| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. ආහුනෙය්‍යවග්‌ගො
10. Āhuneyyavaggo
95. ‘‘සත්‌තිමෙ , භික්‌ඛවෙ, පුග්‌ගලා ආහුනෙය්‍යා…පෙ.… දක්‌ඛිණෙය්‍යා අඤ්‌ජලිකරණීයා අනුත්‌තරං පුඤ්‌ඤක්‌ඛෙත්‌තං ලොකස්‌ස. කතමෙ සත්‌ත? ඉධ, භික්‌ඛවෙ, එකච්‌චො පුග්‌ගලො චක්‌ඛුස්‌මිං අනිච්‌චානුපස්‌සී විහරති අනිච්‌චසඤ්‌ඤී අනිච්‌චපටිසංවෙදී සතතං සමිතං අබ්‌බොකිණ්‌ණං චෙතසා අධිමුච්‌චමානො පඤ්‌ඤාය පරියොගාහමානො. සො ආසවානං ඛයා අනාසවං චෙතොවිමුත්‌තිං පඤ්‌ඤාවිමුත්‌තිං දිට්‌ඨෙව ධම්‌මෙ සයං අභිඤ්‌ඤා සච්‌ඡිකත්‌වා උපසම්‌පජ්‌ජ විහරති. අයං ඛො, භික්‌ඛවෙ, පඨමො පුග්‌ගලො ආහුනෙය්‍යො පාහුනෙය්‍යො…පෙ.… අනුත්‌තරං පුඤ්‌ඤක්‌ඛෙත්‌තං ලොකස්‌ස.
95. ‘‘Sattime , bhikkhave, puggalā āhuneyyā…pe… dakkhiṇeyyā añjalikaraṇīyā anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ kho, bhikkhave, paṭhamo puggalo āhuneyyo pāhuneyyo…pe… anuttaraṃ puññakkhettaṃ lokassa.
‘‘පුන චපරං, භික්‌ඛවෙ, ඉධෙකච්‌චො පුග්‌ගලො චක්‌ඛුස්‌මිං අනිච්‌චානුපස්‌සී විහරති අනිච්‌චසඤ්‌ඤී අනිච්‌චපටිසංවෙදී සතතං සමිතං අබ්‌බොකිණ්‌ණං චෙතසා අධිමුච්‌චමානො පඤ්‌ඤාය පරියොගාහමානො. තස්‌ස අපුබ්‌බං අචරිමං ආසවපරියාදානඤ්‌ච හොති ජීවිතපරියාදානඤ්‌ච. අයං, භික්‌ඛවෙ, දුතියො පුග්‌ගලො ආහුනෙය්‍යො…පෙ.… අනුත්‌තරං පුඤ්‌ඤක්‌ඛෙත්‌තං ලොකස්‌ස.
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
‘‘පුන චපරං, භික්‌ඛවෙ, ඉධෙකච්‌චො පුග්‌ගලො චක්‌ඛුස්‌මිං අනිච්‌චානුපස්‌සී විහරති අනිච්‌චසඤ්‌ඤී අනිච්‌චපටිසංවෙදී සතතං සමිතං අබ්‌බොකිණ්‌ණං චෙතසා අධිමුච්‌චමානො පඤ්‌ඤාය පරියොගාහමානො. සො පඤ්‌චන්‌නං ඔරම්‌භාගියානං සංයොජනානං පරික්‌ඛයා අන්‌තරාපරිනිබ්‌බායී හොති…පෙ.… උපහච්‌චපරිනිබ්‌බායී හොති…පෙ.… අසඞ්‌ඛාරපරිනිබ්‌බායී හොති…පෙ.… සසඞ්‌ඛාරපරිනිබ්‌බායී හොති…පෙ.… උද්‌ධංසොතො හොති අකනිට්‌ඨගාමී. අයං, භික්‌ඛවෙ, සත්‌තමො පුග්‌ගලො ආහුනෙය්‍යො…පෙ.… අනුත්‌තරං පුඤ්‌ඤක්‌ඛෙත්‌තං ලොකස්‌ස. ඉමෙ ඛො, භික්‌ඛවෙ, සත්‌ත පුග්‌ගලා ආහුනෙය්‍යා පාහුනෙය්‍යා දක්‌ඛිණෙය්‍යා අඤ්‌ජලිකරණීයා අනුත්‌තරං පුඤ්‌ඤක්‌ඛෙත්‌තං ලොකස්‌සා’’ති.
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo…pe… anuttaraṃ puññakkhettaṃ lokassa. Ime kho, bhikkhave, satta puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassā’’ti.
