, ат̇а ко ‘‘аяам̣ имз барибхун̃ж̇амаанова саман̣ад̇хаммам̣ гад̇ваа ваддад̣̇угкад̇о мужжиссад̇ий’д̇и д̇з бажжаяаа анун̃н̃аад̇аа, со д̣̇аани д̇вам̣ гусийд̇о вихаранд̇о на д̇ам̣ бин̣д̣ам̣ абажааяиссаси, аарад̣̇д̇хавийрияассзва хи бин̣д̣абаад̇аабажааяанам̣ наама ход̇ий’’д̇и звам̣ бин̣д̣абаад̇аабажааяанам̣ бажжавзгканд̇ассааби уббаж̇ж̇ад̇и махаамид̇д̇ад̇т̇зрасса вияа.

т̇зро гира гассагалзн̣з наама бадивасад̇и. д̇ассзва г̇ожараг̇аамз згаа махааубаасигаа т̇зрам̣ буд̇д̇ам̣ гад̇ваа бадиж̇аг̇г̇ад̇и. саа згад̣̇ивасам̣ аран̃н̃ам̣ г̇ажчанд̇ий д̇хийд̇арам̣ ааха – ‘‘амма, асугасмим̣ таанз бураан̣ад̇ан̣д̣улаа, асугасмим̣ кийрам̣, асугасмим̣ сабби, асугасмим̣ паан̣ид̇ам̣, д̇ава бхаад̇игасса аяяамид̇д̇асса ааг̇ад̇агаалз бхад̇д̇ам̣ бажид̇ваа кийрасаббипаан̣ид̇зхи сад̣̇д̇хим̣ д̣̇зхи, д̇ван̃жа бхун̃ж̇зяяааси, ахам̣ бана хияяо баггам̣ баариваасигабхад̇д̇ам̣ ган̃ж̇иязна бхуд̇д̇аамхий’’д̇и. ‘‘д̣̇иваа гим̣ бхун̃ж̇иссаси, аммаа’’д̇и? ‘‘саагабан̣н̣ам̣ багкибид̇ваа ган̣ад̇ан̣д̣улзхи амб̣илаяааг̇ум̣ бажид̇ваа табзхи, аммаа’’д̇и.

т̇зро жийварам̣ баарубид̇ваа бад̇д̇ам̣ нийхаранд̇ова д̇ам̣ сад̣̇д̣̇ам̣ суд̇ваа ад̇д̇аанам̣ овад̣̇и ‘‘махааубаасигаа гира ган̃ж̇иязна баариваасигабхад̇д̇ам̣ бхун̃ж̇ид̇ваа д̣̇ивааби ган̣абан̣н̣амб̣илаяааг̇ум̣ бхун̃ж̇иссад̇и, д̇уяхам̣ ад̇т̇ааяа бана бураан̣ад̇ан̣д̣улаад̣̇ийни аажигкад̇и, д̇ам̣ ниссааяа ко банзсаа нзва кзд̇д̇ам̣ на вад̇т̇ум̣ на бхад̇д̇ам̣ на вад̇т̇ам̣ бажжаасийсад̇и, д̇иссо бана самбад̇д̇ияо бад̇т̇аяамаанаа д̣̇зд̇и, д̇вам̣ зд̇иссаа д̇аа самбад̇д̇ияо д̣̇аад̇ум̣ сагкиссаси , на сагкиссасийд̇и, аяам̣ ко бана бин̣д̣абаад̇о д̇аяаа сарааг̇зна сад̣̇осзна самохзна на саггаа г̇ан̣хид̇у’’нд̇и бад̇д̇ам̣ т̇авигааяа багкибид̇ваа г̇ан̣тигам̣ мун̃жид̇ваа нивад̇д̇ид̇ваа гассагалзн̣амзва г̇анд̇ваа бад̇д̇ам̣ хздтааман̃жз, жийварам̣ жийваравам̣сз табзд̇ваа ‘‘арахад̇д̇ам̣ абаабун̣ид̇ваа на нигкамиссаамий’’д̇и вийрияам̣ ад̇хидтахид̇ваа нисийд̣̇и . д̣̇ийгхарад̇д̇ам̣ аббамад̇д̇о худ̇ваа нивуд̇т̇абхигку вибассанам̣ вад̣дхзд̇ваа бурзбхад̇д̇амзва арахад̇д̇ам̣ бад̇ваа вигасамаанамива бад̣̇умам̣ махаакийн̣аасаво сид̇ам̣ гаронд̇ова нигками. лзн̣ад̣̇ваарз ругкамхи ад̇хивад̇т̇аа д̣̇звад̇аа –

‘‘намо д̇з бурисааж̇ан̃н̃а, намо д̇з бурисуд̇д̇ама;

яасса д̇з аасаваа кийн̣аа, д̣̇агкин̣зяяоси маарисаа’’д̇и. –

уд̣̇аанам̣ уд̣̇аанзд̇ваа ‘‘бханд̇з, бин̣д̣ааяа бавидтаанам̣ д̇умхаад̣̇исаанам̣ араханд̇аанам̣ бхигкам̣ д̣̇ад̇ваа махаллагид̇т̇ияо д̣̇угкаа мужжиссанд̇ий’’д̇и ааха. т̇зро удтахид̇ваа д̣̇ваарам̣ виварид̇ваа гаалам̣ ологзнд̇о ‘‘баад̇оязваа’’д̇и н̃ад̇ваа бад̇д̇ажийварам̣ аад̣̇ааяа г̇аамам̣ баависи.

