| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨཛཔཱལཀཐཱཝཎྞནཱ
Ajapālakathāvaṇṇanā
༤. ཏསྶ སཏྟཱཧསྶ ཨཙྩཡེནཱཏི པལླངྐསཏྟཱཧསྶ ཨཔགམནེན། ཏམྷཱ སམཱདྷིམྷཱཏི ཨརཧཏྟཕལསམཱཔཏྟིསམཱདྷིམྷཱ། ཨནྟརནྟརཱ ཨེཝ ཧི པཙྩཡཱཀཱརམནསིཀཱརོ། ཨཝསེསཀཱལཾ པན སབྦཾ བྷགཝཱ ཕལསམཱཔཏྟིཡཱཔི ཝཱིཏིནཱམེསི། ཏཾ སནྡྷཱཡ ‘‘ཏམྷཱ སམཱདྷིམྷཱ’’ཏི ཝུཏྟཾ། རཏནཙངྐམེཏི བྷགཝཏོ ཙིརཾ ཋིཏསྶ ཙངྐམནཱདྷིཔྤཱཡཾ ཉཏྭཱ དེཝཏཱཧི མཱཔིཏེ རཏནཙངྐམེ། རཏནགྷརནྟི བྷགཝཏོ ནིསཱིདནཱདྷིཔྤཱཡཾ ཉཏྭཱ དེཝཏཱཧི མཱཔིཏཾ རཏནམཡཾ གེཧཾ།
4. Tassa sattāhassa accayenāti pallaṅkasattāhassa apagamanena. Tamhā samādhimhāti arahattaphalasamāpattisamādhimhā. Antarantarā eva hi paccayākāramanasikāro. Avasesakālaṃ pana sabbaṃ bhagavā phalasamāpattiyāpi vītināmesi. Taṃ sandhāya ‘‘tamhā samādhimhā’’ti vuttaṃ. Ratanacaṅkameti bhagavato ciraṃ ṭhitassa caṅkamanādhippāyaṃ ñatvā devatāhi māpite ratanacaṅkame. Ratanagharanti bhagavato nisīdanādhippāyaṃ ñatvā devatāhi māpitaṃ ratanamayaṃ gehaṃ.
ཏཏྲཱཔཱིཏི ན ཀེཝལཾ རཏནགྷརེཡེཝ། ཏཏྲཱཔི ཨཛཔཱལནིགྲོདྷམཱུལེཔི ཨབྷིདྷམྨཾ ཝིཙིནནྟོ ཨེཝ ཨནྟརནྟརཱ ཝིམུཏྟིསུཁཾ པཊིསཾཝེདེནྟོཏི ཨཏྠོ། ཏཏྠཱཔི ཧི ཨནནྟནཡསམནྟཔཊྛཱནཾ སམྨསཏོ སམྨཱསམྦུདྡྷསྶ པཱིཏིསམུཊྛིཏཱ ཚབྦཎྞཱ བུདྡྷརསྨིཡོ རཏནགྷརེ ཝིཡ ནིཙྪརིཾསུ ཨེཝ། ‘‘ཧུཾཧུ’’ནྟི ཀརོནྟོཏི ‘‘སབྦེ ཧཱིནཛཱཏིཀཱ མཾ མཱ ཨུཔགཙྪནྟཱུ’’ཏི མཱནཝསེན, སམཱིཔཾ ཨུཔགཏེསུ ཀོདྷཝསེན ཙ ‘‘ཨཔེཐཱ’’ཏི ཨདྷིཔྤཱཡནིཙྪཱརིཏཾ ཧུཾཧུཾཀཱརཾ ཀརོནྟོ།
Tatrāpīti na kevalaṃ ratanaghareyeva. Tatrāpi ajapālanigrodhamūlepi abhidhammaṃ vicinanto eva antarantarā vimuttisukhaṃ paṭisaṃvedentoti attho. Tatthāpi hi anantanayasamantapaṭṭhānaṃ sammasato sammāsambuddhassa pītisamuṭṭhitā chabbaṇṇā buddharasmiyo ratanaghare viya nicchariṃsu eva. ‘‘Huṃhu’’nti karontoti ‘‘sabbe hīnajātikā maṃ mā upagacchantū’’ti mānavasena, samīpaṃ upagatesu kodhavasena ca ‘‘apethā’’ti adhippāyanicchāritaṃ huṃhuṃkāraṃ karonto.
བྲཧྨཉྙནྟི བྲཱཧྨཎཏྟཾ། ཨནྟནྟི ནིབྦཱནཾ། དེཝཱནཾ ཝཱ ཨནྟནྟི མགྒཉཱཎཱནཾ ཝཱ ཨནྟབྷཱུཏཾ ཨརཧཏྟཕལཾ།
Brahmaññanti brāhmaṇattaṃ. Antanti nibbānaṃ. Devānaṃ vā antanti maggañāṇānaṃ vā antabhūtaṃ arahattaphalaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢. ཨཛཔཱལཀཐཱ • 2. Ajapālakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨཛཔཱལཀཐཱ • Ajapālakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨཛཔཱལཀཐཱཝཎྞནཱ • Ajapālakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཛཔཱལཀཐཱཝཎྞནཱ • Ajapālakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢. ཨཛཔཱལཀཐཱ • 2. Ajapālakathā
