| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. аж̇агалаабагасуд̇д̇аван̣н̣анаа
7. Ajakalāpakasuttavaṇṇanā
7. сад̇д̇амз баавааяанд̇и звам̣наамагз малларааж̇уунам̣ наг̇арз. аж̇агалаабагз жзд̇иязд̇и аж̇агалаабагзна наама яагкзна бариг̇г̇ахид̇ад̇д̇аа ‘‘аж̇агалаабага’’нд̇и лад̣̇д̇ханаамз мануссаанам̣ жид̇д̇ийгад̇адтаанз . со гира яагко аж̇з галаабз гад̇ваа б̣анд̇ханзна аж̇агодтаасзна сад̣̇д̇хим̣ б̣алим̣ бадижчад̇и, на ан̃н̃ат̇аа, д̇асмаа ‘‘аж̇агалаабаго’’д̇и бан̃н̃ааяид̇т̇а. гзжи банааху – аж̇агз вияа сад̇д̇з лаабзд̇ийд̇и аж̇агалаабагод̇и. д̇асса гира сад̇д̇аа б̣алим̣ убанзд̇ваа яад̣̇аа аж̇асад̣̇д̣̇ам̣ гад̇ваа б̣алим̣ убахаранд̇и, д̇ад̣̇аа со д̇уссад̇и, д̇асмаа ‘‘аж̇агалаабаго’’д̇и вужжад̇ийд̇и. со бана яагко аанубхаавасамбанно гагкал̣о парусо д̇ад̇т̇а жа саннихид̇о, д̇асмаа д̇ам̣ таанам̣ мануссаа жид̇д̇им̣ гаронд̇и, гаалзна гаалам̣ б̣алим̣ убахаранд̇и. д̇зна вуд̇д̇ам̣ ‘‘аж̇агалаабагз жзд̇ияз’’д̇и. аж̇агалаабагасса яагкасса бхаванзд̇и д̇асса яагкасса вимаанз.
7. Sattame pāvāyanti evaṃnāmake mallarājūnaṃ nagare. Ajakalāpake cetiyeti ajakalāpakena nāma yakkhena pariggahitattā ‘‘ajakalāpaka’’nti laddhanāme manussānaṃ cittīkataṭṭhāne . So kira yakkho aje kalāpe katvā bandhanena ajakoṭṭhāsena saddhiṃ baliṃ paṭicchati, na aññathā, tasmā ‘‘ajakalāpako’’ti paññāyittha. Keci panāhu – ajake viya satte lāpetīti ajakalāpakoti. Tassa kira sattā baliṃ upanetvā yadā ajasaddaṃ katvā baliṃ upaharanti, tadā so tussati, tasmā ‘‘ajakalāpako’’ti vuccatīti. So pana yakkho ānubhāvasampanno kakkhaḷo pharuso tattha ca sannihito, tasmā taṃ ṭhānaṃ manussā cittiṃ karonti, kālena kālaṃ baliṃ upaharanti. Tena vuttaṃ ‘‘ajakalāpake cetiye’’ti. Ajakalāpakassa yakkhassa bhavaneti tassa yakkhassa vimāne.
д̇ад̣̇аа гира сад̇т̇аа д̇ам̣ яагкам̣ д̣̇амзд̇угаамо сааяанхасамаяз зго ад̣̇уд̇ияо бад̇д̇ажийварам̣ аад̣̇ааяа аж̇агалаабагасса яагкасса бхаванад̣̇ваарам̣ г̇анд̇ваа д̇асса д̣̇овааригам̣ бхаванабависанад̇т̇ааяа яаажи. со ‘‘гагкал̣о, бханд̇з, аж̇агалаабаго яагко, саман̣од̇и ваа б̣раахман̣од̇и ваа г̇ааравам̣ на гарод̇и, д̇асмаа д̇умхз зва ж̇аанаат̇а, маяхам̣ бана д̇асса анаарожанам̣ на яуд̇д̇а’’нд̇и д̇аавад̣̇зва яагкасамааг̇амам̣ г̇ад̇асса аж̇агалаабагасса санд̇игам̣ ваад̇авзг̇зна аг̇амааси. сад̇т̇аа анд̇обхаванам̣ бависид̇ваа аж̇агалаабагасса нисийд̣̇анаман̣д̣абз бан̃н̃ад̇д̇аасанз нисийд̣̇и. яагкасса ород̇хаа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ адтам̣су. сад̇т̇аа д̇аасам̣ гаалаяуд̇д̇ам̣ д̇хаммим̣ гат̇ам̣ гат̇зси. д̇зна вуд̇д̇ам̣ – ‘‘баавааяам̣ вихарад̇и аж̇агалаабагз жзд̇ияз аж̇агалаабагасса яагкасса бхаванз’’д̇и.
Tadā kira satthā taṃ yakkhaṃ dametukāmo sāyanhasamaye eko adutiyo pattacīvaraṃ ādāya ajakalāpakassa yakkhassa bhavanadvāraṃ gantvā tassa dovārikaṃ bhavanapavisanatthāya yāci. So ‘‘kakkhaḷo, bhante, ajakalāpako yakkho, samaṇoti vā brāhmaṇoti vā gāravaṃ na karoti, tasmā tumhe eva jānātha, mayhaṃ pana tassa anārocanaṃ na yutta’’nti tāvadeva yakkhasamāgamaṃ gatassa ajakalāpakassa santikaṃ vātavegena agamāsi. Satthā antobhavanaṃ pavisitvā ajakalāpakassa nisīdanamaṇḍape paññattāsane nisīdi. Yakkhassa orodhā satthāraṃ upasaṅkamitvā vanditvā ekamantaṃ aṭṭhaṃsu. Satthā tāsaṃ kālayuttaṃ dhammiṃ kathaṃ kathesi. Tena vuttaṃ – ‘‘pāvāyaṃ viharati ajakalāpake cetiye ajakalāpakassa yakkhassa bhavane’’ti.