д̣̇ааригааби бхад̇д̇ам̣ самбаад̣̇зд̇ваа ‘‘ид̣̇аани мз бхаад̇аа ааг̇амиссад̇и, ид̣̇аани ааг̇амиссад̇ий’’д̇и д̣̇ваарам̣ ологаяамаанаа нисийд̣̇и. саа т̇зрз гхарад̣̇ваарам̣ самбад̇д̇з бад̇д̇ам̣ г̇ахзд̇ваа саббипаан̣ид̇аяож̇ид̇асса кийрабин̣д̣абаад̇асса буурзд̇ваа хад̇т̇з табзси. т̇зро ‘‘сукам̣ ход̇уу’’д̇и анумод̣̇анам̣ гад̇ваа баггаами. сааби д̇ам̣ ологаяамаанаава адтааси. т̇зрасса хи д̇ад̣̇аа ад̇ивияа барисуд̣̇д̇хо чавиван̣н̣о ахоси, виббасаннаани инд̣̇рияаани, мукам̣ б̣анд̇ханаа муд̇д̇ад̇аалабаггам̣ вияа ад̇ивияа вирожид̇т̇а.

махааубаасигаа аран̃н̃ад̇о ааг̇анд̇ваа ‘‘гим̣, амма, бхаад̇иго д̇з ааг̇ад̇о’’д̇и бужчи. саа саб̣б̣ам̣ д̇ам̣ бавад̇д̇им̣ аарожзси. убаасигаа ‘‘аж̇ж̇а мз буд̇д̇асса баб̣б̣аж̇ид̇агижжам̣ мад̇т̇агам̣ бад̇д̇а’’нд̇и н̃ад̇ваа ‘‘абхирамад̇и д̇з, амма, бхаад̇аа б̣уд̣̇д̇хасаасанз, на угган̣тад̇ий’’д̇и ааха.

‘‘маханд̇ам̣ ко банзд̇ам̣ сад̇т̇уд̣̇ааяаж̇ж̇ам̣, яад̣̇ид̣̇ам̣ сад̇д̇а арияад̇ханаани наама, д̇ам̣ на саггаа гусийд̇зна г̇ахзд̇ум̣. яат̇аа хи виббадибаннам̣ буд̇д̇ам̣ маад̇аабид̇аро ‘аяам̣ амхаагам̣ абуд̇д̇о’д̇и бариб̣аахирам̣ гаронд̇и, со д̇зсам̣ ажжаязна д̣̇ааяаж̇ж̇ам̣ на лабхад̇и, звам̣ гусийд̇оби ид̣̇ам̣ арияад̇ханад̣̇ааяаж̇ж̇ам̣ на лабхад̇и , аарад̣̇д̇хавийрияова лабхад̇ий’’д̇и д̣̇ааяаж̇ж̇амахад̇д̇ам̣ бажжавзгкад̇оби уббаж̇ж̇ад̇и.

‘‘махаа ко бана д̇з сад̇т̇аа, сад̇т̇уно хи д̇з маад̇угужчисмим̣ бадисанд̇хиг̇г̇ахан̣агаалзби абхинигкаманзби абхисамб̣од̇хияамби д̇хаммажаггаббавад̇д̇ана-яамагабаадихаарияа-д̣̇зворохана-ааяусан̇кааравоссаж̇ж̇анзсуби бариниб̣б̣аанагаалзби д̣̇асасахассилогад̇хаад̇у агамбид̇т̇а. яуд̇д̇ам̣ ну ко д̇з зваруубасса сад̇т̇у саасанз баб̣б̣аж̇ид̇ваа гусийд̇зна бхавид̇у’’нд̇и звам̣ сад̇т̇умахад̇д̇ам̣ бажжавзгкад̇оби уббаж̇ж̇ад̇и.

