| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
аб̣яаагад̇абад̣̇ам̣
Abyākatapadaṃ
ахзд̇угагусалавибааго
Ahetukakusalavipāko
431. ид̣̇аани аб̣яаагад̇абад̣̇ам̣ бхааж̇зд̇ваа д̣̇ассзд̇ум̣ гад̇амз д̇хаммаа аб̣яаагад̇аад̇иаад̣̇и аарад̣̇д̇хам̣. д̇ад̇т̇а жад̇уб̣б̣ид̇хам̣ аб̣яаагад̇ам̣ – вибаагам̣ гирияам̣ руубам̣ ниб̣б̣аананд̇и. д̇зсу вибаагааб̣яаагад̇ам̣. вибаагааб̣яаагад̇зби гусалавибаагам̣. д̇асмимби барид̇д̇авибаагам̣. д̇асмимби ахзд̇угам̣. д̇асмимби бан̃жавин̃н̃аан̣ам̣. д̇асмимби д̣̇ваарабадибаадияаа жагкувин̃н̃аан̣ам̣ . д̇ассааби, табзд̇ваа д̣̇ваараарамман̣аад̣̇исаад̇хааран̣абажжаяам̣, асаад̇хааран̣агаммабажжаяавасзнзва уббад̇д̇им̣ д̣̇ийбзд̇ум̣ гаамааважарасса гусаласса гаммасса гад̇ад̇д̇аад̇иаад̣̇и вуд̇д̇ам̣. д̇ад̇т̇а гад̇ад̇д̇аад̇и гад̇агааран̣аа. убажид̇ад̇д̇аад̇и аажид̇ад̇д̇аа, вад̣дхид̇агааран̣аа. жагкувин̃н̃аан̣анд̇и гааран̣абхууд̇асса жагкусса вин̃н̃аан̣ам̣, жагкуд̇о ваа бавад̇д̇ам̣, жагкусмим̣ ваа ниссид̇ам̣ вин̃н̃аан̣анд̇и жагкувин̃н̃аан̣ам̣. барад̇о сод̇авин̃н̃аан̣аад̣̇ийсуби зсзва наяо.
431. Idāni abyākatapadaṃ bhājetvā dassetuṃ katame dhammā abyākatātiādi āraddhaṃ. Tattha catubbidhaṃ abyākataṃ – vipākaṃ kiriyaṃ rūpaṃ nibbānanti. Tesu vipākābyākataṃ. Vipākābyākatepi kusalavipākaṃ. Tasmimpi parittavipākaṃ. Tasmimpi ahetukaṃ. Tasmimpi pañcaviññāṇaṃ. Tasmimpi dvārapaṭipāṭiyā cakkhuviññāṇaṃ . Tassāpi, ṭhapetvā dvārārammaṇādisādhāraṇapaccayaṃ, asādhāraṇakammapaccayavaseneva uppattiṃ dīpetuṃ kāmāvacarassa kusalassa kammassa katattātiādi vuttaṃ. Tattha katattāti katakāraṇā. Upacitattāti ācitattā, vaḍḍhitakāraṇā. Cakkhuviññāṇanti kāraṇabhūtassa cakkhussa viññāṇaṃ, cakkhuto vā pavattaṃ, cakkhusmiṃ vā nissitaṃ viññāṇanti cakkhuviññāṇaṃ. Parato sotaviññāṇādīsupi eseva nayo.
д̇ад̇т̇а жагкусанниссид̇аруубавиж̇аананалагкан̣ам̣ жагкувин̃н̃аан̣ам̣, руубамад̇д̇аарамман̣арасам̣, руубаабхимукабхаавабажжубадтаанам̣ , руубаарамман̣ааяа гирияаманод̇хаад̇уяаа абаг̇амабад̣̇адтаанам̣. барад̇о ааг̇ад̇аани сод̇аад̣̇исанниссид̇асад̣̇д̣̇аад̣̇ивиж̇аананалагкан̣аани сод̇агхаанаж̇ивхаагааяавин̃н̃аан̣аани сад̣̇д̣̇аад̣̇имад̇д̇аарамман̣арасаани, сад̣̇д̣̇аад̣̇иабхимукабхаавабажжубадтаанаани, сад̣̇д̣̇аад̣̇иаарамман̣аанам̣ гирияаманод̇хаад̇уунам̣ абаг̇амабад̣̇адтаанаани.