д̇асмим̣ самаяз саад̇ааг̇ирахзмавад̇аа аж̇агалаабагасса бхаванамад̇т̇агзна яагкасамааг̇амам̣ г̇ажчанд̇аа ад̇д̇ано г̇аманз асамбаж̇ж̇амаанз ‘‘гим̣ ну ко гааран̣а’’нд̇и ааваж̇ж̇знд̇аа сад̇т̇аарам̣ аж̇агалаабагасса бхаванз нисиннам̣ д̣̇исваа д̇ад̇т̇а г̇анд̇ваа бхаг̇аванд̇ам̣ ванд̣̇ид̇ваа ‘‘маяам̣, бханд̇з, яагкасамааг̇амам̣ г̇амиссаамаа’’д̇и аабужчид̇ваа бад̣̇агкин̣ам̣ гад̇ваа г̇ад̇аа яагкасаннибаад̇з аж̇агалаабагам̣ д̣̇исваа д̇удтим̣ бавзд̣̇аяим̣су ‘‘лаабхаа д̇з, аавусо, аж̇агалаабага, яасса д̇з бхаванз сад̣̇звагз логз аг̇г̇абуг̇г̇ало бхаг̇аваа нисинно, убасан̇гамид̇ваа бхаг̇аванд̇ам̣ баяирубаасассу, д̇хамман̃жа сун̣аахий’’д̇и. со д̇зсам̣ гат̇ам̣ суд̇ваа ‘‘имз д̇асса мун̣д̣агасса саман̣агасса мама бхаванз нисиннабхаавам̣ гат̇знд̇ий’’д̇и год̇хаабхибхууд̇о худ̇ваа ‘‘аж̇ж̇а маяхам̣ д̇зна саман̣зна сад̣̇д̇хим̣ сан̇г̇аамо бхависсад̇ий’’д̇и жинд̇зд̇ваа яагкасаннибаад̇ад̇о удтахид̇ваа д̣̇агкин̣ам̣ баад̣̇ам̣ угкибид̇ваа садтияож̇анамад̇д̇ам̣ баб̣б̣ад̇агуудам̣ аггами, д̇ам̣ бхиж̇ж̇ид̇ваа д̣̇вид̇хаа ахоси. сзсам̣ зд̇т̇а яам̣ вад̇д̇аб̣б̣ам̣, д̇ам̣ аал̣авагасуд̇д̇аван̣н̣анааяам̣ (сам̣. ни. адта. 1.1.246) ааг̇ад̇анаязнзва взд̣̇ид̇аб̣б̣ам̣.
Tasmiṃ samaye sātāgirahemavatā ajakalāpakassa bhavanamatthakena yakkhasamāgamaṃ gacchantā attano gamane asampajjamāne ‘‘kiṃ nu kho kāraṇa’’nti āvajjentā satthāraṃ ajakalāpakassa bhavane nisinnaṃ disvā tattha gantvā bhagavantaṃ vanditvā ‘‘mayaṃ, bhante, yakkhasamāgamaṃ gamissāmā’’ti āpucchitvā padakkhiṇaṃ katvā gatā yakkhasannipāte ajakalāpakaṃ disvā tuṭṭhiṃ pavedayiṃsu ‘‘lābhā te, āvuso, ajakalāpaka, yassa te bhavane sadevake loke aggapuggalo bhagavā nisinno, upasaṅkamitvā bhagavantaṃ payirupāsassu, dhammañca suṇāhī’’ti. So tesaṃ kathaṃ sutvā ‘‘ime tassa muṇḍakassa samaṇakassa mama bhavane nisinnabhāvaṃ kathentī’’ti kodhābhibhūto hutvā ‘‘ajja mayhaṃ tena samaṇena saddhiṃ saṅgāmo bhavissatī’’ti cintetvā yakkhasannipātato uṭṭhahitvā dakkhiṇaṃ pādaṃ ukkhipitvā saṭṭhiyojanamattaṃ pabbatakūṭaṃ akkami, taṃ bhijjitvā dvidhā ahosi. Sesaṃ ettha yaṃ vattabbaṃ, taṃ āḷavakasuttavaṇṇanāyaṃ (saṃ. ni. aṭṭha. 1.1.246) āgatanayeneva veditabbaṃ.
