| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
аж̇аад̇асад̇д̇угумааравад̇т̇у
Ajātasattukumāravatthu
339. ат̇а ко д̣̇звад̣̇ад̇д̇о язна аж̇аад̇асад̇д̇у гумааро д̇знубасан̇гами, убасан̇гамид̇ваа аж̇аад̇асад̇д̇ум̣ гумаарам̣ зд̇ад̣̇авожа – ‘‘буб̣б̣з ко, гумаара, мануссаа д̣̇ийгхааяугаа, зд̇арахи аббааяугаа. таанам̣ ко банзд̇ам̣ виж̇ж̇ад̇и яам̣ д̇вам̣ гумаарова самаано гаалам̣ гарзяяааси. д̇зна хи д̇вам̣, гумаара, бид̇арам̣ ханд̇ваа рааж̇аа хохи. ахам̣ бхаг̇аванд̇ам̣ ханд̇ваа б̣уд̣̇д̇хо бхависсаамий’’д̇и.
339. Atha kho devadatto yena ajātasattu kumāro tenupasaṅkami, upasaṅkamitvā ajātasattuṃ kumāraṃ etadavoca – ‘‘pubbe kho, kumāra, manussā dīghāyukā, etarahi appāyukā. Ṭhānaṃ kho panetaṃ vijjati yaṃ tvaṃ kumārova samāno kālaṃ kareyyāsi. Tena hi tvaṃ, kumāra, pitaraṃ hantvā rājā hohi. Ahaṃ bhagavantaṃ hantvā buddho bhavissāmī’’ti.
ат̇а ко аж̇аад̇асад̇д̇у гумааро – аяяо ко д̣̇звад̣̇ад̇д̇о махид̣̇д̇хиго махаанубхааво, ж̇аанзяяааси аяяо д̣̇звад̣̇ад̇д̇од̇и – ууруяаа бод̇т̇анигам̣ б̣анд̇хид̇ваа д̣̇иваа д̣̇ивасса 1 бхийд̇о уб̣б̣иг̇г̇о уссан̇гий уд̇расд̇о сахасаа анд̇збурам̣ баависи. ад̣̇д̣̇асаасум̣ ко анд̇збурз убажаарагаа махаамад̇д̇аа аж̇аад̇асад̇д̇ум̣ гумаарам̣ д̣̇иваа д̣̇ивасса бхийд̇ам̣ уб̣б̣иг̇г̇ам̣ уссан̇гим̣ уд̇расд̇ам̣ сахасаа анд̇збурам̣ бависанд̇ам̣; д̣̇исваана аг̇г̇ахзсум̣. д̇з вижинанд̇аа ууруяаа бод̇т̇анигам̣ б̣ад̣̇д̇хам̣ 2 д̣̇исваана аж̇аад̇асад̇д̇ум̣ гумаарам̣ зд̇ад̣̇авожум̣ – ‘‘гим̣ д̇вам̣, гумаара, гад̇д̇угаамосий’’д̇и? ‘‘бид̇арамхи ханд̇угаамо’’д̇и. ‘‘гзнааси уссаахид̇о’’д̇и? ‘‘аяязна д̣̇звад̣̇ад̇д̇знаа’’д̇и. згажжз махаамад̇д̇аа звам̣ мад̇им̣ агам̣су – ‘‘гумааро жа ханд̇аб̣б̣о, д̣̇звад̣̇ад̇д̇о жа, саб̣б̣з жа бхигкуу ханд̇аб̣б̣аа’’д̇и. згажжз махаамад̇д̇аа звам̣ мад̇им̣ агам̣су – ‘‘на бхигкуу ханд̇аб̣б̣аа. на бхигкуу гин̃жи абараж̇жханд̇и. гумааро жа ханд̇аб̣б̣о, д̣̇звад̣̇ад̇д̇о жаа’’д̇и. згажжз махаамад̇д̇аа звам̣ мад̇им̣ агам̣су – ‘‘на гумааро жа ханд̇аб̣б̣о, на д̣̇звад̣̇ад̇д̇о. на бхигкуу ханд̇аб̣б̣аа. ран̃н̃о аарожзд̇аб̣б̣ам̣. яат̇аа рааж̇аа вагкад̇и д̇ат̇аа гариссаамаа’’д̇и.