Tattha cakkhusannissitarūpavijānanalakkhaṇaṃ cakkhuviññāṇaṃ, rūpamattārammaṇarasaṃ, rūpābhimukhabhāvapaccupaṭṭhānaṃ , rūpārammaṇāya kiriyamanodhātuyā apagamapadaṭṭhānaṃ. Parato āgatāni sotādisannissitasaddādivijānanalakkhaṇāni sotaghānajivhākāyaviññāṇāni saddādimattārammaṇarasāni, saddādiabhimukhabhāvapaccupaṭṭhānāni, saddādiārammaṇānaṃ kiriyamanodhātūnaṃ apagamapadaṭṭhānāni.
ид̇ха бад̣̇абадибаадияаа д̣̇аса бад̣̇аани хонд̇и. аг̇г̇ахид̇аг̇г̇ахан̣зна сад̇д̇а. д̇зсу бан̃жа авибхад̇д̇игаани, д̣̇вз савибхад̇д̇игаани. д̇зсу жид̇д̇ам̣ пассабан̃жагавасзна жзва инд̣̇рияавасзна жа д̣̇вийсу таанзсу вибхад̇д̇им̣ г̇ажчад̇и, взд̣̇анаа пассабан̃жагажхаанан̇г̇аинд̣̇рияавасзна д̇ийсуязва. раасаяоби имзва д̇аяо хонд̇и. язваабанаго зго манасигааро зва.
Idha padapaṭipāṭiyā dasa padāni honti. Aggahitaggahaṇena satta. Tesu pañca avibhattikāni, dve savibhattikāni. Tesu cittaṃ phassapañcakavasena ceva indriyavasena ca dvīsu ṭhānesu vibhattiṃ gacchati, vedanā phassapañcakajhānaṅgaindriyavasena tīsuyeva. Rāsayopi imeva tayo honti. Yevāpanako eko manasikāro eva.
436. нид̣̇д̣̇зсаваарз жагкувин̃н̃аан̣ам̣ бан̣д̣аранд̇и вад̇т̇уд̇о вуд̇д̇ам̣. гусалан̃хи ад̇д̇ано барисуд̣̇д̇хад̇ааяа бан̣д̣арам̣ наама, агусалам̣ бхаван̇г̇аниссанд̣̇зна, вибаагам̣ вад̇т̇убан̣д̣арад̇д̇аа.
436. Niddesavāre cakkhuviññāṇaṃ paṇḍaranti vatthuto vuttaṃ. Kusalañhi attano parisuddhatāya paṇḍaraṃ nāma, akusalaṃ bhavaṅganissandena, vipākaṃ vatthupaṇḍarattā.
439. жид̇д̇ассзгаг̇г̇ад̇аанид̣̇д̣̇зсз жид̇д̇асса тид̇ийд̇и згамзва бад̣̇ам̣ вуд̇д̇ам̣. ид̣̇амби хи д̣̇уб̣б̣алам̣ жид̇д̇ам̣ бавад̇д̇идтид̇имад̇д̇амзвзд̇т̇а лаб̣бхад̇и, ‘сан̣тид̇иавадтид̇и’-бхаавам̣ баабун̣ид̇ум̣ на саггод̇и. сан̇г̇ахаваарз жхаанан̇г̇амаг̇г̇ан̇г̇аани на уд̣̇д̇хадаани. гасмаа? вид̇аггабажчимаган̃хи жхаанам̣ наама, хзд̇убажчимаго маг̇г̇о наама. багад̇ияаа авид̇аггажид̇д̇з жхаанан̇г̇ам̣ на лаб̣бхад̇и, ахзд̇угажид̇д̇з жа маг̇г̇ан̇г̇аани. д̇асмаа ид̇ха убхаяамби на уд̣̇д̇хадам̣. сан̇каарагканд̇хобзд̇т̇а жад̇уран̇г̇игоязва бхааж̇ид̇о. сун̃н̃ад̇авааро баагад̇игоязва. сод̇авин̃н̃аан̣аад̣̇инид̣̇д̣̇зсааби иминаава наязна взд̣̇ид̇аб̣б̣аа.
