| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
аб̣яаагад̇абад̣̇ам̣
Abyākatapadaṃ
ахзд̇угагусалавибаагаван̣н̣анаа
Ahetukakusalavipākavaṇṇanā
431. гаамааважара…бз… аад̣̇и вуд̇д̇анд̇и зд̇т̇а аад̣̇и-сад̣̇д̣̇зна ‘‘убажид̇ад̇д̇аа’’д̇и бад̣̇ам̣ сан̇г̇аяхад̇и ‘‘асаад̇хааран̣агаммабажжаяавасзнаа’’д̇и вуд̇д̇ад̇д̇аа. ‘‘убажид̇ад̇д̇аад̇и лад̣̇д̇хаасзванад̇д̇аа’’д̇и гзжи вад̣̇анд̇и , д̇ам̣ батамаж̇аванасса на яуж̇ж̇ад̇и анаасзванад̇д̇аа. д̇ат̇аа жа сад̇и д̇асса вибаагад̣̇аанамзва на сияаад̇и д̇ад̇о ан̃н̃ат̇аа ад̇т̇ам̣ д̣̇ассзнд̇о ‘‘яат̇аа’’д̇иаад̣̇имааха. д̇ад̇т̇а вибаагаабхимуканд̇и вибаагад̣̇аанаабхимукам̣ гад̇огаасам̣. гад̇огаасад̇аа жа анаад̣̇имхи сам̣саарз анзгзсам̣ гаммаанам̣ гад̇аанам̣ ад̇т̇ид̇ааяа барасса бадиб̣ааханзна ход̇ийд̇и ‘‘ан̃н̃асса вибаагам̣ бадиб̣аахид̇ваа’’д̇иаад̣̇и вуд̇д̇ам̣. вад̣дхид̇ад̇аа жа сагаммасса б̣алад̣̇аанасамад̇т̇ад̇аавасзна ад̇д̇ано гааран̣зхи абхисан̇кад̇ад̇аа. асаад̇хааран̣зна наамам̣ уд̣̇д̇хадам̣ ‘‘бхзрийсад̣̇д̣̇о яаван̇гуро’’д̇и яат̇аа. вин̃н̃аан̣аананд̇и жагкувин̃н̃аан̣аад̣̇ийнам̣. висзсабажжаяад̇д̇аад̇и ад̇хигабажжаяад̇д̇аа.
431. Kāmāvacara…pe… ādi vuttanti ettha ādi-saddena ‘‘upacitattā’’ti padaṃ saṅgayhati ‘‘asādhāraṇakammapaccayavasenā’’ti vuttattā. ‘‘Upacitattāti laddhāsevanattā’’ti keci vadanti , taṃ paṭhamajavanassa na yujjati anāsevanattā. Tathā ca sati tassa vipākadānameva na siyāti tato aññathā atthaṃ dassento ‘‘yathā’’tiādimāha. Tattha vipākābhimukhanti vipākadānābhimukhaṃ katokāsaṃ. Katokāsatā ca anādimhi saṃsāre anekesaṃ kammānaṃ katānaṃ atthitāya parassa paṭibāhanena hotīti ‘‘aññassa vipākaṃ paṭibāhitvā’’tiādi vuttaṃ. Vaḍḍhitatā ca sakammassa baladānasamatthatāvasena attano kāraṇehi abhisaṅkhatatā. Asādhāraṇena nāmaṃ uddhaṭaṃ ‘‘bherīsaddo yavaṅkuro’’ti yathā. Viññāṇānanti cakkhuviññāṇādīnaṃ. Visesapaccayattāti adhikapaccayattā.
жагкусанниссид̇ан̃жа д̇ам̣ руубавиж̇аананан̃жаад̇и зд̇зна самаанаад̇хигаран̣ад̇ам̣ самаасасса д̣̇ассзнд̇о д̇ад̇т̇а жа ‘‘жагкусанниссид̇а’’нд̇иаад̣̇ибад̣̇ад̣̇ваяасса нийлуббаласад̣̇д̣̇аад̣̇ийнам̣ вияа ан̃н̃аман̃н̃ависзсанависзсид̇аб̣б̣абхаавамааха. ан̃н̃авин̃н̃аан̣анд̇и руубаарамман̣ам̣ мановин̃н̃аан̣ам̣. руубам̣язваарамман̣анд̇и бана ад̇т̇з д̣̇иб̣б̣ажагкувин̃н̃аан̣ам̣ д̣̇адтаб̣б̣ам̣ д̇ам̣сад̣̇исаанам̣ д̇ад̣̇убажаарам̣ гад̇ваа яат̇аа ‘‘саа зва д̇ид̇д̇ирий д̇аани зва осад̇хааний’’д̇и. жхаанабажжаяад̇д̇аабхаавз на жхаанан̇г̇ад̇аа над̇т̇ийд̇и бан̃жавин̃н̃аан̣зсу убзгкаад̣̇ийнам̣ убажарид̇ажхаанан̇г̇ад̇ам̣ саад̇хзд̇и. на хи жхаанан̇г̇аанам̣ жхаанабажжаяад̇ам̣ вад̇ваа д̇зсам̣ жхаанабажжаяабхааво бадигкид̇д̇од̇и. яад̣̇и звам̣ бан̃жавин̃н̃аан̣зсу убзгкаад̣̇аяо жхаанараасидтаанз на вад̇д̇аб̣б̣аа сияунд̇и ааха ‘‘жхаанабажжаяад̇д̇аабхаавз’’д̇иаад̣̇и. убзгкаад̣̇ибхаавад̇од̇и убзгкаасукад̣̇угкзгаг̇г̇ад̇аабхаавад̇о. ан̃н̃адтаанаабхаавад̇од̇и жид̇д̇адтид̇им̣ зва санд̇хааяа вуд̇д̇ам̣.
Cakkhusannissitañca taṃ rūpavijānanañcāti etena samānādhikaraṇataṃ samāsassa dassento tattha ca ‘‘cakkhusannissita’’ntiādipadadvayassa nīluppalasaddādīnaṃ viya aññamaññavisesanavisesitabbabhāvamāha. Aññaviññāṇanti rūpārammaṇaṃ manoviññāṇaṃ. Rūpaṃyevārammaṇanti pana atthe dibbacakkhuviññāṇaṃ daṭṭhabbaṃ taṃsadisānaṃ tadupacāraṃ katvā yathā ‘‘sā eva tittirī tāni eva osadhānī’’ti. Jhānapaccayattābhāve na jhānaṅgatā natthīti pañcaviññāṇesu upekkhādīnaṃ upacaritajhānaṅgataṃ sādheti. Na hi jhānaṅgānaṃ jhānapaccayataṃ vatvā tesaṃ jhānapaccayabhāvo paṭikkhittoti. Yadi evaṃ pañcaviññāṇesu upekkhādayo jhānarāsiṭṭhāne na vattabbā siyunti āha ‘‘jhānapaccayattābhāve’’tiādi. Upekkhādibhāvatoti upekkhāsukhadukkhekaggatābhāvato. Aññaṭṭhānābhāvatoti cittaṭṭhitiṃ eva sandhāya vuttaṃ.
436. агусалам̣ бхаван̇г̇аниссанд̣̇зна ‘‘бан̣д̣ара’’нд̇и вужжад̇и, бхаван̇г̇з абан̣д̣арз д̇ам̣муулигаа гуд̇о агусаласса бан̣д̣арад̇аад̇и ‘‘агусаласса жаа’’д̇и вуд̇д̇ам̣. бан̣д̣арад̇ааяа гааран̣ам̣ вад̇д̇аб̣б̣ам̣, яад̣̇и ан̃н̃агааран̣аа бан̣д̣арад̇аа, сабхаавовааяанд̇и жид̇д̇асса агилзсасабхаавад̇ааяа вуд̇д̇ам̣, на жзд̇т̇а пассаад̣̇ийнамби бан̣д̣арад̇аабад̇д̇и. яад̇о д̇хаммаанам̣ сабхаавагижжависзсан̃н̃унаа бхаг̇авад̇аа вин̃н̃аан̣ам̣язва д̇ат̇аа нид̣̇д̣̇идтанд̇и.
436. Akusalaṃ bhavaṅganissandena ‘‘paṇḍara’’nti vuccati, bhavaṅge apaṇḍare taṃmūlikā kuto akusalassa paṇḍaratāti ‘‘akusalassa cā’’ti vuttaṃ. Paṇḍaratāya kāraṇaṃ vattabbaṃ, yadi aññakāraṇā paṇḍaratā, sabhāvovāyanti cittassa akilesasabhāvatāya vuttaṃ, na cettha phassādīnampi paṇḍaratāpatti. Yato dhammānaṃ sabhāvakiccavisesaññunā bhagavatā viññāṇaṃyeva tathā niddiṭṭhanti.
439. анад̇иггаманзна бхааванааяа. басаад̣̇агхадданам̣ висаяасса яог̇яад̣̇зсз авадтаананд̇и ‘‘басаад̣̇ам̣ гхаддзд̇ваа аабаат̇ам̣ г̇анд̇ваа’’д̇и вуд̇д̇ам̣. махаабхууд̇зсу бадихан̃н̃ад̇ийд̇и зд̇т̇а на саяам̣ гин̃жи бадихан̃н̃ад̇и, нааби гзнажи бадихан̃н̃ийяад̇и аподтаб̣б̣асабхаавад̇д̇аа. висаяависаяийбхууд̇ам̣ бана абхимукабхааваббад̇д̇ияаа вин̃н̃аан̣уббад̇д̇ияаа хзд̇уд̇ааяа висидтабхааваббад̇д̇ам̣ бадихад̇абадигхаад̇агабхаавзна вохарийяад̇и , д̇асмаа д̇зсу саббадигхавохааро. ‘‘убаад̣̇ааруубам̣ гхаддзд̇ийд̇и звамаад̣̇и жа убажааравасзнзва взд̣̇ид̇аб̣б̣ам̣. махаабхууд̇аарамман̣зна бана гааяаббасаад̣̇аниссаяабхууд̇зсу махаабхууд̇зсу гхаддияамаанзсу басаад̣̇оби гхаддид̇о зва наама ход̇ийд̇и вад̇ваа виймам̣сид̇аб̣б̣а’’нд̇и вад̣̇анд̇и. яат̇аад̇хиббзд̇зна згад̣̇зсасааман̃н̃зна убамааважанад̇о ниссид̇аниссаяагхадданаанам̣ сад̇иби буб̣б̣аабарабхаавз убамад̇д̇з убамаабхаавзна г̇ахзд̇аб̣б̣абхаавам̣ д̣̇ассзнд̇о ‘‘убхаяагхадданад̣̇ассанад̇т̇а’’нд̇и ааха.
439. Anatikkamanena bhāvanāya. Pasādaghaṭṭanaṃ visayassa yogyadese avaṭṭhānanti ‘‘pasādaṃ ghaṭṭetvā āpāthaṃ gantvā’’ti vuttaṃ. Mahābhūtesu paṭihaññatīti ettha na sayaṃ kiñci paṭihaññati, nāpi kenaci paṭihaññīyati aphoṭṭhabbasabhāvattā. Visayavisayībhūtaṃ pana abhimukhabhāvappattiyā viññāṇuppattiyā hetutāya visiṭṭhabhāvappattaṃ paṭihatapaṭighātakabhāvena voharīyati , tasmā tesu sappaṭighavohāro. ‘‘Upādārūpaṃ ghaṭṭetīti evamādi ca upacāravaseneva veditabbaṃ. Mahābhūtārammaṇena pana kāyappasādanissayabhūtesu mahābhūtesu ghaṭṭiyamānesu pasādopi ghaṭṭito eva nāma hotīti vatvā vīmaṃsitabba’’nti vadanti. Yathādhippetena ekadesasāmaññena upamāvacanato nissitanissayaghaṭṭanānaṃ satipi pubbāparabhāve upamatte upamābhāvena gahetabbabhāvaṃ dassento ‘‘ubhayaghaṭṭanadassanattha’’nti āha.
455. д̣̇ассанаад̣̇иббавад̇д̇ибхаавад̇од̇и манод̇хаад̇умановин̃н̃аан̣ад̇хаад̇уунам̣ ад̣̇ассанаад̣̇ид̇ааяа саа зд̇зсам̣ зва висзсо. анан̃н̃аниссаяаманобуб̣б̣ан̇г̇амад̇ааяаад̇и ан̃н̃аниссаяаманобуб̣б̣ан̇г̇амад̇д̇аабхаавад̇о. ан̃н̃аниссаяавин̃н̃аан̣асса ананд̇арабажжаяад̇д̇аабхаавзнаад̇и иминаа гирияааманод̇хаад̇уд̇оби висзсасса вуд̇д̇ад̇д̇аа ‘‘манод̣̇ваараниг̇г̇аманамукабхааваабхаавад̇о’’д̇и вуд̇д̇ам̣, на вуд̇д̇ам̣ ‘‘ниг̇г̇аманабавзсамукабхааваабхаавад̇о’’д̇и. д̇ивид̇хзнаби хи манод̇хаад̇увин̃н̃аан̣ад̇хаад̇уухи мановин̃н̃аан̣ад̇хаад̇уяаа висзсо д̣̇ассид̇од̇и. д̇ад̇о зва виж̇аананависзсавирахад̇оязва. яад̣̇и манод̇хаад̇у ‘‘мановин̃н̃аан̣а’’нд̇и на вужжад̇и, чавин̃н̃аан̣агааяаад̇и гат̇ам̣ манод̇хаад̇уяаа д̇ад̇т̇а сан̇г̇ахо ход̇ийд̇и? сан̇г̇ахо зва барияааяад̣̇зсанад̇д̇аа. ад̇т̇и хи зса барияааяо ‘‘мананамад̇д̇ам̣ вин̃н̃аан̣ам̣ мановин̃н̃аан̣а’’нд̇и яат̇аа ‘‘мананамад̇д̇аа д̇хаад̇у манод̇хаад̇уу’’д̇и. абижа вад̇т̇угижжзхи мановин̃н̃аан̣асабхааг̇ад̇д̇аа д̇асса убарамуббаад̣̇абхаавад̇о анд̇аад̣̇ибхаавад̇о жа мановин̃н̃аан̣агааяасан̇г̇ахид̇аа манод̇хаад̇у, на сзсавин̃н̃аан̣агааяасан̇г̇ахид̇аа ад̇ам̣сабхааг̇ад̇д̇аа, ид̇ха бана ниббарияааяагад̇ад̇д̇аа манасо самбхууяа висидтаманогижжаяуд̇д̇ам̣ мановин̃н̃аан̣анд̇и д̇ад̣̇абхаавад̇о ‘‘мановин̃н̃аан̣анд̇иби на вужжад̇ий’’д̇и имамзвад̇т̇ам̣ саад̇хзд̇ум̣ ‘‘на хи д̇ам̣ вин̃н̃аан̣ам̣ манад̇о’’д̇иаад̣̇и вуд̇д̇ам̣. д̇зна манод̇хаад̇уяаа ниббарияааяад̇о мановин̃н̃аан̣агижжавирахам̣язва д̣̇ассзд̇и. д̣̇ассанаад̣̇ийнам̣ банаад̇иаад̣̇инаа ан̃н̃авин̃н̃аан̣авид̇хурам̣ манод̇хаад̇уяаа жа сабхаавам̣ д̣̇ассзд̇и.
455. Dassanādippavattibhāvatoti manodhātumanoviññāṇadhātūnaṃ adassanāditāya sā etesaṃ eva viseso. Anaññanissayamanopubbaṅgamatāyāti aññanissayamanopubbaṅgamattābhāvato. Aññanissayaviññāṇassa anantarapaccayattābhāvenāti iminā kiriyāmanodhātutopi visesassa vuttattā ‘‘manodvāraniggamanamukhabhāvābhāvato’’ti vuttaṃ, na vuttaṃ ‘‘niggamanapavesamukhabhāvābhāvato’’ti. Tividhenapi hi manodhātuviññāṇadhātūhi manoviññāṇadhātuyā viseso dassitoti. Tato eva vijānanavisesavirahatoyeva. Yadi manodhātu ‘‘manoviññāṇa’’nti na vuccati, chaviññāṇakāyāti kathaṃ manodhātuyā tattha saṅgaho hotīti? Saṅgaho eva pariyāyadesanattā. Atthi hi esa pariyāyo ‘‘mananamattaṃ viññāṇaṃ manoviññāṇa’’nti yathā ‘‘mananamattā dhātu manodhātū’’ti. Apica vatthukiccehi manoviññāṇasabhāgattā tassa uparamuppādabhāvato antādibhāvato ca manoviññāṇakāyasaṅgahitā manodhātu, na sesaviññāṇakāyasaṅgahitā ataṃsabhāgattā, idha pana nippariyāyakatattā manaso sambhūya visiṭṭhamanokiccayuttaṃ manoviññāṇanti tadabhāvato ‘‘manoviññāṇantipi na vuccatī’’ti imamevatthaṃ sādhetuṃ ‘‘na hi taṃ viññāṇaṃ manato’’tiādi vuttaṃ. Tena manodhātuyā nippariyāyato manoviññāṇakiccavirahaṃyeva dasseti. Dassanādīnaṃ panātiādinā aññaviññāṇavidhuraṃ manodhātuyā ca sabhāvaṃ dasseti.
