| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အဇပာလကထာဝဏ္ဏနာ
Ajapālakathāvaṇṇanā
၄. တသ္သ သတ္တာဟသ္သ အစ္စယေနာတိ ပလ္လင္ကသတ္တာဟသ္သ အပဂမနေန။ တမ္ဟာ သမာဓိမ္ဟာတိ အရဟတ္တဖလသမာပတ္တိသမာဓိမ္ဟာ။ အန္တရန္တရာ ဧဝ ဟိ ပစ္စယာကာရမနသိကာရော။ အဝသေသကာလံ ပန သဗ္ဗံ ဘဂဝာ ဖလသမာပတ္တိယာပိ ဝီတိနာမေသိ။ တံ သန္ဓာယ ‘‘တမ္ဟာ သမာဓိမ္ဟာ’’တိ ဝုတ္တံ။ ရတနစင္ကမေတိ ဘဂဝတော စိရံ ဌိတသ္သ စင္ကမနာဓိပ္ပာယံ ဉတ္ဝာ ဒေဝတာဟိ မာပိတေ ရတနစင္ကမေ။ ရတနဃရန္တိ ဘဂဝတော နိသီဒနာဓိပ္ပာယံ ဉတ္ဝာ ဒေဝတာဟိ မာပိတံ ရတနမယံ ဂေဟံ။
4. Tassa sattāhassa accayenāti pallaṅkasattāhassa apagamanena. Tamhā samādhimhāti arahattaphalasamāpattisamādhimhā. Antarantarā eva hi paccayākāramanasikāro. Avasesakālaṃ pana sabbaṃ bhagavā phalasamāpattiyāpi vītināmesi. Taṃ sandhāya ‘‘tamhā samādhimhā’’ti vuttaṃ. Ratanacaṅkameti bhagavato ciraṃ ṭhitassa caṅkamanādhippāyaṃ ñatvā devatāhi māpite ratanacaṅkame. Ratanagharanti bhagavato nisīdanādhippāyaṃ ñatvā devatāhi māpitaṃ ratanamayaṃ gehaṃ.
တတ္ရာပီတိ န ကေဝလံ ရတနဃရေယေဝ။ တတ္ရာပိ အဇပာလနိဂ္ရောဓမူလေပိ အဘိဓမ္မံ ဝိစိနန္တော ဧဝ အန္တရန္တရာ ဝိမုတ္တိသုခံ ပဋိသံဝေဒေန္တောတိ အတ္ထော။ တတ္ထာပိ ဟိ အနန္တနယသမန္တပဋ္ဌာနံ သမ္မသတော သမ္မာသမ္ဗုဒ္ဓသ္သ ပီတိသမုဋ္ဌိတာ ဆဗ္ဗဏ္ဏာ ဗုဒ္ဓရသ္မိယော ရတနဃရေ ဝိယ နိစ္ဆရိံသု ဧဝ။ ‘‘ဟုံဟု’’န္တိ ကရောန္တောတိ ‘‘သဗ္ဗေ ဟီနဇာတိကာ မံ မာ ဥပဂစ္ဆန္တူ’’တိ မာနဝသေန, သမီပံ ဥပဂတေသု ကောဓဝသေန စ ‘‘အပေထာ’’တိ အဓိပ္ပာယနိစ္ဆာရိတံ ဟုံဟုံကာရံ ကရောန္တော။
Tatrāpīti na kevalaṃ ratanaghareyeva. Tatrāpi ajapālanigrodhamūlepi abhidhammaṃ vicinanto eva antarantarā vimuttisukhaṃ paṭisaṃvedentoti attho. Tatthāpi hi anantanayasamantapaṭṭhānaṃ sammasato sammāsambuddhassa pītisamuṭṭhitā chabbaṇṇā buddharasmiyo ratanaghare viya nicchariṃsu eva. ‘‘Huṃhu’’nti karontoti ‘‘sabbe hīnajātikā maṃ mā upagacchantū’’ti mānavasena, samīpaṃ upagatesu kodhavasena ca ‘‘apethā’’ti adhippāyanicchāritaṃ huṃhuṃkāraṃ karonto.
ဗ္ရဟ္မညန္တိ ဗ္ရာဟ္မဏတ္တံ။ အန္တန္တိ နိဗ္ဗာနံ။ ဒေဝာနံ ဝာ အန္တန္တိ မဂ္ဂဉာဏာနံ ဝာ အန္တဘူတံ အရဟတ္တဖလံ။
Brahmaññanti brāhmaṇattaṃ. Antanti nibbānaṃ. Devānaṃ vā antanti maggañāṇānaṃ vā antabhūtaṃ arahattaphalaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂. အဇပာလကထာ • 2. Ajapālakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အဇပာလကထာ • Ajapālakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဇပာလကထာဝဏ္ဏနာ • Ajapālakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဇပာလကထာဝဏ္ဏနာ • Ajapālakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. အဇပာလကထာ • 2. Ajapālakathā