аж̇агалаабагасса самааг̇амо хи аал̣авагасамааг̇амасад̣̇исова табзд̇ваа бан̃хагаран̣ам̣ виссаж̇ж̇анам̣ бхаванад̇о д̇игкад̇д̇ум̣ нигкаманам̣ бавзсанан̃жа. аж̇агалаабаго хи ааг̇ажчанд̇оязва ‘‘зд̇зхиязва д̇ам̣ саман̣ам̣ балаабзссаамий’’д̇и ваад̇аман̣д̣алаад̣̇игз нававассз самудтаабзд̇ваа д̇зхи бхаг̇авад̇о жаланамад̇д̇амби гаад̇ум̣ асаггонд̇о наанаавид̇хаббахаран̣ахад̇т̇з ад̇ивияа бхаяаанагаруубз бхууд̇аг̇ан̣з нимминид̇ваа д̇зхи сад̣̇д̇хим̣ бхаг̇аванд̇ам̣ убасан̇гамид̇ваа анд̇анд̇знзва жаранд̇о саб̣б̣арад̇д̇им̣ наанаббагаарам̣ виббагаарам̣ гад̇вааби бхаг̇авад̇о гин̃жи гзсаг̇г̇амад̇д̇амби нисиннадтаанад̇о жаланам̣ гаад̇ум̣ наасагки. гзвалам̣ бана ‘‘аяам̣ саман̣о мам̣ анаабужчаа маяхам̣ бхаванам̣ бависид̇ваа нисийд̣̇ад̇ий’’д̇и год̇хавасзна баж̇ж̇али. ат̇асса бхаг̇аваа жид̇д̇аббавад̇д̇им̣ н̃ад̇ваа ‘‘сзяяат̇ааби наама жан̣д̣асса гуггурасса наасааяа бид̇д̇ам̣ бхинд̣̇зяяа, звам̣ со бхияяосомад̇д̇ааяа жан̣д̣ад̇аро асса, звамзвааяам̣ яагко маяи ид̇ха нисиннз жид̇д̇ам̣ бад̣̇уусзд̇и, яам̣нуунаахам̣ б̣ахи нигкамзяяа’’нд̇и саяамзва бхаванад̇о нигкамид̇ваа аб̣бхогаасз нисийд̣̇и. д̇зна вуд̇д̇ам̣ – ‘‘д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇ий’’д̇и.
Ajakalāpakassa samāgamo hi āḷavakasamāgamasadisova ṭhapetvā pañhakaraṇaṃ vissajjanaṃ bhavanato tikkhattuṃ nikkhamanaṃ pavesanañca. Ajakalāpako hi āgacchantoyeva ‘‘etehiyeva taṃ samaṇaṃ palāpessāmī’’ti vātamaṇḍalādike navavasse samuṭṭhāpetvā tehi bhagavato calanamattampi kātuṃ asakkonto nānāvidhappaharaṇahatthe ativiya bhayānakarūpe bhūtagaṇe nimminitvā tehi saddhiṃ bhagavantaṃ upasaṅkamitvā antanteneva caranto sabbarattiṃ nānappakāraṃ vippakāraṃ katvāpi bhagavato kiñci kesaggamattampi nisinnaṭṭhānato calanaṃ kātuṃ nāsakkhi. Kevalaṃ pana ‘‘ayaṃ samaṇo maṃ anāpucchā mayhaṃ bhavanaṃ pavisitvā nisīdatī’’ti kodhavasena pajjali. Athassa bhagavā cittappavattiṃ ñatvā ‘‘seyyathāpi nāma caṇḍassa kukkurassa nāsāya pittaṃ bhindeyya, evaṃ so bhiyyosomattāya caṇḍataro assa, evamevāyaṃ yakkho mayi idha nisinne cittaṃ padūseti, yaṃnūnāhaṃ bahi nikkhameyya’’nti sayameva bhavanato nikkhamitvā abbhokāse nisīdi. Tena vuttaṃ – ‘‘tena kho pana samayena bhagavā rattandhakāratimisāyaṃ abbhokāse nisinno hotī’’ti.
д̇ад̇т̇а рад̇д̇анд̇хагаарад̇имисааяанд̇и рад̇д̇ияам̣ анд̇хагаран̣ад̇амаси, жагкувин̃н̃аан̣уббад̇д̇ивирахид̇з б̣ахаланд̇хагаарзд̇и ад̇т̇о. жад̇уран̇г̇асаманнааг̇ад̇о гира д̇ад̣̇аа анд̇хагааро бавад̇д̇ийд̇и. д̣̇звод̇и мзгхо згамзгам̣ пусид̇агам̣ уд̣̇агаб̣инд̣̇ум̣ баад̇зд̇и. ат̇а яагко ‘‘иминаа сад̣̇д̣̇зна д̇аасзд̇ваа имам̣ саман̣ам̣ балаабзссаамий’’д̇и бхаг̇авад̇о самийбам̣ г̇анд̇ваа ‘‘аггуло’’д̇иаад̣̇инаа д̇ам̣ бхим̣санам̣ агааси. д̇зна вуд̇д̇ам̣ ‘‘ат̇а ко аж̇агалаабаго’’д̇иаад̣̇и. д̇ад̇т̇а бхаяанд̇и жид̇д̇уд̇раасам̣, чамбхид̇ад̇д̇анд̇и ууруд̇т̇амбхагасарийрасса чамбхид̇абхаавам̣. ломахам̣санд̇и ломаанам̣ бахадтабхаавам̣, д̇ийхиби бад̣̇зхи бхаяуббад̇д̇имзва д̣̇ассзд̇и. убасан̇гамийд̇и гасмаа банааяам̣ звамад̇хиббааяо убасан̇гами, нану буб̣б̣з ад̇д̇анаа гаад̇аб̣б̣ам̣ виббагаарам̣ агаасийд̇и? сажжамагааси, д̇ам̣ банзса ‘‘анд̇обхаванз кзмадтаанз т̇ирабхуумияам̣ тид̇асса на гин̃жи гаад̇ум̣ асагки, ид̣̇аани б̣ахи тид̇ам̣ звам̣ бхим̣саабзд̇ваа балаабзд̇ум̣ саггаа’’д̇и ман̃н̃амаано убасан̇гами. аяан̃хи яагко ад̇д̇ано бхаванам̣ ‘‘т̇ирабхуумий’’д̇и ман̃н̃ад̇и, ‘‘д̇ад̇т̇а тид̇ад̇д̇аа аяам̣ саман̣о на бхааяад̇ий’’д̇и жа.