‘‘ж̇аад̇ияааби д̇вам̣ ид̣̇аани на лаамагаж̇аад̇иго, асамбхиннааяа махаасаммад̇абавзн̣ияаа ааг̇ад̇ауггаагарааж̇авам̣сз ж̇аад̇оси, суд̣̇д̇ход̣̇анамахаарааж̇асса жа махаамааяаад̣̇звияаа жа над̇д̇аа, раахулабхад̣̇д̣̇асса ганидто, д̇аяаа наама зваруубзна ж̇инабуд̇д̇зна худ̇ваа на яуд̇д̇ам̣ гусийд̇зна вихарид̇у’’нд̇и звам̣ ж̇аад̇имахад̇д̇ам̣ бажжавзгкад̇оби уббаж̇ж̇ад̇и.

‘‘саарибуд̇д̇амог̇г̇аллаанаа жзва асийд̇и махаасаавагаа жа вийриязнзва логуд̇д̇арад̇хаммам̣ бадивиж̇жхим̣су. д̇вам̣ бана зд̇зсам̣ саб̣рахмажаарийнам̣ маг̇г̇ам̣ бадибаж̇ж̇аси, на бадибаж̇ж̇асий’’д̇и звам̣ саб̣рахмажааримахад̇д̇ам̣ бажжавзгкад̇оби уббаж̇ж̇ад̇и.

гужчим̣ буурзд̇ваа тид̇ааж̇аг̇арасад̣̇исз виссадтагааяигажзд̇асигавийрияз гусийд̇абуг̇г̇алз бариваж̇ж̇знд̇ассааби, аарад̣̇д̇хавийрияз бахид̇ад̇д̇з буг̇г̇алз сзванд̇ассааби таананисаж̇ж̇аад̣̇ийсу вийрияуббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуурий ход̇и.

згаад̣̇аса д̇хаммаа бийд̇исамб̣ож̇жхан̇г̇асса уббаад̣̇ааяа сам̣вад̇д̇анд̇и – б̣уд̣̇д̇хаануссад̇и д̇хаммо, сан̇гхо, сийлам̣, жааг̇о, д̣̇звад̇аануссад̇и, убасамаануссад̇и, луукабуг̇г̇алабариваж̇ж̇анад̇аа, синид̣̇д̇хабуг̇г̇аласзванад̇аа, басаад̣̇анийяасуд̇д̇анд̇абажжавзгкан̣ад̇аа, д̇ад̣̇ад̇химуд̇д̇ад̇аад̇и.

б̣уд̣̇д̇хаг̇ун̣з ануссаранд̇ассааби хи яаава убажаараа сагаласарийрам̣ парамаано бийд̇исамб̣ож̇жхан̇г̇о уббаж̇ж̇ад̇и, д̇хаммасан̇гхаг̇ун̣з ануссаранд̇ассааби, д̣̇ийгхарад̇д̇ам̣ акан̣д̣ам̣ гад̇ваа рагкид̇ам̣ жад̇убаарисуд̣̇д̇хисийлам̣ бажжавзгканд̇ассааби, г̇ихино д̣̇асасийлабан̃жасийлаани бажжавзгканд̇ассааби, д̣̇уб̣бхигкабхаяаад̣̇ийсу бан̣ийд̇ам̣ бхож̇анам̣ саб̣рахмажаарийнам̣ д̣̇ад̇ваа ‘‘звам̣ наама ад̣̇амхаа’’д̇и жааг̇ам̣ бажжавзгканд̇ассааби, г̇ихиноби зваруубз гаалз сийлаванд̇аанам̣ д̣̇иннад̣̇аанам̣ бажжавзгканд̇ассааби, язхи г̇ун̣зхи саманнааг̇ад̇аа д̣̇звад̇д̇ам̣ бад̇д̇аа, д̇ат̇ааруубаанам̣ ад̇д̇ани ад̇т̇ид̇ам̣ бажжавзгканд̇ассааби, самаабад̇д̇ияаа вигкамбхид̇аа гилзсаа садтиби сад̇д̇ад̇иби вассаани на самуд̣̇аажаранд̇ийд̇и бажжавзгканд̇ассааби, жзд̇ияад̣̇ассанаб̣од̇хид̣̇ассанат̇зрад̣̇ассанзсу асаггажжагирияааяа сам̣суужид̇алуукабхаавз б̣уд̣̇д̇хаад̣̇ийсу басаад̣̇асинзхаабхаавзна г̇ад̣̇рабхабидтараж̇асад̣̇исз луукабуг̇г̇алз бариваж̇ж̇знд̇ассааби, б̣уд̣̇д̇хаад̣̇ийсу басаад̣̇аб̣ахулз муд̣̇ужид̇д̇з синид̣̇д̇хабуг̇г̇алз сзванд̇ассааби, рад̇анад̇д̇аяаг̇ун̣абарид̣̇ийбагз басаад̣̇анийяз суд̇д̇анд̇з бажжавзгканд̇ассааби, таананисаж̇ж̇аад̣̇ийсу бийд̇иуббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуурий ход̇и.

