| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
2. аж̇абаалагат̇аа
2. Ajapālakathā
4. 1 ат̇а ко бхаг̇аваа сад̇д̇аахасса ажжаязна д̇амхаа самаад̇химхаа вудтахид̇ваа б̣од̇хиругкамуулаа язна аж̇абааланиг̇род̇хо д̇знубасан̇гами, убасан̇гамид̇ваа аж̇абааланиг̇род̇хамуулз сад̇д̇аахам̣ згабаллан̇гзна нисийд̣̇и вимуд̇д̇исукабадисам̣взд̣̇ий. ат̇а ко ан̃н̃ад̇аро хум̣хун̇гаж̇аад̇иго б̣раахман̣о язна бхаг̇аваа д̇знубасан̇гами. убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко со б̣раахман̣о бхаг̇аванд̇ам̣ зд̇ад̣̇авожа – ‘‘гид̇д̇аавад̇аа ну ко, бхо г̇од̇ама, б̣раахман̣о ход̇и, гад̇амз жа бана б̣раахман̣агаран̣аа 2 д̇хаммаа’’д̇и? ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
4.3 Atha kho bhagavā sattāhassa accayena tamhā samādhimhā vuṭṭhahitvā bodhirukkhamūlā yena ajapālanigrodho tenupasaṅkami, upasaṅkamitvā ajapālanigrodhamūle sattāhaṃ ekapallaṅkena nisīdi vimuttisukhapaṭisaṃvedī. Atha kho aññataro huṃhuṅkajātiko brāhmaṇo yena bhagavā tenupasaṅkami. Upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho so brāhmaṇo bhagavantaṃ etadavoca – ‘‘kittāvatā nu kho, bho gotama, brāhmaṇo hoti, katame ca pana brāhmaṇakaraṇā 4 dhammā’’ti? Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
нихум̣хун̇го ниггасааво яад̇ад̇д̇о;
Nihuṃhuṅko nikkasāvo yatatto;
взд̣̇анд̇аг̇уу вусид̇аб̣рахмажарияо;
Vedantagū vusitabrahmacariyo;
д̇хаммзна со б̣рахмаваад̣̇ам̣ вад̣̇зяяа;
Dhammena so brahmavādaṃ vadeyya;
яассуссад̣̇аа над̇т̇и гухин̃жи логз’’д̇и.
Yassussadā natthi kuhiñci loke’’ti.
аж̇абаалагат̇аа нидтид̇аа.
Ajapālakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аж̇абаалагат̇аа • Ajapālakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аж̇абаалагат̇ааван̣н̣анаа • Ajapālakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аж̇абаалагат̇ааван̣н̣анаа • Ajapālakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇абаалагат̇ааван̣н̣анаа • Ajapālakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. аж̇абаалагат̇аа • 2. Ajapālakathā
