| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[24] 4. ааж̇ан̃н̃аж̇аад̇агаван̣н̣анаа
[24] 4. Ājaññajātakavaṇṇanā
яад̣̇аа яад̣̇аад̇и ид̣̇амби сад̇т̇аа ж̇зд̇аванз вихаранд̇о оссадтавийрияамзва бхигкум̣ аараб̣бха гат̇зси. д̇ам̣ бана бхигкум̣ сад̇т̇аа ааманд̇зд̇ваа ‘‘бхигку буб̣б̣з бан̣д̣ид̇аа анааяад̇анзби лад̣̇д̇хаббахаарааби худ̇ваа вийрияам̣ агам̣суу’’д̇и вад̇ваа ад̇ийд̇ам̣ аахари.
Yadāyadāti idampi satthā jetavane viharanto ossaṭṭhavīriyameva bhikkhuṃ ārabbha kathesi. Taṃ pana bhikkhuṃ satthā āmantetvā ‘‘bhikkhu pubbe paṇḍitā anāyatanepi laddhappahārāpi hutvā vīriyaṃ akaṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з буриманаязнзва сад̇д̇а рааж̇аано наг̇арам̣ бариваараяим̣су. ат̇зго рат̇игаяод̇хо д̣̇вз бхаад̇игасинд̇хавз рат̇з яож̇зд̇ваа наг̇араа нигкамма ча б̣алагодтагз бхинд̣̇ид̇ваа ча рааж̇аано аг̇г̇ахзси. д̇асмим̣ кан̣з ж̇здтагаассо бахаарам̣ лабхи. рат̇иго рат̇ам̣ бзсзнд̇о рааж̇ад̣̇ваарам̣ ааг̇анд̇ваа ж̇здтабхаад̇игам̣ рат̇аа можзд̇ваа саннаахам̣ сит̇илам̣ гад̇ваа згзнзва бассзна нибаж̇ж̇аабзд̇ваа ан̃н̃ам̣ ассам̣ саннаяхид̇ум̣ аарад̣̇д̇хо. б̣од̇хисад̇д̇о д̇ам̣ д̣̇исваа буриманаязнзва жинд̇зд̇ваа рат̇игам̣ баггосаабзд̇ваа нибаннагова имам̣ г̇аат̇амааха –
Atīte bārāṇasiyaṃ brahmadatte rajjaṃ kārente purimanayeneva satta rājāno nagaraṃ parivārayiṃsu. Atheko rathikayodho dve bhātikasindhave rathe yojetvā nagarā nikkhamma cha balakoṭṭhake bhinditvā cha rājāno aggahesi. Tasmiṃ khaṇe jeṭṭhakaasso pahāraṃ labhi. Rathiko rathaṃ pesento rājadvāraṃ āgantvā jeṭṭhabhātikaṃ rathā mocetvā sannāhaṃ sithilaṃ katvā ekeneva passena nipajjāpetvā aññaṃ assaṃ sannayhituṃ āraddho. Bodhisatto taṃ disvā purimanayeneva cintetvā rathikaṃ pakkosāpetvā nipannakova imaṃ gāthamāha –
24.
24.
‘‘яад̣̇аа яад̣̇аа яад̇т̇а яад̣̇аа, яад̇т̇а яад̇т̇а яад̣̇аа яад̣̇аа;
‘‘Yadā yadā yattha yadā, yattha yattha yadā yadā;
ааж̇ан̃н̃о гуруд̇з взг̇ам̣, хааяанд̇и д̇ад̇т̇а ваал̣аваа’’д̇и.
Ājañño kurute vegaṃ, hāyanti tattha vāḷavā’’ti.
