| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. অহিরিকমূলকসুত্তং
9. Ahirikamūlakasuttaṃ
১০৩. সাৰত্থিযং ৰিহরতি…পে॰… ‘‘ধাতুসোৰ…পে॰… অহিরিকা অহিরিকেহি সদ্ধিং সংসন্দন্তি সমেন্তি, অনোত্তপ্পিনো অনোত্তপ্পীহি সদ্ধিং সংসন্দন্তি সমেন্তি , দুপ্পঞ্ঞা দুপ্পঞ্ঞেহি সদ্ধিং সংসন্দন্তি সমেন্তি; হিরিমনা হিরিমনেহি সদ্ধিং সসন্দন্তি সমেন্তি, ওত্তপ্পিনো ওত্তপ্পীহি সদ্ধিং সংসন্দন্তি সমেন্তি, পঞ্ঞৰন্তো পঞ্ঞৰন্তেহি সদ্ধিং সংসন্দন্তি সমেন্তি…পে॰… । (১)
103. Sāvatthiyaṃ viharati…pe… ‘‘dhātusova…pe… ahirikā ahirikehi saddhiṃ saṃsandanti samenti, anottappino anottappīhi saddhiṃ saṃsandanti samenti , duppaññā duppaññehi saddhiṃ saṃsandanti samenti; hirimanā hirimanehi saddhiṃ sasandanti samenti, ottappino ottappīhi saddhiṃ saṃsandanti samenti, paññavanto paññavantehi saddhiṃ saṃsandanti samenti…pe… . (1)
‘‘অহিরিকা অহিরিকেহি সদ্ধিং সংসন্দন্তি সমেন্তি, অপ্পস্সুতা অপ্পস্সুতেহি সদ্ধিং সংসন্দন্তি সমেন্তি, দুপ্পঞ্ঞা দুপ্পঞ্ঞেহি সদ্ধিং সংসন্দন্তি সমেন্তি; হিরিমনা হিরিমনেহি সদ্ধিং সংসন্দন্তি সমেন্তি, বহুস্সুতা বহুস্সুতেহি সদ্ধিং সংসন্দন্তি সমেন্তি, পঞ্ঞৰন্তো পঞ্ঞৰন্তেহি সদ্ধিং সংসন্দন্তি সমেন্তি…পে॰…। (২)
‘‘Ahirikā ahirikehi saddhiṃ saṃsandanti samenti, appassutā appassutehi saddhiṃ saṃsandanti samenti, duppaññā duppaññehi saddhiṃ saṃsandanti samenti; hirimanā hirimanehi saddhiṃ saṃsandanti samenti, bahussutā bahussutehi saddhiṃ saṃsandanti samenti, paññavanto paññavantehi saddhiṃ saṃsandanti samenti…pe…. (2)
‘‘অহিরিকা অহিরিকেহি সদ্ধিং সংসন্দন্তি সমেন্তি, কুসীতা কুসীতেহি সদ্ধিং সংসন্দন্তি সমেন্তি, দুপ্পঞ্ঞা দুপ্পঞ্ঞেহি সদ্ধিং সংসন্দন্তি সমেন্তি; হিরিমনা হিরিমনেহি সদ্ধিং সংসন্দন্তি সমেন্তি, আরদ্ধৰীরিযা আরদ্ধৰীরিযেহি সদ্ধিং সংসন্দন্তি সমেন্তি, পঞ্ঞৰন্তো পঞ্ঞৰন্তেহি সদ্ধিং সংসন্দন্তি সমেন্তি…পে॰…। (৩)
‘‘Ahirikā ahirikehi saddhiṃ saṃsandanti samenti, kusītā kusītehi saddhiṃ saṃsandanti samenti, duppaññā duppaññehi saddhiṃ saṃsandanti samenti; hirimanā hirimanehi saddhiṃ saṃsandanti samenti, āraddhavīriyā āraddhavīriyehi saddhiṃ saṃsandanti samenti, paññavanto paññavantehi saddhiṃ saṃsandanti samenti…pe…. (3)
‘‘অহিরিকা অহিরিকেহি সদ্ধিং সংসন্দন্তি সমেন্তি, মুট্ঠস্সতিনো মুট্ঠস্সতীহি সদ্ধিং সংসন্দন্তি সমেন্তি, দুপ্পঞ্ঞা দুপ্পঞ্ঞেহি সদ্ধিং সংসন্দন্তি সমেন্তি; হিরিমনা হিরিমনেহি সদ্ধিং সংসন্দন্তি সমেন্তি, উপট্ঠিতস্সতিনো উপট্ঠিতস্সতীহি সদ্ধিং সংসন্দন্তি সমেন্তি, পঞ্ঞৰন্তো পঞ্ঞৰন্তেহি সদ্ধিং সংসন্দন্তি সমেন্তীতি…পে॰…। নৰমং। (৪)
‘‘Ahirikā ahirikehi saddhiṃ saṃsandanti samenti, muṭṭhassatino muṭṭhassatīhi saddhiṃ saṃsandanti samenti, duppaññā duppaññehi saddhiṃ saṃsandanti samenti; hirimanā hirimanehi saddhiṃ saṃsandanti samenti, upaṭṭhitassatino upaṭṭhitassatīhi saddhiṃ saṃsandanti samenti, paññavanto paññavantehi saddhiṃ saṃsandanti samentīti…pe…. Navamaṃ. (4)
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮-১২. অস্সদ্ধমূলকসুত্তাদিৰণ্ণনা • 8-12. Assaddhamūlakasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮-১২. অস্সদ্ধমূলকসুত্তাদিৰণ্ণনা • 8-12. Assaddhamūlakasuttādivaṇṇanā
