| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. អាហុនេយ្យវគ្គោ
10. Āhuneyyavaggo
៩៥. ‘‘សត្តិមេ , ភិក្ខវេ, បុគ្គលា អាហុនេយ្យា…បេ.… ទក្ខិណេយ្យា អញ្ជលិករណីយា អនុត្តរំ បុញ្ញក្ខេត្តំ លោកស្ស។ កតមេ សត្ត? ឥធ, ភិក្ខវេ, ឯកច្ចោ បុគ្គលោ ចក្ខុស្មិំ អនិច្ចានុបស្សី វិហរតិ អនិច្ចសញ្ញី អនិច្ចបដិសំវេទី សតតំ សមិតំ អព្ពោកិណ្ណំ ចេតសា អធិមុច្ចមានោ បញ្ញាយ បរិយោគាហមានោ។ សោ អាសវានំ ខយា អនាសវំ ចេតោវិមុត្តិំ បញ្ញាវិមុត្តិំ ទិដ្ឋេវ ធម្មេ សយំ អភិញ្ញា សច្ឆិកត្វា ឧបសម្បជ្ជ វិហរតិ។ អយំ ខោ, ភិក្ខវេ, បឋមោ បុគ្គលោ អាហុនេយ្យោ បាហុនេយ្យោ…បេ.… អនុត្តរំ បុញ្ញក្ខេត្តំ លោកស្ស។
95. ‘‘Sattime , bhikkhave, puggalā āhuneyyā…pe… dakkhiṇeyyā añjalikaraṇīyā anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ kho, bhikkhave, paṭhamo puggalo āhuneyyo pāhuneyyo…pe… anuttaraṃ puññakkhettaṃ lokassa.
‘‘បុន ចបរំ, ភិក្ខវេ, ឥធេកច្ចោ បុគ្គលោ ចក្ខុស្មិំ អនិច្ចានុបស្សី វិហរតិ អនិច្ចសញ្ញី អនិច្ចបដិសំវេទី សតតំ សមិតំ អព្ពោកិណ្ណំ ចេតសា អធិមុច្ចមានោ បញ្ញាយ បរិយោគាហមានោ។ តស្ស អបុព្ពំ អចរិមំ អាសវបរិយាទានញ្ច ហោតិ ជីវិតបរិយាទានញ្ច។ អយំ, ភិក្ខវេ, ទុតិយោ បុគ្គលោ អាហុនេយ្យោ…បេ.… អនុត្តរំ បុញ្ញក្ខេត្តំ លោកស្ស។
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
‘‘បុន ចបរំ, ភិក្ខវេ, ឥធេកច្ចោ បុគ្គលោ ចក្ខុស្មិំ អនិច្ចានុបស្សី វិហរតិ អនិច្ចសញ្ញី អនិច្ចបដិសំវេទី សតតំ សមិតំ អព្ពោកិណ្ណំ ចេតសា អធិមុច្ចមានោ បញ្ញាយ បរិយោគាហមានោ។ សោ បញ្ចន្នំ ឱរម្ភាគិយានំ សំយោជនានំ បរិក្ខយា អន្តរាបរិនិព្ពាយី ហោតិ…បេ.… ឧបហច្ចបរិនិព្ពាយី ហោតិ…បេ.… អសង្ខារបរិនិព្ពាយី ហោតិ…បេ.… សសង្ខារបរិនិព្ពាយី ហោតិ…បេ.… ឧទ្ធំសោតោ ហោតិ អកនិដ្ឋគាមី។ អយំ, ភិក្ខវេ, សត្តមោ បុគ្គលោ អាហុនេយ្យោ…បេ.… អនុត្តរំ បុញ្ញក្ខេត្តំ លោកស្ស។ ឥមេ ខោ, ភិក្ខវេ, សត្ត បុគ្គលា អាហុនេយ្យា បាហុនេយ្យា ទក្ខិណេយ្យា អញ្ជលិករណីយា អនុត្តរំ បុញ្ញក្ខេត្តំ លោកស្សា’’តិ។
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo…pe… anuttaraṃ puññakkhettaṃ lokassa. Ime kho, bhikkhave, satta puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassā’’ti.
