| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. ආහුනෙය්‍යසුත්‌තං
6. Āhuneyyasuttaṃ
16. ‘‘දසයිමෙ , භික්‌ඛවෙ, පුග්‌ගලා ආහුනෙය්‍යා පාහුනෙය්‍යා දක්‌ඛිණෙය්‍යා අඤ්‌ජලිකරණීයා අනුත්‌තරං පුඤ්‌ඤක්‌ඛෙත්‌තං ලොකස්‌ස. කතමෙ දස? තථාගතො අරහං සම්‌මාසම්‌බුද්‌ධො, පච්‌චෙකබුද්‌ධො, උභතොභාගවිමුත්‌තො, පඤ්‌ඤාවිමුත්‌තො, කායසක්‌ඛී, දිට්‌ඨිප්‌පත්‌තො, සද්‌ධාවිමුත්‌තො, සද්‌ධානුසාරී, ධම්‌මානුසාරී, ගොත්‍රභූ – ඉමෙ ඛො, භික්‌ඛවෙ, දස පුග්‌ගලා ආහුනෙය්‍යා…පෙ.… අනුත්‌තරං පුඤ්‌ඤක්‌ඛෙත්‌තං ලොකස්‌සා’’ති. ඡට්‌ඨං.
16. ‘‘Dasayime , bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame dasa? Tathāgato arahaṃ sammāsambuddho, paccekabuddho, ubhatobhāgavimutto, paññāvimutto, kāyasakkhī, diṭṭhippatto, saddhāvimutto, saddhānusārī, dhammānusārī, gotrabhū – ime kho, bhikkhave, dasa puggalā āhuneyyā…pe… anuttaraṃ puññakkhettaṃ lokassā’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 6. ආහුනෙය්‍යසුත්‌තවණ්‌ණනා • 6. Āhuneyyasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-6. අප්‌පමාදසුත්‌තාදිවණ්‌ණනා • 5-6. Appamādasuttādivaṇṇanā
