| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
2. අජපාලකථා
2. Ajapālakathā
4. 1 අථ ඛො භගවා සත්‌තාහස්‌ස අච්‌චයෙන තම්‌හා සමාධිම්‌හා වුට්‌ඨහිත්‌වා බොධිරුක්‌ඛමූලා යෙන අජපාලනිග්‍රොධො තෙනුපසඞ්‌කමි, උපසඞ්‌කමිත්‌වා අජපාලනිග්‍රොධමූලෙ සත්‌තාහං එකපල්‌ලඞ්‌කෙන නිසීදි විමුත්‌තිසුඛපටිසංවෙදී. අථ ඛො අඤ්‌ඤතරො හුංහුඞ්‌කජාතිකො බ්‍රාහ්‌මණො යෙන භගවා තෙනුපසඞ්‌කමි. උපසඞ්‌කමිත්‌වා භගවතා සද්‌ධිං සම්‌මොදි. සම්‌මොදනීයං කථං සාරණීයං වීතිසාරෙත්‌වා එකමන්‌තං අට්‌ඨාසි. එකමන්‌තං ඨිතො ඛො සො බ්‍රාහ්‌මණො භගවන්‌තං එතදවොච – ‘‘කිත්‌තාවතා නු ඛො, භො ගොතම, බ්‍රාහ්‌මණො හොති, කතමෙ ච පන බ්‍රාහ්‌මණකරණා 2 ධම්‌මා’’ති? අථ ඛො භගවා එතමත්‌ථං විදිත්‌වා තායං වෙලායං ඉමං උදානං උදානෙසි –
4.3 Atha kho bhagavā sattāhassa accayena tamhā samādhimhā vuṭṭhahitvā bodhirukkhamūlā yena ajapālanigrodho tenupasaṅkami, upasaṅkamitvā ajapālanigrodhamūle sattāhaṃ ekapallaṅkena nisīdi vimuttisukhapaṭisaṃvedī. Atha kho aññataro huṃhuṅkajātiko brāhmaṇo yena bhagavā tenupasaṅkami. Upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho so brāhmaṇo bhagavantaṃ etadavoca – ‘‘kittāvatā nu kho, bho gotama, brāhmaṇo hoti, katame ca pana brāhmaṇakaraṇā 4 dhammā’’ti? Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
නිහුංහුඞ්‌කො නික්‌කසාවො යතත්‌තො;
Nihuṃhuṅko nikkasāvo yatatto;
වෙදන්‌තගූ වුසිතබ්‍රහ්‌මචරියො;
Vedantagū vusitabrahmacariyo;
ධම්‌මෙන සො බ්‍රහ්‌මවාදං වදෙය්‍ය;
Dhammena so brahmavādaṃ vadeyya;
යස්‌සුස්‌සදා නත්‌ථි කුහිඤ්‌චි ලොකෙ’’ති.
Yassussadā natthi kuhiñci loke’’ti.
අජපාලකථා නිට්‌ඨිතා.
Ajapālakathā niṭṭhitā.
Footnotes:
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අජපාලකථා • Ajapālakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අජපාලකථාවණ්‌ණනා • Ajapālakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අජපාලකථාවණ්‌ණනා • Ajapālakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අජපාලකථාවණ්‌ණනා • Ajapālakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. අජපාලකථා • 2. Ajapālakathā