Tattha rattandhakāratimisāyanti rattiyaṃ andhakaraṇatamasi, cakkhuviññāṇuppattivirahite bahalandhakāreti attho. Caturaṅgasamannāgato kira tadā andhakāro pavattīti. Devoti megho ekamekaṃ phusitakaṃ udakabinduṃ pāteti. Atha yakkho ‘‘iminā saddena tāsetvā imaṃ samaṇaṃ palāpessāmī’’ti bhagavato samīpaṃ gantvā ‘‘akkulo’’tiādinā taṃ bhiṃsanaṃ akāsi. Tena vuttaṃ ‘‘atha kho ajakalāpako’’tiādi. Tattha bhayanti cittutrāsaṃ, chambhitattanti ūrutthambhakasarīrassa chambhitabhāvaṃ. Lomahaṃsanti lomānaṃ pahaṭṭhabhāvaṃ, tīhipi padehi bhayuppattimeva dasseti. Upasaṅkamīti kasmā panāyaṃ evamadhippāyo upasaṅkami, nanu pubbe attanā kātabbaṃ vippakāraṃ akāsīti? Saccamakāsi, taṃ panesa ‘‘antobhavane khemaṭṭhāne thirabhūmiyaṃ ṭhitassa na kiñci kātuṃ asakkhi, idāni bahi ṭhitaṃ evaṃ bhiṃsāpetvā palāpetuṃ sakkā’’ti maññamāno upasaṅkami. Ayañhi yakkho attano bhavanaṃ ‘‘thirabhūmī’’ti maññati, ‘‘tattha ṭhitattā ayaṃ samaṇo na bhāyatī’’ti ca.
д̇игкад̇д̇ум̣ ‘‘аггуло баггуло’’д̇и аггулабаггулигам̣ агаасийд̇и д̇аяо ваарз ‘‘аггуло баггуло’’д̇и бхим̣саабзд̇угаамад̇ааяа зваруубам̣ сад̣̇д̣̇ам̣ агааси. анугаран̣асад̣̇д̣̇о хи аяам̣. д̇ад̣̇аа хи со яагко синзрум̣ угкибанд̇о вияа махаабат̇авим̣ баривад̇д̇знд̇о вияа жа махад̇аа уссаахзна асанисад̇асад̣̇д̣̇асан̇гхаадам̣ вияа згасмим̣ таанз бун̃ж̇ийгад̇ам̣ худ̇ваа винижчаранд̇ам̣ д̣̇исааг̇аж̇аанам̣ хад̇т̇иг̇аж̇ж̇ид̇ам̣, гзсарасийхаанам̣ сийханиннаад̣̇ам̣ , яагкаанам̣ хим̣гаарасад̣̇д̣̇ам̣, бхууд̇аанам̣ аддахаасам̣, асураанам̣ абподанагхосам̣ , инд̣̇асса д̣̇зваран̃н̃о важ̇ираниг̇гхаад̇аниг̇гхосам̣, ад̇д̇ано г̇амбхийрад̇ааяа вибпааригад̇ааяа бхаяаанагад̇ааяа жа авасзсасад̣̇д̣̇ам̣ авахасанд̇амива абхибхаванд̇амива жа габбавудтаанамахааваад̇аман̣д̣алигааяа виниг̇гхосам̣ бут̇уж̇ж̇анаанам̣ хад̣̇аяам̣ паалзнд̇ам̣ вияа маханд̇ам̣ бадибхаяаниг̇гхосам̣ аб̣яад̇д̇агкарам̣ д̇игкад̇д̇ум̣ ад̇д̇ано яагкаг̇аж̇ж̇ид̇ам̣ г̇аж̇ж̇и ‘‘зд̇зна имам̣ саман̣ам̣ бхим̣саабзд̇ваа балаабзссаамий’’д̇и. яам̣ яам̣ нижчарад̇и, д̇зна д̇зна баб̣б̣ад̇аа бабадигам̣ мун̃жим̣су, ванаббад̇иж̇здтагз убаад̣̇ааяа саб̣б̣зсу ругкалад̇ааг̇умб̣зсу бад̇д̇апалабубпаани сийд̣̇аяим̣су, д̇ияож̇анасахассавид̇т̇ад̇оби химаванд̇абаб̣б̣ад̇арааж̇аа сан̇гамби самбагамби самбавзд̇хи, бхуммад̣̇звад̇аа аад̣̇им̣ гад̇ваа язбхуяязна д̣̇звад̇аанамби ахуд̣̇зва бхаяам̣ чамбхид̇ад̇д̇ам̣ ломахам̣со, баг̇зва мануссаанам̣. ан̃н̃зсан̃жа абад̣̇ад̣̇вибад̣̇ажад̇уббад̣̇аанам̣ махаабат̇авияаа унд̣̇рияанагаало вияа махад̇ий вибхим̣санагаа ахоси, сагаласмим̣ ж̇амб̣уд̣̇ийбад̇алз маханд̇ам̣ голаахалам̣ уд̣̇абаад̣̇и. бхаг̇аваа бана д̇ам̣ сад̣̇д̣̇ам̣ ‘‘гимий’’д̇и аман̃н̃амаано нижжало нисийд̣̇и, ‘‘маа гассажи иминаа анд̇арааяо ход̇уу’’д̇и ад̇хидтааси.
Tikkhattuṃ ‘‘akkulo pakkulo’’ti akkulapakkulikaṃ akāsīti tayo vāre ‘‘akkulo pakkulo’’ti bhiṃsāpetukāmatāya evarūpaṃ saddaṃ akāsi. Anukaraṇasaddo hi ayaṃ. Tadā hi so yakkho sineruṃ ukkhipanto viya mahāpathaviṃ parivattento viya ca mahatā ussāhena asanisatasaddasaṅghāṭaṃ viya ekasmiṃ ṭhāne puñjīkataṃ hutvā viniccharantaṃ disāgajānaṃ hatthigajjitaṃ, kesarasīhānaṃ sīhaninnādaṃ , yakkhānaṃ hiṃkārasaddaṃ, bhūtānaṃ aṭṭahāsaṃ, asurānaṃ apphoṭanaghosaṃ , indassa devarañño vajiranigghātanigghosaṃ, attano gambhīratāya vipphārikatāya bhayānakatāya ca avasesasaddaṃ avahasantamiva abhibhavantamiva ca kappavuṭṭhānamahāvātamaṇḍalikāya vinigghosaṃ puthujjanānaṃ hadayaṃ phālentaṃ viya mahantaṃ paṭibhayanigghosaṃ abyattakkharaṃ tikkhattuṃ attano yakkhagajjitaṃ gajji ‘‘etena imaṃ samaṇaṃ bhiṃsāpetvā palāpessāmī’’ti. Yaṃ yaṃ niccharati, tena tena pabbatā papaṭikaṃ muñciṃsu, vanappatijeṭṭhake upādāya sabbesu rukkhalatāgumbesu pattaphalapupphāni sīdayiṃsu, tiyojanasahassavitthatopi himavantapabbatarājā saṅkampi sampakampi sampavedhi, bhummadevatā ādiṃ katvā yebhuyyena devatānampi ahudeva bhayaṃ chambhitattaṃ lomahaṃso, pageva manussānaṃ. Aññesañca apadadvipadacatuppadānaṃ mahāpathaviyā undriyanakālo viya mahatī vibhiṃsanakā ahosi, sakalasmiṃ jambudīpatale mahantaṃ kolāhalaṃ udapādi. Bhagavā pana taṃ saddaṃ ‘‘kimī’’ti amaññamāno niccalo nisīdi, ‘‘mā kassaci iminā antarāyo hotū’’ti adhiṭṭhāsi.
яасмаа бана со сад̣̇д̣̇о ‘‘аггула баггула’’ ид̇и иминаа аагаарзна сад̇д̇аанам̣ сод̇абат̇ам̣ аг̇амааси, д̇асмаа д̇асса анугаран̣авасзна ‘‘аггуло баггуло’’д̇и, яагкасса жа д̇ассам̣ ниг̇гхосанижчааран̣ааяам̣ аггулабаггулагаран̣ам̣ ад̇т̇ийд̇и гад̇ваа ‘‘аггулабаггулигам̣ агаасий’’д̇и сан̇г̇ахам̣ ааробаяим̣су. гзжи бана ‘‘аагулаб̣яаагула ид̇и бад̣̇ад̣̇ваяасса барияааяаабхид̇хаанавасзна аггуло б̣аггулод̇и аяам̣ сад̣̇д̣̇о вуд̇д̇о’’д̇и вад̣̇анд̇и яат̇аа ‘‘згам̣ згага’’нд̇и. яасмаа згаваарам̣ ж̇аад̇о батамуббад̇д̇ивасзнзва ниб̣б̣ад̇д̇ад̇д̇аа аагулод̇и аад̣̇иад̇т̇о аагааро, д̇асса жа гагаарааг̇амам̣ гад̇ваа рассад̇д̇ам̣ гад̇анд̇и. д̣̇вз ваарз бана ж̇аад̇о б̣аггуло, гуласад̣̇д̣̇о жзд̇т̇а ж̇аад̇ибарияааяо голам̣голод̇иаад̣̇ийсу вияа. вуд̇д̇аад̇хиббааяаанувид̇хааяий жа сад̣̇д̣̇аббаяог̇од̇и батамзна бад̣̇зна ж̇алааб̣уж̇асийхаб̣яаг̇гхаад̣̇аяо, д̣̇уд̇иязна ан̣д̣аж̇ааасийвисаган̣хасаббаад̣̇аяо вужжанд̇и, д̇асмаа сийхаад̣̇иго вияа аасийвисаад̣̇иго вияа жа ‘‘ахам̣ д̇з ж̇ийвид̇ахаараго’’д̇и имам̣ ад̇т̇ам̣ яагко бад̣̇ад̣̇ваязна д̣̇ассзд̇ийд̇и ан̃н̃з. абарз бана ‘‘агкуло бхагкуло’’д̇и баал̣им̣ вад̇ваа ‘‘агкзд̇ум̣ кзбзд̇ум̣ винаасзд̇ум̣ улад̇и бавад̇д̇зд̇ийд̇и агкуло, бхагкид̇ум̣ каад̣̇ид̇ум̣ улад̇ийд̇и бхагкуло. го банзсо? яагкарагкасабисаажасийхаб̣яаг̇гхаад̣̇ийсу ан̃н̃ад̇аро яо гожи мануссаанам̣ анад̇т̇аавахо’’д̇и д̇асса ад̇т̇ам̣ вад̣̇анд̇и. ид̇хааби буб̣б̣з вуд̇д̇анаязнзва ад̇хиббааяаяож̇анаа взд̣̇ид̇аб̣б̣аа.
