| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
39. аахунд̣̇аригавад̇т̇у
39. Āhundarikavatthu
102. д̇зна ко бана самаязна бхаг̇аваа д̇ад̇т̇зва рааж̇аг̇ахз вассам̣ васи, д̇ад̇т̇а хзманд̇ам̣, д̇ад̇т̇а г̇имхам̣. мануссаа уж̇жхааяанд̇и кияяанд̇и вибаажзнд̇и – ‘‘аахунд̣̇аригаа саман̣аанам̣ сагяабуд̇д̇ияаанам̣ д̣̇исаа анд̇хагаараа, на имзсам̣ д̣̇исаа багкааяанд̇ий’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘г̇ажчаананд̣̇а, аваабуран̣ам̣ 1 аад̣̇ааяа анубаривзн̣ияам̣ бхигкуунам̣ аарожзхи – ‘‘ижчад̇аавусо бхаг̇аваа д̣̇агкин̣ааг̇ирим̣ жааригам̣ баггамид̇ум̣. яассааяасмад̇о ад̇т̇о, со ааг̇ажчад̇уу’’д̇и. звам̣, бханд̇з, д̇и ко ааяасмаа аананд̣̇о бхаг̇авад̇о бадиссун̣ид̇ваа аваабуран̣ам̣ аад̣̇ааяа анубаривзн̣ияам̣ бхигкуунам̣ аарожзси – ‘ижчад̇аавусо бхаг̇аваа д̣̇агкин̣ааг̇ирим̣ жааригам̣ баггамид̇ум̣. яассааяасмад̇о ад̇т̇о, со ааг̇ажчад̇уу’’’д̇и. бхигкуу звамаахам̣су – ‘‘бхаг̇авад̇аа, аавусо аананд̣̇а, бан̃н̃ад̇д̇ам̣ д̣̇асавассаани ниссааяа вад̇т̇ум̣, д̣̇асавассзна ниссаяам̣ д̣̇аад̇ум̣. д̇ад̇т̇а жа но г̇анд̇аб̣б̣ам̣ бхависсад̇и, ниссаяо жа г̇ахзд̇аб̣б̣о бхависсад̇и, ид̇д̇аро жа ваасо бхависсад̇и, буна жа бажжааг̇анд̇аб̣б̣ам̣ бхависсад̇и, буна жа ниссаяо г̇ахзд̇аб̣б̣о бхависсад̇и. сажз амхаагам̣ аажарияубаж̇жхааяаа г̇амиссанд̇и, маяамби г̇амиссаама; но жз амхаагам̣ аажарияубаж̇жхааяаа г̇амиссанд̇и, маяамби на г̇амиссаама. лахужид̇д̇агад̇аа но, аавусо аананд̣̇а, бан̃н̃ааяиссад̇ий’’д̇и. ат̇а ко бхаг̇аваа ог̇ан̣зна бхигкусан̇гхзна д̣̇агкин̣ааг̇ирим̣ жааригам̣ баггаами.
102. Tena kho pana samayena bhagavā tattheva rājagahe vassaṃ vasi, tattha hemantaṃ, tattha gimhaṃ. Manussā ujjhāyanti khiyyanti vipācenti – ‘‘āhundarikā samaṇānaṃ sakyaputtiyānaṃ disā andhakārā, na imesaṃ disā pakkhāyantī’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā āyasmantaṃ ānandaṃ āmantesi – ‘‘gacchānanda, avāpuraṇaṃ 2 ādāya anupariveṇiyaṃ bhikkhūnaṃ ārocehi – ‘‘icchatāvuso bhagavā dakkhiṇāgiriṃ cārikaṃ pakkamituṃ. Yassāyasmato attho, so āgacchatū’’ti. Evaṃ, bhante, ti kho āyasmā ānando bhagavato paṭissuṇitvā avāpuraṇaṃ ādāya anupariveṇiyaṃ bhikkhūnaṃ ārocesi – ‘icchatāvuso bhagavā dakkhiṇāgiriṃ cārikaṃ pakkamituṃ. Yassāyasmato attho, so āgacchatū’’’ti. Bhikkhū evamāhaṃsu – ‘‘bhagavatā, āvuso ānanda, paññattaṃ dasavassāni nissāya vatthuṃ, dasavassena nissayaṃ dātuṃ. Tattha ca no gantabbaṃ bhavissati, nissayo ca gahetabbo bhavissati, ittaro ca vāso bhavissati, puna ca paccāgantabbaṃ bhavissati, puna ca nissayo gahetabbo bhavissati. Sace amhākaṃ ācariyupajjhāyā gamissanti, mayampi gamissāma; no ce amhākaṃ ācariyupajjhāyā gamissanti, mayampi na gamissāma. Lahucittakatā no, āvuso ānanda, paññāyissatī’’ti. Atha kho bhagavā ogaṇena bhikkhusaṅghena dakkhiṇāgiriṃ cārikaṃ pakkāmi.
аахунд̣̇аригавад̇т̇у нидтид̇ам̣.
Āhundarikavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гаммаарабхан̣д̣увад̇т̇аад̣̇игат̇аа • Kammārabhaṇḍuvatthādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 35. гаммаарабхан̣д̣увад̇т̇уаад̣̇игат̇аа • 35. Kammārabhaṇḍuvatthuādikathā
