| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
11. ахим̣сааниг̇г̇ахабан̃хо
11. Ahiṃsāniggahapañho
11. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘ахим̣саяам̣ барам̣ логз, бияо хохиси маамаго’д̇и. буна жа бхан̣ид̇ам̣ ‘ниг̇г̇ан̣хз ниг̇г̇ахаарахам̣, баг̇г̇ан̣хз баг̇г̇ахаараха’нд̇и. ниг̇г̇ахо наама, бханд̇з нааг̇асзна, хад̇т̇ажчзд̣̇о баад̣̇ажчзд̣̇о вад̇хо б̣анд̇ханам̣ гааран̣аа мааран̣ам̣ санд̇ад̇ивигобанам̣, на зд̇ам̣ важанам̣ бхаг̇авад̇о яуд̇д̇ам̣, на жа бхаг̇аваа арахад̇и зд̇ам̣ важанам̣ вад̇д̇ум̣. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘ахим̣саяам̣ барам̣ логз, бияо хохиси маамаго’’д̇и, д̇зна хи ‘‘ниг̇г̇ан̣хз ниг̇г̇ахаарахам̣, баг̇г̇ан̣хз баг̇г̇ахаараха’’нд̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘‘ниг̇г̇ан̣хз ниг̇г̇ахаарахам̣, баг̇г̇ан̣хз баг̇г̇ахаараха’’нд̇и, д̇зна хи ‘‘ахим̣саяам̣ барам̣ логз, бияо хохиси маамаго’’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
11. ‘‘Bhante nāgasena, bhāsitampetaṃ bhagavatā ‘ahiṃsayaṃ paraṃ loke, piyo hohisi māmako’ti. Puna ca bhaṇitaṃ ‘niggaṇhe niggahārahaṃ, paggaṇhe paggahāraha’nti. Niggaho nāma, bhante nāgasena, hatthacchedo pādacchedo vadho bandhanaṃ kāraṇā māraṇaṃ santativikopanaṃ, na etaṃ vacanaṃ bhagavato yuttaṃ, na ca bhagavā arahati etaṃ vacanaṃ vattuṃ. Yadi, bhante nāgasena, bhagavatā bhaṇitaṃ ‘ahiṃsayaṃ paraṃ loke, piyo hohisi māmako’’ti, tena hi ‘‘niggaṇhe niggahārahaṃ, paggaṇhe paggahāraha’’nti yaṃ vacanaṃ, taṃ micchā. Yadi tathāgatena bhaṇitaṃ ‘‘niggaṇhe niggahārahaṃ, paggaṇhe paggahāraha’’nti, tena hi ‘‘ahiṃsayaṃ paraṃ loke, piyo hohisi māmako’’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘ахим̣саяам̣ барам̣ логз, бияо хохиси маамаго’д̇и, бхан̣ид̇ан̃жа ‘ниг̇г̇ан̣хз ниг̇г̇ахаарахам̣, баг̇г̇ан̣хз баг̇г̇ахаараха’нд̇и . ‘ахим̣саяам̣ барам̣ логз, бияо хохиси маамаго’д̇и саб̣б̣зсам̣, махаарааж̇а, д̇ат̇ааг̇ад̇аанам̣ анумад̇ам̣ зд̇ам̣, зсаа анусидти, зсаа д̇хаммад̣̇зсанаа, д̇хаммо хи, махаарааж̇а, ахим̣саалагкан̣о, сабхаававажанам̣ зд̇ам̣. яам̣ бана, махаарааж̇а, д̇ат̇ааг̇ад̇о ааха ‘ниг̇г̇ан̣хз ниг̇г̇ахаарахам̣, баг̇г̇ан̣хз баг̇г̇ахаараха’нд̇и, бхаасаа зсаа, уд̣̇д̇хад̇ам̣, махаарааж̇а, жид̇д̇ам̣ ниг̇г̇ахзд̇аб̣б̣ам̣, лийнам̣ жид̇д̇ам̣ баг̇г̇ахзд̇аб̣б̣ам̣. агусалам̣ жид̇д̇ам̣ ниг̇г̇ахзд̇аб̣б̣ам̣, гусалам̣ жид̇д̇ам̣ баг̇г̇ахзд̇аб̣б̣ам̣. аяонисо манасигааро ниг̇г̇ахзд̇аб̣б̣о, яонисо манасигааро баг̇г̇ахзд̇аб̣б̣о. мижчаабадибанно ниг̇г̇ахзд̇аб̣б̣о, саммаабадибанно баг̇г̇ахзд̇аб̣б̣о. анарияо ниг̇г̇ахзд̇аб̣б̣о арияо баг̇г̇ахзд̇аб̣б̣о. жоро ниг̇г̇ахзд̇аб̣б̣о, ажоро баг̇г̇ахзд̇аб̣б̣о’’д̇и.