Yasmā pana so saddo ‘‘akkula pakkula’’ iti iminā ākārena sattānaṃ sotapathaṃ agamāsi, tasmā tassa anukaraṇavasena ‘‘akkulo pakkulo’’ti, yakkhassa ca tassaṃ nigghosanicchāraṇāyaṃ akkulapakkulakaraṇaṃ atthīti katvā ‘‘akkulapakkulikaṃ akāsī’’ti saṅgahaṃ āropayiṃsu. Keci pana ‘‘ākulabyākula iti padadvayassa pariyāyābhidhānavasena akkulo bakkuloti ayaṃ saddo vutto’’ti vadanti yathā ‘‘ekaṃ ekaka’’nti. Yasmā ekavāraṃ jāto paṭhamuppattivaseneva nibbattattā ākuloti ādiattho ākāro, tassa ca kakārāgamaṃ katvā rassattaṃ katanti. Dve vāre pana jāto bakkulo, kulasaddo cettha jātipariyāyo kolaṃkolotiādīsu viya. Vuttaadhippāyānuvidhāyī ca saddappayogoti paṭhamena padena jalābujasīhabyagghādayo, dutiyena aṇḍajaāsīvisakaṇhasappādayo vuccanti, tasmā sīhādiko viya āsīvisādiko viya ca ‘‘ahaṃ te jīvitahārako’’ti imaṃ atthaṃ yakkho padadvayena dassetīti aññe. Apare pana ‘‘akkhulo bhakkhulo’’ti pāḷiṃ vatvā ‘‘akkhetuṃ khepetuṃ vināsetuṃ ulati pavattetīti akkhulo, bhakkhituṃ khādituṃ ulatīti bhakkhulo. Ko paneso? Yakkharakkhasapisācasīhabyagghādīsu aññataro yo koci manussānaṃ anatthāvaho’’ti tassa atthaṃ vadanti. Idhāpi pubbe vuttanayeneva adhippāyayojanā veditabbā.
зсо д̇з, саман̣а, бисаажод̇и ‘‘амбхо, саман̣а, д̇ава бисид̇аасано бисаажо убадтид̇о’’д̇и маханд̇ам̣ бхзраваруубам̣ абхинимминид̇ваа бхаг̇авад̇о бурад̇о тад̇ваа ад̇д̇аанам̣ санд̇хааяа яагко вад̣̇ад̇и.
Esote, samaṇa, pisācoti ‘‘ambho, samaṇa, tava pisitāsano pisāco upaṭṭhito’’ti mahantaṃ bheravarūpaṃ abhinimminitvā bhagavato purato ṭhatvā attānaṃ sandhāya yakkho vadati.
зд̇амад̇т̇ам̣ вид̣̇ид̇ваад̇и зд̇ам̣ д̇зна яагкзна гааяаваажаахи бавад̇д̇ияамаанам̣ виббагаарам̣. д̇зна жа ад̇д̇ано анабхибхаванийяасса хзд̇убхууд̇ам̣ логад̇хаммзсу нирубаггилзсад̇ам̣ саб̣б̣аагаарад̇о вид̣̇ид̇ваа. д̇ааяам̣ взлааяанд̇и д̇ассам̣ виббагаарагаран̣авзлааяам̣. имам̣ уд̣̇аананд̇и д̇ам̣ виббагаарам̣ аг̇ан̣зд̇ваа асса аг̇ан̣анахзд̇убхууд̇ам̣ д̇хаммаанубхаавад̣̇ийбагам̣ имам̣ уд̣̇аанам̣ уд̣̇аанзси.
Etamatthaṃviditvāti etaṃ tena yakkhena kāyavācāhi pavattiyamānaṃ vippakāraṃ. Tena ca attano anabhibhavanīyassa hetubhūtaṃ lokadhammesu nirupakkilesataṃ sabbākārato viditvā. Tāyaṃ velāyanti tassaṃ vippakārakaraṇavelāyaṃ. Imaṃ udānanti taṃ vippakāraṃ agaṇetvā assa agaṇanahetubhūtaṃ dhammānubhāvadīpakaṃ imaṃ udānaṃ udānesi.
д̇ад̇т̇а яад̣̇аа сагзсу д̇хаммзсууд̇и яасмим̣ гаалз сагаад̇д̇абхаавасан̇каад̇зсу бан̃жасу убаад̣̇аанагканд̇хад̇хаммзсу. баараг̇ууд̇и барин̃н̃аабхисамаяабаарибууривасзна бааран̇г̇ад̇о, д̇ад̇оязва д̇зсам̣ хзд̇убхууд̇з самуд̣̇аяз, д̇ад̣̇аббавад̇д̇илагкан̣з нирод̇хз, нирод̇хаг̇ааминияаа бадибад̣̇ааяа жа бахаанасажчигирияаабхааванаабхисамаяабаарибууривасзна баараг̇ад̇о. ход̇и б̣раахман̣од̇и звам̣ саб̣б̣асо б̣аахид̇абаабад̇д̇аа б̣раахман̣о наама ход̇и, саб̣б̣асо сагаад̇д̇абхаавааваб̣од̇ханзби жад̇усажжаабхисамаяо ход̇и. вуд̇д̇ан̃жзд̇ам̣ – ‘‘имасмим̣язва б̣яаамамад̇д̇з гал̣зварз сасан̃н̃имхи саманагз логан̃жа логасамуд̣̇аяан̃жа бан̃н̃абзмий’’д̇иаад̣̇и (сам̣. ни. 1.107; а. ни. 4.45). ат̇а ваа сагзсу д̇хаммзсууд̇и ад̇д̇ано д̇хаммзсу, ад̇д̇ано д̇хаммаа наама ад̇т̇агаамасса буг̇г̇аласса сийлаад̣̇ид̇хаммаа. сийласамаад̇хибан̃н̃аавимуд̇д̇иаад̣̇аяо хи вод̣̇аанад̇хаммаа зганд̇ахид̇асукасамбаад̣̇анзна бурисасса ад̇д̇ано д̇хаммаа наама, на анад̇т̇аавахаа сам̣гилзсад̇хаммаа вияа асагад̇хаммаа. баараг̇ууд̇и д̇зсам̣ сийлаад̣̇ийнам̣ баарибуурияаа баарам̣ барияанд̇ам̣ г̇ад̇о.
