| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
അജപാലകഥാവണ്ണനാ
Ajapālakathāvaṇṇanā
൪. തസ്സ സത്താഹസ്സ അച്ചയേനാതി പല്ലങ്കസത്താഹസ്സ അപഗമനേന. തമ്ഹാ സമാധിമ്ഹാതി അരഹത്തഫലസമാപത്തിസമാധിമ്ഹാ. അന്തരന്തരാ ഏവ ഹി പച്ചയാകാരമനസികാരോ. അവസേസകാലം പന സബ്ബം ഭഗവാ ഫലസമാപത്തിയാപി വീതിനാമേസി. തം സന്ധായ ‘‘തമ്ഹാ സമാധിമ്ഹാ’’തി വുത്തം. രതനചങ്കമേതി ഭഗവതോ ചിരം ഠിതസ്സ ചങ്കമനാധിപ്പായം ഞത്വാ ദേവതാഹി മാപിതേ രതനചങ്കമേ. രതനഘരന്തി ഭഗവതോ നിസീദനാധിപ്പായം ഞത്വാ ദേവതാഹി മാപിതം രതനമയം ഗേഹം.
4. Tassa sattāhassa accayenāti pallaṅkasattāhassa apagamanena. Tamhā samādhimhāti arahattaphalasamāpattisamādhimhā. Antarantarā eva hi paccayākāramanasikāro. Avasesakālaṃ pana sabbaṃ bhagavā phalasamāpattiyāpi vītināmesi. Taṃ sandhāya ‘‘tamhā samādhimhā’’ti vuttaṃ. Ratanacaṅkameti bhagavato ciraṃ ṭhitassa caṅkamanādhippāyaṃ ñatvā devatāhi māpite ratanacaṅkame. Ratanagharanti bhagavato nisīdanādhippāyaṃ ñatvā devatāhi māpitaṃ ratanamayaṃ gehaṃ.
തത്രാപീതി ന കേവലം രതനഘരേയേവ. തത്രാപി അജപാലനിഗ്രോധമൂലേപി അഭിധമ്മം വിചിനന്തോ ഏവ അന്തരന്തരാ വിമുത്തിസുഖം പടിസംവേദേന്തോതി അത്ഥോ. തത്ഥാപി ഹി അനന്തനയസമന്തപട്ഠാനം സമ്മസതോ സമ്മാസമ്ബുദ്ധസ്സ പീതിസമുട്ഠിതാ ഛബ്ബണ്ണാ ബുദ്ധരസ്മിയോ രതനഘരേ വിയ നിച്ഛരിംസു ഏവ. ‘‘ഹുംഹു’’ന്തി കരോന്തോതി ‘‘സബ്ബേ ഹീനജാതികാ മം മാ ഉപഗച്ഛന്തൂ’’തി മാനവസേന, സമീപം ഉപഗതേസു കോധവസേന ച ‘‘അപേഥാ’’തി അധിപ്പായനിച്ഛാരിതം ഹുംഹുംകാരം കരോന്തോ.
Tatrāpīti na kevalaṃ ratanaghareyeva. Tatrāpi ajapālanigrodhamūlepi abhidhammaṃ vicinanto eva antarantarā vimuttisukhaṃ paṭisaṃvedentoti attho. Tatthāpi hi anantanayasamantapaṭṭhānaṃ sammasato sammāsambuddhassa pītisamuṭṭhitā chabbaṇṇā buddharasmiyo ratanaghare viya nicchariṃsu eva. ‘‘Huṃhu’’nti karontoti ‘‘sabbe hīnajātikā maṃ mā upagacchantū’’ti mānavasena, samīpaṃ upagatesu kodhavasena ca ‘‘apethā’’ti adhippāyanicchāritaṃ huṃhuṃkāraṃ karonto.
ബ്രഹ്മഞ്ഞന്തി ബ്രാഹ്മണത്തം. അന്തന്തി നിബ്ബാനം. ദേവാനം വാ അന്തന്തി മഗ്ഗഞാണാനം വാ അന്തഭൂതം അരഹത്തഫലം.
Brahmaññanti brāhmaṇattaṃ. Antanti nibbānaṃ. Devānaṃ vā antanti maggañāṇānaṃ vā antabhūtaṃ arahattaphalaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൨. അജപാലകഥാ • 2. Ajapālakathā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / അജപാലകഥാ • Ajapālakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / അജപാലകഥാവണ്ണനാ • Ajapālakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അജപാലകഥാവണ്ണനാ • Ajapālakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨. അജപാലകഥാ • 2. Ajapālakathā