439. Cittassekaggatāniddese cittassa ṭhitīti ekameva padaṃ vuttaṃ. Idampi hi dubbalaṃ cittaṃ pavattiṭṭhitimattamevettha labbhati, ‘saṇṭhitiavaṭṭhiti’-bhāvaṃ pāpuṇituṃ na sakkoti. Saṅgahavāre jhānaṅgamaggaṅgāni na uddhaṭāni. Kasmā? Vitakkapacchimakañhi jhānaṃ nāma, hetupacchimako maggo nāma. Pakatiyā avitakkacitte jhānaṅgaṃ na labbhati, ahetukacitte ca maggaṅgāni. Tasmā idha ubhayampi na uddhaṭaṃ. Saṅkhārakkhandhopettha caturaṅgikoyeva bhājito. Suññatavāro pākatikoyeva. Sotaviññāṇādiniddesāpi imināva nayena veditabbā.
гзвалан̃хи жагкувин̃н̃аан̣аад̣̇ийсу ‘убзгкаа’ бхааж̇ид̇аа, гааяавин̃н̃аан̣з ‘сука’нд̇и, аяамзд̇т̇а висзсо. соби жа гхадданавасзна ход̇ийд̇и взд̣̇ид̇аб̣б̣о. жагкуд̣̇ваараад̣̇ийсу хи жад̇уусу убаад̣̇ааруубамзва убаад̣̇ааруубам̣ гхаддзд̇и, убаад̣̇ааруубзязва убаад̣̇ааруубам̣ гхаддзнд̇з бадигхадданаанигхам̣со б̣алаваа на ход̇и. жад̇уннам̣ ад̇хигаран̣ийнам̣ убари жад̇д̇ааро габбаасабижубин̣д̣з табзд̇ваа бижубин̣д̣зхзва бахад̇агаало вияа пудтамад̇д̇амзва ход̇и. взд̣̇анаа маж̇жхад̇д̇адтаанз д̇идтад̇и. гааяад̣̇ваарз бана б̣ахид̣̇д̇хаа махаабхууд̇аарамман̣ам̣ аж̇жхад̇д̇игагааяабасаад̣̇ам̣ гхаддзд̇ваа басаад̣̇абажжаязсу махаабхууд̇зсу бадихан̃н̃ад̇и. яат̇аа ад̇хигаран̣иймад̇т̇агз габбаасабижубин̣д̣ам̣ табзд̇ваа гуудзна бахаранд̇асса габбаасабижубин̣д̣ам̣ чинд̣̇ид̇ваа гуудам̣ ад̇хигаран̣им̣ г̇ан̣хад̇ийд̇и, нигхам̣со б̣алаваа ход̇и, звамзва бадигхадданаанигхам̣со б̣алаваа ход̇и. идтз аарамман̣з сукасахаг̇ад̇ам̣ гааяавин̃н̃аан̣ам̣ уббаж̇ж̇ад̇и, анидтз д̣̇угкасахаг̇ад̇ам̣.
