| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. อาหุเนยฺยวโคฺค
10. Āhuneyyavaggo
๙๕. ‘‘สตฺติเม , ภิกฺขเว, ปุคฺคลา อาหุเนยฺยา…เป.… ทกฺขิเณยฺยา อญฺชลิกรณียา อนุตฺตรํ ปุญฺญเกฺขตฺตํ โลกสฺสฯ กตเม สตฺต? อิธ, ภิกฺขเว, เอกโจฺจ ปุคฺคโล จกฺขุสฺมิํ อนิจฺจานุปสฺสี วิหรติ อนิจฺจสญฺญี อนิจฺจปฎิสํเวที สตตํ สมิตํ อโพฺพกิณฺณํ เจตสา อธิมุจฺจมาโน ปญฺญาย ปริโยคาหมาโนฯ โส อาสวานํ ขยา อนาสวํ เจโตวิมุตฺติํ ปญฺญาวิมุตฺติํ ทิเฎฺฐว ธเมฺม สยํ อภิญฺญา สจฺฉิกตฺวา อุปสมฺปชฺช วิหรติฯ อยํ โข, ภิกฺขเว, ปฐโม ปุคฺคโล อาหุเนโยฺย ปาหุเนโยฺย…เป.… อนุตฺตรํ ปุญฺญเกฺขตฺตํ โลกสฺสฯ
95. ‘‘Sattime , bhikkhave, puggalā āhuneyyā…pe… dakkhiṇeyyā añjalikaraṇīyā anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ kho, bhikkhave, paṭhamo puggalo āhuneyyo pāhuneyyo…pe… anuttaraṃ puññakkhettaṃ lokassa.
‘‘ปุน จปรํ, ภิกฺขเว, อิเธกโจฺจ ปุคฺคโล จกฺขุสฺมิํ อนิจฺจานุปสฺสี วิหรติ อนิจฺจสญฺญี อนิจฺจปฎิสํเวที สตตํ สมิตํ อโพฺพกิณฺณํ เจตสา อธิมุจฺจมาโน ปญฺญาย ปริโยคาหมาโนฯ ตสฺส อปุพฺพํ อจริมํ อาสวปริยาทานญฺจ โหติ ชีวิตปริยาทานญฺจฯ อยํ, ภิกฺขเว, ทุติโย ปุคฺคโล อาหุเนโยฺย…เป.… อนุตฺตรํ ปุญฺญเกฺขตฺตํ โลกสฺสฯ
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
‘‘ปุน จปรํ, ภิกฺขเว, อิเธกโจฺจ ปุคฺคโล จกฺขุสฺมิํ อนิจฺจานุปสฺสี วิหรติ อนิจฺจสญฺญี อนิจฺจปฎิสํเวที สตตํ สมิตํ อโพฺพกิณฺณํ เจตสา อธิมุจฺจมาโน ปญฺญาย ปริโยคาหมาโนฯ โส ปญฺจนฺนํ โอรมฺภาคิยานํ สํโยชนานํ ปริกฺขยา อนฺตราปรินิพฺพายี โหติ…เป.… อุปหจฺจปรินิพฺพายี โหติ…เป.… อสงฺขารปรินิพฺพายี โหติ…เป.… สสงฺขารปรินิพฺพายี โหติ…เป.… อุทฺธํโสโต โหติ อกนิฎฺฐคามีฯ อยํ, ภิกฺขเว, สตฺตโม ปุคฺคโล อาหุเนโยฺย…เป.… อนุตฺตรํ ปุญฺญเกฺขตฺตํ โลกสฺสฯ อิเม โข, ภิกฺขเว, สตฺต ปุคฺคลา อาหุเนยฺยา ปาหุเนยฺยา ทกฺขิเณยฺยา อญฺชลิกรณียา อนุตฺตรํ ปุญฺญเกฺขตฺตํ โลกสฺสา’’ติฯ
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo…pe… anuttaraṃ puññakkhettaṃ lokassa. Ime kho, bhikkhave, satta puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassā’’ti.
๙๖-๖๒๒. สตฺติเม , ภิกฺขเว, ปุคฺคลา อาหุเนยฺยา ปาหุเนยฺยา…เป.… อนุตฺตรํ ปุญฺญเกฺขตฺตํ โลกสฺสฯ กตเม สตฺต? อิธ, ภิกฺขเว, เอกโจฺจ ปุคฺคโล จกฺขุสฺมิํ ทุกฺขานุปสฺสี วิหรติ…เป.… จกฺขุสฺมิํ อนตฺตานุปสฺสี วิหรติ…เป.… จกฺขุสฺมิํ ขยานุปสฺสี วิหรติ…เป.… จกฺขุสฺมิํ วยานุปสฺสี วิหรติ…เป.… จกฺขุสฺมิํ วิราคานุปสฺสี วิหรติ…เป.… จกฺขุสฺมิํ นิโรธานุปสฺสี วิหรติ…เป.… จกฺขุสฺมิํ ปฎินิสฺสคฺคานุปสฺสี วิหรติ…เป.…ฯ
96-622. Sattime , bhikkhave, puggalā āhuneyyā pāhuneyyā…pe… anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ dukkhānupassī viharati…pe… cakkhusmiṃ anattānupassī viharati…pe… cakkhusmiṃ khayānupassī viharati…pe… cakkhusmiṃ vayānupassī viharati…pe… cakkhusmiṃ virāgānupassī viharati…pe… cakkhusmiṃ nirodhānupassī viharati…pe… cakkhusmiṃ paṭinissaggānupassī viharati…pe….
โสตสฺมิํ…เป.… ฆานสฺมิํ… ชิวฺหาย… กายสฺมิํ… มนสฺมิํ…เป.…ฯ
Sotasmiṃ…pe… ghānasmiṃ… jivhāya… kāyasmiṃ… manasmiṃ…pe….
รูเปสุ…เป.… สเทฺทสุ… คเนฺธสุ… รเสสุ… โผฎฺฐเพฺพสุ … ธเมฺมสุ …เป.…ฯ
Rūpesu…pe… saddesu… gandhesu… rasesu… phoṭṭhabbesu … dhammesu …pe….
จกฺขุวิญฺญาเณ…เป.… โสตวิญฺญาเณ… ฆานวิญฺญาเณ… ชิวฺหาวิญฺญาเณ… กายวิญฺญาเณ… มโนวิญฺญาเณ…เป.…ฯ
Cakkhuviññāṇe…pe… sotaviññāṇe… ghānaviññāṇe… jivhāviññāṇe… kāyaviññāṇe… manoviññāṇe…pe….
จกฺขุสมฺผเสฺส…เป.… โสตสมฺผเสฺส… ฆานสมฺผเสฺส… ชิวฺหาสมฺผเสฺส… กายสมฺผเสฺส… มโนสมฺผเสฺส…เป.…ฯ
Cakkhusamphasse…pe… sotasamphasse… ghānasamphasse… jivhāsamphasse… kāyasamphasse… manosamphasse…pe….
จกฺขุสมฺผสฺสชาย เวทนาย…เป.… โสตสมฺผสฺสชาย เวทนาย… ฆานสมฺผสฺสชาย เวทนาย… ชิวฺหาสมฺผสฺสชาย เวทนาย… กายสมฺผสฺสชาย เวทนาย… มโนสมฺผสฺสชาย เวทนาย…เป.…ฯ
Cakkhusamphassajāya vedanāya…pe… sotasamphassajāya vedanāya… ghānasamphassajāya vedanāya… jivhāsamphassajāya vedanāya… kāyasamphassajāya vedanāya… manosamphassajāya vedanāya…pe….
รูปสญฺญาย…เป.… สทฺทสญฺญาย… คนฺธสญฺญาย… รสสญฺญาย… โผฎฺฐพฺพสญฺญาย… ธมฺมสญฺญาย…เป.…ฯ
Rūpasaññāya…pe… saddasaññāya… gandhasaññāya… rasasaññāya… phoṭṭhabbasaññāya… dhammasaññāya…pe….
รูปสเญฺจตนาย…เป.… สทฺทสเญฺจตนาย… คนฺธสเญฺจตนาย… รสสเญฺจตนาย… โผฎฺฐพฺพสเญฺจตนาย… ธมฺมสเญฺจตนาย…เป.…ฯ
Rūpasañcetanāya…pe… saddasañcetanāya… gandhasañcetanāya… rasasañcetanāya… phoṭṭhabbasañcetanāya… dhammasañcetanāya…pe….