Tattha yadā sakesu dhammesūti yasmiṃ kāle sakaattabhāvasaṅkhātesu pañcasu upādānakkhandhadhammesu. Pāragūti pariññābhisamayapāripūrivasena pāraṅgato, tatoyeva tesaṃ hetubhūte samudaye, tadappavattilakkhaṇe nirodhe, nirodhagāminiyā paṭipadāya ca pahānasacchikiriyābhāvanābhisamayapāripūrivasena pāragato. Hoti brāhmaṇoti evaṃ sabbaso bāhitapāpattā brāhmaṇo nāma hoti, sabbaso sakaattabhāvāvabodhanepi catusaccābhisamayo hoti. Vuttañcetaṃ – ‘‘imasmiṃyeva byāmamatte kaḷevare sasaññimhi samanake lokañca lokasamudayañca paññapemī’’tiādi (saṃ. ni. 1.107; a. ni. 4.45). Atha vā sakesu dhammesūti attano dhammesu, attano dhammā nāma atthakāmassa puggalassa sīlādidhammā. Sīlasamādhipaññāvimuttiādayo hi vodānadhammā ekantahitasukhasampādanena purisassa attano dhammā nāma, na anatthāvahā saṃkilesadhammā viya asakadhammā. Pāragūti tesaṃ sīlādīnaṃ pāripūriyā pāraṃ pariyantaṃ gato.
д̇ад̇т̇а сийлам̣ д̇аава логияалогуд̇д̇аравасзна д̣̇увид̇хам̣. д̇зсу логияам̣ буб̣б̣абхааг̇асийлам̣. д̇ам̣ сан̇кзбад̇о баад̇имогкасам̣вараад̣̇ивасзна жад̇уб̣б̣ид̇хам̣, вид̇т̇аарад̇о бана анзгаббабхзд̣̇ам̣. логуд̇д̇арам̣ маг̇г̇апалавасзна д̣̇увид̇хам̣, ад̇т̇ад̇о саммааваажаасаммаагамманд̇асаммааааж̇ийваа. яат̇аа жа сийлам̣, д̇ат̇аа самаад̇хибан̃н̃аа жа логияалогуд̇д̇аравасзна д̣̇увид̇хаа. д̇ад̇т̇а логияасамаад̇хи саха убажаарзна адта самаабад̇д̇ияо, логуд̇д̇арасамаад̇хи маг̇г̇абарияаабанно . бан̃н̃ааби логияаа суд̇амаяаа, жинд̇аамаяаа, бхааванаамаяаа жа саасаваа, логуд̇д̇араа бана маг̇г̇асамбаяуд̇д̇аа паласамбаяуд̇д̇аа жа. вимуд̇д̇и наама палавимуд̇д̇и ниб̣б̣аанан̃жа, д̇асмаа саа логуд̇д̇араава. вимуд̇д̇ин̃аан̣ад̣̇ассанам̣ логияамзва, д̇ам̣ згуунавийсад̇ивид̇хам̣ бажжавзгкан̣ан̃аан̣абхаавад̇о. звам̣ зд̇зсам̣ сийлаад̣̇ид̇хаммаанам̣ ад̇д̇ано санд̇аанз арахад̇д̇апалаад̇хиг̇амзна анавасзсад̇о ниб̣б̣ад̇д̇абаарибуурияаа баарам̣ барияанд̇ам̣ г̇ад̇од̇и сагзсу д̇хаммзсу баараг̇уу.
Tattha sīlaṃ tāva lokiyalokuttaravasena duvidhaṃ. Tesu lokiyaṃ pubbabhāgasīlaṃ. Taṃ saṅkhepato pātimokkhasaṃvarādivasena catubbidhaṃ, vitthārato pana anekappabhedaṃ. Lokuttaraṃ maggaphalavasena duvidhaṃ, atthato sammāvācāsammākammantasammāājīvā. Yathā ca sīlaṃ, tathā samādhipaññā ca lokiyalokuttaravasena duvidhā. Tattha lokiyasamādhi saha upacārena aṭṭha samāpattiyo, lokuttarasamādhi maggapariyāpanno . Paññāpi lokiyā sutamayā, cintāmayā, bhāvanāmayā ca sāsavā, lokuttarā pana maggasampayuttā phalasampayuttā ca. Vimutti nāma phalavimutti nibbānañca, tasmā sā lokuttarāva. Vimuttiñāṇadassanaṃ lokiyameva, taṃ ekūnavīsatividhaṃ paccavekkhaṇañāṇabhāvato. Evaṃ etesaṃ sīlādidhammānaṃ attano santāne arahattaphalādhigamena anavasesato nibbattapāripūriyā pāraṃ pariyantaṃ gatoti sakesu dhammesu pāragū.
