| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
2. அஜபாலகதா²
2. Ajapālakathā
4. ந ப⁴க³வாதி எத்த² நகாரோ ‘‘உபஸங்கமீ’’தி பதே³ன யோஜேதப்³போ³, ந உபஸங்க²மீதி ஹி அத்தோ². தம்ஹா ஸமாதி⁴ம்ஹாதி ததோ அரஹத்தப²லஸமாபத்திஸமாதி⁴தோ. அனந்தரமேவ அனுபஸங்கமனங் உபமாய ஆவிகரொந்தோ ஆஹ ‘‘யதா² பனா’’திஆதி³. இச்சேவங் வுத்தங் ந ஹோதீதி யோஜனா. இத³ந்தி இத³ங் அத்த²ஜாதங். எத்தா²தி ‘‘பு⁴த்வா ஸயதீ’’தி வாக்யே. ஏவந்தி உபமெய்யஜோதகோ. இதா⁴பீதி இமிஸ்ஸங் ‘‘அத² கோ² ப⁴க³வா’’திஆதி³பாளியம்பி. இத³ந்தி அயமத்தோ² தீ³பிதோ ஹோதீதி யோஜனா. எத்தா²தி ‘‘அத² கோ² ப⁴க³வா’’திஆதி³பாடே².
4.Na bhagavāti ettha nakāro ‘‘upasaṅkamī’’ti padena yojetabbo, na upasaṅkhamīti hi attho. Tamhā samādhimhāti tato arahattaphalasamāpattisamādhito. Anantarameva anupasaṅkamanaṃ upamāya āvikaronto āha ‘‘yathā panā’’tiādi. Iccevaṃ vuttaṃ na hotīti yojanā. Idanti idaṃ atthajātaṃ. Etthāti ‘‘bhutvā sayatī’’ti vākye. Evanti upameyyajotako. Idhāpīti imissaṃ ‘‘atha kho bhagavā’’tiādipāḷiyampi. Idanti ayamattho dīpito hotīti yojanā. Etthāti ‘‘atha kho bhagavā’’tiādipāṭhe.
அபரானிபீதி பல்லங்கஸத்தாஹதோ அஞ்ஞானிபி. தத்ராதி ‘‘அபரானிபீ’’திஆதி³வசனே. ப⁴க³வதி நிஸின்னே ஸதீதி யோஜனா. கிரஸத்³தோ³ வித்தா²ரஜோதகோ . கிங் நு கோ²தி பரிவிதக்கனத்தே² நிபாதோ. ஏகச்சானந்தி அப்பேஸக்கா²னங் ஏகச்சானங். தாஸந்தி தே³வதானங். ப³லாதி⁴க³மட்டா²னந்தி ப³லேன தேஜஸா அதி⁴க³மட்டா²னங். அனிமிஸேஹீதி உம்மிஸேஹி. ஸத்தாஹந்தி கம்மத்தே² சேதங் உபயோக³வசனங், அச்சந்தஸங்யோகே³ வா. ஏவஞ்ஹி ஸதி ‘‘கால’’ந்தி கம்மங் வேதி³தப்³ப³ங். தங் டா²னந்தி அனிமிஸேஹி அக்கீ²ஹி ஓலோகியமானட்டா²னங். அதா²தி அனிமிஸஸத்தாஹஸ்ஸ அனந்தரே. ரதனசங்கமேதி ரதனமயே சங்கமே. தங் டா²னந்தி சங்கமட்டா²னங். ததோதி சங்கமஸத்தாஹதோ. ரதனக⁴ரந்தி ரதனமயங் கே³ஹங். தத்தா²தி ரதனக⁴ரே அபி⁴த⁴ம்மபிடகங் விசினந்தோதி ஸம்ப³ந்தோ⁴. எத்தா²தி ரதனக⁴ரே, அபி⁴த⁴ம்மபிடகே வா, நித்³தா⁴ரணே சேதங் பு⁴ம்மவசனங். தங் டா²னந்தி அபி⁴த⁴ம்மபிடகவிசினநட்டா²னங்.
