| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨. ਅਜਪਾਲਕਥਾ
2. Ajapālakathā
੪. ਨ ਭਗવਾਤਿ ਏਤ੍ਥ ਨਕਾਰੋ ‘‘ਉਪਸਙ੍ਕਮੀ’’ਤਿ ਪਦੇਨ ਯੋਜੇਤਬ੍ਬੋ, ਨ ਉਪਸਙ੍ਖਮੀਤਿ ਹਿ ਅਤ੍ਥੋ। ਤਮ੍ਹਾ ਸਮਾਧਿਮ੍ਹਾਤਿ ਤਤੋ ਅਰਹਤ੍ਤਫਲਸਮਾਪਤ੍ਤਿਸਮਾਧਿਤੋ। ਅਨਨ੍ਤਰਮੇવ ਅਨੁਪਸਙ੍ਕਮਨਂ ਉਪਮਾਯ ਆવਿਕਰੋਨ੍ਤੋ ਆਹ ‘‘ਯਥਾ ਪਨਾ’’ਤਿਆਦਿ। ਇਚ੍ਚੇવਂ વੁਤ੍ਤਂ ਨ ਹੋਤੀਤਿ ਯੋਜਨਾ। ਇਦਨ੍ਤਿ ਇਦਂ ਅਤ੍ਥਜਾਤਂ। ਏਤ੍ਥਾਤਿ ‘‘ਭੁਤ੍વਾ ਸਯਤੀ’’ਤਿ વਾਕ੍ਯੇ। ਏવਨ੍ਤਿ ਉਪਮੇਯ੍ਯਜੋਤਕੋ। ਇਧਾਪੀਤਿ ਇਮਿਸ੍ਸਂ ‘‘ਅਥ ਖੋ ਭਗવਾ’’ਤਿਆਦਿਪਾਲ਼ਿਯਮ੍ਪਿ। ਇਦਨ੍ਤਿ ਅਯਮਤ੍ਥੋ ਦੀਪਿਤੋ ਹੋਤੀਤਿ ਯੋਜਨਾ। ਏਤ੍ਥਾਤਿ ‘‘ਅਥ ਖੋ ਭਗવਾ’’ਤਿਆਦਿਪਾਠੇ।
4.Na bhagavāti ettha nakāro ‘‘upasaṅkamī’’ti padena yojetabbo, na upasaṅkhamīti hi attho. Tamhā samādhimhāti tato arahattaphalasamāpattisamādhito. Anantarameva anupasaṅkamanaṃ upamāya āvikaronto āha ‘‘yathā panā’’tiādi. Iccevaṃ vuttaṃ na hotīti yojanā. Idanti idaṃ atthajātaṃ. Etthāti ‘‘bhutvā sayatī’’ti vākye. Evanti upameyyajotako. Idhāpīti imissaṃ ‘‘atha kho bhagavā’’tiādipāḷiyampi. Idanti ayamattho dīpito hotīti yojanā. Etthāti ‘‘atha kho bhagavā’’tiādipāṭhe.
ਅਪਰਾਨਿਪੀਤਿ ਪਲ੍ਲਙ੍ਕਸਤ੍ਤਾਹਤੋ ਅਞ੍ਞਾਨਿਪਿ। ਤਤ੍ਰਾਤਿ ‘‘ਅਪਰਾਨਿਪੀ’’ਤਿਆਦਿવਚਨੇ। ਭਗવਤਿ ਨਿਸਿਨ੍ਨੇ ਸਤੀਤਿ ਯੋਜਨਾ। ਕਿਰਸਦ੍ਦੋ વਿਤ੍ਥਾਰਜੋਤਕੋ । ਕਿਂ ਨੁ ਖੋਤਿ ਪਰਿવਿਤਕ੍ਕਨਤ੍ਥੇ ਨਿਪਾਤੋ। ਏਕਚ੍ਚਾਨਨ੍ਤਿ ਅਪ੍ਪੇਸਕ੍ਖਾਨਂ ਏਕਚ੍ਚਾਨਂ। ਤਾਸਨ੍ਤਿ ਦੇવਤਾਨਂ। ਬਲਾਧਿਗਮਟ੍ਠਾਨਨ੍ਤਿ ਬਲੇਨ ਤੇਜਸਾ ਅਧਿਗਮਟ੍ਠਾਨਂ। ਅਨਿਮਿਸੇਹੀਤਿ ਉਮ੍ਮਿਸੇਹਿ। ਸਤ੍ਤਾਹਨ੍ਤਿ ਕਮ੍ਮਤ੍ਥੇ ਚੇਤਂ ਉਪਯੋਗવਚਨਂ, ਅਚ੍ਚਨ੍ਤਸਂਯੋਗੇ વਾ। ਏવਞ੍ਹਿ ਸਤਿ ‘‘ਕਾਲ’’ਨ੍ਤਿ ਕਮ੍ਮਂ વੇਦਿਤਬ੍ਬਂ। ਤਂ ਠਾਨਨ੍ਤਿ ਅਨਿਮਿਸੇਹਿ ਅਕ੍ਖੀਹਿ ਓਲੋਕਿਯਮਾਨਟ੍ਠਾਨਂ। ਅਥਾਤਿ ਅਨਿਮਿਸਸਤ੍ਤਾਹਸ੍ਸ ਅਨਨ੍ਤਰੇ। ਰਤਨਚਙ੍ਕਮੇਤਿ ਰਤਨਮਯੇ ਚਙ੍ਕਮੇ। ਤਂ ਠਾਨਨ੍ਤਿ ਚਙ੍ਕਮਟ੍ਠਾਨਂ। ਤਤੋਤਿ ਚਙ੍ਕਮਸਤ੍ਤਾਹਤੋ। ਰਤਨਘਰਨ੍ਤਿ ਰਤਨਮਯਂ ਗੇਹਂ। ਤਤ੍ਥਾਤਿ ਰਤਨਘਰੇ ਅਭਿਧਮ੍ਮਪਿਟਕਂ વਿਚਿਨਨ੍ਤੋਤਿ ਸਮ੍ਬਨ੍ਧੋ। ਏਤ੍ਥਾਤਿ ਰਤਨਘਰੇ, ਅਭਿਧਮ੍ਮਪਿਟਕੇ વਾ, ਨਿਦ੍ਧਾਰਣੇ ਚੇਤਂ ਭੁਮ੍ਮવਚਨਂ। ਤਂ ਠਾਨਨ੍ਤਿ ਅਭਿਧਮ੍ਮਪਿਟਕવਿਚਿਨਨਟ੍ਠਾਨਂ।
Aparānipīti pallaṅkasattāhato aññānipi. Tatrāti ‘‘aparānipī’’tiādivacane. Bhagavati nisinne satīti yojanā. Kirasaddo vitthārajotako . Kiṃ nu khoti parivitakkanatthe nipāto. Ekaccānanti appesakkhānaṃ ekaccānaṃ. Tāsanti devatānaṃ. Balādhigamaṭṭhānanti balena tejasā adhigamaṭṭhānaṃ. Animisehīti ummisehi. Sattāhanti kammatthe cetaṃ upayogavacanaṃ, accantasaṃyoge vā. Evañhi sati ‘‘kāla’’nti kammaṃ veditabbaṃ. Taṃ ṭhānanti animisehi akkhīhi olokiyamānaṭṭhānaṃ. Athāti animisasattāhassa anantare. Ratanacaṅkameti ratanamaye caṅkame. Taṃ ṭhānanti caṅkamaṭṭhānaṃ. Tatoti caṅkamasattāhato. Ratanagharanti ratanamayaṃ gehaṃ. Tatthāti ratanaghare abhidhammapiṭakaṃ vicinantoti sambandho. Etthāti ratanaghare, abhidhammapiṭake vā, niddhāraṇe cetaṃ bhummavacanaṃ. Taṃ ṭhānanti abhidhammapiṭakavicinanaṭṭhānaṃ.