‘‘Bhāsitampetaṃ, mahārāja, bhagavatā ‘ahiṃsayaṃ paraṃ loke, piyo hohisi māmako’ti, bhaṇitañca ‘niggaṇhe niggahārahaṃ, paggaṇhe paggahāraha’nti . ‘Ahiṃsayaṃ paraṃ loke, piyo hohisi māmako’ti sabbesaṃ, mahārāja, tathāgatānaṃ anumataṃ etaṃ, esā anusiṭṭhi, esā dhammadesanā, dhammo hi, mahārāja, ahiṃsālakkhaṇo, sabhāvavacanaṃ etaṃ. Yaṃ pana, mahārāja, tathāgato āha ‘niggaṇhe niggahārahaṃ, paggaṇhe paggahāraha’nti, bhāsā esā, uddhataṃ, mahārāja, cittaṃ niggahetabbaṃ, līnaṃ cittaṃ paggahetabbaṃ. Akusalaṃ cittaṃ niggahetabbaṃ, kusalaṃ cittaṃ paggahetabbaṃ. Ayoniso manasikāro niggahetabbo, yoniso manasikāro paggahetabbo. Micchāpaṭipanno niggahetabbo, sammāpaṭipanno paggahetabbo. Anariyo niggahetabbo ariyo paggahetabbo. Coro niggahetabbo, acoro paggahetabbo’’ti.
‘‘ход̇у, бханд̇з нааг̇асзна, ид̣̇аани д̇вам̣ бажжааг̇ад̇оси мама висаяам̣, яамахам̣ бужчаами, со мз ад̇т̇о убаг̇ад̇о. жоро бана, бханд̇з нааг̇асзна, ниг̇г̇ан̣ханд̇зна гат̇ам̣ ниг̇г̇ахзд̇аб̣б̣о’’д̇и? ‘‘жоро, махаарааж̇а, ниг̇г̇ан̣ханд̇зна звам̣ ниг̇г̇ахзд̇аб̣б̣о, барибхаасанийяо барибхаасид̇аб̣б̣о, д̣̇ан̣д̣анийяо д̣̇ан̣д̣зд̇аб̣б̣о, баб̣б̣ааж̇анийяо баб̣б̣ааж̇зд̇аб̣б̣о, б̣анд̇ханийяо б̣анд̇хид̇аб̣б̣о, гхаад̇анийяо гхаад̇зд̇аб̣б̣о’’д̇и. ‘‘яам̣ бана, бханд̇з нааг̇асзна, жораанам̣ гхаад̇анам̣, д̇ам̣ д̇ат̇ааг̇ад̇аанам̣ анумад̇а’’нд̇и? ‘‘на хи, махаарааж̇аа’’д̇и. ‘‘гисса бана жоро анусаасанийяо анумад̇о д̇ат̇ааг̇ад̇аана’’нд̇и? ‘‘яо со, махаарааж̇а, гхаад̇ийяад̇и, на со д̇ат̇ааг̇ад̇аанам̣ анумад̇ияаа гхаад̇ийяад̇и, саяам̣гад̇зна со гхаад̇ийяад̇и, аби жа д̇хаммаанусидтияаа анусаасийяад̇и, саггаа бана, махаарааж̇а, д̇аяаа бурисам̣ агаарагам̣ анабараад̇хам̣ вийт̇ияам̣ жаранд̇ам̣ г̇ахзд̇ваа гхаад̇аяид̇у’’нд̇и? ‘‘на саггаа, бханд̇з’’д̇и. ‘‘гзна гааран̣зна, махаарааж̇аа’’д̇и? ‘‘агаарагад̇д̇аа, бханд̇з’’д̇и. ‘‘звамзва ко, махаарааж̇а, на жоро д̇ат̇ааг̇ад̇аанам̣ анумад̇ияаа хан̃н̃ад̇и, саяам̣гад̇зна со хан̃н̃ад̇и, гим̣ банзд̇т̇а анусаасаго гин̃жи д̣̇осам̣ аабаж̇ж̇ад̇ий’’д̇и? ‘‘на хи бханд̇з’’д̇и. ‘‘д̇зна хи, махаарааж̇а, д̇ат̇ааг̇ад̇аанам̣ анусидти саммаанусидти ход̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Hotu, bhante nāgasena, idāni tvaṃ paccāgatosi mama visayaṃ, yamahaṃ pucchāmi, so me attho upagato. Coro pana, bhante nāgasena, niggaṇhantena kathaṃ niggahetabbo’’ti? ‘‘Coro, mahārāja, niggaṇhantena evaṃ niggahetabbo, paribhāsanīyo paribhāsitabbo, daṇḍanīyo daṇḍetabbo, pabbājanīyo pabbājetabbo, bandhanīyo bandhitabbo, ghātanīyo ghātetabbo’’ti. ‘‘Yaṃ pana, bhante nāgasena, corānaṃ ghātanaṃ, taṃ tathāgatānaṃ anumata’’nti? ‘‘Na hi, mahārājā’’ti. ‘‘Kissa pana coro anusāsanīyo anumato tathāgatāna’’nti? ‘‘Yo so, mahārāja, ghātīyati, na so tathāgatānaṃ anumatiyā ghātīyati, sayaṃkatena so ghātīyati, api ca dhammānusiṭṭhiyā anusāsīyati, sakkā pana, mahārāja, tayā purisaṃ akārakaṃ anaparādhaṃ vīthiyaṃ carantaṃ gahetvā ghātayitu’’nti? ‘‘Na sakkā, bhante’’ti. ‘‘Kena kāraṇena, mahārājā’’ti? ‘‘Akārakattā, bhante’’ti. ‘‘Evameva kho, mahārāja, na coro tathāgatānaṃ anumatiyā haññati, sayaṃkatena so haññati, kiṃ panettha anusāsako kiñci dosaṃ āpajjatī’’ti? ‘‘Na hi bhante’’ti. ‘‘Tena hi, mahārāja, tathāgatānaṃ anusiṭṭhi sammānusiṭṭhi hotī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ахим̣сааниг̇г̇ахабан̃хо згаад̣̇асамо.
Ahiṃsāniggahapañho ekādasamo.