Aparānipīti pallaṅkasattāhato aññānipi. Tatrāti ‘‘aparānipī’’tiādivacane. Bhagavati nisinne satīti yojanā. Kirasaddo vitthārajotako . Kiṃ nu khoti parivitakkanatthe nipāto. Ekaccānanti appesakkhānaṃ ekaccānaṃ. Tāsanti devatānaṃ. Balādhigamaṭṭhānanti balena tejasā adhigamaṭṭhānaṃ. Animisehīti ummisehi. Sattāhanti kammatthe cetaṃ upayogavacanaṃ, accantasaṃyoge vā. Evañhi sati ‘‘kāla’’nti kammaṃ veditabbaṃ. Taṃ ṭhānanti animisehi akkhīhi olokiyamānaṭṭhānaṃ. Athāti animisasattāhassa anantare. Ratanacaṅkameti ratanamaye caṅkame. Taṃ ṭhānanti caṅkamaṭṭhānaṃ. Tatoti caṅkamasattāhato. Ratanagharanti ratanamayaṃ gehaṃ. Tatthāti ratanaghare abhidhammapiṭakaṃ vicinantoti sambandho. Etthāti ratanaghare, abhidhammapiṭake vā, niddhāraṇe cetaṃ bhummavacanaṃ. Taṃ ṭhānanti abhidhammapiṭakavicinanaṭṭhānaṃ.
ஏவந்திஆதி³ புப்³ப³வசனஸ்ஸ நிக³மவஸேன பச்சி²மவசனஸ்ஸ அனுஸந்தி⁴னித³ஸ்ஸனங். தேனாதி அஜபாலானங் நிஸீத³னகாரணேன. அஸ்ஸாதி நிக்³ரோத⁴ஸ்ஸ. ‘‘அஜபாலனிக்³ரோதொ⁴த்வேவ நாம’’ந்தி இமினா உபசாரவஸேன நாமலப⁴னங் த³ஸ்ஸேதி. அஜபா ப்³ராஹ்மணா லந்தி நிவாஸங் க³ண்ஹந்தி எத்தா²தி அஜபாலோ, உண்ஹகாலே வா அந்தோபவிட்டே² அஜே அத்தனோ சா²யாய பாலேதீதி அஜபாலோ, அஜபாலோ ச ஸோ நிக்³ரோதோ⁴ சேதி அஜபாலனிக்³ரோதோ⁴தி வசனத்தா²னிபி பகரணந்தரேஸு (உதா³॰ அட்ட²॰ 4) த³ஸ்ஸிதானி. தத்ராபீதி அஜபாலனிக்³ரோதே⁴பி. போ³தி⁴தோதி போ³தி⁴ருக்க²தோ. எத்தா²தி அஜபாலனிக்³ரோதே⁴. ப⁴க³வதி நிஸின்னேதி யோஜனா. தத்தா²தி ‘‘அத² கோ² அஞ்ஞதரோ’’திஆதி³வசனே. ஸோதி ப்³ராஹ்மணோ. தி³ட்ட²மங்க³லிகோ நாமாதி தி³ட்ட²ஸுதமுதஸங்கா²தேஸு தீஸு மங்க³லிகேஸு தி³ட்ட²மங்க³லிகோ நாம கிராதி அத்தோ². ‘‘மானவஸேன…பே॰… வுச்சதீ’’தி இமினா ‘‘ஹுங்ஹு’’ந்தி கரோதீதி ஹுங்ஹுங்கோ, ஹுங்ஹுங்கோ ஜாதி ஸபா⁴வோ இமஸ்ஸாதி ஹுங்ஹுங்கஜாதிகோதி வசனத்த²ங் த³ஸ்ஸேதி.