ਏવਨ੍ਤਿਆਦਿ ਪੁਬ੍ਬવਚਨਸ੍ਸ ਨਿਗਮવਸੇਨ ਪਚ੍ਛਿਮવਚਨਸ੍ਸ ਅਨੁਸਨ੍ਧਿਨਿਦਸ੍ਸਨਂ। ਤੇਨਾਤਿ ਅਜਪਾਲਾਨਂ ਨਿਸੀਦਨਕਾਰਣੇਨ। ਅਸ੍ਸਾਤਿ ਨਿਗ੍ਰੋਧਸ੍ਸ। ‘‘ਅਜਪਾਲਨਿਗ੍ਰੋਧੋਤ੍વੇવ ਨਾਮ’’ਨ੍ਤਿ ਇਮਿਨਾ ਉਪਚਾਰવਸੇਨ ਨਾਮਲਭਨਂ ਦਸ੍ਸੇਤਿ। ਅਜਪਾ ਬ੍ਰਾਹ੍ਮਣਾ ਲਨ੍ਤਿ ਨਿવਾਸਂ ਗਣ੍ਹਨ੍ਤਿ ਏਤ੍ਥਾਤਿ ਅਜਪਾਲੋ, ਉਣ੍ਹਕਾਲੇ વਾ ਅਨ੍ਤੋਪવਿਟ੍ਠੇ ਅਜੇ ਅਤ੍ਤਨੋ ਛਾਯਾਯ ਪਾਲੇਤੀਤਿ ਅਜਪਾਲੋ, ਅਜਪਾਲੋ ਚ ਸੋ ਨਿਗ੍ਰੋਧੋ ਚੇਤਿ ਅਜਪਾਲਨਿਗ੍ਰੋਧੋਤਿ વਚਨਤ੍ਥਾਨਿਪਿ ਪਕਰਣਨ੍ਤਰੇਸੁ (ਉਦਾ॰ ਅਟ੍ਠ॰ ੪) ਦਸ੍ਸਿਤਾਨਿ। ਤਤ੍ਰਾਪੀਤਿ ਅਜਪਾਲਨਿਗ੍ਰੋਧੇਪਿ। ਬੋਧਿਤੋਤਿ ਬੋਧਿਰੁਕ੍ਖਤੋ। ਏਤ੍ਥਾਤਿ ਅਜਪਾਲਨਿਗ੍ਰੋਧੇ। ਭਗવਤਿ ਨਿਸਿਨ੍ਨੇਤਿ ਯੋਜਨਾ। ਤਤ੍ਥਾਤਿ ‘‘ਅਥ ਖੋ ਅਞ੍ਞਤਰੋ’’ਤਿਆਦਿવਚਨੇ। ਸੋਤਿ ਬ੍ਰਾਹ੍ਮਣੋ। ਦਿਟ੍ਠਮਙ੍ਗਲਿਕੋ ਨਾਮਾਤਿ ਦਿਟ੍ਠਸੁਤਮੁਤਸਙ੍ਖਾਤੇਸੁ ਤੀਸੁ ਮਙ੍ਗਲਿਕੇਸੁ ਦਿਟ੍ਠਮਙ੍ਗਲਿਕੋ ਨਾਮ ਕਿਰਾਤਿ ਅਤ੍ਥੋ। ‘‘ਮਾਨવਸੇਨ…ਪੇ॰… વੁਚ੍ਚਤੀ’’ਤਿ ਇਮਿਨਾ ‘‘ਹੁਂਹੁ’’ਨ੍ਤਿ ਕਰੋਤੀਤਿ ਹੁਂਹੁਙ੍ਕੋ, ਹੁਂਹੁਙ੍ਕੋ ਜਾਤਿ ਸਭਾવੋ ਇਮਸ੍ਸਾਤਿ ਹੁਂਹੁਙ੍ਕਜਾਤਿਕੋਤਿ વਚਨਤ੍ਥਂ ਦਸ੍ਸੇਤਿ।
Evantiādi pubbavacanassa nigamavasena pacchimavacanassa anusandhinidassanaṃ. Tenāti ajapālānaṃ nisīdanakāraṇena. Assāti nigrodhassa. ‘‘Ajapālanigrodhotveva nāma’’nti iminā upacāravasena nāmalabhanaṃ dasseti. Ajapā brāhmaṇā lanti nivāsaṃ gaṇhanti etthāti ajapālo, uṇhakāle vā antopaviṭṭhe aje attano chāyāya pāletīti ajapālo, ajapālo ca so nigrodho ceti ajapālanigrodhoti vacanatthānipi pakaraṇantaresu (udā. aṭṭha. 