д̇ад̇т̇а яад̣̇аа яад̣̇аад̇и буб̣б̣ан̣хаад̣̇ийсу яасмим̣ яасмим̣ гаалз. яад̇т̇аад̇и яасмим̣ таанз маг̇г̇з ваа сан̇г̇аамасийсз ваа. яад̣̇аад̇и яасмим̣ кан̣з. яад̇т̇а яад̇т̇аад̇и сад̇д̇аннам̣ б̣алагодтагаанам̣ васзна б̣ахуусу яуд̣̇д̇хаман̣д̣алзсу. яад̣̇аа яад̣̇аад̇и яасмим̣ яасмим̣ гаалз бахаарам̣ лад̣̇д̇хагаалз ваа алад̣̇д̇хагаалз ваа. ааж̇ан̃н̃о гуруд̇з взг̇анд̇и саарат̇исса жид̇д̇аружид̇ам̣ гааран̣ам̣ ааж̇аананасабхааво ааж̇ан̃н̃о варасинд̇хаво взг̇ам̣ гарод̇и вааяамад̇и вийрияам̣ аарабхад̇и. хааяанд̇и д̇ад̇т̇а ваал̣аваад̇и д̇асмим̣ взг̇з гарияамаанз ид̇арз вал̣авасан̇каад̇аа кал̣ун̇гассаа хааяанд̇и барихааяанд̇и, д̇асмаа имасмим̣ рат̇з мам̣язва яож̇зхийд̇и ааха.
Tattha yadā yadāti pubbaṇhādīsu yasmiṃ yasmiṃ kāle. Yatthāti yasmiṃ ṭhāne magge vā saṅgāmasīse vā. Yadāti yasmiṃ khaṇe. Yattha yatthāti sattannaṃ balakoṭṭhakānaṃ vasena bahūsu yuddhamaṇḍalesu. Yadā yadāti yasmiṃ yasmiṃ kāle pahāraṃ laddhakāle vā aladdhakāle vā. Ājañño kurute veganti sārathissa cittarucitaṃ kāraṇaṃ ājānanasabhāvo ājañño varasindhavo vegaṃ karoti vāyamati vīriyaṃ ārabhati. Hāyanti tattha vāḷavāti tasmiṃ vege kariyamāne itare vaḷavasaṅkhātā khaḷuṅkassā hāyanti parihāyanti, tasmā imasmiṃ rathe maṃyeva yojehīti āha.
саарат̇и б̣од̇хисад̇д̇ам̣ удтаабзд̇ваа рат̇з яож̇зд̇ваа сад̇д̇амам̣ б̣алагодтагам̣ бхинд̣̇ид̇ваа сад̇д̇амам̣ рааж̇аанам̣ аад̣̇ааяа рат̇ам̣ бзсзнд̇о рааж̇ад̣̇ваарам̣ ааг̇анд̇ваа синд̇хавам̣ можзси. б̣од̇хисад̇д̇о згзна бассзна нибанно буриманаязнзва ран̃н̃о оваад̣̇ам̣ д̣̇ад̇ваа нируж̇жхи. рааж̇аа д̇асса сарийрагижжам̣ гаарзд̇ваа саарат̇исса саммаанам̣ гад̇ваа д̇хаммзна раж̇ж̇ам̣ гаарзд̇ваа яат̇аагаммам̣ г̇ад̇о.
Sārathi bodhisattaṃ uṭṭhāpetvā rathe yojetvā sattamaṃ balakoṭṭhakaṃ bhinditvā sattamaṃ rājānaṃ ādāya rathaṃ pesento rājadvāraṃ āgantvā sindhavaṃ mocesi. Bodhisatto ekena passena nipanno purimanayeneva rañño ovādaṃ datvā nirujjhi. Rājā tassa sarīrakiccaṃ kāretvā sārathissa sammānaṃ katvā dhammena rajjaṃ kāretvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз со бхигку арахад̇д̇з бад̇идтааси. сад̇т̇аа ж̇аад̇агам̣ самод̇хаанзси ‘‘д̇ад̣̇аа рааж̇аа аананд̣̇ад̇т̇зро ахоси, ассо саммаасамб̣уд̣̇д̇хо’’д̇и.
Satthā imaṃ dhammadesanaṃ āharitvā saccāni pakāsesi, saccapariyosāne so bhikkhu arahatte patiṭṭhāsi. Satthā jātakaṃ samodhānesi ‘‘tadā rājā ānandatthero ahosi, asso sammāsambuddho’’ti.
ааж̇ан̃н̃аж̇аад̇агаван̣н̣анаа жад̇уд̇т̇аа.
Ājaññajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 24. ааж̇ан̃н̃аж̇аад̇агам̣ • 24. Ājaññajātakaṃ
