| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
அஜபாலகதா²வண்ணனா
Ajapālakathāvaṇṇanā
4. தஸ்ஸ ஸத்தாஹஸ்ஸ அச்சயேனாதி பல்லங்கஸத்தாஹஸ்ஸ அபக³மனேன. தம்ஹா ஸமாதி⁴ம்ஹாதி அரஹத்தப²லஸமாபத்திஸமாதி⁴ம்ஹா. அந்தரந்தரா ஏவ ஹி பச்சயாகாரமனஸிகாரோ. அவஸேஸகாலங் பன ஸப்³ப³ங் ப⁴க³வா ப²லஸமாபத்தியாபி வீதினாமேஸி. தங் ஸந்தா⁴ய ‘‘தம்ஹா ஸமாதி⁴ம்ஹா’’தி வுத்தங். ரதனசங்கமேதி ப⁴க³வதோ சிரங் டி²தஸ்ஸ சங்கமனாதி⁴ப்பாயங் ஞத்வா தே³வதாஹி மாபிதே ரதனசங்கமே. ரதனக⁴ரந்தி ப⁴க³வதோ நிஸீத³னாதி⁴ப்பாயங் ஞத்வா தே³வதாஹி மாபிதங் ரதனமயங் கே³ஹங்.
4. Tassa sattāhassa accayenāti pallaṅkasattāhassa apagamanena. Tamhā samādhimhāti arahattaphalasamāpattisamādhimhā. Antarantarā eva hi paccayākāramanasikāro. Avasesakālaṃ pana sabbaṃ bhagavā phalasamāpattiyāpi vītināmesi. Taṃ sandhāya ‘‘tamhā samādhimhā’’ti vuttaṃ. Ratanacaṅkameti bhagavato ciraṃ ṭhitassa caṅkamanādhippāyaṃ ñatvā devatāhi māpite ratanacaṅkame. Ratanagharanti bhagavato nisīdanādhippāyaṃ ñatvā devatāhi māpitaṃ ratanamayaṃ gehaṃ.
தத்ராபீதி ந கேவலங் ரதனக⁴ரேயேவ. தத்ராபி அஜபாலனிக்³ரோத⁴மூலேபி அபி⁴த⁴ம்மங் விசினந்தோ ஏவ அந்தரந்தரா விமுத்திஸுக²ங் படிஸங்வேதெ³ந்தோதி அத்தோ². தத்தா²பி ஹி அனந்தனயஸமந்தபட்டா²னங் ஸம்மஸதோ ஸம்மாஸம்பு³த்³த⁴ஸ்ஸ பீதிஸமுட்டி²தா ச²ப்³ப³ண்ணா பு³த்³த⁴ரஸ்மியோ ரதனக⁴ரே விய நிச்ச²ரிங்ஸு ஏவ. ‘‘ஹுங்ஹு’’ந்தி கரொந்தோதி ‘‘ஸப்³பே³ ஹீனஜாதிகா மங் மா உபக³ச்ச²ந்தூ’’தி மானவஸேன, ஸமீபங் உபக³தேஸு கோத⁴வஸேன ச ‘‘அபேதா²’’தி அதி⁴ப்பாயனிச்சா²ரிதங் ஹுங்ஹுங்காரங் கரொந்தோ.
Tatrāpīti na kevalaṃ ratanaghareyeva. Tatrāpi ajapālanigrodhamūlepi abhidhammaṃ vicinanto eva antarantarā vimuttisukhaṃ paṭisaṃvedentoti attho. Tatthāpi hi anantanayasamantapaṭṭhānaṃ sammasato sammāsambuddhassa pītisamuṭṭhitā chabbaṇṇā buddharasmiyo ratanaghare viya nicchariṃsu eva. ‘‘Huṃhu’’nti karontoti ‘‘sabbe hīnajātikā maṃ mā upagacchantū’’ti mānavasena, samīpaṃ upagatesu kodhavasena ca ‘‘apethā’’ti adhippāyanicchāritaṃ huṃhuṃkāraṃ karonto.
ப்³ரஹ்மஞ்ஞந்தி ப்³ராஹ்மணத்தங். அந்தந்தி நிப்³பா³னங். தே³வானங் வா அந்தந்தி மக்³க³ஞாணானங் வா அந்தபூ⁴தங் அரஹத்தப²லங்.
Brahmaññanti brāhmaṇattaṃ. Antanti nibbānaṃ. Devānaṃ vā antanti maggañāṇānaṃ vā antabhūtaṃ arahattaphalaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 2. அஜபாலகதா² • 2. Ajapālakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அஜபாலகதா² • Ajapālakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அஜபாலகதா²வண்ணனா • Ajapālakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அஜபாலகதா²வண்ணனா • Ajapālakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. அஜபாலகதா² • 2. Ajapālakathā