сад̇д̇а д̇хаммаа бассад̣̇д̇хисамб̣ож̇жхан̇г̇асса уббаад̣̇ааяа сам̣вад̇д̇анд̇и – бан̣ийд̇абхож̇анасзванад̇аа, уд̇усукасзванад̇аа, ирияаабат̇асукасзванад̇аа, маж̇жхад̇д̇абаяог̇ад̇аа, саарад̣̇д̇хагааяабуг̇г̇алабариваж̇ж̇анад̇аа, бассад̣̇д̇хагааяа-буг̇г̇аласзванад̇аа, д̇ад̣̇ад̇химуд̇д̇ад̇аад̇и.

бан̣ийд̇ан̃хи синид̣̇д̇хам̣ бхож̇анам̣ бхун̃ж̇анд̇ассааби, сийд̇ун̣хзсу уд̇уусу таанаад̣̇ийсу жа ирияаабат̇зсу саббааяам̣ уд̇ун̃жа ирияаабат̇ан̃жа сзванд̇ассааби бассад̣̇д̇хи уббаж̇ж̇ад̇и. яо бана махаабурисаж̇аад̇иго саб̣б̣ауд̇уирияаабат̇агкамова ход̇и, на д̇ам̣ санд̇хааязд̇ам̣ вуд̇д̇ам̣. яасса сабхааг̇ависабхааг̇ад̇аа ад̇т̇и, д̇ассзва висабхааг̇з уд̇уирияаабат̇з важ̇ж̇зд̇ваа сабхааг̇з сзванд̇асса уббаж̇ж̇ад̇и. маж̇жхад̇д̇абаяог̇о вужжад̇и ад̇д̇ано жа барасса жа гаммассагад̇абажжавзгкан̣аа. иминаа маж̇жхад̇д̇абаяог̇зна уббаж̇ж̇ад̇и. яо лзд̣д̣уд̣̇ан̣д̣аад̣̇ийхи барам̣ вихзтаяамаанова вижарад̇и, зваруубам̣ саарад̣̇д̇хагааяабуг̇г̇алам̣ бариваж̇ж̇знд̇ассааби, сам̣яад̇абаад̣̇абаан̣им̣ бассад̣̇д̇хагааяам̣ буг̇г̇алам̣ сзванд̇ассааби, таананисаж̇ж̇аад̣̇ийсу бассад̣̇д̇хиуббаад̣̇анад̇т̇ааяа ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуурий ход̇и.

д̣̇аса д̇хаммаа самаад̇хисамб̣ож̇жхан̇г̇асса уббаад̣̇ааяа сам̣вад̇д̇анд̇и – вад̇т̇увисад̣̇агирияад̇аа, инд̣̇рияасамад̇д̇абадибаад̣̇анад̇аа, нимид̇д̇агусалад̇аа, самаяз жид̇д̇асса баг̇г̇ан̣ханад̇аа, самаяз жид̇д̇асса ниг̇г̇ан̣ханад̇аа, самаяз самбахам̣санад̇аа, самаяз аж̇жхубзгканад̇аа, асамаахид̇абуг̇г̇алабариваж̇ж̇анад̇аа, самаахид̇абуг̇г̇аласзванад̇аа, д̇ад̣̇ад̇химуд̇д̇ад̇аад̇и. д̇ад̇т̇а вад̇т̇увисад̣̇агирияад̇аа жа инд̣̇рияасамад̇д̇абадибаад̣̇анад̇аа жа вуд̇д̇анаязнзва взд̣̇ид̇аб̣б̣аа.

нимид̇д̇агусалад̇аа наама гасин̣анимид̇д̇асса уг̇г̇ахан̣агусалад̇аа. самаяз жид̇д̇асса баг̇г̇ан̣ханад̇аад̇и яасмим̣ самаяз ад̇исит̇илавийрияад̇аад̣̇ийхи лийнам̣ жид̇д̇ам̣ ход̇и, д̇асмим̣ самаяз д̇хаммавижаяавийрияабийд̇исамб̣ож̇жхан̇г̇асамудтаабанзна д̇асса баг̇г̇ан̣ханам̣. самаяз жид̇д̇асса ниг̇г̇ан̣ханад̇аад̇и яасмим̣ самаяз ажжаарад̣̇д̇хавийрияад̇аад̣̇ийхи уд̣̇д̇хад̇ам̣ жид̇д̇ам̣ ход̇и, д̇асмим̣ самаяз бассад̣̇д̇хисамаад̇хиубзгкаасамб̣ож̇жхан̇г̇асамудтаабанзна д̇асса ниг̇г̇ан̣ханам̣. самаяз самбахам̣санад̇аад̇и яасмим̣ самаяз жид̇д̇ам̣ бан̃н̃аабаяог̇аманд̣̇ад̇ааяа ваа убасамасукаанам̣ виг̇амзна ваа нирассаад̣̇ам̣ ход̇и, д̇асмим̣ самаяз адтасам̣взг̇авад̇т̇убажжавзгкан̣зна сам̣взж̇зд̇и. адта сам̣взг̇авад̇т̇ууни наама ж̇аад̇иж̇арааб̣яаад̇химаран̣аани жад̇д̇аари, абааяад̣̇угкам̣ бан̃жамам̣, ад̇ийд̇з ваддамуулагам̣ д̣̇угкам̣, анааг̇ад̇з ваддамуулагам̣ д̣̇угкам̣, бажжуббаннз аахаарабарияздтимуулагам̣ д̣̇угканд̇и. рад̇анад̇д̇аяаг̇ун̣аануссаран̣зна жа басаад̣̇ам̣ ж̇анзд̇и, аяам̣ вужжад̇и ‘‘самаяз самбахам̣санад̇аа’’д̇и.