Evantiādi pubbavacanassa nigamavasena pacchimavacanassa anusandhinidassanaṃ. Tenāti ajapālānaṃ nisīdanakāraṇena. Assāti nigrodhassa. ‘‘Ajapālanigrodhotveva nāma’’nti iminā upacāravasena nāmalabhanaṃ dasseti. Ajapā brāhmaṇā lanti nivāsaṃ gaṇhanti etthāti ajapālo, uṇhakāle vā antopaviṭṭhe aje attano chāyāya pāletīti ajapālo, ajapālo ca so nigrodho ceti ajapālanigrodhoti vacanatthānipi pakaraṇantaresu (udā. aṭṭha. 4) dassitāni. Tatrāpīti ajapālanigrodhepi. Bodhitoti bodhirukkhato. Etthāti ajapālanigrodhe. Bhagavati nisinneti yojanā. Tatthāti ‘‘atha kho aññataro’’tiādivacane. Soti brāhmaṇo. Diṭṭhamaṅgaliko nāmāti diṭṭhasutamutasaṅkhātesu tīsu maṅgalikesu diṭṭhamaṅgaliko nāma kirāti attho. ‘‘Mānavasena…pe… vuccatī’’ti iminā ‘‘huṃhu’’nti karotīti huṃhuṅko, huṃhuṅko jāti sabhāvo imassāti huṃhuṅkajātikoti vacanatthaṃ dasseti.
தேனாதி ப்³ராஹ்மணேன. ஸிகா²ப்பத்தந்தி அக்³க³ப்பத்தங். தஸ்ஸாதி உதா³னஸ்ஸ. யோதி புக்³க³லோ, படிஜானாதீதி ஸம்ப³ந்தோ⁴. ‘‘ந தி³ட்ட²மங்க³லிகதாயா’’தி இமினா அவதா⁴ரணப²லங் த³ஸ்ஸேதி. ‘‘பா³ஹிதபாபத⁴ம்மத்தா’’தி இமினா பா³ஹிதோ பாபோ த⁴ம்மோ அனேனாதி பா³ஹிதபாபத⁴ம்மோதி வசனத்த²ங் த³ஸ்ஸேதி. ‘‘ஹுங்ஹுங்காரபஹானேனா’’தி இமினா நத்தி² ஹுங்ஹுங்காரோ இமஸ்ஸாதி நிஹுங்ஹுங்கோதி வசனத்த²ங் த³ஸ்ஸேதி. ராகா³தி³கஸாவாபா⁴வேனாதி இமினா நத்தி² ராகா³தி³கஸாவோ இமஸ்ஸாதி நிக்கஸாவோதி வசனத்த²ங் த³ஸ்ஸேதி. ‘‘பா⁴வனானுயோக³யுத்தசித்ததாயா’’தி இமினா யதங் அனுயுத்தங் அத்தங் சித்தங் இமஸ்ஸாதி யதத்தோதி வசனத்த²ங் த³ஸ்ஸேதி. எத்த² ஹி யதஸத்³தோ³ வீரியவாசகோ, யததா⁴துயா நிப்ப²ன்னோ, அத்தஸத்³தோ³ சித்தபரியாயோ. யதஸத்³த³ஸ்ஸ யமுதா⁴துயா ச நிப்ப²ன்னபா⁴வங் த³ஸ்ஸேதுங் வுத்தங் ‘‘ஸீலஸங்வரேன வா’’திஆதி³. ‘‘ஸஞ்ஞதசித்ததாயா’’தி இமினா யமதி ஸங்யமதீதி யதங், யதங் அத்தங் சித்தங் இமஸ்ஸாதி யதத்தோதி வசனத்த²ங் த³ஸ்ஸேதி. ஸச்சானி வித³ந்தி ஜானந்தீதி வேதா³னீதி வசனத்தே²ன மக்³க³ஞாணானி வேதா³னி நாமாதி த³ஸ்ஸெந்தோ ஆஹ ‘‘சதுமக்³க³ஞாணஸங்கா²தேஹி வேதே³ஹீ’’தி. ‘‘சதுமக்³க³ஞாணஸங்கா²தான’’ந்தி விப⁴த்திபரிணாமங் கத்வா ‘‘வேதா³ன’’ந்திபதே³ன யோஜேதப்³போ³. அந்தந்தி நிப்³பா³னங். தஞ்ஹி யஸ்மா ஸங்கா²ரானங் அவஸானே ஜாதங், தஸ்மா அந்தந்தி வுச்சதி. புன அந்தந்தி அரஹத்தப²லங். தஞ்ஹி யஸ்மா மக்³க³ஸ்ஸ பரியோஸானே பவத்தங், தஸ்மா அந்தந்தி வுச்சதி. ‘‘மக்³க³ப்³ரஹ்மசரியஸ்ஸ வுஸிதத்தா’’தி இமினா வுஸிதங் மக்³க³ஸங்கா²தங் ப்³ரஹ்மசரியங் அனேனாதி வுஸிதப்³ரஹ்மசரியோதி வசனத்த²ங் த³ஸ்ஸேதி. த⁴ம்மேன ப்³ரஹ்மவாத³ங் வதெ³ய்யாதி வுத்தவசனஸ்ஸ அத்த²ங் த³ஸ்ஸெந்தோ ஆஹ ‘‘ப்³ராஹ்மணோ அஹந்தி ஏதங் வாத³ங் த⁴ம்மேன வதெ³ய்யா’’தி. த⁴ம்மேனாதி பூ⁴தேன ஸபா⁴வேன. லோகேதி எத்த² ஸத்தலோகோவாதி⁴ப்பேதோதி ஆஹ ‘‘ஸகலே லோகஸன்னிவாஸே’’தி.