Atha kho ajātasattu kumāro – ayyo kho devadatto mahiddhiko mahānubhāvo, jāneyyāsi ayyo devadattoti – ūruyā potthanikaṃ bandhitvā divā divassa 3 bhīto ubbiggo ussaṅkī utrasto sahasā antepuraṃ pāvisi. Addasāsuṃ kho antepure upacārakā mahāmattā ajātasattuṃ kumāraṃ divā divassa bhītaṃ ubbiggaṃ ussaṅkiṃ utrastaṃ sahasā antepuraṃ pavisantaṃ; disvāna aggahesuṃ. Te vicinantā ūruyā potthanikaṃ baddhaṃ 4 disvāna ajātasattuṃ kumāraṃ etadavocuṃ – ‘‘kiṃ tvaṃ, kumāra, kattukāmosī’’ti? ‘‘Pitaramhi hantukāmo’’ti. ‘‘Kenāsi ussāhito’’ti? ‘‘Ayyena devadattenā’’ti. Ekacce mahāmattā evaṃ matiṃ akaṃsu – ‘‘kumāro ca hantabbo, devadatto ca, sabbe ca bhikkhū hantabbā’’ti. Ekacce mahāmattā evaṃ matiṃ akaṃsu – ‘‘na bhikkhū hantabbā. Na bhikkhū kiñci aparajjhanti. Kumāro ca hantabbo, devadatto cā’’ti. Ekacce mahāmattā evaṃ matiṃ akaṃsu – ‘‘na kumāro ca hantabbo, na devadatto. Na bhikkhū hantabbā. Rañño ārocetabbaṃ. Yathā rājā vakkhati tathā karissāmā’’ti.
ат̇а ко д̇з махаамад̇д̇аа аж̇аад̇асад̇д̇ум̣ гумаарам̣ аад̣̇ааяа язна рааж̇аа мааг̇ад̇хо сзнияо б̣имб̣исааро д̇знубасан̇гамим̣су , убасан̇гамид̇ваа ран̃н̃о мааг̇ад̇хасса сзнияасса б̣имб̣исаарасса зд̇амад̇т̇ам̣ аарожзсум̣ . ‘‘гат̇ам̣, бхан̣з, махаамад̇д̇зхи мад̇и гад̇аа’’д̇и? ‘‘згажжз, д̣̇зва, махаамад̇д̇аа звам̣ мад̇им̣ агам̣су – ‘гумааро жа ханд̇аб̣б̣о, д̣̇звад̣̇ад̇д̇о жа, саб̣б̣з жа бхигкуу ханд̇аб̣б̣аа’д̇и. згажжз махаамад̇д̇аа звам̣ мад̇им̣ агам̣су – ‘на бхигкуу ханд̇аб̣б̣аа. на бхигкуу гин̃жи абараж̇жханд̇и. гумааро жа ханд̇аб̣б̣о, д̣̇звад̣̇ад̇д̇о жаа’д̇и. згажжз махаамад̇д̇аа звам̣ мад̇им̣ агам̣су – ‘на гумааро жа ханд̇аб̣б̣о, на д̣̇звад̣̇ад̇д̇о. на бхигкуу ханд̇аб̣б̣аа. ран̃н̃о аарожзд̇аб̣б̣ам̣. яат̇аа рааж̇аа вагкад̇и д̇ат̇аа гариссаамаа’’’д̇и. ‘‘гим̣, бхан̣з, гариссад̇и б̣уд̣̇д̇хо ваа д̇хаммо ваа сан̇гхо ваа? нану бхаг̇авад̇аа бадигажжзва д̣̇звад̣̇ад̇д̇о рааж̇аг̇ахз багаасаабид̇о – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’’д̇и? д̇ад̇т̇а яз д̇з махаамад̇д̇аа звам̣ мад̇им̣ агам̣су – ‘гумааро жа ханд̇аб̣б̣о д̣̇звад̣̇ад̇д̇о жа; саб̣б̣з жа бхигкуу ханд̇аб̣б̣аа’д̇и; д̇з адтаанз агааси. яз д̇з махаамад̇д̇аа звам̣ мад̇им̣ агам̣су – ‘на бхигкуу ханд̇аб̣б̣аа; на бхигкуу гин̃жи абараж̇жханд̇и; гумааро жа ханд̇аб̣б̣о д̣̇звад̣̇ад̇д̇о жаа’д̇и; д̇з нийжз таанз табзси. яз д̇з махаамад̇д̇аа звам̣ мад̇им̣ агам̣су – ‘на гумааро жа ханд̇аб̣б̣о, на д̣̇звад̣̇ад̇д̇о; на бхигкуу ханд̇аб̣б̣аа; ран̃н̃о аарожзд̇аб̣б̣ам̣; яат̇аа рааж̇аа вагкад̇и д̇ат̇аа гариссаамаа’д̇и; д̇з ужжз таанз табзси. ат̇а ко рааж̇аа мааг̇ад̇хо сзнияо б̣имб̣исааро аж̇аад̇асад̇д̇ум̣ гумаарам̣ зд̇ад̣̇авожа – ‘‘гисса мам̣ д̇вам̣, гумаара, ханд̇угаамосий’’д̇и? ‘‘раж̇ж̇знаамхи, д̣̇зва, ад̇т̇иго’’д̇и. ‘‘сажз ко д̇вам̣, гумаара, раж̇ж̇зна ад̇т̇иго, зд̇ам̣ д̇з раж̇ж̇а’’нд̇и аж̇аад̇асад̇д̇усса гумаарасса раж̇ж̇ам̣ нияяаад̣̇зси.
Atha kho te mahāmattā ajātasattuṃ kumāraṃ ādāya yena rājā māgadho seniyo bimbisāro tenupasaṅkamiṃsu , upasaṅkamitvā rañño māgadhassa seniyassa bimbisārassa etamatthaṃ ārocesuṃ . ‘‘Kathaṃ, bhaṇe, mahāmattehi mati katā’’ti? ‘‘Ekacce, deva, mahāmattā evaṃ matiṃ akaṃsu – ‘kumāro ca hantabbo, devadatto ca, sabbe ca bhikkhū hantabbā’ti. Ekacce mahāmattā evaṃ matiṃ akaṃsu – ‘na bhikkhū hantabbā. Na bhikkhū kiñci aparajjhanti. Kumāro ca hantabbo, devadatto cā’ti. Ekacce mahāmattā evaṃ matiṃ akaṃsu – ‘na kumāro ca hantabbo, na devadatto. Na bhikkhū hantabbā. Rañño ārocetabbaṃ. Yathā rājā vakkhati tathā karissāmā’’’ti. ‘‘Kiṃ, bhaṇe, karissati buddho vā dhammo vā saṅgho vā? Nanu bhagavatā paṭikacceva devadatto rājagahe pakāsāpito – ‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’’ti? Tattha ye te mahāmattā evaṃ matiṃ akaṃsu – ‘kumāro ca hantabbo devadatto ca; sabbe ca bhikkhū hantabbā’ti; te aṭṭhāne akāsi. Ye te mahāmattā evaṃ matiṃ akaṃsu – ‘na bhikkhū hantabbā; na bhikkhū kiñci aparajjhanti; kumāro ca hantabbo devadatto cā’ti; te nīce ṭhāne ṭhapesi. Ye te mahāmattā evaṃ matiṃ akaṃsu – ‘na kumāro ca hantabbo, na devadatto; na bhikkhū hantabbā; rañño ārocetabbaṃ; yathā rājā vakkhati tathā karissāmā’ti; te ucce ṭhāne ṭhapesi. Atha kho rājā māgadho seniyo bimbisāro ajātasattuṃ kumāraṃ etadavoca – ‘‘kissa maṃ tvaṃ, kumāra, hantukāmosī’’ti? ‘‘Rajjenāmhi, deva, atthiko’’ti. ‘‘Sace kho tvaṃ, kumāra, rajjena atthiko, etaṃ te rajja’’nti ajātasattussa kumārassa rajjaṃ niyyādesi.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жасад̇т̇угат̇ааван̣н̣анаа • Pañcasatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / часагяабаб̣б̣аж̇ж̇аагат̇аад̣̇иван̣н̣анаа • Chasakyapabbajjākathādivaṇṇanā