самаяз аж̇жхубзгканад̇аа наама яасмим̣ самаяз саммаабадибад̇д̇им̣ ааг̇амма алийнам̣ ануд̣̇д̇хад̇ам̣ анирассаад̣̇ам̣ аарамман̣з самаббавад̇д̇ам̣ самат̇авийт̇ибадибаннам̣ жид̇д̇ам̣ ход̇и, д̇ад̣̇аасса баг̇г̇аханиг̇г̇ахасамбахам̣санзсу на б̣яаабаарам̣ аабаж̇ж̇ад̇и саарат̇и вияа самаббавад̇д̇зсу ассзсу. аяам̣ вужжад̇и ‘‘самаяз аж̇жхубзгканад̇аа’’д̇и. асамаахид̇абуг̇г̇алабариваж̇ж̇анад̇аа наама убажаарам̣ ваа аббанам̣ ваа аббад̇д̇аанам̣ вигкид̇д̇ажид̇д̇аанам̣ буг̇г̇алаанам̣ аарагаа бариваж̇ж̇анам̣. самаахид̇абуг̇г̇аласзванад̇аа наама убажаарзна ваа аббанааяа ваа самаахид̇ажид̇д̇аанам̣ сзванаа бхаж̇анаа баяирубаасанаа. д̇ад̣̇ад̇химуд̇д̇ад̇аа наама таананисаж̇ж̇аад̣̇ийсу самаад̇хиуббаад̣̇анад̇т̇амзва ниннабон̣абаб̣бхааражид̇д̇ад̇аа. зван̃хи бадибаж̇ж̇ад̇о зса уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуурий ход̇и.

бан̃жа д̇хаммаа убзгкаасамб̣ож̇жхан̇г̇асса уббаад̣̇ааяа сам̣вад̇д̇анд̇и – сад̇д̇амаж̇жхад̇д̇ад̇аа, сан̇каарамаж̇жхад̇д̇ад̇аа, сад̇д̇асан̇каарагзлааяанабуг̇г̇алабариваж̇ж̇анад̇аа, сад̇д̇асан̇каарамаж̇жхад̇д̇абуг̇г̇аласзванад̇аа, д̇ад̣̇ад̇химуд̇д̇ад̇аад̇и. д̇ад̇т̇а д̣̇вийхаагаарзхи сад̇д̇амаж̇жхад̇д̇ад̇ам̣ самудтаабзд̇и – ‘‘д̇вам̣ ад̇д̇анова гаммзна ааг̇анд̇ваа ад̇д̇анова гаммзна г̇амиссаси, зсоби ад̇д̇ано гаммзна ааг̇анд̇ваа ад̇д̇анова гаммзна г̇амиссад̇и, д̇вам̣ гам̣ гзлааяасий’’д̇и звам̣ гаммассагад̇абажжавзгкан̣зна жа – ‘‘барамад̇т̇ад̇о сад̇д̇оязва над̇т̇и, со д̇вам̣ гам̣ гзлааяасий’’д̇и звам̣ ниссад̇д̇абажжавзгкан̣зна жа. д̣̇вийхзваагаарзхи сан̇каарамаж̇жхад̇д̇ад̇ам̣ самудтаабзд̇и – ‘‘ид̣̇ам̣ жийварам̣ анубуб̣б̣зна ван̣н̣авигаарад̇ан̃жзва ж̇ин̣н̣абхааван̃жа убаг̇анд̇ваа баад̣̇абун̃чанажол̣агам̣ худ̇ваа яадтигодияаа чад̣д̣анийяам̣ бхависсад̇и, сажз банасса саамиго бхавзяяа , нааяам̣ звам̣ винассид̇ум̣ д̣̇ад̣̇зяяаа’’д̇и звам̣ ассаамигабхаавабажжавзгкан̣зна жа, ‘‘анад̣̇д̇ханияам̣ ид̣̇ам̣ д̇аавагаалига’’нд̇и звам̣ д̇аавагаалигабхаавабажжавзгкан̣зна жа. яат̇аа жа жийварз, звам̣ бад̇д̇аад̣̇ийсуби яож̇анаа гаад̇аб̣б̣аа.