Tenāti brāhmaṇena. Sikhāppattanti aggappattaṃ. Tassāti udānassa. Yoti puggalo, paṭijānātīti sambandho. ‘‘Na diṭṭhamaṅgalikatāyā’’ti iminā avadhāraṇaphalaṃ dasseti. ‘‘Bāhitapāpadhammattā’’ti iminā bāhito pāpo dhammo anenāti bāhitapāpadhammoti vacanatthaṃ dasseti. ‘‘Huṃhuṅkārapahānenā’’ti iminā natthi huṃhuṅkāro imassāti nihuṃhuṅkoti vacanatthaṃ dasseti. Rāgādikasāvābhāvenāti iminā natthi rāgādikasāvo imassāti nikkasāvoti vacanatthaṃ dasseti. ‘‘Bhāvanānuyogayuttacittatāyā’’ti iminā yataṃ anuyuttaṃ attaṃ cittaṃ imassāti yatattoti vacanatthaṃ dasseti. Ettha hi yatasaddo vīriyavācako, yatadhātuyā nipphanno, attasaddo cittapariyāyo. Yatasaddassa yamudhātuyā ca nipphannabhāvaṃ dassetuṃ vuttaṃ ‘‘sīlasaṃvarena vā’’tiādi. ‘‘Saññatacittatāyā’’ti iminā yamati saṃyamatīti yataṃ, yataṃ attaṃ cittaṃ imassāti yatattoti vacanatthaṃ dasseti. Saccāni vidanti jānantīti vedānīti vacanatthena maggañāṇāni vedāni nāmāti dassento āha ‘‘catumaggañāṇasaṅkhātehi vedehī’’ti. ‘‘Catumaggañāṇasaṅkhātāna’’nti vibhattipariṇāmaṃ katvā ‘‘vedāna’’ntipadena yojetabbo. Antanti nibbānaṃ. Tañhi yasmā saṅkhārānaṃ avasāne jātaṃ, tasmā antanti vuccati. Puna antanti arahattaphalaṃ. Tañhi yasmā maggassa pariyosāne pavattaṃ, tasmā antanti vuccati. ‘‘Maggabrahmacariyassa vusitattā’’ti iminā vusitaṃ maggasaṅkhātaṃ brahmacariyaṃ anenāti vusitabrahmacariyoti vacanatthaṃ dasseti. Dhammena brahmavādaṃ vadeyyāti vuttavacanassa atthaṃ dassento āha ‘‘brāhmaṇo ahanti etaṃ vādaṃ dhammena vadeyyā’’ti. Dhammenāti bhūtena sabhāvena. Loketi ettha sattalokovādhippetoti āha ‘‘sakale lokasannivāse’’ti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 2. அஜபாலகதா² • 2. Ajapālakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அஜபாலகதா² • Ajapālakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அஜபாலகதா²வண்ணனா • Ajapālakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அஜபாலகதா²வண்ணனா • Ajapālakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அஜபாலகதா²வண்ணனா • Ajapālakathāvaṇṇanā