Kevalañhi cakkhuviññāṇādīsu ‘upekkhā’ bhājitā, kāyaviññāṇe ‘sukha’nti, ayamettha viseso. Sopi ca ghaṭṭanavasena hotīti veditabbo. Cakkhudvārādīsu hi catūsu upādārūpameva upādārūpaṃ ghaṭṭeti, upādārūpeyeva upādārūpaṃ ghaṭṭente paṭighaṭṭanānighaṃso balavā na hoti. Catunnaṃ adhikaraṇīnaṃ upari cattāro kappāsapicupiṇḍe ṭhapetvā picupiṇḍeheva pahatakālo viya phuṭṭhamattameva hoti. Vedanā majjhattaṭṭhāne tiṭṭhati. Kāyadvāre pana bahiddhā mahābhūtārammaṇaṃ ajjhattikakāyapasādaṃ ghaṭṭetvā pasādapaccayesu mahābhūtesu paṭihaññati. Yathā adhikaraṇīmatthake kappāsapicupiṇḍaṃ ṭhapetvā kūṭena paharantassa kappāsapicupiṇḍaṃ chinditvā kūṭaṃ adhikaraṇiṃ gaṇhatīti, nighaṃso balavā hoti, evameva paṭighaṭṭanānighaṃso balavā hoti. Iṭṭhe ārammaṇe sukhasahagataṃ kāyaviññāṇaṃ uppajjati, aniṭṭhe dukkhasahagataṃ.
имзсам̣ бана бан̃жаннам̣ жид̇д̇аанам̣ вад̇т̇уд̣̇ваараарамман̣аани ниб̣ад̣̇д̇хаанзва хонд̇и, вад̇т̇аад̣̇исан̇гаманам̣ наамзд̇т̇а над̇т̇и. гусалавибаагажагкувин̃н̃аан̣ан̃хи жагкубасаад̣̇ам̣ вад̇т̇ум̣ гад̇ваа идтз жа идтамаж̇жхад̇д̇з жа жад̇усамудтаанигаруубаарамман̣з д̣̇ассанагижжам̣ саад̇хаяамаанам̣ жагкуд̣̇ваарз тад̇ваа вибажжад̇и. сод̇авин̃н̃аан̣аад̣̇ийни сод̇абасаад̣̇аад̣̇ийни вад̇т̇ум̣ гад̇ваа идтаидтамаж̇жхад̇д̇зсу сад̣̇д̣̇аад̣̇ийсу саванагхааяанасааяанапусанагижжаани саад̇хаяамаанаани сод̇ад̣̇ваараад̣̇ийсу тад̇ваа вибажжанд̇и. сад̣̇д̣̇о банзд̇т̇а д̣̇висамудтаанигоязва ход̇и.
Imesaṃ pana pañcannaṃ cittānaṃ vatthudvārārammaṇāni nibaddhāneva honti, vatthādisaṅkamanaṃ nāmettha natthi. Kusalavipākacakkhuviññāṇañhi cakkhupasādaṃ vatthuṃ katvā iṭṭhe ca iṭṭhamajjhatte ca catusamuṭṭhānikarūpārammaṇe dassanakiccaṃ sādhayamānaṃ cakkhudvāre ṭhatvā vipaccati. Sotaviññāṇādīni sotapasādādīni vatthuṃ katvā iṭṭhaiṭṭhamajjhattesu saddādīsu savanaghāyanasāyanaphusanakiccāni sādhayamānāni sotadvārādīsu ṭhatvā vipaccanti. Saddo panettha dvisamuṭṭhānikoyeva hoti.