ат̇а ваа сод̇аабад̇д̇ипалаад̇хиг̇амзна сийласмим̣ баараг̇уу. со хи ‘‘сийлзсу барибуурагаарий’’д̇и вуд̇д̇о, сод̇аабаннаг̇г̇ахан̣знзва жзд̇т̇а сагад̣̇ааг̇аамийби г̇ахид̇о ход̇и. анааг̇аамипалаад̇хиг̇амзна самаад̇хисмим̣ баараг̇уу. со хи ‘‘самаад̇хисмим̣ барибуурагаарий’’д̇и вуд̇д̇о. арахад̇д̇апалаад̇хиг̇амзна ид̇арзсу д̇ийсу баараг̇уу. арахаа хи бан̃н̃аавзбуллаббад̇д̇ияаа аг̇г̇абхууд̇ааяа агуббааяа жзд̇овимуд̇д̇ияаа ад̇хиг̇ад̇ад̇д̇аа бажжавзгкан̣ан̃аан̣асса жа барияосаанаг̇аманад̇о бан̃н̃аавимуд̇д̇ивимуд̇д̇ин̃аан̣ад̣̇ассанзсу баараг̇уу наама ход̇и. звам̣ саб̣б̣ат̇ааби жад̇уусу арияасажжзсу жад̇умаг̇г̇авасзна барин̃н̃аад̣̇исол̣асавид̇хааяа гижжанибпад̇д̇ияаа яат̇аавуд̇д̇зсу д̇асмим̣ д̇асмим̣ гаалз сагзсу д̇хаммзсу баараг̇ад̇о.
Atha vā sotāpattiphalādhigamena sīlasmiṃ pāragū. So hi ‘‘sīlesu paripūrakārī’’ti vutto, sotāpannaggahaṇeneva cettha sakadāgāmīpi gahito hoti. Anāgāmiphalādhigamena samādhismiṃ pāragū. So hi ‘‘samādhismiṃ paripūrakārī’’ti vutto. Arahattaphalādhigamena itaresu tīsu pāragū. Arahā hi paññāvepullappattiyā aggabhūtāya akuppāya cetovimuttiyā adhigatattā paccavekkhaṇañāṇassa ca pariyosānagamanato paññāvimuttivimuttiñāṇadassanesu pāragū nāma hoti. Evaṃ sabbathāpi catūsu ariyasaccesu catumaggavasena pariññādisoḷasavidhāya kiccanipphattiyā yathāvuttesu tasmiṃ tasmiṃ kāle sakesu dhammesu pāragato.
ход̇и б̣раахман̣од̇и д̇ад̣̇аа со б̣аахид̇абаабад̇хаммад̇ааяа барамад̇т̇аб̣раахман̣о ход̇и. ат̇а зд̇ам̣ бисаажан̃жа, баггулан̃жаад̇ивад̇д̇ад̇ийд̇и д̇ад̇о яат̇аавуд̇д̇абаараг̇аманад̇о ат̇а бажчаа, аж̇агалаабага, зд̇ам̣ д̇аяаа д̣̇ассид̇ам̣ бисид̇аасанад̇т̇амааг̇ад̇ам̣ бисаажам̣ бхаяаж̇ананад̇т̇ам̣ самудтаабид̇ам̣ аггулабаггулиган̃жа ад̇ивад̇д̇ад̇и, ад̇иггамад̇и, абхибхавад̇и, д̇ам̣ на бхааяад̇ийд̇и ад̇т̇о.
Hoti brāhmaṇoti tadā so bāhitapāpadhammatāya paramatthabrāhmaṇo hoti. Atha etaṃ pisācañca, pakkulañcātivattatīti tato yathāvuttapāragamanato atha pacchā, ajakalāpaka, etaṃ tayā dassitaṃ pisitāsanatthamāgataṃ pisācaṃ bhayajananatthaṃ samuṭṭhāpitaṃ akkulapakkulikañca ativattati, atikkamati, abhibhavati, taṃ na bhāyatīti attho.
аяамби г̇аат̇аа арахад̇д̇амзва уллабид̇ваа гат̇ид̇аа. ат̇а аж̇агалаабаго ад̇д̇анаа гад̇зна д̇ат̇ааруубзнаби бадибхаяаруубзна вибхим̣санзна агамбанийяасса бхаг̇авад̇о д̇ам̣ д̇аад̣̇ибхаавам̣ д̣̇исваа ‘‘ахо ажчарияамануссовад̇ааяа’’нд̇и басаннамаанасо бот̇уж̇ж̇анигааяа сад̣̇д̇хааяа ад̇д̇ани нивидтабхаавам̣ вибхаавзнд̇о сад̇т̇у саммукаа убаасагад̇д̇ам̣ бавзд̣̇зси.
Ayampi gāthā arahattameva ullapitvā kathitā. Atha ajakalāpako attanā katena tathārūpenapi paṭibhayarūpena vibhiṃsanena akampanīyassa bhagavato taṃ tādibhāvaṃ disvā ‘‘aho acchariyamanussovatāya’’nti pasannamānaso pothujjanikāya saddhāya attani niviṭṭhabhāvaṃ vibhāvento satthu sammukhā upāsakattaṃ pavedesi.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. аж̇агалаабагасуд̇д̇ам̣ • 7. Ajakalāpakasuttaṃ