៩៦-៦២២. សត្តិមេ , ភិក្ខវេ, បុគ្គលា អាហុនេយ្យា បាហុនេយ្យា…បេ.… អនុត្តរំ បុញ្ញក្ខេត្តំ លោកស្ស។ កតមេ សត្ត? ឥធ, ភិក្ខវេ, ឯកច្ចោ បុគ្គលោ ចក្ខុស្មិំ ទុក្ខានុបស្សី វិហរតិ…បេ.… ចក្ខុស្មិំ អនត្តានុបស្សី វិហរតិ…បេ.… ចក្ខុស្មិំ ខយានុបស្សី វិហរតិ…បេ.… ចក្ខុស្មិំ វយានុបស្សី វិហរតិ…បេ.… ចក្ខុស្មិំ វិរាគានុបស្សី វិហរតិ…បេ.… ចក្ខុស្មិំ និរោធានុបស្សី វិហរតិ…បេ.… ចក្ខុស្មិំ បដិនិស្សគ្គានុបស្សី វិហរតិ…បេ.…។
96-622. Sattime , bhikkhave, puggalā āhuneyyā pāhuneyyā…pe… anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ dukkhānupassī viharati…pe… cakkhusmiṃ anattānupassī viharati…pe… cakkhusmiṃ khayānupassī viharati…pe… cakkhusmiṃ vayānupassī viharati…pe… cakkhusmiṃ virāgānupassī viharati…pe… cakkhusmiṃ nirodhānupassī viharati…pe… cakkhusmiṃ paṭinissaggānupassī viharati…pe….
សោតស្មិំ…បេ.… ឃានស្មិំ… ជិវ្ហាយ… កាយស្មិំ… មនស្មិំ…បេ.…។
Sotasmiṃ…pe… ghānasmiṃ… jivhāya… kāyasmiṃ… manasmiṃ…pe….
រូបេសុ…បេ.… សទ្ទេសុ… គន្ធេសុ… រសេសុ… ផោដ្ឋព្ពេសុ … ធម្មេសុ …បេ.…។
Rūpesu…pe… saddesu… gandhesu… rasesu… phoṭṭhabbesu … dhammesu …pe….
ចក្ខុវិញ្ញាណេ…បេ.… សោតវិញ្ញាណេ… ឃានវិញ្ញាណេ… ជិវ្ហាវិញ្ញាណេ… កាយវិញ្ញាណេ… មនោវិញ្ញាណេ…បេ.…។
Cakkhuviññāṇe…pe… sotaviññāṇe… ghānaviññāṇe… jivhāviññāṇe… kāyaviññāṇe… manoviññāṇe…pe….
ចក្ខុសម្ផស្សេ…បេ.… សោតសម្ផស្សេ… ឃានសម្ផស្សេ… ជិវ្ហាសម្ផស្សេ… កាយសម្ផស្សេ… មនោសម្ផស្សេ…បេ.…។
Cakkhusamphasse…pe… sotasamphasse… ghānasamphasse… jivhāsamphasse… kāyasamphasse… manosamphasse…pe….
ចក្ខុសម្ផស្សជាយ វេទនាយ…បេ.… សោតសម្ផស្សជាយ វេទនាយ… ឃានសម្ផស្សជាយ វេទនាយ… ជិវ្ហាសម្ផស្សជាយ វេទនាយ… កាយសម្ផស្សជាយ វេទនាយ… មនោសម្ផស្សជាយ វេទនាយ…បេ.…។
Cakkhusamphassajāya vedanāya…pe… sotasamphassajāya vedanāya… ghānasamphassajāya vedanāya… jivhāsamphassajāya vedanāya… kāyasamphassajāya vedanāya… manosamphassajāya vedanāya…pe….
រូបសញ្ញាយ…បេ.… សទ្ទសញ្ញាយ… គន្ធសញ្ញាយ… រសសញ្ញាយ… ផោដ្ឋព្ពសញ្ញាយ… ធម្មសញ្ញាយ…បេ.…។
Rūpasaññāya…pe… saddasaññāya… gandhasaññāya… rasasaññāya… phoṭṭhabbasaññāya… dhammasaññāya…pe….
រូបសញ្ចេតនាយ…បេ.… សទ្ទសញ្ចេតនាយ… គន្ធសញ្ចេតនាយ… រសសញ្ចេតនាយ… ផោដ្ឋព្ពសញ្ចេតនាយ… ធម្មសញ្ចេតនាយ…បេ.…។
Rūpasañcetanāya…pe… saddasañcetanāya… gandhasañcetanāya… rasasañcetanāya… phoṭṭhabbasañcetanāya… dhammasañcetanāya…pe….
