| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៦. អជាតសុត្តំ
6. Ajātasuttaṃ
៤៣. វុត្តញ្ហេតំ ភគវតា, វុត្តមរហតាតិ មេ សុតំ –
43. Vuttañhetaṃ bhagavatā, vuttamarahatāti me sutaṃ –
‘‘អត្ថិ, ភិក្ខវេ , អជាតំ អភូតំ អកតំ អសង្ខតំ។ នោ ចេតំ, ភិក្ខវេ, អភវិស្ស អជាតំ អភូតំ អកតំ អសង្ខតំ, នយិធ ជាតស្ស ភូតស្ស កតស្ស សង្ខតស្ស និស្សរណំ បញ្ញាយេថ។ យស្មា ច ខោ, ភិក្ខវេ, អត្ថិ អជាតំ អភូតំ អកតំ អសង្ខតំ, តស្មា ជាតស្ស ភូតស្ស កតស្ស សង្ខតស្ស និស្សរណំ បញ្ញាយតី’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Atthi, bhikkhave , ajātaṃ abhūtaṃ akataṃ asaṅkhataṃ. No cetaṃ, bhikkhave, abhavissa ajātaṃ abhūtaṃ akataṃ asaṅkhataṃ, nayidha jātassa bhūtassa katassa saṅkhatassa nissaraṇaṃ paññāyetha. Yasmā ca kho, bhikkhave, atthi ajātaṃ abhūtaṃ akataṃ asaṅkhataṃ, tasmā jātassa bhūtassa katassa saṅkhatassa nissaraṇaṃ paññāyatī’’ti. Etamatthaṃ bhagavā avoca. Tatthetaṃ iti vuccati –
‘‘ជាតំ ភូតំ សមុប្បន្នំ, កតំ សង្ខតមទ្ធុវំ;
‘‘Jātaṃ bhūtaṃ samuppannaṃ, kataṃ saṅkhatamaddhuvaṃ;
‘‘អាហារនេត្តិប្បភវំ, នាលំ តទភិនន្ទិតុំ;
‘‘Āhāranettippabhavaṃ, nālaṃ tadabhinandituṃ;
តស្ស និស្សរណំ សន្តំ, អតក្កាវចរំ ធុវំ។
Tassa nissaraṇaṃ santaṃ, atakkāvacaraṃ dhuvaṃ.
‘‘អជាតំ អសមុប្បន្នំ, អសោកំ វិរជំ បទំ;
‘‘Ajātaṃ asamuppannaṃ, asokaṃ virajaṃ padaṃ;
និរោធោ ទុក្ខធម្មានំ, សង្ខារូបសមោ សុខោ’’តិ។
Nirodho dukkhadhammānaṃ, saṅkhārūpasamo sukho’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ ឆដ្ឋំ។
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៦. អជាតសុត្តវណ្ណនា • 6. Ajātasuttavaṇṇanā