4) dassitāni. Tatrāpīti ajapālanigrodhepi. Bodhitoti bodhirukkhato. Etthāti ajapālanigrodhe. Bhagavati nisinneti yojanā. Tatthāti ‘‘atha kho aññataro’’tiādivacane. Soti brāhmaṇo. Diṭṭhamaṅgaliko nāmāti diṭṭhasutamutasaṅkhātesu tīsu maṅgalikesu diṭṭhamaṅgaliko nāma kirāti attho. ‘‘Mānavasena…pe… vuccatī’’ti iminā ‘‘huṃhu’’nti karotīti huṃhuṅko, huṃhuṅko jāti sabhāvo imassāti huṃhuṅkajātikoti vacanatthaṃ dasseti.
ਤੇਨਾਤਿ ਬ੍ਰਾਹ੍ਮਣੇਨ। ਸਿਖਾਪ੍ਪਤ੍ਤਨ੍ਤਿ ਅਗ੍ਗਪ੍ਪਤ੍ਤਂ। ਤਸ੍ਸਾਤਿ ਉਦਾਨਸ੍ਸ। ਯੋਤਿ ਪੁਗ੍ਗਲੋ, ਪਟਿਜਾਨਾਤੀਤਿ ਸਮ੍ਬਨ੍ਧੋ। ‘‘ਨ ਦਿਟ੍ਠਮਙ੍ਗਲਿਕਤਾਯਾ’’ਤਿ ਇਮਿਨਾ ਅવਧਾਰਣਫਲਂ ਦਸ੍ਸੇਤਿ। ‘‘ਬਾਹਿਤਪਾਪਧਮ੍ਮਤ੍ਤਾ’’ਤਿ ਇਮਿਨਾ ਬਾਹਿਤੋ ਪਾਪੋ ਧਮ੍ਮੋ ਅਨੇਨਾਤਿ ਬਾਹਿਤਪਾਪਧਮ੍ਮੋਤਿ વਚਨਤ੍ਥਂ ਦਸ੍ਸੇਤਿ। ‘‘ਹੁਂਹੁਙ੍ਕਾਰਪਹਾਨੇਨਾ’’ਤਿ ਇਮਿਨਾ ਨਤ੍ਥਿ ਹੁਂਹੁਙ੍ਕਾਰੋ ਇਮਸ੍ਸਾਤਿ ਨਿਹੁਂਹੁਙ੍ਕੋਤਿ વਚਨਤ੍ਥਂ ਦਸ੍ਸੇਤਿ। ਰਾਗਾਦਿਕਸਾવਾਭਾવੇਨਾਤਿ ਇਮਿਨਾ ਨਤ੍ਥਿ ਰਾਗਾਦਿਕਸਾવੋ ਇਮਸ੍ਸਾਤਿ ਨਿਕ੍ਕਸਾવੋਤਿ વਚਨਤ੍ਥਂ ਦਸ੍ਸੇਤਿ। ‘‘ਭਾવਨਾਨੁਯੋਗਯੁਤ੍ਤਚਿਤ੍ਤਤਾਯਾ’’ਤਿ ਇਮਿਨਾ ਯਤਂ ਅਨੁਯੁਤ੍ਤਂ ਅਤ੍ਤਂ ਚਿਤ੍ਤਂ ਇਮਸ੍ਸਾਤਿ ਯਤਤ੍ਤੋਤਿ વਚਨਤ੍ਥਂ ਦਸ੍ਸੇਤਿ। ਏਤ੍ਥ ਹਿ ਯਤਸਦ੍ਦੋ વੀਰਿਯવਾਚਕੋ, ਯਤਧਾਤੁਯਾ ਨਿਪ੍ਫਨ੍ਨੋ, ਅਤ੍ਤਸਦ੍ਦੋ ਚਿਤ੍ਤਪਰਿਯਾਯੋ। ਯਤਸਦ੍ਦਸ੍ਸ ਯਮੁਧਾਤੁਯਾ ਚ ਨਿਪ੍ਫਨ੍ਨਭਾવਂ ਦਸ੍ਸੇਤੁਂ વੁਤ੍ਤਂ ‘‘ਸੀਲਸਂવਰੇਨ વਾ’’ਤਿਆਦਿ। ‘‘ਸਞ੍ਞਤਚਿਤ੍ਤਤਾਯਾ’’ਤਿ ਇਮਿਨਾ ਯਮਤਿ ਸਂਯਮਤੀਤਿ ਯਤਂ, ਯਤਂ ਅਤ੍ਤਂ ਚਿਤ੍ਤਂ ਇਮਸ੍ਸਾਤਿ ਯਤਤ੍ਤੋਤਿ વਚਨਤ੍ਥਂ ਦਸ੍ਸੇਤਿ। ਸਚ੍ਚਾਨਿ વਿਦਨ੍ਤਿ ਜਾਨਨ੍ਤੀਤਿ વੇਦਾਨੀਤਿ વਚਨਤ੍ਥੇਨ ਮਗ੍ਗਞਾਣਾਨਿ વੇਦਾਨਿ ਨਾਮਾਤਿ ਦਸ੍ਸੇਨ੍ਤੋ ਆਹ ‘‘ਚਤੁਮਗ੍ਗਞਾਣਸਙ੍ਖਾਤੇਹਿ વੇਦੇਹੀ’’ਤਿ। ‘‘ਚਤੁਮਗ੍ਗਞਾਣਸਙ੍ਖਾਤਾਨ’’ਨ੍ਤਿ વਿਭਤ੍ਤਿਪਰਿਣਾਮਂ ਕਤ੍વਾ ‘‘વੇਦਾਨ’’ਨ੍ਤਿਪਦੇਨ ਯੋਜੇਤਬ੍ਬੋ। ਅਨ੍ਤਨ੍ਤਿ ਨਿਬ੍ਬਾਨਂ। ਤਞ੍ਹਿ ਯਸ੍ਮਾ ਸਙ੍ਖਾਰਾਨਂ ਅવਸਾਨੇ ਜਾਤਂ, ਤਸ੍ਮਾ ਅਨ੍ਤਨ੍ਤਿ વੁਚ੍ਚਤਿ। ਪੁਨ ਅਨ੍ਤਨ੍ਤਿ ਅਰਹਤ੍ਤਫਲਂ। ਤਞ੍ਹਿ ਯਸ੍ਮਾ ਮਗ੍ਗਸ੍ਸ ਪਰਿਯੋਸਾਨੇ ਪવਤ੍ਤਂ, ਤਸ੍ਮਾ ਅਨ੍ਤਨ੍ਤਿ વੁਚ੍ਚਤਿ। ‘‘ਮਗ੍ਗਬ੍ਰਹ੍ਮਚਰਿਯਸ੍ਸ વੁਸਿਤਤ੍ਤਾ’’ਤਿ ਇਮਿਨਾ વੁਸਿਤਂ ਮਗ੍ਗਸਙ੍ਖਾਤਂ ਬ੍ਰਹ੍ਮਚਰਿਯਂ ਅਨੇਨਾਤਿ વੁਸਿਤਬ੍ਰਹ੍ਮਚਰਿਯੋਤਿ વਚਨਤ੍ਥਂ ਦਸ੍ਸੇਤਿ। ਧਮ੍ਮੇਨ ਬ੍ਰਹ੍ਮવਾਦਂ વਦੇਯ੍ਯਾਤਿ વੁਤ੍ਤવਚਨਸ੍ਸ ਅਤ੍ਥਂ ਦਸ੍ਸੇਨ੍ਤੋ ਆਹ ‘‘ਬ੍ਰਾਹ੍ਮਣੋ ਅਹਨ੍ਤਿ ਏਤਂ વਾਦਂ ਧਮ੍ਮੇਨ વਦੇਯ੍ਯਾ’’ਤਿ। ਧਮ੍ਮੇਨਾਤਿ ਭੂਤੇਨ ਸਭਾવੇਨ। ਲੋਕੇਤਿ ਏਤ੍ਥ ਸਤ੍ਤਲੋਕੋવਾਧਿਪ੍ਪੇਤੋਤਿ ਆਹ ‘‘ਸਕਲੇ ਲੋਕਸਨ੍ਨਿવਾਸੇ’’ਤਿ।
Tenāti brāhmaṇena. Sikhāppattanti aggappattaṃ. Tassāti udānassa. Yoti puggalo, paṭijānātīti sambandho. ‘‘Na diṭṭhamaṅgalikatāyā’’ti iminā avadhāraṇaphalaṃ dasseti. ‘‘Bāhitapāpadhammattā’’ti iminā bāhito pāpo dhammo anenāti bāhitapāpadhammoti vacanatthaṃ dasseti. ‘‘Huṃhuṅkārapahānenā’’ti iminā natthi huṃhuṅkāro imassāti nihuṃhuṅkoti vacanatthaṃ dasseti. Rāgādikasāvābhāvenāti iminā natthi rāgādikasāvo imassāti nikkasāvoti vacanatthaṃ dasseti. ‘‘Bhāvanānuyogayuttacittatāyā’’ti iminā yataṃ anuyuttaṃ attaṃ cittaṃ imassāti yatattoti vacanatthaṃ dasseti. Ettha hi yatasaddo vīriyavācako, yatadhātuyā nipphanno, attasaddo cittapariyāyo. Yatasaddassa yamudhātuyā ca nipphannabhāvaṃ dassetuṃ vuttaṃ ‘‘sīlasaṃvarena