сад̇д̇асан̇каарагзлааяанабуг̇г̇алабариваж̇ж̇анад̇аад̇и зд̇т̇а яо буг̇г̇ало г̇ихи ваа ад̇д̇ано буд̇д̇ад̇хийд̇аад̣̇игз, баб̣б̣аж̇ид̇о ваа ад̇д̇ано анд̇зваасигасамаанубаж̇жхааяагаад̣̇игз мамааяад̇и, сахад̇т̇аава нзсам̣ гзсажчзд̣̇ана-суужигамма-жийварад̇хована-раж̇ана-бад̇д̇абажанаад̣̇ийни гарод̇и, мухуд̇д̇амби абассанд̇о ‘‘асуго сааман̣зро гухим̣, асуго д̣̇ахаро гухи’’нд̇и бханд̇амиг̇о вияа ид̇о жид̇о жа аалогзд̇и, ан̃н̃зна гзсажчзд̣̇анаад̣̇ийнам̣ ад̇т̇ааяа ‘‘мухуд̇д̇ам̣ д̇аава асугам̣ бзсзт̇аа’’д̇и яаажияамааноби ‘‘амхзби д̇ам̣ ад̇д̇ано гаммам̣ на гаарзма, д̇умхз нам̣ г̇ахзд̇ваа гиламзссат̇аа’’д̇и на д̣̇зд̇и, аяам̣ сад̇д̇агзлааяано наама. яо бана жийварабад̇д̇ат̇аалагагад̇д̇араяадтиаад̣̇ийни мамааяад̇и, ан̃н̃асса хад̇т̇зна бараамасид̇умби на д̣̇зд̇и, д̇аавагаалигам̣ яаажид̇оби ‘‘маяамби имам̣ д̇ханааяанд̇аа на барибхун̃ж̇аама, д̇умхаагам̣ гим̣ д̣̇ассаамаа’’д̇и вад̣̇ад̇и, аяам̣ сан̇каарагзлааяано наама. яо бана д̇зсу д̣̇вийсуби вад̇т̇уусу маж̇жхад̇д̇о уд̣̇аасино, аяам̣ сад̇д̇асан̇каарамаж̇жхад̇д̇о наама. ид̇и аяам̣ убзгкаасамб̣ож̇жхан̇г̇о зваруубам̣ сад̇д̇асан̇каарагзлааяанабуг̇г̇алам̣ аарагаа бариваж̇ж̇знд̇ассааби, сад̇д̇асан̇каарамаж̇жхад̇д̇абуг̇г̇алам̣ сзванд̇ассааби, таананисаж̇ж̇аад̣̇ийсу д̇ад̣̇уббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуурий ход̇и.

асубханимид̇д̇анд̇и уд̣̇д̇хумаад̇агаад̣̇ибхзд̣̇аа д̣̇аса асубхаарамман̣аа д̇хаммаа. яонисоманасигаараб̣ахулийгаарод̇и зд̇т̇а бана яонисоманасигааро наама убааяаманасигааро, бат̇аманасигааро, уббаад̣̇агаманасигааро. абижа ча д̇хаммаа гаамажчанд̣̇асса бахаанааяа сам̣вад̇д̇анд̇и – асубханимид̇д̇асса уг̇г̇ахо, асубхабхааванаануяог̇о, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, галяаан̣амид̇д̇ад̇аа, саббааяагат̇аад̇и.

д̣̇асавид̇хан̃хи асубханимид̇д̇ам̣ уг̇г̇ан̣ханд̇ассааби гаамажчанд̣̇о бахийяад̇и, бхаавзнд̇ассааби, инд̣̇риязсу г̇уд̇д̇ад̣̇ваарассааби, жад̇уннам̣ бан̃жаннам̣ аалобаанам̣ огаасз сад̇и уд̣̇агам̣ бивид̇ваа яаабанасийлад̇ааяа бхож̇анз мад̇д̇ан̃н̃уноби. д̇знзд̇ам̣ вуд̇д̇ам̣ –

‘‘жад̇д̇ааро бан̃жа аалобз, абхуд̇ваа уд̣̇агам̣ бивз;

алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983);

асубхагаммигад̇иссад̇т̇зрасад̣̇исз асубхабхааванаарад̇з галяаан̣амид̇д̇з сзванд̇ассааби гаамажчанд̣̇о бахийяад̇и, таананисаж̇ж̇аад̣̇ийсу д̣̇асаасубханимид̇д̇ааяа-саббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа гаамажчанд̣̇асса бахаанааяа сам̣вад̇д̇анд̇ий’’д̇и . имзхи бана чахи д̇хаммзхи бахийнасса гаамажчанд̣̇асса арахад̇д̇амаг̇г̇зна ааяад̇им̣ ануббаад̣̇о ход̇и.