455. манод̇хаад̇унид̣̇д̣̇зсз сабхаавасун̃н̃ад̇аниссад̇д̇адтзна маноязва д̇хаад̇у манод̇хаад̇у. саа жагкувин̃н̃аан̣аад̣̇ийнам̣ ананд̇арам̣ руубаад̣̇ивиж̇аананалагкан̣аа, руубаад̣̇ийнам̣ самбадижчанарасаа, д̇ат̇аабхаавабажжубадтаанаа, жагкувин̃н̃аан̣аад̣̇иабаг̇амабад̣̇адтаанаа . ид̇ха д̇хаммуд̣̇д̣̇зсз д̣̇ваад̣̇аса бад̣̇аани хонд̇и. аг̇г̇ахид̇аг̇г̇ахан̣зна нава. д̇зсу сад̇д̇а авибхад̇д̇игаани д̣̇вз савибхад̇д̇игаани. ад̇химогко манасигаарод̇и д̣̇вз язваабанагаа. вид̇агганид̣̇д̣̇зсо абхиниробанам̣ баабзд̇ваа табид̇о. яасмаа банзд̇ам̣ жид̇д̇ам̣ нзва гусалам̣ наагусалам̣, д̇асмаа саммаасан̇габбод̇и ваа мижчаасан̇габбод̇и ваа на вуд̇д̇ам̣. сан̇г̇ахаваарз лаб̣бхамаанамби жхаанан̇г̇ам̣ бан̃жавин̃н̃аан̣асод̇з бад̇ид̇ваа г̇ад̇анд̇и. маг̇г̇ан̇г̇ам̣ бана на лаб̣бхад̇иязваад̇и на уд̣̇д̇хадам̣. сун̃н̃ад̇авааро баагад̇игоязва. имасса жид̇д̇асса вад̇т̇у ниб̣ад̣̇д̇хам̣ хад̣̇аяавад̇т̇умзва ход̇и. д̣̇ваараарамман̣аани аниб̣ад̣̇д̇хаани. д̇ад̇т̇а гин̃жааби д̣̇ваараарамман̣аани сан̇гаманд̇и, таанам̣ бана згам̣. самбадижчанагижжамзва хзд̇ам̣ ход̇и. ид̣̇ан̃хи бан̃жад̣̇ваарз бан̃жасу аарамман̣зсу самбадижчанам̣ худ̇ваа вибажжад̇и. гусалавибаагзсу жагкувин̃н̃аан̣аад̣̇ийсу нируд̣̇д̇хзсу д̇ам̣самананд̇араа д̇аанзва таанаббад̇д̇аани руубаарамман̣аад̣̇ийни самбадижчад̇и.
455. Manodhātuniddese sabhāvasuññatanissattaṭṭhena manoyeva dhātu manodhātu. Sā cakkhuviññāṇādīnaṃ anantaraṃ rūpādivijānanalakkhaṇā, rūpādīnaṃ sampaṭicchanarasā, tathābhāvapaccupaṭṭhānā, cakkhuviññāṇādiapagamapadaṭṭhānā . Idha dhammuddese dvādasa padāni honti. Aggahitaggahaṇena nava. Tesu satta avibhattikāni dve savibhattikāni. Adhimokkho manasikāroti dve yevāpanakā. Vitakkaniddeso abhiniropanaṃ pāpetvā ṭhapito. Yasmā panetaṃ cittaṃ neva kusalaṃ nākusalaṃ, tasmā sammāsaṅkappoti vā micchāsaṅkappoti vā na vuttaṃ. Saṅgahavāre labbhamānampi jhānaṅgaṃ pañcaviññāṇasote patitvā gatanti. Maggaṅgaṃ pana na labbhatiyevāti na uddhaṭaṃ. Suññatavāro pākatikoyeva. Imassa cittassa vatthu nibaddhaṃ hadayavatthumeva hoti. Dvārārammaṇāni anibaddhāni. Tattha kiñcāpi dvārārammaṇāni saṅkamanti, ṭhānaṃ pana ekaṃ. Sampaṭicchanakiccameva hetaṃ hoti. Idañhi pañcadvāre pañcasu ārammaṇesu sampaṭicchanaṃ hutvā vipaccati. Kusalavipākesu cakkhuviññāṇādīsu niruddhesu taṃsamanantarā tāneva ṭhānappattāni rūpārammaṇādīni sampaṭicchati.