vā’’tiādi. ‘‘Saññatacittatāyā’’ti iminā yamati saṃyamatīti yataṃ, yataṃ attaṃ cittaṃ imassāti yatattoti vacanatthaṃ dasseti. Saccāni vidanti jānantīti vedānīti vacanatthena maggañāṇāni vedāni nāmāti dassento āha ‘‘catumaggañāṇasaṅkhātehi vedehī’’ti. ‘‘Catumaggañāṇasaṅkhātāna’’nti vibhattipariṇāmaṃ katvā ‘‘vedāna’’ntipadena yojetabbo. Antanti nibbānaṃ. Tañhi yasmā saṅkhārānaṃ avasāne jātaṃ, tasmā antanti vuccati. Puna antanti arahattaphalaṃ. Tañhi yasmā maggassa pariyosāne pavattaṃ, tasmā antanti vuccati. ‘‘Maggabrahmacariyassa vusitattā’’ti iminā vusitaṃ maggasaṅkhātaṃ brahmacariyaṃ anenāti vusitabrahmacariyoti vacanatthaṃ dasseti. Dhammena brahmavādaṃ vadeyyāti vuttavacanassa atthaṃ dassento āha ‘‘brāhmaṇo ahanti etaṃ vādaṃ dhammena vadeyyā’’ti. Dhammenāti bhūtena sabhāvena. Loketi ettha sattalokovādhippetoti āha ‘‘sakale lokasannivāse’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨. ਅਜਪਾਲਕਥਾ • 2. Ajapālakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਜਪਾਲਕਥਾ • Ajapālakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਜਪਾਲਕਥਾવਣ੍ਣਨਾ • Ajapālakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਜਪਾਲਕਥਾવਣ੍ਣਨਾ • Ajapālakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਜਪਾਲਕਥਾવਣ੍ਣਨਾ • Ajapālakathāvaṇṇanā