мзд̇д̇аа жзд̇овимуд̇д̇ийд̇и зд̇т̇а мзд̇д̇аад̇и вуд̇д̇з аббанааби убажаароби ваддад̇и, жзд̇овимуд̇д̇ийд̇и аббанааязва. яонисоманасигааро вуд̇д̇алагкан̣ова. абижа ча д̇хаммаа б̣яаабаад̣̇асса бахаанааяа сам̣вад̇д̇анд̇и – мзд̇д̇аанимид̇д̇асса уг̇г̇ахо, мзд̇д̇аабхааванаануяог̇о, гаммассагад̇аабажжавзгкан̣ад̇аа, бадисан̇каанаб̣ахулад̇аа, галяаан̣амид̇д̇ад̇аа, саббааяагат̇аад̇и.

од̣̇иссагаанод̣̇иссагад̣̇исаапаран̣аанан̃хи ан̃н̃ад̇аравасзна мзд̇д̇ам̣ уг̇г̇ан̣ханд̇ассааби б̣яаабаад̣̇о бахийяад̇и, д̇ат̇аа од̇хисоанод̇хисод̣̇исаапаран̣авасзна мзд̇д̇ам̣ бхаавзнд̇ассааби. ‘‘д̇вам̣ зд̇асса гуд̣̇д̇хо гим̣ гариссаси? гимасса сийлаад̣̇ийни наасзд̇ум̣ сагкиссаси? нану д̇вам̣ ад̇д̇ано гаммзна ааг̇анд̇ваа ад̇д̇ано гаммзнзва г̇амиссаси? барасса гуж̇жханам̣ наама вийд̇ажжиган̇г̇аарад̇ад̇д̇ааяасалаагаг̇уут̇аад̣̇ийни г̇ахзд̇ваа барам̣ бахарид̇угаамад̇аасад̣̇исам̣ ход̇и. зсоби д̇ава гуд̣̇д̇хо гим̣ гариссад̇и? гим̣ д̇з сийлаад̣̇ийни винаасзд̇ум̣ сагкиссад̇и? зса ад̇д̇ано гаммзна ааг̇анд̇ваа ад̇д̇ано гаммзнзва г̇амиссад̇и? аббадижчид̇абахзн̣агам̣ вияа бадиваад̇ам̣ кид̇д̇араж̇омудти вияа жа зд̇ассзвзса год̇хо мад̇т̇агз бад̇иссад̇ий’’д̇и звам̣ ад̇д̇ано жа барасса жа гаммассагад̇ам̣ бажжавзгкад̇оби, убхаяагаммассагад̇ам̣ бажжавзгкид̇ваа бадисан̇каанз тид̇ассааби, ассаг̇уд̇д̇ад̇т̇зрасад̣̇исз мзд̇д̇аабхааванаарад̇з галяаан̣амид̇д̇з сзванд̇ассааби б̣яаабаад̣̇о бахийяад̇и, таананисаж̇ж̇аад̣̇ийсу мзд̇д̇ааниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа б̣яаабаад̣̇асса бахаанааяа сам̣вад̇д̇анд̇ий’’д̇и . имзхи бана чахи д̇хаммзхи бахийнасса б̣яаабаад̣̇асса анааг̇аамимаг̇г̇зна ааяад̇им̣ ануббаад̣̇о ход̇и.

ад̇т̇и бхигкавз арад̇ийд̇иаад̣̇и вуд̇д̇ад̇т̇амзва. аби жа ча д̇хаммаа т̇инамид̣̇д̇хасса бахаанааяа сам̣вад̇д̇анд̇и – ад̇ибхож̇анз нимид̇д̇аг̇г̇аахо, ирияаабат̇асамбаривад̇д̇анад̇аа, аалогасан̃н̃ааманасигааро, аб̣бхогаасаваасо, галяаан̣амид̇д̇ад̇аа, саббааяагат̇аад̇и.

