| Library / Tipiṭaka / තිපිටක • Tipiṭaka / චූළනිද්‌දෙසපාළි • Cūḷaniddesapāḷi |
1. අජිතමාණවපුච්‌ඡා
1. Ajitamāṇavapucchā
57.
57.
‘‘කෙනස්‌සු නිවුතො ලොකො, [ඉච්‌චායස්‌මා අජිතො]
‘‘Kenassu nivuto loko, [iccāyasmā ajito]
කෙනස්‌සු නප්‌පකාසති;
Kenassu nappakāsati;
කිස්‌සාභිලෙපනං බ්‍රූසි, කිංසු තස්‌ස මහබ්‌භයං’’.
Kissābhilepanaṃ brūsi, kiṃsu tassa mahabbhayaṃ’’.
58.
58.
‘‘අවිජ්‌ජාය නිවුතො ලොකො, [අජිතාති භගවා]
‘‘Avijjāya nivuto loko, [ajitāti bhagavā]
වෙවිච්‌ඡා පමාදා නප්‌පකාසති;
Vevicchā pamādā nappakāsati;
ජප්‌පාභිලෙපනං බ්‍රූමි, දුක්‌ඛමස්‌ස මහබ්‌භයං’’.
Jappābhilepanaṃ brūmi, dukkhamassa mahabbhayaṃ’’.
59.
59.
‘‘සවන්‌ති සබ්‌බධි සොතා, [ඉච්‌චායස්‌මා අජිතො]
‘‘Savanti sabbadhi sotā, [iccāyasmā ajito]
සොතානං කිං නිවාරණං;
Sotānaṃ kiṃ nivāraṇaṃ;
සොතානං සංවරං බ්‍රූහි, කෙන සොතා පිධිය්‍යරෙ’’.
Sotānaṃ saṃvaraṃ brūhi, kena sotā pidhiyyare’’.
60.
60.
‘‘යානි සොතානි ලොකස්‌මිං, [අජිතාති භගවා]
‘‘Yāni sotāni lokasmiṃ, [ajitāti bhagavā]
සති තෙසං නිවාරණං;
Sati tesaṃ nivāraṇaṃ;
සොතානං සංවරං බ්‍රූමි, පඤ්‌ඤායෙතෙ පිධිය්‍යරෙ’’.
Sotānaṃ saṃvaraṃ brūmi, paññāyete pidhiyyare’’.
61.
61.
නාමරූපඤ්‌ච මාරිස;
Nāmarūpañca mārisa;
එතං මෙ පුට්‌ඨො පබ්‍රූහි, කත්‌ථෙතං උපරුජ්‌ඣති’’.
Etaṃ me puṭṭho pabrūhi, katthetaṃ uparujjhati’’.
62.
62.
‘‘යමෙතං පඤ්‌හං අපුච්‌ඡි, අජිත තං වදාමි තෙ;
‘‘Yametaṃ pañhaṃ apucchi, ajita taṃ vadāmi te;
යත්‌ථ නාමඤ්‌ච රූපඤ්‌ච, අසෙසං උපරුජ්‌ඣති;
Yattha nāmañca rūpañca, asesaṃ uparujjhati;
විඤ්‌ඤාණස්‌ස නිරොධෙන, එත්‌ථෙතං උපරුජ්‌ඣති’’.
Viññāṇassa nirodhena, etthetaṃ uparujjhati’’.
63.
63.
තෙසං මෙ නිපකො ඉරියං, පුට්‌ඨො පබ්‍රූහි මාරිස’’.
Tesaṃ me nipako iriyaṃ, puṭṭho pabrūhi mārisa’’.
64.
64.
‘‘කාමෙසු නාභිගිජ්‌ඣෙය්‍ය, මනසානාවිලො සියා;
‘‘Kāmesu nābhigijjheyya, manasānāvilo siyā;
කුසලො සබ්‌බධම්‌මානං, සතො භික්‌ඛු පරිබ්‌බජෙ’’ති.
Kusalo sabbadhammānaṃ, sato bhikkhu paribbaje’’ti.
අජිතමාණවපුච්‌ඡා පඨමා.
Ajitamāṇavapucchā paṭhamā.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / චූළනිද්‌දෙස-අට්‌ඨකථා • Cūḷaniddesa-aṭṭhakathā / 1. අජිතමාණවසුත්‌තනිද්‌දෙසවණ්‌ණනා • 1. Ajitamāṇavasuttaniddesavaṇṇanā
