| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. อชินทายกเตฺถรอปทานํ
2. Ajinadāyakattheraapadānaṃ
๖.
6.
‘‘เอกตฺติํเส อิโต กเปฺป, คณสตฺถารโก อหํ;
‘‘Ekattiṃse ito kappe, gaṇasatthārako ahaṃ;
อทฺทสํ วิรชํ พุทฺธํ, อาหุตีนํ ปฎิคฺคหํฯ
Addasaṃ virajaṃ buddhaṃ, āhutīnaṃ paṭiggahaṃ.
๗.
7.
‘‘จมฺมขณฺฑํ มยา ทินฺนํ, สิขิโน โลกพนฺธุโน;
‘‘Cammakhaṇḍaṃ mayā dinnaṃ, sikhino lokabandhuno;
เตน กเมฺมน ทฺวิปทินฺท, โลกเชฎฺฐ นราสภฯ
Tena kammena dvipadinda, lokajeṭṭha narāsabha.
๘.
8.
‘‘สมฺปตฺติํ อนุโภตฺวาน, กิเลเส ฌาปยิํ อหํ;
‘‘Sampattiṃ anubhotvāna, kilese jhāpayiṃ ahaṃ;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๙.
9.
‘‘เอกตฺติํเส อิโต กเปฺป, อชินํ ยํ อทาสหํ;
‘‘Ekattiṃse ito kappe, ajinaṃ yaṃ adāsahaṃ;
ทุคฺคติํ นาภิชานามิ, อชินสฺส อิทํ ผลํฯ
Duggatiṃ nābhijānāmi, ajinassa idaṃ phalaṃ.
๑๐.
10.
‘‘อิโต ปญฺจมเก กเปฺป, ราชา อาสิํ สุทายโก;
‘‘Ito pañcamake kappe, rājā āsiṃ sudāyako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๑๑.
11.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อชินทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā ajinadāyako thero imā gāthāyo abhāsitthāti.
อชินทายกเตฺถรสฺสาปทานํ ทุติยํฯ
Ajinadāyakattherassāpadānaṃ dutiyaṃ.