яад̣̇и ж̇анагасад̣̇исад̇аа наама махаавибаагзсу вид̇аггаад̣̇ийнам̣ саммаасан̇габбаад̣̇ид̇аа, д̇ихзд̇угад̇о ниб̣б̣ад̇д̇аанам̣ д̇ихзд̇угаанам̣, д̣̇ухзд̇угад̇о ниб̣б̣ад̇д̇аанам̣ д̣̇ухзд̇угаанан̃жа бхавад̇у саммаасан̇габбаад̣̇ид̇аа, д̇ихзд̇угад̇о бана ниб̣б̣ад̇д̇ад̣̇ухзд̇угаанам̣ гат̇анд̇и ааха ‘‘д̇ад̇т̇а хий’’д̇иаад̣̇и. д̇ам̣сод̇абад̇ид̇ад̇аа на сияаа д̇ассаа анаананд̇арад̇д̇аа. д̇ад̇о зва хийд̇иаад̣̇инаа вуд̇д̇асод̇абад̇ид̇ам̣ зваананд̇арзна важанзна самад̇т̇аяад̇и. яад̣̇и виж̇ж̇амаанаанамби манод̇хаад̇уаад̣̇ийсу вид̇аггаад̣̇ийнам̣ бан̃жавин̃н̃аан̣зсу вияа аг̇ан̣ануубаг̇абхааво, звам̣ санд̇з бадтаанз гат̇ам̣ д̇зсам̣ жхаанабажжаяад̇ааважанам̣. ‘‘аб̣яаагад̇о д̇хаммо аб̣яаагад̇асса д̇хаммасса жхаанабажжаязна бажжаяо’’д̇и (бадтаа. 1.1.431), ‘‘вибаагааб̣яаагад̇аани гирияааб̣яаагад̇аани жхаанан̇г̇аани самбаяуд̇д̇агаанам̣ канд̇хаанам̣ жид̇д̇асамудтаанаанан̃жа руубаанам̣ жхаанабажжаязна бажжаяо’’д̇и (бадтаа. 1.1.431) хи вуд̇д̇ам̣. бажжанийязби ‘‘аб̣яаагад̇ам̣ д̇хаммам̣ бадижжа аб̣яаагад̇о д̇хаммо уббаж̇ж̇ад̇и на жхаанабажжаяаа, бан̃жавин̃н̃аан̣асахид̇ам̣ згам̣ канд̇хам̣ бадижжа д̇аяо канд̇хаа’’д̇иаад̣̇инаа (бадтаа. 1.1.98) бан̃жавин̃н̃аан̣аани зва уд̣̇д̇хадаани, на манод̇хаад̇уаад̣̇ийнийд̇и ааха ‘‘жхаанабажжаяагижжамад̇д̇ад̇о’’д̇иаад̣̇и. на хзд̇т̇а жхаанан̇г̇аанам̣ б̣алавад̣̇уб̣б̣алабхааво ад̇хигад̇о, ат̇а ко жхаанабажжаяабхаавамад̇д̇анд̇и ад̇хиббааяо.
Yadi janakasadisatā nāma mahāvipākesu vitakkādīnaṃ sammāsaṅkappāditā, tihetukato nibbattānaṃ tihetukānaṃ, duhetukato nibbattānaṃ duhetukānañca bhavatu sammāsaṅkappāditā, tihetukato pana nibbattaduhetukānaṃ kathanti āha ‘‘tattha hī’’tiādi. Taṃsotapatitatā na siyā tassā anānantarattā. Tato eva hītiādinā vuttasotapatitaṃ evānantarena vacanena samatthayati. Yadi vijjamānānampi manodhātuādīsu vitakkādīnaṃ pañcaviññāṇesu viya agaṇanūpagabhāvo, evaṃ sante paṭṭhāne kathaṃ tesaṃ jhānapaccayatāvacanaṃ. ‘‘Abyākato dhammo abyākatassa dhammassa jhānapaccayena paccayo’’ti (paṭṭhā. 1.1.431), ‘‘vipākābyākatāni kiriyābyākatāni jhānaṅgāni sampayuttakānaṃ khandhānaṃ cittasamuṭṭhānānañca rūpānaṃ jhānapaccayena paccayo’’ti (paṭṭhā. 1.1.431) hi vuttaṃ. Paccanīyepi ‘‘abyākataṃ dhammaṃ paṭicca abyākato dhammo uppajjati na jhānapaccayā, pañcaviññāṇasahitaṃ ekaṃ khandhaṃ paṭicca tayo khandhā’’tiādinā (paṭṭhā. 1.1.98) pañcaviññāṇāni eva uddhaṭāni, na manodhātuādīnīti āha ‘‘jhānapaccayakiccamattato’’tiādi. Na hettha jhānaṅgānaṃ balavadubbalabhāvo adhikato, atha kho jhānapaccayabhāvamattanti adhippāyo.
469. самаанавад̇т̇угам̣ ананд̇арабажжаяам̣ лабхид̇ваад̇и д̣̇ассанаад̣̇ид̇о манод̇хаад̇уяаа жа б̣алавабхаавз гааран̣аважанам̣. яат̇аарамман̣анд̇и аарамман̣аануруубам̣. яад̣̇и самаананиссаяад̇ааяа манод̇хаад̇уд̇о б̣алавад̇арад̇д̇ам̣ вибаагамановин̃н̃аан̣ад̇хаад̇уяаа соманассасахаг̇ад̇ааяа, водтаб̣б̣анам̣ гат̇ам̣ маж̇жхад̇д̇авзд̣̇ананд̇и ануяог̇ам̣ манаси гад̇ваа д̇асса б̣алавабхаавам̣ самбадижчид̇ваа санд̇ад̇ибарин̣ааманаб̣яаабаарависзсаа на соманассавзд̣̇ананд̇и барихаарам̣ вад̣̇анд̇о ‘‘водтаб̣б̣ана’’нд̇иаад̣̇имааха. вибааго вияа анубхаванамзва на ход̇ийд̇и сад̇и самад̇т̇ад̇ааяа вибаагаанам̣ зганд̇зна аарамман̣арасаанубхаванад̇ааяа вуд̇д̇ам̣.
469. Samānavatthukaṃ anantarapaccayaṃ labhitvāti dassanādito manodhātuyā ca balavabhāve kāraṇavacanaṃ. Yathārammaṇanti ārammaṇānurūpaṃ. Yadi samānanissayatāya manodhātuto balavatarattaṃ vipākamanoviññāṇadhātuyā somanassasahagatāya, voṭṭhabbanaṃ kathaṃ majjhattavedananti anuyogaṃ manasi katvā tassa balavabhāvaṃ sampaṭicchitvā santatipariṇāmanabyāpāravisesā na somanassavedananti parihāraṃ vadanto ‘‘voṭṭhabbana’’ntiādimāha. Vipāko viya anubhavanameva na hotīti sati samatthatāya vipākānaṃ ekantena ārammaṇarasānubhavanatāya vuttaṃ.
ахзд̇угагусалавибаагаван̣н̣анаа нидтид̇аа.
Ahetukakusalavipākavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аб̣яаагад̇авибааго • Abyākatavipāko
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / ахзд̇угагусалавибааго • Ahetukakusalavipāko
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / ахзд̇угагусалавибаагаван̣н̣анаа • Ahetukakusalavipākavaṇṇanā