96-622. සත්‌තිමෙ , භික්‌ඛවෙ, පුග්‌ගලා ආහුනෙය්‍යා පාහුනෙය්‍යා…පෙ.… අනුත්‌තරං පුඤ්‌ඤක්‌ඛෙත්‌තං ලොකස්‌ස. කතමෙ සත්‌ත? ඉධ, භික්‌ඛවෙ, එකච්‌චො පුග්‌ගලො චක්‌ඛුස්‌මිං දුක්‌ඛානුපස්‌සී විහරති…පෙ.… චක්‌ඛුස්‌මිං අනත්‌තානුපස්‌සී විහරති…පෙ.… චක්‌ඛුස්‌මිං ඛයානුපස්‌සී විහරති…පෙ.… චක්‌ඛුස්‌මිං වයානුපස්‌සී විහරති…පෙ.… චක්‌ඛුස්‌මිං විරාගානුපස්‌සී විහරති…පෙ.… චක්‌ඛුස්‌මිං නිරොධානුපස්‌සී විහරති…පෙ.… චක්‌ඛුස්‌මිං පටිනිස්‌සග්‌ගානුපස්‌සී විහරති…පෙ.….
96-622. Sattime , bhikkhave, puggalā āhuneyyā pāhuneyyā…pe… anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ dukkhānupassī viharati…pe… cakkhusmiṃ anattānupassī viharati…pe… cakkhusmiṃ khayānupassī viharati…pe… cakkhusmiṃ vayānupassī viharati…pe… cakkhusmiṃ virāgānupassī viharati…pe… cakkhusmiṃ nirodhānupassī viharati…pe… cakkhusmiṃ paṭinissaggānupassī viharati…pe….
සොතස්‌මිං…පෙ.… ඝානස්‌මිං… ජිව්‌හාය… කායස්‌මිං… මනස්‌මිං…පෙ.….
Sotasmiṃ…pe… ghānasmiṃ… jivhāya… kāyasmiṃ… manasmiṃ…pe….
රූපෙසු…පෙ.… සද්‌දෙසු… ගන්‌ධෙසු… රසෙසු… ඵොට්‌ඨබ්‌බෙසු … ධම්‌මෙසු …පෙ.….
Rūpesu…pe… saddesu… gandhesu… rasesu… phoṭṭhabbesu … dhammesu …pe….
චක්‌ඛුවිඤ්‌ඤාණෙ…පෙ.… සොතවිඤ්‌ඤාණෙ… ඝානවිඤ්‌ඤාණෙ… ජිව්‌හාවිඤ්‌ඤාණෙ… කායවිඤ්‌ඤාණෙ… මනොවිඤ්‌ඤාණෙ…පෙ.….
Cakkhuviññāṇe…pe… sotaviññāṇe… ghānaviññāṇe… jivhāviññāṇe… kāyaviññāṇe… manoviññāṇe…pe….
චක්‌ඛුසම්‌ඵස්‌සෙ…පෙ.… සොතසම්‌ඵස්‌සෙ… ඝානසම්‌ඵස්‌සෙ… ජිව්‌හාසම්‌ඵස්‌සෙ… කායසම්‌ඵස්‌සෙ… මනොසම්‌ඵස්‌සෙ…පෙ.….
Cakkhusamphasse…pe… sotasamphasse… ghānasamphasse… jivhāsamphasse… kāyasamphasse… manosamphasse…pe….
චක්‌ඛුසම්‌ඵස්‌සජාය වෙදනාය…පෙ.… සොතසම්‌ඵස්‌සජාය වෙදනාය… ඝානසම්‌ඵස්‌සජාය වෙදනාය… ජිව්‌හාසම්‌ඵස්‌සජාය වෙදනාය… කායසම්‌ඵස්‌සජාය වෙදනාය… මනොසම්‌ඵස්‌සජාය වෙදනාය…පෙ.….
Cakkhusamphassajāya vedanāya…pe… sotasamphassajāya vedanāya… ghānasamphassajāya vedanāya… jivhāsamphassajāya vedanāya… kāyasamphassajāya vedanāya… manosamphassajāya vedanāya…pe….
රූපසඤ්‌ඤාය…පෙ.… සද්‌දසඤ්‌ඤාය… ගන්‌ධසඤ්‌ඤාය… රසසඤ්‌ඤාය… ඵොට්‌ඨබ්‌බසඤ්‌ඤාය… ධම්‌මසඤ්‌ඤාය…පෙ.….
Rūpasaññāya…pe… saddasaññāya… gandhasaññāya… rasasaññāya… phoṭṭhabbasaññāya… dhammasaññāya…pe….
රූපසඤ්‌චෙතනාය…පෙ.… සද්‌දසඤ්‌චෙතනාය… ගන්‌ධසඤ්‌චෙතනාය… රසසඤ්‌චෙතනාය… ඵොට්‌ඨබ්‌බසඤ්‌චෙතනාය… ධම්‌මසඤ්‌චෙතනාය…පෙ.….
