| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੩੯. ਆਹੁਨ੍ਦਰਿਕવਤ੍ਥੁ
39. Āhundarikavatthu
੧੦੨. ਤੇਨ ਖੋ ਪਨ ਸਮਯੇਨ ਭਗવਾ ਤਤ੍ਥੇવ ਰਾਜਗਹੇ વਸ੍ਸਂ વਸਿ, ਤਤ੍ਥ ਹੇਮਨ੍ਤਂ, ਤਤ੍ਥ ਗਿਮ੍ਹਂ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਆਹੁਨ੍ਦਰਿਕਾ ਸਮਣਾਨਂ ਸਕ੍ਯਪੁਤ੍ਤਿਯਾਨਂ ਦਿਸਾ ਅਨ੍ਧਕਾਰਾ, ਨ ਇਮੇਸਂ ਦਿਸਾ ਪਕ੍ਖਾਯਨ੍ਤੀ’’ਤਿ। ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ – ‘‘ਗਚ੍ਛਾਨਨ੍ਦ, ਅવਾਪੁਰਣਂ 1 ਆਦਾਯ ਅਨੁਪਰਿવੇਣਿਯਂ ਭਿਕ੍ਖੂਨਂ ਆਰੋਚੇਹਿ – ‘‘ਇਚ੍ਛਤਾવੁਸੋ ਭਗવਾ ਦਕ੍ਖਿਣਾਗਿਰਿਂ ਚਾਰਿਕਂ ਪਕ੍ਕਮਿਤੁਂ। ਯਸ੍ਸਾਯਸ੍ਮਤੋ ਅਤ੍ਥੋ, ਸੋ ਆਗਚ੍ਛਤੂ’’ਤਿ। ਏવਂ, ਭਨ੍ਤੇ, ਤਿ ਖੋ ਆਯਸ੍ਮਾ ਆਨਨ੍ਦੋ ਭਗવਤੋ ਪਟਿਸ੍ਸੁਣਿਤ੍વਾ ਅવਾਪੁਰਣਂ ਆਦਾਯ ਅਨੁਪਰਿવੇਣਿਯਂ ਭਿਕ੍ਖੂਨਂ ਆਰੋਚੇਸਿ – ‘ਇਚ੍ਛਤਾવੁਸੋ ਭਗવਾ ਦਕ੍ਖਿਣਾਗਿਰਿਂ ਚਾਰਿਕਂ ਪਕ੍ਕਮਿਤੁਂ। ਯਸ੍ਸਾਯਸ੍ਮਤੋ ਅਤ੍ਥੋ, ਸੋ ਆਗਚ੍ਛਤੂ’’’ਤਿ। ਭਿਕ੍ਖੂ ਏવਮਾਹਂਸੁ – ‘‘ਭਗવਤਾ, ਆવੁਸੋ ਆਨਨ੍ਦ, ਪਞ੍ਞਤ੍ਤਂ ਦਸવਸ੍ਸਾਨਿ ਨਿਸ੍ਸਾਯ વਤ੍ਥੁਂ, ਦਸવਸ੍ਸੇਨ ਨਿਸ੍ਸਯਂ ਦਾਤੁਂ। ਤਤ੍ਥ ਚ ਨੋ ਗਨ੍ਤਬ੍ਬਂ ਭવਿਸ੍ਸਤਿ, ਨਿਸ੍ਸਯੋ ਚ ਗਹੇਤਬ੍ਬੋ ਭવਿਸ੍ਸਤਿ, ਇਤ੍ਤਰੋ ਚ વਾਸੋ ਭવਿਸ੍ਸਤਿ, ਪੁਨ ਚ ਪਚ੍ਚਾਗਨ੍ਤਬ੍ਬਂ ਭવਿਸ੍ਸਤਿ, ਪੁਨ ਚ ਨਿਸ੍ਸਯੋ ਗਹੇਤਬ੍ਬੋ ਭવਿਸ੍ਸਤਿ। ਸਚੇ ਅਮ੍ਹਾਕਂ ਆਚਰਿਯੁਪਜ੍ਝਾਯਾ ਗਮਿਸ੍ਸਨ੍ਤਿ, ਮਯਮ੍ਪਿ ਗਮਿਸ੍ਸਾਮ; ਨੋ ਚੇ ਅਮ੍ਹਾਕਂ ਆਚਰਿਯੁਪਜ੍ਝਾਯਾ ਗਮਿਸ੍ਸਨ੍ਤਿ, ਮਯਮ੍ਪਿ ਨ ਗਮਿਸ੍ਸਾਮ। ਲਹੁਚਿਤ੍ਤਕਤਾ ਨੋ, ਆવੁਸੋ ਆਨਨ੍ਦ, ਪਞ੍ਞਾਯਿਸ੍ਸਤੀ’’ਤਿ। ਅਥ ਖੋ ਭਗવਾ ਓਗਣੇਨ ਭਿਕ੍ਖੁਸਙ੍ਘੇਨ ਦਕ੍ਖਿਣਾਗਿਰਿਂ ਚਾਰਿਕਂ ਪਕ੍ਕਾਮਿ।
102. Tena kho pana samayena bhagavā tattheva rājagahe vassaṃ vasi, tattha hemantaṃ, tattha gimhaṃ. Manussā ujjhāyanti khiyyanti vipācenti – ‘‘āhundarikā samaṇānaṃ sakyaputtiyānaṃ disā andhakārā, na imesaṃ disā pakkhāyantī’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā āyasmantaṃ ānandaṃ āmantesi – ‘‘gacchānanda, avāpuraṇaṃ 2 ādāya anupariveṇiyaṃ bhikkhūnaṃ ārocehi – ‘‘icchatāvuso bhagavā dakkhiṇāgiriṃ cārikaṃ pakkamituṃ. Yassāyasmato attho, so āgacchatū’’ti. Evaṃ, bhante, ti kho āyasmā ānando bhagavato paṭissuṇitvā avāpuraṇaṃ ādāya anupariveṇiyaṃ bhikkhūnaṃ ārocesi – ‘icchatāvuso bhagavā dakkhiṇāgiriṃ cārikaṃ pakkamituṃ. Yassāyasmato attho, so āgacchatū’’’ti. Bhikkhū evamāhaṃsu – ‘‘bhagavatā, āvuso ānanda, paññattaṃ dasavassāni nissāya vatthuṃ, dasavassena nissayaṃ dātuṃ. Tattha ca no gantabbaṃ bhavissati, nissayo ca gahetabbo bhavissati, ittaro ca vāso bhavissati, puna ca paccāgantabbaṃ bhavissati, puna ca nissayo gahetabbo bhavissati. Sace amhākaṃ ācariyupajjhāyā gamissanti, mayampi gamissāma; no ce amhākaṃ ācariyupajjhāyā gamissanti, mayampi na gamissāma. Lahucittakatā no, āvuso ānanda, paññāyissatī’’ti. Atha kho bhagavā ogaṇena bhikkhusaṅghena dakkhiṇāgiriṃ cārikaṃ pakkāmi.
ਆਹੁਨ੍ਦਰਿਕવਤ੍ਥੁ ਨਿਟ੍ਠਿਤਂ।
Āhundarikavatthu niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਮ੍ਮਾਰਭਣ੍ਡੁવਤ੍ਥਾਦਿਕਥਾ • Kammārabhaṇḍuvatthādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਮ੍ਮਾਰਭਣ੍ਡੁવਤ੍ਥਾਦਿਕਥਾવਣ੍ਣਨਾ • Kammārabhaṇḍuvatthādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩੫. ਕਮ੍ਮਾਰਭਣ੍ਡੁવਤ੍ਥੁਆਦਿਕਥਾ • 35. Kammārabhaṇḍuvatthuādikathā