រូបតណ្ហាយ…បេ.… សទ្ទតណ្ហាយ… គន្ធតណ្ហាយ… រសតណ្ហាយ… ផោដ្ឋព្ពតណ្ហាយ… ធម្មតណ្ហាយ…បេ.…។
Rūpataṇhāya…pe… saddataṇhāya… gandhataṇhāya… rasataṇhāya… phoṭṭhabbataṇhāya… dhammataṇhāya…pe….
រូបវិតក្កេ …បេ.… សទ្ទវិតក្កេ… គន្ធវិតក្កេ… រសវិតក្កេ… ផោដ្ឋព្ពវិតក្កេ… ធម្មវិតក្កេ…បេ.…។
Rūpavitakke …pe… saddavitakke… gandhavitakke… rasavitakke… phoṭṭhabbavitakke… dhammavitakke…pe….
រូបវិចារេ…បេ.… សទ្ទវិចារេ… គន្ធវិចារេ… រសវិចារេ… ផោដ្ឋព្ពវិចារេ… ធម្មវិចារេ…បេ.…។
Rūpavicāre…pe… saddavicāre… gandhavicāre… rasavicāre… phoṭṭhabbavicāre… dhammavicāre…pe….
‘‘បញ្ចក្ខន្ធេ 1 …បេ.… រូបក្ខន្ធេ… វេទនាក្ខន្ធេ… សញ្ញាក្ខន្ធេ… សង្ខារក្ខន្ធេ… វិញ្ញាណក្ខន្ធេ អនិច្ចានុបស្សី វិហរតិ…បេ.… ទុក្ខានុបស្សី វិហរតិ… អនត្តានុបស្សី វិហរតិ… ខយានុបស្សី វិហរតិ… វយានុបស្សី វិហរតិ… វិរាគានុបស្សី វិហរតិ… និរោធានុបស្សី វិហរតិ… បដិនិស្សគ្គានុបស្សី វិហរតិ…បេ.… លោកស្សា’’តិ។
‘‘Pañcakkhandhe 2 …pe… rūpakkhandhe… vedanākkhandhe… saññākkhandhe… saṅkhārakkhandhe… viññāṇakkhandhe aniccānupassī viharati…pe… dukkhānupassī viharati… anattānupassī viharati… khayānupassī viharati… vayānupassī viharati… virāgānupassī viharati… nirodhānupassī viharati… paṭinissaggānupassī viharati…pe… lokassā’’ti.
‘‘ឆទ្វារារម្មណេស្វេត្ថ, វិញ្ញាណេសុ ច ផស្សេសុ;
‘‘Chadvārārammaṇesvettha, viññāṇesu ca phassesu;
វេទនាសុ ច ទ្វារស្ស, សុត្តា ហោន្តិ វិសុំ អដ្ឋ។
Vedanāsu ca dvārassa, suttā honti visuṃ aṭṭha.
‘‘សញ្ញា សញ្ចេតនា តណ្ហា, វិតក្កេសុ វិចារេ ច;
‘‘Saññā sañcetanā taṇhā, vitakkesu vicāre ca;
គោចរស្ស វិសុំ អដ្ឋ, បញ្ចក្ខន្ធេ ច បច្ចេកេ។
Gocarassa visuṃ aṭṭha, pañcakkhandhe ca pacceke.
‘‘សោឡសស្វេត្ថ មូលេសុ, អនិច្ចំ ទុក្ខមនត្តា;
‘‘Soḷasasvettha mūlesu, aniccaṃ dukkhamanattā;
ខយា វយា វិរាគា ច, និរោធា បដិនិស្សគ្គា។
Khayā vayā virāgā ca, nirodhā paṭinissaggā.
‘‘កមំ អដ្ឋានុបស្សនា, យោជេត្វាន វិសុំ វិសុំ;
‘‘Kamaṃ aṭṭhānupassanā, yojetvāna visuṃ visuṃ;
សម្បិណ្ឌិតេសុ សព្ពេសុ, ហោន្តិ បញ្ច សតានិ ច;
Sampiṇḍitesu sabbesu, honti pañca satāni ca;
អាហុនេយ្យវគ្គោ ទសមោ។
Āhuneyyavaggo dasamo.
Footnotes:
