| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. අජිනදායකත්‌ථෙරඅපදානං
2. Ajinadāyakattheraapadānaṃ
6.
6.
‘‘එකත්‌තිංසෙ ඉතො කප්‌පෙ, ගණසත්‌ථාරකො අහං;
‘‘Ekattiṃse ito kappe, gaṇasatthārako ahaṃ;
අද්‌දසං විරජං බුද්‌ධං, ආහුතීනං පටිග්‌ගහං.
Addasaṃ virajaṃ buddhaṃ, āhutīnaṃ paṭiggahaṃ.
7.
7.
‘‘චම්‌මඛණ්‌ඩං මයා දින්‌නං, සිඛිනො ලොකබන්‌ධුනො;
‘‘Cammakhaṇḍaṃ mayā dinnaṃ, sikhino lokabandhuno;
තෙන කම්‌මෙන ද්‌විපදින්‌ද, ලොකජෙට්‌ඨ නරාසභ.
Tena kammena dvipadinda, lokajeṭṭha narāsabha.
8.
8.
‘‘සම්‌පත්‌තිං අනුභොත්‌වාන, කිලෙසෙ ඣාපයිං අහං;
‘‘Sampattiṃ anubhotvāna, kilese jhāpayiṃ ahaṃ;
ධාරෙමි අන්‌තිමං දෙහං, සම්‌මාසම්‌බුද්‌ධසාසනෙ.
Dhāremi antimaṃ dehaṃ, sammāsambuddhasāsane.
9.
9.
‘‘එකත්‌තිංසෙ ඉතො කප්‌පෙ, අජිනං යං අදාසහං;
‘‘Ekattiṃse ito kappe, ajinaṃ yaṃ adāsahaṃ;
දුග්‌ගතිං නාභිජානාමි, අජිනස්‌ස ඉදං ඵලං.
Duggatiṃ nābhijānāmi, ajinassa idaṃ phalaṃ.
10.
10.
‘‘ඉතො පඤ්‌චමකෙ කප්‌පෙ, රාජා ආසිං සුදායකො;
‘‘Ito pañcamake kappe, rājā āsiṃ sudāyako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
11.
11.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා අජිනදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ajinadāyako thero imā gāthāyo abhāsitthāti.
අජිනදායකත්‌ථෙරස්‌සාපදානං දුතියං.
Ajinadāyakattherassāpadānaṃ dutiyaṃ.
