| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[365] 5. ахид̇ун̣д̣игаж̇аад̇агаван̣н̣анаа
[365] 5. Ahituṇḍikajātakavaṇṇanā
д̇худ̇д̇омхийд̇и ид̣̇ам̣ сад̇т̇аа ж̇зд̇аванз вихаранд̇о згам̣ махаллагабхигкум̣ аараб̣бха гат̇зси. вад̇т̇у хздтаа саалуугаж̇аад̇агз (ж̇аа. 1.3.106 аад̣̇аяо) вид̇т̇аарид̇ам̣. ид̇хааби со махаллаго згам̣ г̇аамад̣̇аарагам̣ баб̣б̣ааж̇зд̇ваа аггосад̇и бахарад̇и. д̣̇аараго балааяид̇ваа виб̣бхами. д̣̇уд̇ияамби нам̣ баб̣б̣ааж̇зд̇ваа д̇ат̇зваагааси. д̣̇уд̇ияамби виб̣бхамид̇ваа буна яаажияамаано ологзд̇умби на ижчи. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асуго наама махаллаго ад̇д̇ано сааман̣зрзна сахааби винааби вад̇д̇ид̇ум̣ на саггод̇и, ид̇аро д̇асса д̣̇осам̣ д̣̇исваа буна ологзд̇умби на ижчи, сухад̣̇аяо гумаараго’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса сааман̣зро сухад̣̇аяова, сагим̣ д̣̇осам̣ д̣̇исваа буна ологзд̇умби на ижчий’’д̇и вад̇ваа ад̇ийд̇ам̣ аахари.
Dhuttomhīti idaṃ satthā jetavane viharanto ekaṃ mahallakabhikkhuṃ ārabbha kathesi. Vatthu heṭṭhā sālūkajātake (jā. 1.3.106 ādayo) vitthāritaṃ. Idhāpi so mahallako ekaṃ gāmadārakaṃ pabbājetvā akkosati paharati. Dārako palāyitvā vibbhami. Dutiyampi naṃ pabbājetvā tathevākāsi. Dutiyampi vibbhamitvā puna yāciyamāno oloketumpi na icchi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, asuko nāma mahallako attano sāmaṇerena sahāpi vināpi vattituṃ na sakkoti, itaro tassa dosaṃ disvā puna oloketumpi na icchi, suhadayo kumārako’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa sāmaṇero suhadayova, sakiṃ dosaṃ disvā puna oloketumpi na icchī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇хан̃н̃аваан̣иж̇агулз ниб̣б̣ад̇д̇ид̇ваа ваяаббад̇д̇о д̇хан̃н̃авиггаязна ж̇ийвигам̣ габбзси. ат̇зго ахид̇ун̣д̣иго маггадам̣ г̇ахзд̇ваа сигкаабзд̇ваа ахим̣ гийл̣аабзнд̇о б̣аараан̣асияам̣ уссавз гхудтз д̇ам̣ маггадам̣ д̇хан̃н̃аваан̣иж̇агасса санд̇игз табзд̇ваа ахим̣ гийл̣аабзнд̇о сад̇д̇а д̣̇ивасаани вижари. соби ваан̣иж̇о маггадасса каад̣̇анийяам̣ бхож̇анийяам̣ ад̣̇ааси. ахид̇ун̣д̣иго сад̇д̇амз д̣̇ивасз уссавагийл̣анад̇о ааг̇анд̇ваа д̇ам̣ маггадам̣ взл̣убзсигааяа д̇игкад̇д̇ум̣ бахарид̇ваа д̇ам̣ аад̣̇ааяа уяяаанам̣ г̇анд̇ваа б̣анд̇хид̇ваа нид̣̇д̣̇ам̣ оггами. маггадо б̣анд̇ханам̣ можзд̇ваа амб̣аругкам̣ ааруяха амб̣аани каад̣̇анд̇о нисийд̣̇и. со баб̣уд̣̇д̇хо ругкз маггадам̣ д̣̇исваа ‘‘зд̇ам̣ маяаа убалаабзд̇ваа г̇ахзд̇ум̣ ваддад̇ий’’д̇и д̇зна сад̣̇д̇хим̣ саллабанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto dhaññavāṇijakule nibbattitvā vayappatto dhaññavikkayena jīvikaṃ kappesi. Atheko ahituṇḍiko makkaṭaṃ gahetvā sikkhāpetvā ahiṃ kīḷāpento bārāṇasiyaṃ ussave ghuṭṭhe taṃ makkaṭaṃ dhaññavāṇijakassa santike ṭhapetvā ahiṃ kīḷāpento satta divasāni vicari. Sopi vāṇijo makkaṭassa khādanīyaṃ bhojanīyaṃ adāsi. Ahituṇḍiko sattame divase ussavakīḷanato āgantvā taṃ makkaṭaṃ veḷupesikāya tikkhattuṃ paharitvā taṃ ādāya uyyānaṃ gantvā bandhitvā niddaṃ okkami. Makkaṭo bandhanaṃ mocetvā ambarukkhaṃ āruyha ambāni khādanto nisīdi. So pabuddho rukkhe makkaṭaṃ disvā ‘‘etaṃ mayā upalāpetvā gahetuṃ vaṭṭatī’’ti tena saddhiṃ sallapanto paṭhamaṃ gāthamāha –
80.
80.
‘‘д̇худ̇д̇омхи самма сумука, ж̇ууд̇з агкабарааж̇ид̇о;
‘‘Dhuttomhi samma sumukha, jūte akkhaparājito;
харзхи амб̣абаггаани, вийрияам̣ д̇з бхагкаяаамасз’’д̇и.
Harehi ambapakkāni, vīriyaṃ te bhakkhayāmase’’ti.
д̇ад̇т̇а агкабарааж̇ид̇од̇и агкзхи барааж̇ид̇о. харзхийд̇и баад̇зхи. аяамзва ваа баато.
Tattha akkhaparājitoti akkhehi parājito. Harehīti pātehi. Ayameva vā pāṭho.
д̇ам̣ суд̇ваа маггадо сзсаг̇аат̇аа абхааси –
Taṃ sutvā makkaṭo sesagāthā abhāsi –
81.
81.
‘‘алигам̣ вад̇а мам̣ самма, абхууд̇зна басам̣саси;
‘‘Alikaṃ vata maṃ samma, abhūtena pasaṃsasi;
го д̇з суд̇о ваа д̣̇идто ваа, сумуко наама маггадо.
Ko te suto vā diṭṭho vā, sumukho nāma makkaṭo.
82.
82.
‘‘аж̇ж̇ааби мз д̇ам̣ манаси, яам̣ мам̣ д̇вам̣ ахид̇ун̣д̣ига;
‘‘Ajjāpi me taṃ manasi, yaṃ maṃ tvaṃ ahituṇḍika;
д̇хан̃н̃аабан̣ам̣ бависид̇ваа, мад̇д̇о чаад̇ам̣ ханааси мам̣.
Dhaññāpaṇaṃ pavisitvā, matto chātaṃ hanāsi maṃ.
83.
83.
‘‘д̇аахам̣ сарам̣ д̣̇угкасзяяам̣, аби раж̇ж̇амби гаараяз;
‘‘Tāhaṃ saraṃ dukkhaseyyaṃ, api rajjampi kāraye;
нзваахам̣ яаажид̇о д̣̇аж̇ж̇ам̣, д̇ат̇аа хи бхаяад̇аж̇ж̇ид̇о.
Nevāhaṃ yācito dajjaṃ, tathā hi bhayatajjito.
84.
84.
‘‘яан̃жа ж̇ан̃н̃аа гулз ж̇аад̇ам̣, г̇аб̣бхз д̇ид̇д̇ам̣ амажчарим̣;
‘‘Yañca jaññā kule jātaṃ, gabbhe tittaṃ amacchariṃ;
д̇зна сакин̃жа мид̇д̇ан̃жа, д̇хийро санд̇хаад̇умарахад̇ий’’д̇и.
Tena sakhiñca mittañca, dhīro sandhātumarahatī’’ti.
д̇ад̇т̇а алигам̣ вад̇аад̇и мусаа вад̇а. абхууд̇знаад̇и авиж̇ж̇амаанзна. го д̇зд̇и гва д̇аяаа. сумукод̇и сунд̣̇арамуко. ахид̇ун̣д̣игаад̇и д̇ам̣ аалабад̇и. ‘‘ахигон̣д̣игаа’’д̇иби баато. чаад̇анд̇и ж̇игхажчаабхибхууд̇ам̣ д̣̇уб̣б̣алам̣ габан̣ам̣. ханаасийд̇и взл̣убзсигааяа д̇игкад̇д̇ум̣ бахараси. д̇ааханд̇и д̇ам̣ ахам̣. саранд̇и саранд̇о. д̣̇угкасзяяанд̇и д̇асмим̣ аабан̣з д̣̇угкасаяанам̣. аби раж̇ж̇амби гаараязд̇и сажзби б̣аараан̣асираж̇ж̇ам̣ г̇ахзд̇ваа маяхам̣ д̣̇ад̇ваа мам̣ раж̇ж̇ам̣ гаарзяяааси, звамби д̇ам̣ нзваахам̣ яаажид̇о д̣̇аж̇ж̇ам̣, д̇ам̣ згамби амб̣абаггам̣ ахам̣ д̇аяаа яаажид̇о на д̣̇ад̣̇зяяам̣. гим̣гааран̣аа? д̇ат̇аа хи бхаяад̇аж̇ж̇ид̇од̇и, д̇ат̇аа хи ахам̣ д̇аяаа бхаязна д̇аж̇ж̇ид̇од̇и ад̇т̇о.
Tattha alikaṃ vatāti musā vata. Abhūtenāti avijjamānena. Ko teti kva tayā. Sumukhoti sundaramukho. Ahituṇḍikāti taṃ ālapati. ‘‘Ahikoṇḍikā’’tipi pāṭho. Chātanti jighacchābhibhūtaṃ dubbalaṃ kapaṇaṃ. Hanāsīti veḷupesikāya tikkhattuṃ paharasi. Tāhanti taṃ ahaṃ. Saranti saranto. Dukkhaseyyanti tasmiṃ āpaṇe dukkhasayanaṃ. Api rajjampi kārayeti sacepi bārāṇasirajjaṃ gahetvā mayhaṃ datvā maṃ rajjaṃ kāreyyāsi, evampi taṃ nevāhaṃ yācito dajjaṃ, taṃ ekampi ambapakkaṃ ahaṃ tayā yācito na dadeyyaṃ. Kiṃkāraṇā? Tathā hi bhayatajjitoti, tathā hi ahaṃ tayā bhayena tajjitoti attho.
г̇аб̣бхз д̇ид̇д̇анд̇и субхож̇анарасзна маад̇угужчияам̣язва алан̇гад̇абадияад̇д̇з саяанаг̇аб̣бхзязва ваа д̇ид̇д̇ам̣ бхог̇аасааяа агабан̣ам̣. сакин̃жа мид̇д̇ан̃жаад̇и сакибхааван̃жа мид̇д̇абхааван̃жа д̇ат̇ааруубзна гулаж̇аад̇зна д̇ид̇д̇зна агабан̣зна амажчаринаа сад̣̇д̇хим̣ бан̣д̣ид̇о санд̇хаад̇ум̣ буна гхадзд̇ум̣ арахад̇и, д̇аяаа бана габан̣зна ахид̇ун̣д̣игзна сад̣̇д̇хим̣ го мид̇д̇абхаавам̣ буна гхадзд̇унд̇и ад̇т̇о. зван̃жа бана вад̇ваа ваанаро ванам̣ сахасаа баависи.
Gabbhe tittanti subhojanarasena mātukucchiyaṃyeva alaṅkatapaṭiyatte sayanagabbheyeva vā tittaṃ bhogāsāya akapaṇaṃ. Sakhiñca mittañcāti sakhibhāvañca mittabhāvañca tathārūpena kulajātena tittena akapaṇena amaccharinā saddhiṃ paṇḍito sandhātuṃ puna ghaṭetuṃ arahati, tayā pana kapaṇena ahituṇḍikena saddhiṃ ko mittabhāvaṃ puna ghaṭetunti attho. Evañca pana vatvā vānaro vanaṃ sahasā pāvisi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ахид̇ун̣д̣иго махаллаго ахоси, маггадо сааман̣зро, д̇хан̃н̃аваан̣иж̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā ahituṇḍiko mahallako ahosi, makkaṭo sāmaṇero, dhaññavāṇijo pana ahameva ahosi’’nti.
ахид̇ун̣д̣игаж̇аад̇агаван̣н̣анаа бан̃жамаа.
Ahituṇḍikajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 365. ахид̇ун̣д̣игаж̇аад̇агам̣ • 365. Ahituṇḍikajātakaṃ