аахарахад̇т̇агам̣, бхуд̇д̇авамид̇агам̣, д̇ад̇раваддагам̣, алам̣саадагам̣, гаагамаасагабхож̇анам̣ бхун̃ж̇ид̇ваа рад̇д̇идтаанад̣̇иваадтаанз нисиннасса хи саман̣ад̇хаммам̣ гарод̇о т̇инамид̣̇д̇хам̣ махаахад̇т̇ий вияа од̇т̇аранд̇ам̣ ааг̇ажчад̇и, жад̇убан̃жааалобаогаасам̣ бана табзд̇ваа баанийяам̣ бивид̇ваа яаабанасийласса бхигкуно д̇ам̣ на ход̇ийд̇и звам̣ ад̇ибхож̇анз нимид̇д̇ам̣ г̇ан̣ханд̇ассаби т̇инамид̣̇д̇хам̣ бахийяад̇и. яасмим̣ ирияаабат̇з т̇инамид̣̇д̇хам̣ оггамад̇и, д̇ад̇о ан̃н̃ам̣ баривад̇д̇знд̇ассааби, рад̇д̇им̣ жанд̣̇аалогад̣̇ийбаалогауггаалогз д̣̇иваа суурияаалогам̣ манасигаронд̇ассааби, аб̣бхогаасз васанд̇ассааби, махаагассабад̇т̇зрасад̣̇исз бахийнат̇инамид̣̇д̇хз галяаан̣амид̇д̇з сзванд̇ассааби т̇инамид̣̇д̇хам̣ бахийяад̇и, таананисаж̇ж̇аад̣̇ийсу д̇худ̇ан̇г̇аниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа т̇инамид̣̇д̇хасса бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнасса т̇инамид̣̇д̇хасса арахад̇д̇амаг̇г̇зна ааяад̇им̣ ануббаад̣̇о ход̇и.

ад̇т̇и бхигкавз жзд̇асо вуубасамод̇иаад̣̇ийни вуд̇д̇ад̇т̇аанзва. абижа ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇и – б̣ахуссуд̇ад̇аа, барибужчагад̇аа, винаяз багад̇ан̃н̃уд̇аа, вуд̣̇д̇хасзвид̇ад̇аа, галяаан̣амид̇д̇ад̇аа, саббааяагат̇аад̇и.

б̣аахусажжзнаби хи згам̣ ваа д̣̇вз ваа д̇аяо ваа жад̇д̇ааро ваа бан̃жа ваа нигааяз баал̣ивасзна жа ад̇т̇авасзна жа уг̇г̇ан̣ханд̇ассааби уд̣̇д̇хажжагуггужжам̣ бахийяад̇и, габбияаагаббияабарибужчааб̣ахулассааби, винаяабан̃н̃ад̇д̇ияам̣ жин̣н̣авасийбхаавад̇ааяа багад̇ан̃н̃уноби, вуд̣̇д̇хз махаллагад̇т̇зрз убасан̇гаманд̇ассааби, убаалид̇т̇зрасад̣̇исз винаяад̇харз галяаан̣амид̇д̇з сзванд̇ассааби, уд̣̇д̇хажжагуггужжам̣ бахийяад̇и, таананисаж̇ж̇аад̣̇ийсу габбияаагаббияаниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнз уд̣̇д̇хажжагуггужжз уд̣̇д̇хажжасса арахад̇д̇амаг̇г̇зна, гуггужжасса анааг̇аамимаг̇г̇зна ааяад̇им̣ ануббаад̣̇о ход̇ийд̇и.

гусалаагусалаа д̇хаммаад̇иаад̣̇ийниби вуд̇д̇ад̇т̇аанзва. абижа ча д̇хаммаа вижигижчааяа бахаанааяа сам̣вад̇д̇анд̇и – б̣ахуссуд̇ад̇аа, барибужчагад̇аа, винаяз багад̇ан̃н̃уд̇аа, ад̇химогкаб̣ахулад̇аа, галяаан̣амид̇д̇ад̇аа, саббааяагат̇аад̇и.

б̣аахусажжзнаби хи згам̣ ваа…бз… бан̃жа ваа нигааяз баал̣ивасзна жа ад̇т̇авасзна жа уг̇г̇ан̣ханд̇ассааби вижигижчаа бахийяад̇и, д̇ийн̣и рад̇анаани аараб̣бха барибужчааб̣ахулассааби , винаяз жин̣н̣авасийбхаавассааби, д̇ийсу рад̇анзсу огаббанияасад̣̇д̇хаасан̇каад̇аад̇химогкаб̣ахулассааби, сад̣̇д̇хаад̇химуд̇д̇з ваггалид̇т̇зрасад̣̇исз галяаан̣амид̇д̇з сзванд̇ассааби вижигижчаа бахийяад̇и, таананисаж̇ж̇аад̣̇ийсу д̇ин̣н̣ам̣ рад̇анаанам̣ г̇ун̣аниссид̇асаббааяагат̇ааяаби бахийяад̇и. д̇зна вуд̇д̇ам̣ ‘‘ча д̇хаммаа вижигижчааяа бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнааяа вижигижчааяа сод̇аабад̇д̇имаг̇г̇зна ааяад̇им̣ ануббаад̣̇о ход̇и. ид̇и бхаг̇аваа имасмим̣ суд̇д̇з д̣̇зсанам̣ д̇ийхи бхавзхи нивад̇д̇зд̇ваа арахад̇д̇зна гуудам̣ г̇ан̣хи. д̣̇зсанаабарияосаанз бан̃жасад̇аа бхигкуу арахад̇д̇ам̣ баабун̣им̣су.