| Library / Tipiṭaka / තිපිටක • Tipiṭaka / ඉතිවුත්‌තකපාළි • Itivuttakapāḷi |
6. අජාතසුත්‌තං
6. Ajātasuttaṃ
43. වුත්‌තඤ්‌හෙතං භගවතා, වුත්‌තමරහතාති මෙ සුතං –
43. Vuttañhetaṃ bhagavatā, vuttamarahatāti me sutaṃ –
‘‘අත්‌ථි, භික්‌ඛවෙ , අජාතං අභූතං අකතං අසඞ්‌ඛතං. නො චෙතං, භික්‌ඛවෙ, අභවිස්‌ස අජාතං අභූතං අකතං අසඞ්‌ඛතං, නයිධ ජාතස්‌ස භූතස්‌ස කතස්‌ස සඞ්‌ඛතස්‌ස නිස්‌සරණං පඤ්‌ඤායෙථ. යස්‌මා ච ඛො, භික්‌ඛවෙ, අත්‌ථි අජාතං අභූතං අකතං අසඞ්‌ඛතං, තස්‌මා ජාතස්‌ස භූතස්‌ස කතස්‌ස සඞ්‌ඛතස්‌ස නිස්‌සරණං පඤ්‌ඤායතී’’ති. එතමත්‌ථං භගවා අවොච. තත්‌ථෙතං ඉති වුච්‌චති –
‘‘Atthi, bhikkhave , ajātaṃ abhūtaṃ akataṃ asaṅkhataṃ. No cetaṃ, bhikkhave, abhavissa ajātaṃ abhūtaṃ akataṃ asaṅkhataṃ, nayidha jātassa bhūtassa katassa saṅkhatassa nissaraṇaṃ paññāyetha. Yasmā ca kho, bhikkhave, atthi ajātaṃ abhūtaṃ akataṃ asaṅkhataṃ, tasmā jātassa bhūtassa katassa saṅkhatassa nissaraṇaṃ paññāyatī’’ti. Etamatthaṃ bhagavā avoca. Tatthetaṃ iti vuccati –
‘‘ජාතං භූතං සමුප්‌පන්‌නං, කතං සඞ්‌ඛතමද්‌ධුවං;
‘‘Jātaṃ bhūtaṃ samuppannaṃ, kataṃ saṅkhatamaddhuvaṃ;
‘‘ආහාරනෙත්‌තිප්‌පභවං, නාලං තදභිනන්‌දිතුං;
‘‘Āhāranettippabhavaṃ, nālaṃ tadabhinandituṃ;
තස්‌ස නිස්‌සරණං සන්‌තං, අතක්‌කාවචරං ධුවං.
Tassa nissaraṇaṃ santaṃ, atakkāvacaraṃ dhuvaṃ.
‘‘අජාතං අසමුප්‌පන්‌නං, අසොකං විරජං පදං;
‘‘Ajātaṃ asamuppannaṃ, asokaṃ virajaṃ padaṃ;
නිරොධො දුක්‌ඛධම්‌මානං, සඞ්‌ඛාරූපසමො සුඛො’’ති.
Nirodho dukkhadhammānaṃ, saṅkhārūpasamo sukho’’ti.
අයම්‌පි අත්‌ථො වුත්‌තො භගවතා, ඉති මෙ සුතන්‌ති. ඡට්‌ඨං.
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඉතිවුත්‌තක-අට්‌ඨකථා • Itivuttaka-aṭṭhakathā / 6. අජාතසුත්‌තවණ්‌ණනා • 6. Ajātasuttavaṇṇanā
