| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. অহিংসকসুত্তং
5. Ahiṃsakasuttaṃ
১৯১. সাৰত্থিনিদানং। অথ খো অহিংসকভারদ্ৰাজো ব্রাহ্মণো যেন ভগৰা তেনুপসঙ্কমি; উপসঙ্কমিত্ৰা ভগৰতা সদ্ধিং সম্মোদি। সম্মোদনীযং কথং সারণীযং ৰীতিসারেত্ৰা একমন্তং নিসীদি। একমন্তং নিসিন্নো খো অহিংসকভারদ্ৰাজো ব্রাহ্মণো ভগৰন্তং এতদৰোচ – ‘‘অহিংসকাহং, ভো গোতম, অহিংসকাহং, ভো গোতমা’’তি।
191. Sāvatthinidānaṃ. Atha kho ahiṃsakabhāradvājo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho ahiṃsakabhāradvājo brāhmaṇo bhagavantaṃ etadavoca – ‘‘ahiṃsakāhaṃ, bho gotama, ahiṃsakāhaṃ, bho gotamā’’ti.
‘‘যথা নামং তথা চস্স, সিযা খো ত্ৰং অহিংসকো।
‘‘Yathā nāmaṃ tathā cassa, siyā kho tvaṃ ahiṃsako;
যো চ কাযেন ৰাচায, মনসা চ ন হিংসতি।
Yo ca kāyena vācāya, manasā ca na hiṃsati;
স ৰে অহিংসকো হোতি, যো পরং ন ৰিহিংসতী’’তি॥
Sa ve ahiṃsako hoti, yo paraṃ na vihiṃsatī’’ti.
এৰং ৰুত্তে, অহিংসকভারদ্ৰাজো ব্রাহ্মণো ভগৰন্তং এতদৰোচ – ‘‘অভিক্কন্তং, ভো গোতম…পে॰… অব্ভঞ্ঞাসি। অঞ্ঞতরো চ পনাযস্মা অহিংসকভারদ্ৰাজো অরহতং অহোসী’’তি।
Evaṃ vutte, ahiṃsakabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… abbhaññāsi. Aññataro ca panāyasmā ahiṃsakabhāradvājo arahataṃ ahosī’’ti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. অহিংসকসুত্তৰণ্ণনা • 5. Ahiṃsakasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. অহিংসকসুত্তৰণ্ণনা • 5. Ahiṃsakasuttavaṇṇanā