รูปตณฺหาย…เป.… สทฺทตณฺหาย… คนฺธตณฺหาย… รสตณฺหาย… โผฎฺฐพฺพตณฺหาย… ธมฺมตณฺหาย…เป.…ฯ
Rūpataṇhāya…pe… saddataṇhāya… gandhataṇhāya… rasataṇhāya… phoṭṭhabbataṇhāya… dhammataṇhāya…pe….
รูปวิตเกฺก …เป.… สทฺทวิตเกฺก… คนฺธวิตเกฺก… รสวิตเกฺก… โผฎฺฐพฺพวิตเกฺก… ธมฺมวิตเกฺก…เป.…ฯ
Rūpavitakke …pe… saddavitakke… gandhavitakke… rasavitakke… phoṭṭhabbavitakke… dhammavitakke…pe….
รูปวิจาเร…เป.… สทฺทวิจาเร… คนฺธวิจาเร… รสวิจาเร… โผฎฺฐพฺพวิจาเร… ธมฺมวิจาเร…เป.…ฯ
Rūpavicāre…pe… saddavicāre… gandhavicāre… rasavicāre… phoṭṭhabbavicāre… dhammavicāre…pe….
‘‘ปญฺจกฺขเนฺธ 1 …เป.… รูปกฺขเนฺธ… เวทนากฺขเนฺธ… สญฺญากฺขเนฺธ… สงฺขารกฺขเนฺธ… วิญฺญาณกฺขเนฺธ อนิจฺจานุปสฺสี วิหรติ…เป.… ทุกฺขานุปสฺสี วิหรติ… อนตฺตานุปสฺสี วิหรติ… ขยานุปสฺสี วิหรติ… วยานุปสฺสี วิหรติ… วิราคานุปสฺสี วิหรติ… นิโรธานุปสฺสี วิหรติ… ปฎินิสฺสคฺคานุปสฺสี วิหรติ…เป.… โลกสฺสา’’ติฯ
‘‘Pañcakkhandhe 2 …pe… rūpakkhandhe… vedanākkhandhe… saññākkhandhe… saṅkhārakkhandhe… viññāṇakkhandhe aniccānupassī viharati…pe… dukkhānupassī viharati… anattānupassī viharati… khayānupassī viharati… vayānupassī viharati… virāgānupassī viharati… nirodhānupassī viharati… paṭinissaggānupassī viharati…pe… lokassā’’ti.
‘‘ฉทฺวารารมฺมเณเสฺวตฺถ, วิญฺญาเณสุ จ ผเสฺสสุ;
‘‘Chadvārārammaṇesvettha, viññāṇesu ca phassesu;
เวทนาสุ จ ทฺวารสฺส, สุตฺตา โหนฺติ วิสุํ อฎฺฐฯ
Vedanāsu ca dvārassa, suttā honti visuṃ aṭṭha.
‘‘สญฺญา สเญฺจตนา ตณฺหา, วิตเกฺกสุ วิจาเร จ;
‘‘Saññā sañcetanā taṇhā, vitakkesu vicāre ca;
โคจรสฺส วิสุํ อฎฺฐ, ปญฺจกฺขเนฺธ จ ปเจฺจเกฯ
Gocarassa visuṃ aṭṭha, pañcakkhandhe ca pacceke.
‘‘โสฬสเสฺวตฺถ มูเลสุ, อนิจฺจํ ทุกฺขมนตฺตา;
‘‘Soḷasasvettha mūlesu, aniccaṃ dukkhamanattā;
ขยา วยา วิราคา จ, นิโรธา ปฎินิสฺสคฺคาฯ
Khayā vayā virāgā ca, nirodhā paṭinissaggā.
‘‘กมํ อฎฺฐานุปสฺสนา, โยเชตฺวาน วิสุํ วิสุํ;
‘‘Kamaṃ aṭṭhānupassanā, yojetvāna visuṃ visuṃ;
สมฺปิณฺฑิเตสุ สเพฺพสุ, โหนฺติ ปญฺจ สตานิ จ;
Sampiṇḍitesu sabbesu, honti pañca satāni ca;
อาหุเนยฺยวโคฺค ทสโมฯ
Āhuneyyavaggo dasamo.
Footnotes:
