| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
37. ахиваад̇агарог̇авад̇т̇у
37. Ahivātakarogavatthu
100. д̇зна ко бана самаязна ан̃н̃ад̇арам̣ гулам̣ ахиваад̇агарог̇зна гаалан̇гад̇ам̣ ход̇и. д̇асса бид̇аабуд̇д̇агаа сзсаа хонд̇и. д̇з бхигкуусу баб̣б̣аж̇ид̇ваа згад̇ова бин̣д̣ааяа жаранд̇и. ат̇а ко со д̣̇аараго бид̇уно бхигкааяа д̣̇иннааяа убад̇хаавид̇ваа зд̇ад̣̇авожа – ‘‘маяхамби, д̇аад̇а, д̣̇зхи; маяхамби , д̇аад̇а, д̣̇зхий’’д̇и. мануссаа уж̇жхааяанд̇и кияяанд̇и вибаажзнд̇и – ‘‘аб̣рахмажаарино имз саман̣аа сагяабуд̇д̇ияаа. аяамби д̣̇аараго бхигкунияаа ж̇аад̇о’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. на, бхигкавз, уунабаннарасавассо д̣̇аараго баб̣б̣ааж̇зд̇аб̣б̣о. яо баб̣б̣ааж̇зяяа, аабад̇д̇и д̣̇уггадассаад̇и.
100. Tena kho pana samayena aññataraṃ kulaṃ ahivātakarogena kālaṅkataṃ hoti. Tassa pitāputtakā sesā honti. Te bhikkhūsu pabbajitvā ekatova piṇḍāya caranti. Atha kho so dārako pituno bhikkhāya dinnāya upadhāvitvā etadavoca – ‘‘mayhampi, tāta, dehi; mayhampi , tāta, dehī’’ti. Manussā ujjhāyanti khiyyanti vipācenti – ‘‘abrahmacārino ime samaṇā sakyaputtiyā. Ayampi dārako bhikkhuniyā jāto’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Na, bhikkhave, ūnapannarasavasso dārako pabbājetabbo. Yo pabbājeyya, āpatti dukkaṭassāti.
д̇зна ко бана самаязна ааяасмад̇о аананд̣̇асса убадтаагагулам̣ сад̣̇д̇хам̣ басаннам̣ ахиваад̇агарог̇зна гаалан̇гад̇ам̣ ход̇и, д̣̇вз жа д̣̇аарагаа сзсаа хонд̇и. д̇з бораан̣агзна аажин̣н̣агаббзна бхигкуу бассид̇ваа убад̇хааванд̇и. бхигкуу абасаад̣̇знд̇и. д̇з бхигкуухи абасаад̣̇ияамаанаа род̣̇анд̇и. ат̇а ко ааяасмад̇о аананд̣̇асса зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘на уунабаннарасавассо д̣̇аараго баб̣б̣ааж̇зд̇аб̣б̣о’д̇и. имз жа д̣̇аарагаа уунабаннарасавассаа. гзна ну ко убааязна имз д̣̇аарагаа на винассзяяу’’нд̇и? ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси. уссаханд̇и бана д̇з, аананд̣̇а, д̣̇аарагаа гаагз уд̣д̣аабзд̇унд̇и? уссаханд̇и, бхаг̇аваад̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, уунабаннарасавассам̣ д̣̇аарагам̣ гаагуд̣д̣збагам̣ баб̣б̣ааж̇зд̇у’’нд̇и.
Tena kho pana samayena āyasmato ānandassa upaṭṭhākakulaṃ saddhaṃ pasannaṃ ahivātakarogena kālaṅkataṃ hoti, dve ca dārakā sesā honti. Te porāṇakena āciṇṇakappena bhikkhū passitvā upadhāvanti. Bhikkhū apasādenti. Te bhikkhūhi apasādiyamānā rodanti. Atha kho āyasmato ānandassa etadahosi – ‘‘bhagavatā paññattaṃ ‘na ūnapannarasavasso dārako pabbājetabbo’ti. Ime ca dārakā ūnapannarasavassā. Kena nu kho upāyena ime dārakā na vinasseyyu’’nti? Atha kho āyasmā ānando bhagavato etamatthaṃ ārocesi. Ussahanti pana te, ānanda, dārakā kāke uḍḍāpetunti? Ussahanti, bhagavāti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, ūnapannarasavassaṃ dārakaṃ kākuḍḍepakaṃ pabbājetu’’nti.
ахиваад̇агарог̇авад̇т̇у нидтид̇ам̣.
Ahivātakarogavatthu niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гаммаарабхан̣д̣увад̇т̇аад̣̇игат̇аа • Kammārabhaṇḍuvatthādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 35. гаммаарабхан̣д̣увад̇т̇уаад̣̇игат̇аа • 35. Kammārabhaṇḍuvatthuādikathā