469. мановин̃н̃аан̣ад̇хаад̇унид̣̇д̣̇зсзсу батамамановин̃н̃аан̣ад̇хаад̇уяам̣ ‘бийд̇и’бад̣̇ам̣ ад̇хигам̣. взд̣̇анааби ‘соманасса’-взд̣̇анаа ход̇и. аяан̃хи идтаарамман̣асмим̣язва бавад̇д̇ад̇и. д̣̇уд̇ияамановин̃н̃аан̣ад̇хаад̇у идтамаж̇жхад̇д̇аарамман̣з. д̇асмаа д̇ад̇т̇а ‘убзгкаа’ взд̣̇анаа ход̇ийд̇и. бад̣̇аани манод̇хаад̇унид̣̇д̣̇зсасад̣̇исаанзва. убхаяад̇т̇ааби бан̃жавин̃н̃аан̣асод̇з бад̇ид̇ваа г̇ад̇ад̇д̇ааязва жхаанан̇г̇аани на уд̣̇д̇хадаани. маг̇г̇ан̇г̇аани алаабхад̇оязва. сзсам̣ саб̣б̣ад̇т̇а вуд̇д̇анаязнзва взд̣̇ид̇аб̣б̣ам̣. лагкан̣аад̣̇ид̇о банзсаа д̣̇увид̇хааби мановин̃н̃аан̣ад̇хаад̇у ахзд̇угавибаагаа, чал̣аарамман̣авиж̇аананалагкан̣аа, санд̇ийран̣аад̣̇ирасаа, д̇ат̇аабхаавабажжубадтаанаа, хад̣̇аяавад̇т̇убад̣̇адтаанаад̇и взд̣̇ид̇аб̣б̣аа.
469. Manoviññāṇadhātuniddesesu paṭhamamanoviññāṇadhātuyaṃ ‘pīti’padaṃ adhikaṃ. Vedanāpi ‘somanassa’-vedanā hoti. Ayañhi iṭṭhārammaṇasmiṃyeva pavattati. Dutiyamanoviññāṇadhātu iṭṭhamajjhattārammaṇe. Tasmā tattha ‘upekkhā’ vedanā hotīti. Padāni manodhātuniddesasadisāneva. Ubhayatthāpi pañcaviññāṇasote patitvā gatattāyeva jhānaṅgāni na uddhaṭāni. Maggaṅgāni alābhatoyeva. Sesaṃ sabbattha vuttanayeneva veditabbaṃ. Lakkhaṇādito panesā duvidhāpi manoviññāṇadhātu ahetukavipākā, chaḷārammaṇavijānanalakkhaṇā, santīraṇādirasā, tathābhāvapaccupaṭṭhānā, hadayavatthupadaṭṭhānāti veditabbā.
д̇ад̇т̇а батамаа д̣̇вийсу таанзсу вибажжад̇и. саа хи бан̃жад̣̇ваарз гусалавибаагажагкувин̃н̃аан̣аад̣̇иананд̇арам̣, вибаагаманод̇хаад̇уяаа д̇ам̣ аарамман̣ам̣ самбадижчид̇ваа нируд̣̇д̇хааяа, д̇асмим̣ язваарамман̣з санд̇ийран̣агижжам̣ саад̇хаяамаанаа бан̃жасу д̣̇ваарзсу тад̇ваа вибажжад̇и. часу д̣̇ваарзсу бана б̣алаваарамман̣з д̇ад̣̇аарамман̣аа худ̇ваа вибажжад̇и. гат̇ам̣? яат̇аа хи жан̣д̣асод̇з, д̇ирияам̣ наавааяа г̇ажчанд̇ияаа, уд̣̇агам̣ чиж̇ж̇ид̇ваа т̇огам̣ таанам̣ наавам̣ ануб̣анд̇хид̇ваа яат̇аасод̇амзва г̇ажчад̇и, звамзва часу д̣̇ваарзсу б̣алаваарамман̣з балобхаяамаанз аабаат̇аг̇ад̇з ж̇аванам̣ ж̇авад̇и. д̇асмим̣ ж̇авид̇з бхаван̇г̇асса вааро. ид̣̇ам̣ бана жид̇д̇ам̣ бхаван̇г̇асса ваарам̣ ад̣̇ад̇ваа ж̇аванзна г̇ахид̇аарамман̣ам̣ г̇ахзд̇ваа згам̣ д̣̇вз жид̇д̇аваарз бавад̇д̇ид̇ваа бхаван̇г̇амзва од̇арад̇и. г̇авагканд̇хз над̣̇им̣ д̇аранд̇зби звамзва убамаа вид̇т̇аарзд̇аб̣б̣аа. звамзсаа яам̣ ж̇аванзна г̇ахид̇аарамман̣ам̣ д̇ассзва г̇ахид̇ад̇д̇аа д̇ад̣̇аарамман̣ам̣ наама худ̇ваа вибажжад̇и.