Rūpasañcetanāya…pe… saddasañcetanāya… gandhasañcetanāya… rasasañcetanāya… phoṭṭhabbasañcetanāya… dhammasañcetanāya…pe….
රූපතණ්‌හාය…පෙ.… සද්‌දතණ්‌හාය… ගන්‌ධතණ්‌හාය… රසතණ්‌හාය… ඵොට්‌ඨබ්‌බතණ්‌හාය… ධම්‌මතණ්‌හාය…පෙ.….
Rūpataṇhāya…pe… saddataṇhāya… gandhataṇhāya… rasataṇhāya… phoṭṭhabbataṇhāya… dhammataṇhāya…pe….
රූපවිතක්‌කෙ …පෙ.… සද්‌දවිතක්‌කෙ… ගන්‌ධවිතක්‌කෙ… රසවිතක්‌කෙ… ඵොට්‌ඨබ්‌බවිතක්‌කෙ… ධම්‌මවිතක්‌කෙ…පෙ.….
Rūpavitakke …pe… saddavitakke… gandhavitakke… rasavitakke… phoṭṭhabbavitakke… dhammavitakke…pe….
රූපවිචාරෙ…පෙ.… සද්‌දවිචාරෙ… ගන්‌ධවිචාරෙ… රසවිචාරෙ… ඵොට්‌ඨබ්‌බවිචාරෙ… ධම්‌මවිචාරෙ…පෙ.….
Rūpavicāre…pe… saddavicāre… gandhavicāre… rasavicāre… phoṭṭhabbavicāre… dhammavicāre…pe….
‘‘පඤ්‌චක්‌ඛන්‌ධෙ 1 …පෙ.… රූපක්‌ඛන්‌ධෙ… වෙදනාක්‌ඛන්‌ධෙ… සඤ්‌ඤාක්‌ඛන්‌ධෙ… සඞ්‌ඛාරක්‌ඛන්‌ධෙ… විඤ්‌ඤාණක්‌ඛන්‌ධෙ අනිච්‌චානුපස්‌සී විහරති…පෙ.… දුක්‌ඛානුපස්‌සී විහරති… අනත්‌තානුපස්‌සී විහරති… ඛයානුපස්‌සී විහරති… වයානුපස්‌සී විහරති… විරාගානුපස්‌සී විහරති… නිරොධානුපස්‌සී විහරති… පටිනිස්‌සග්‌ගානුපස්‌සී විහරති…පෙ.… ලොකස්‌සා’’ති.
‘‘Pañcakkhandhe 2 …pe… rūpakkhandhe… vedanākkhandhe… saññākkhandhe… saṅkhārakkhandhe… viññāṇakkhandhe aniccānupassī viharati…pe… dukkhānupassī viharati… anattānupassī viharati… khayānupassī viharati… vayānupassī viharati… virāgānupassī viharati… nirodhānupassī viharati… paṭinissaggānupassī viharati…pe… lokassā’’ti.
‘‘ඡද්‌වාරාරම්‌මණෙස්‌වෙත්‌ථ, විඤ්‌ඤාණෙසු ච ඵස්‌සෙසු;
‘‘Chadvārārammaṇesvettha, viññāṇesu ca phassesu;
වෙදනාසු ච ද්‌වාරස්‌ස, සුත්‌තා හොන්‌ති විසුං අට්‌ඨ.
Vedanāsu ca dvārassa, suttā honti visuṃ aṭṭha.
‘‘සඤ්‌ඤා සඤ්‌චෙතනා තණ්‌හා, විතක්‌කෙසු විචාරෙ ච;
‘‘Saññā sañcetanā taṇhā, vitakkesu vicāre ca;
ගොචරස්‌ස විසුං අට්‌ඨ, පඤ්‌චක්‌ඛන්‌ධෙ ච පච්‌චෙකෙ.
Gocarassa visuṃ aṭṭha, pañcakkhandhe ca pacceke.
‘‘සොළසස්‌වෙත්‌ථ මූලෙසු, අනිච්‌චං දුක්‌ඛමනත්‌තා;
‘‘Soḷasasvettha mūlesu, aniccaṃ dukkhamanattā;
ඛයා වයා විරාගා ච, නිරොධා පටිනිස්‌සග්‌ගා.
Khayā vayā virāgā ca, nirodhā paṭinissaggā.
‘‘කමං අට්‌ඨානුපස්‌සනා, යොජෙත්‌වාන විසුං විසුං;
‘‘Kamaṃ aṭṭhānupassanā, yojetvāna visuṃ visuṃ;
සම්‌පිණ්‌ඩිතෙසු සබ්‌බෙසු, හොන්‌ති පඤ්‌ච සතානි ච;
Sampiṇḍitesu sabbesu, honti pañca satāni ca;
ආහුනෙය්‍යවග්‌ගො දසමො.
Āhuneyyavaggo dasamo.
Footnotes:
