| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
аж̇абаалагат̇ааван̣н̣анаа
Ajapālakathāvaṇṇanā
4. д̇асса сад̇д̇аахасса ажжаязнаад̇и баллан̇гасад̇д̇аахасса абаг̇аманзна. д̇амхаа самаад̇химхаад̇и арахад̇д̇апаласамаабад̇д̇исамаад̇химхаа. анд̇аранд̇араа зва хи бажжаяаагаараманасигааро. авасзсагаалам̣ бана саб̣б̣ам̣ бхаг̇аваа паласамаабад̇д̇ияааби вийд̇инаамзси. д̇ам̣ санд̇хааяа ‘‘д̇амхаа самаад̇химхаа’’д̇и вуд̇д̇ам̣. рад̇анажан̇гамзд̇и бхаг̇авад̇о жирам̣ тид̇асса жан̇гаманаад̇хиббааяам̣ н̃ад̇ваа д̣̇звад̇аахи маабид̇з рад̇анажан̇гамз. рад̇анагхаранд̇и бхаг̇авад̇о нисийд̣̇анаад̇хиббааяам̣ н̃ад̇ваа д̣̇звад̇аахи маабид̇ам̣ рад̇анамаяам̣ г̇зхам̣.
4. Tassa sattāhassa accayenāti pallaṅkasattāhassa apagamanena. Tamhā samādhimhāti arahattaphalasamāpattisamādhimhā. Antarantarā eva hi paccayākāramanasikāro. Avasesakālaṃ pana sabbaṃ bhagavā phalasamāpattiyāpi vītināmesi. Taṃ sandhāya ‘‘tamhā samādhimhā’’ti vuttaṃ. Ratanacaṅkameti bhagavato ciraṃ ṭhitassa caṅkamanādhippāyaṃ ñatvā devatāhi māpite ratanacaṅkame. Ratanagharanti bhagavato nisīdanādhippāyaṃ ñatvā devatāhi māpitaṃ ratanamayaṃ gehaṃ.
д̇ад̇раабийд̇и на гзвалам̣ рад̇анагхарзязва. д̇ад̇рааби аж̇абааланиг̇род̇хамуулзби абхид̇хаммам̣ вижинанд̇о зва анд̇аранд̇араа вимуд̇д̇исукам̣ бадисам̣взд̣̇знд̇од̇и ад̇т̇о. д̇ад̇т̇ааби хи ананд̇анаяасаманд̇абадтаанам̣ саммасад̇о саммаасамб̣уд̣̇д̇хасса бийд̇исамудтид̇аа чаб̣б̣ан̣н̣аа б̣уд̣̇д̇харасмияо рад̇анагхарз вияа нижчарим̣су зва. ‘‘хум̣ху’’нд̇и гаронд̇од̇и ‘‘саб̣б̣з хийнаж̇аад̇игаа мам̣ маа убаг̇ажчанд̇уу’’д̇и маанавасзна, самийбам̣ убаг̇ад̇зсу год̇хавасзна жа ‘‘абзт̇аа’’д̇и ад̇хиббааяанижчаарид̇ам̣ хум̣хум̣гаарам̣ гаронд̇о.
Tatrāpīti na kevalaṃ ratanaghareyeva. Tatrāpi ajapālanigrodhamūlepi abhidhammaṃ vicinanto eva antarantarā vimuttisukhaṃ paṭisaṃvedentoti attho. Tatthāpi hi anantanayasamantapaṭṭhānaṃ sammasato sammāsambuddhassa pītisamuṭṭhitā chabbaṇṇā buddharasmiyo ratanaghare viya nicchariṃsu eva. ‘‘Huṃhu’’nti karontoti ‘‘sabbe hīnajātikā maṃ mā upagacchantū’’ti mānavasena, samīpaṃ upagatesu kodhavasena ca ‘‘apethā’’ti adhippāyanicchāritaṃ huṃhuṃkāraṃ karonto.
б̣рахман̃н̃анд̇и б̣раахман̣ад̇д̇ам̣. анд̇анд̇и ниб̣б̣аанам̣. д̣̇зваанам̣ ваа анд̇анд̇и маг̇г̇ан̃аан̣аанам̣ ваа анд̇абхууд̇ам̣ арахад̇д̇апалам̣.
Brahmaññanti brāhmaṇattaṃ. Antanti nibbānaṃ. Devānaṃ vā antanti maggañāṇānaṃ vā antabhūtaṃ arahattaphalaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 2. аж̇абаалагат̇аа • 2. Ajapālakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аж̇абаалагат̇аа • Ajapālakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аж̇абаалагат̇ааван̣н̣анаа • Ajapālakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аж̇абаалагат̇ааван̣н̣анаа • Ajapālakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. аж̇абаалагат̇аа • 2. Ajapālakathā