Tattha paṭhamā dvīsu ṭhānesu vipaccati. Sā hi pañcadvāre kusalavipākacakkhuviññāṇādianantaraṃ, vipākamanodhātuyā taṃ ārammaṇaṃ sampaṭicchitvā niruddhāya, tasmiṃ yevārammaṇe santīraṇakiccaṃ sādhayamānā pañcasu dvāresu ṭhatvā vipaccati. Chasu dvāresu pana balavārammaṇe tadārammaṇā hutvā vipaccati. Kathaṃ? Yathā hi caṇḍasote, tiriyaṃ nāvāya gacchantiyā, udakaṃ chijjitvā thokaṃ ṭhānaṃ nāvaṃ anubandhitvā yathāsotameva gacchati, evameva chasu dvāresu balavārammaṇe palobhayamāne āpāthagate javanaṃ javati. Tasmiṃ javite bhavaṅgassa vāro. Idaṃ pana cittaṃ bhavaṅgassa vāraṃ adatvā javanena gahitārammaṇaṃ gahetvā ekaṃ dve cittavāre pavattitvā bhavaṅgameva otarati. Gavakkhandhe nadiṃ tarantepi evameva upamā vitthāretabbā. Evamesā yaṃ javanena gahitārammaṇaṃ tasseva gahitattā tadārammaṇaṃ nāma hutvā vipaccati.
д̣̇уд̇ияаа бана бан̃жасу таанзсу вибажжад̇и. гат̇ам̣? мануссалогз д̇аава ж̇ажжанд̇хаж̇ажжаб̣ад̇хираж̇ажжазл̣аж̇ажжуммад̇д̇агаубхад̇об̣яан̃ж̇анаганабум̣сагаанам̣ бадисанд̇хиг̇г̇ахан̣агаалз бадисанд̇хи худ̇ваа вибажжад̇и. бадисанд̇хияаа вийд̇ивад̇д̇ааяа яаавад̇ааяугам̣ бхаван̇г̇ам̣ худ̇ваа вибажжад̇и. идтамаж̇жхад̇д̇з бан̃жаарамман̣авийт̇ияаа санд̇ийран̣ам̣ худ̇ваа, б̣алаваарамман̣з часу д̣̇ваарзсу д̇ад̣̇аарамман̣ам̣ худ̇ваа, маран̣агаалз жуд̇и худ̇ваад̇и имзсу бан̃жасу таанзсу вибажжад̇ийд̇и.
Dutiyā pana pañcasu ṭhānesu vipaccati. Kathaṃ? Manussaloke tāva jaccandhajaccabadhirajaccaeḷajaccummattakaubhatobyañjanakanapuṃsakānaṃ paṭisandhiggahaṇakāle paṭisandhi hutvā vipaccati. Paṭisandhiyā vītivattāya yāvatāyukaṃ bhavaṅgaṃ hutvā vipaccati. Iṭṭhamajjhatte pañcārammaṇavīthiyā santīraṇaṃ hutvā, balavārammaṇe chasu dvāresu tadārammaṇaṃ hutvā, maraṇakāle cuti hutvāti imesu pañcasu ṭhānesu vipaccatīti.
мановин̃н̃аан̣ад̇хаад̇уд̣̇ваяам̣ нидтид̇ам̣.
Manoviññāṇadhātudvayaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аб̣яаагад̇авибааго • Abyākatavipāko
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / ахзд̇угагусалавибаагаван̣н̣анаа • Ahetukakusalavipākavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / ахзд̇угагусалавибаагаван̣н̣анаа • Ahetukakusalavipākavaṇṇanā
